ⴰⵙⴰⵏⴷⵓ ⴰⵖⴻⵍⵏⴰⵡ ⵏ ⵜⵎⴰⵏⵉⵜ ⵜⴰⵎⴻⵜⵜⵉⵜ ⵏ ⵢⵉⵅⴻⴷⴷⴰⵎⴻⵏ (CNAS) ⵉⵅⴻⴱⴱⴻⵔ-ⴷ ⴱⴻⵍⵍⵉ ⵢⴻⵔⵙ-ⴷ ⵓⵎⴻⵥⵍⵓ ⴰⵎⴰⵢⵏⵓⵜ ⵉ ⵢⵉⵎⵄⴻⵍⵎⵉⵏ (ⵉⵕⴱⴰⴱ ⵏ ⵍⵅⵉⴹⵎⴰ), ⴰⵢⴰ ⴷ ⵡⵉⵏ ⵉ ⴷ-ⵢⵓⵙⴰⵏ ⴷⴻⴳ ⵓⴱⵔⵉⴷ ⵏ ⵓⵔⵇⴻⵎ ⴷ ⵓⵙⵉⵣⴷⴻⴳ ⵏ ⵜⵜⴰⵡⵉⵍⴰⵜ ⵏ ⵓⵅⴻⵍⵍⴻⵙ ⴷ ⵓⵙⵏⴻⵔⵏⵉ ⵏ ⵍⴻⵡⵇⴰⵎ ⵏ ⵢⵉⵎⴻⵥⵍⴰ. ⴰⵢⴰⴳⵉ ⴷ ⵜⵓⴽⴽⵙⵉ ⵜⴰⵡⵜⵓⵎⴰⵜⵉⵜ ⵏ ⵜⵎⴻⵔⵏⵉⵢⵉⵏ ⵏ ⵍⴰⵎⴰⵏ ⴰⵎⴻⵜⵜⵉ.
ⴰⵙⴰⵏⴷⵓ-ⴰⴳⵉ ⵢⴻⵏⵏⴰ-ⴷ ⴷⴻⴳ ⵓⵏⴻⴱⴱⵉⵜ-ⵉⵙ ⵏ ⵡⴰⵙⵙ-ⴰ ⵏ ⵍⵃⴻⴷ, ⴱⴻⵍⵍⵉ ⴰⵎⴻⵥⵍⵓ-ⴰⴳⵉ ⴰⴷ ⵢⴻǧǧ ⵉⵎⵄⴻⵍⵎⵉⵏ ⴰⴷ ⵅⴻⵍⵍⵙⴻⵏ ⴷⴻⴳ ⵡⴰⴽⵓⴷ ⵉⵢⵍⴰ, ⵉⵡⴰⴽⴽⴻⵏ ⵓⵔ ⴷ-ⵜⵜⴰⵙⴻⵏ ⴰⵔⴰ ⴼⴻⵍⵍ-ⴰⵙⴻⵏ ⵍⴻⵅⵟⵉⵢⵢⴰⵜ ⵏⴻⵖ ⵜⵎⴻⵔⵏⵉⵢⵉⵏ ⵏ ⵓⵄⴻⵟⵟⴻⵍ, ⵢⴻⵔⵏⴰ ⴰⴷ ⵢⵉⵍⵉ ⵓⵏⴳⴰⵔ ⴳⴻⵔ ⵡⴰⵢⴻⵏ ⵉ ⴷ-ⵛⴻⵀⴷⴻⵏ ⴷ ⵡⴰⵢⴻⵏ ⵅⴻⵍⵍⵙⴻⵏ.
ⴰⵎⴻⵥⵍⵓ-ⴰⴳⵉ ⴰⴷ ⵉⵙⵙⵀⵉⵍ ⴷⴰⵖⴻⵏ ⴰⴹⴼⴰⵔ ⵏ ⵜⵉⴳⴳⴰⵡⵉⵏ ⵏ ⵓⵅⴻⵍⵍⴻⵙ ⵏ ⵜⵎⴻⵔⵏⵉⵢⵉⵏ ⵙ ⵜⵖⴰⵡⵍⴰ ⴷ ⵍⴰⵎⴰⵏ, ⵢⴻⵔⵏⴰ ⵓⵔ ⴷ-ⵜⴻⵇⵇⵉⵎ ⴰⵔⴰ ⴼⴻⵍⵍ-ⴰⵡⴻⵏ ⵍⵃⴻⵔⵚⴰ ⵏ ⵓⵏⵉⴳ ⵖⴻⵔ ⵡⴰⵎⵎⴰⵙⴻⵏ ⵏ ⵓⵙⴰⵏⴷⵓ (CNAS).
ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⵢⴻⵙⵙⴻⴼⴽ ⵖⴻⴼ ⵢⵉⵎⵄⴻⵍⵎⵉⵏ ⴰⴷ ⴼⴽⴻⵏ ⵜⴰⵙⵉⵔⴰ (ⴰⵓⵜⵓⵔⵉⵙⴰⵜⵉⵓⵏ) ⵉ ⵍⴱⴰⵏⴽⴰ ⵏⵙⴻⵏ ⵉⵡⴰⴽⴽⴻⵏ ⴰⴷ ⵜⴻⵜⵜⴻⴽⴽⴻⵙ ⵉⴷⵔⵉⵎⴻⵏ ⵏ ⵜⵎⴻⵔⵏⵉⵢⵉⵏ ⵡⴻⵃⴷ-ⵙⴻⵏ ⵙⴻⴳ ⵓⵎⵉⴹⴰⵏ-ⵏⵡⴻⵏ (ⵛⵓⵎⵒⵜⴻ) ⴷⴻⴳ ⵍⵡⴻⵇⵜ ⵉ ⴷ-ⵉⵍⴰⵇⴻⵏ. ⵜⴰⵙⵉⵔⴰ-ⴰⴳⵉ ⵜⵣⴻⵎⵔⴻⵎ ⴰ ⵜⵜ-ⵉⴷ-ⵜⴻⵙⵙⵉⴷⵔⴻⵎ ⵙⴻⴳ ⵓⵏⴻⵔⵣⴰⴼ ⵏ ⵓⵙⴻⵍⵍⴻⴽ ⵏ ⵍⴻⴱⵄⵉⴷ ⴷⴻⴳ ⵜⴰⵏⵙⴰ-ⴰⴳⵉ: https://teledeclaration.cnas.dz.
ⴰⵔⵏⵓ ⵖⴻⵔ
