ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵙⵜⴻⵇⴱⴻⵍ ⵜⴰⵎⵙⴻⵍⵡⴰⵢⵜ ⵏ ⵜⵏⴻⴱⴷⴰⴷⵜ ⵜⵓⵏⵏⵉⴳⵜ ⵏ ⵜⴼⴰⵡⵜ ⴷ ⵓⵃⴰⴷⴰⵔ ⵎⴳⴰⵍ ⵜⴰⴽⴻⵔⴹⴰ ⵏ ⵡⴻⴷⵔⵉⵎ, ⵎⴰⵙⵙⴰ ⵙⴰⵍⵉⵎⴰ ⵎⴻⵙⵔⴰⵜⵉ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵜⴰⵔⴱⴰⵄⵜ ⵏ ⵢⵉⵎⴻⵙⵍⴻⵢⴻⵏ ⵏ ⵍⵄⴻⵙⴽⴻⵔ ⵏ ⵓⴱⵔⵉⴷ (ⴷⵔⴻⴽ ⴰⵖⴻⵍⵏⴰⵡ).
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵎⴻⵔⵙⴻⵍⵜ-ⴰⴳⵉ, ⵜⵉⵎⵍⵉⵍⵉⵜ-ⴰⴳⵉ ⵜⴻⴹⵔⴰ-ⴷ ⴷⴻⴳ ⵡⴰⵏⵏⴰⵔ ⵏ ⵜⵎⴰⵖⵓⵏⵜ ⵢⴻⵍⵍⴰⵏ ⴳⴰⵔ ⵙⵏⴰⵜ ⵏ ⵜⵎⴻⵔⵙⴻⵍⵉⵏ, ⵉ ⵢⴻⴱⵯⴰⵏ ⴰⴷ ⵙⵊⴻⵀⴷⴻⵏⵜ ⴰⵎⵢⴻⵍⵍⴻⵍ ⴷ ⵓⵙⴻⴳⴳⴻⵎ ⴷⴻⴳ ⵓⵃⴰⴷⴰⵔ ⴷ ⵓⵎⴻⵏⵏⵓⵖ ⵎⴳⴰⵍ ⵜⴰⴽⴻⵔⴹⴰ ⵏ ⵡⴻⴷⵔⵉⵎ ⴰⵖⴻⵍⵏⴰⵡ.
ⵎⴰⵙⵙⴰ ⵎⴻⵙⵔⴰⵜⵉ ⵜⴻⴼⴽⴰ ⴰⵣⴰⵍ ⴰⵎⴻⵇⵇⵔⴰⵏ ⵉ ⵍⴻⵇⴷⵉⵛ-ⴰⴳⵉ ⵉ ⵢⴻⵙⵊⴻⵀⵉⴷⴻⵏ ⴰⵎⵢⴻⵍⵍⴻⵍ ⴳⴰⵔ ⵜⵎⴻⵔⵙⴻⵍⵉⵏ ⵏ ⵓⵡⴰⵏⴰⴽ ⴷ ⵡⵉⴷ ⵉⵅⴻⴷⴷⵎⴻⵏ ⵍⵇⴰⵏⵓⵏ. ⵢⴻⵏⵏⴰ-ⴷ ⵡⴰⵍⵖⵓ-ⵏⵏⵉ ⴱⴻⵍⵍⵉ ⴰⵢⴰ ⴰⴷ ⵢⴻⴼⴽ ⵜⴰⴳⵏⵉⵜ ⵉ ⵡⴰⴽⴽⴻⵏ ⴰⴷ ⴷⴷⵓⴽⴽⵍⴻⵏ ⴷⴻⴳ ⵓⵃⴰⴷⴰⵔ ⵏ ⵡⴻⴷⵔⵉⵎ ⵏ ⵜⵎⵓⵔⵜ.
ⴷⴻⴳ ⵜⵎⵍⵉⵍⵉⵜ-ⴰⴳⵉ, ⵜⴰⵔⴱⴰⵄⵜ ⵏ ⵍⵄⴻⵙⴽⴻⵔ ⵏ ⵓⴱⵔⵉⴷ ⵜⴻⵙⵍⴰ ⵖⴻⵔ ⵢⵉⵙⴻⴼⵔⴻⵯⵏ ⵉ ⴷ-ⵢⴻⴼⴽⴰ ⵓⵎⵙⴻⵍⵡⴰⵢ ⵏ ⵓⵃⵔⵉⵛ ⵢⴻⵔⵣⴰⵏ ⴰⵏⴰⴷⵉ ⵏ ⵡⴻⴷⵔⵉⵎ ⴷ ⵜⵔⴻⵣⵡⴰ ⵏ ⵢⵉⵅⴻⴷⴷⴰⵎⴻⵏ, ⵎⴰⵙⵙ ⵎⴰⵔⵡⴰⵏ ⴱⴻⵏ ⵔⴰⵃⵎⵓⵏ, ⴷ ⵜⵎⴰⵔⵉⵜ ⵏ ⵓⵏⴻⴱⴷⴰⴷ ⵏ ⵜⵏⴻⴱⴷⴰⴷⵜ ⵜⵓⵏⵏⵉⴳⵜ, ⵎⴰⵙⵙⴰ ⵏⴰⵙⵉⵎⴰ ⵃⴻⵏⵏⴰⴼⵉ. ⵙⵙⴰⵡⵍⴻⵏ ⵖⴻⴼ ⵍⴻⵇⴷⵉⵛ ⴷ ⵢⵉⵣⴻⵔⴼⴰⵏ ⵏ ⵜⵏⴻⴱⴷⴰⴷⵜ ⵜⵓⵏⵏⵉⴳⵜ, ⴷ ⵡⴰⵎⴻⴽ ⵢⴻⵜⵜⵡⴰⵍⵉ ⵍⵇⴰⵏⵓⵏ 06-01 ⵜⵉⵎⵙⴰⵍ ⵏ ⵜⴰⴽⴻⵔⴹⴰ ⵏ ⵡⴻⴷⵔⵉⵎ.
ⴰⵎ ⵢⴻⴽⴽⴰ ⵍⵇⴰⴷ, ⵢⴻⵍⵍⴰ-ⴷ ⵢⵉⵡⴻⵏ ⵓⵙⴻⴼⵔⴻⵯ ⵢⴻⵛⵛⵓⵔⴻⵏ ⵖⴻⴼ ⵡⴰⵎⴻⴽ ⵉⵅⴻⴷⴷⴻⵎ ⵓⵃⵔⵉⵛ ⵏ ⵓⵏⴰⴷⵉ ⵏ ⵡⴻⴷⵔⵉⵎ ⴷ ⵡⴻⴷⵔⵉⵎ ⵉ ⴷ-ⵢⴻⵜⵜⴰⵙⴻⵏ ⵙ ⵍⴱⴰⵟⴻⵍ. ⴰⵢⴰ ⵢⴻⵍⵍⴰ-ⴷ ⵉ ⵡⴰⴽⴽⴻⵏ ⴰⴷ ⵢⵉⵍⵉ ⵓⴱⴻⴷⴷⴻⵍ ⵏ ⵜⵎⵓⵙⵏⵉⵡⵉⵏ ⴳⴰⵔ ⵢⵉⴳⵔⴰⵡⴻⵏ-ⴰⴳⵉ ⵢⴻⵅⴷⴻⵎⴻⵏ ⵖⴻⴼ ⵍⴰⵎⴰⵏ ⴷ ⵓⵃⴰⴷⴰⵔ ⵏ ⵜⴷⴰⵎⵙⴰ ⵏ ⵜⵎⵓⵔⵜ.
ⴰⵔⵏⵓ ⵖⴻⵔ
