ⴰⵎⵙⵉⵣⴳⵍ ⴰⵜⵉⵇⵏⵉ ⵏ ⵜⵎⴻⵏⴹⴰⵡⵜ: ⴰⵙⴼⵓⴽⴽ ⵏ ⵜⵓⴷⴷⵙⴰ ⵜⴰⵎⴰⴳⴷⴰⵢⵜ ⴷ ⵓⵙⴻⴷⴷⴻⵎ ⵏ ⵜⴰⵔⵔⴰⵢⵉⵏ ⵏ ⵓⵙⴻⵍⵃⵓ ⵜⴰⵙⵓⵇⵉⵍⵜ ⵙ ⵜⵎⴰⵣⵉⵖⵜ (ⵜⴰⵇⴱⴰⵢⵍⵉⵜ ⵜⴰⴽⴰⴷⵉⵎⵉⵜ):

ⴰⴷ ⵎⵙⴻⴳⵔⴰⵡⴻⵏ ⵉⵄⴻⴳⴳⴰⵍⴻⵏ ⵏ ⵓⴱⵔⵍⴰⵎⴰⵏ ⵙ ⵙⵏⴰⵜ ⵏ ⵜⵣⴻⵖⵡⵉⵏ-ⵉⵙ, ⴰⵣⴻⴽⴽⴰ ⵏ ⵍⴰⵔⴻⴱⵄⴰ, ⴷⴻⴳ ⵢⵉⵡⴻⵜ ⵏ ⵜⵖⵉⵎⵉⵜ ⵜⴰⵣⵣⴰⵢⵔⵉⵜ ⵙ ⵜⵙⴻⵍⵡⵉⵜ ⵏ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵡⴰⵏⴰⴽ, ⵎⴰⵙⵙ ⵄⴰⵣⵣⵓⵣ ⵏⴰⵚⵔⵉ, ⵉⵡⴰⴽⴽⴻⵏ ⴰⴷ ⴼⵔⴻⵏ (ⵙⴻⵜⵜⴻⵏ) ⴼⴻⵍ ⵓⵙⴻⵏⴼⴰⵔ ⵏ ⵓⵎⵙⵉⵣⴳⵍ ⴰⵜⵉⵇⵏⵉ ⵏ ⵜⵎⴻⵏⴹⴰⵡⵜ, ⵉ ⴷ-ⵢⵓⵙⴰⵏ ⵉⵡⴰⴽⴽⴻⵏ ⴰⴷ ⵢⴻⵙⵙⴻⴷⴷⴻⵎ ⵜⵓⴷⴷⵙⴰ ⵜⴰⵎⴰⴳⴷⴰⵢⵜ ⴷ ⵓⵙⴷⵓⵙ ⵏ ⵜⴰⵔⵔⴰⵢⵉⵏ ⵏ ⵓⵙⴻⵍⵃⵓ ⵢⴻⵍⵀⴰⵏ.

ⵙⴻⴳ ⵢⵉⵙⵡⵉⵢⴻⵏ ⵉⵎⴻⵇⵔⴰⵏⴻⵏ ⵏ ⵓⵎⵙⵉⵣⴳⵍ-ⴰ, ⴰⴹⵎⴰⵏ ⵏ ⵓⵎⵙⴰⵙⴰ ⵏ ⵢⵉⴹⵔⵉⵙⴻⵏ ⵉⵣⴻⵔⴼⴰⵏⴻⵏ ⴷ ⵓⴽⵎⴰⵙ ⵏ ⵜⴼⴰⵔⵉⵡⵉⵏ ⵉ ⴷ-ⵢⵓⵎⴰⵏ ⴷⴻⴳ ⵜⵉⵍⴰⵡⵜ, ⵙ ⵓⴽⴽⵙ ⵏ ⵓⵛⴻⴱⴱⴻⴽ ⴷ ⵓⵎⴳⴰⵔⴰⴷ ⵉ ⵢⴻⵣⵎⵔⴻⵏ ⴰⴷ ⴷ-ⵢⴰⵍⵉ ⵓⴽⴽⵓⴷ ⵓⵙⵏⴻⵙ ⵏ ⵢⵉⵍⵓⴳⴰⵏ, ⴰⵢⴰ ⴰⴷ ⵢⴰⵍⵍ ⴼ ⵓⵙⴼⴻⵙⵙⴻⵍ ⵏ ⵓⴷⴻⵔⴷⴻⵔ ⴰⵎⴻⵏⴹⴰⵡ ⴷ ⵓⴹⵎⴰⵏ ⵏ ⵓⵙⴻⵍⵃⵓ-ⵢⵉⵙ ⵙ ⵜⴼⴻⵙⵏⴰ ⵜⵓⵏⴼⵉⴷⵜ ⴱⵍⴰ ⴰⴽⵛⵓⵎ ⴷⴻⴳ ⵢⵉⵣⴻⵔⴼⴰⵏ ⵉⵙⵉⵍⴰⵏⴻⵏ ⵉ ⴷ-ⵜⴻⵙⵙⴻⵔⵙ ⵜⵎⴻⵏⴹⴰⵡⵜ ⵏ 2020.

ⵜⴰⴷⵉⵢⴰⵏⵜ-ⴰ ⵜⴻⴽⴽⴰ-ⴷ ⴷⴻⴳ ⵓⵙⴰⵜⴰⵔ ⵏ ⵓⵙⴽⵓⵛⵓⵎ ⵏ ⵢⵉⵡⴻⵜ ⵏ ⵜⵎⴰⴳⴷⴰⵢⵜ ⵜⵉⴷⴻⵜⵜ, ⵉⵔⴻⵙⵍⴻⵏ ⴼ ⵓⵙⵉⵍ ⴰⵎⴻⵏⴹⴰⵡ ⴷ ⵓⵙⴻⵔⵜⵉ ⵢⴻⴷⴷⴻⵔⵔⴻⵏ, ⴰⴽⴽⴻⵏ ⵉ ⵜ-ⵉⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏ, ⵉ ⵢⴻⵙⵙⴻⴽⵏⴻⵏ ⵍⴰⵃⵔⵉⵚ-ⵉⵙ ⴼ ⵓⵙⴽⵓⵛⵓⵎ ⵏ ⵓⴷⵉⵡⴻⵏ ⴷ ⵓⵎⵢⴰⵡⴰⵔ ⴰⴽⴽⴻⴷ ⵢⵉⵎⴻⴳⵔⴰⵡⴻⵏ ⵉⵙⴻⵔⵜⵉⵢⴻⵏ, ⵉⵡⴰⴽⴽⴻⵏ ⴰⴷ ⵢⴻⵜⵜⵡⴰⵙⴷⴻⵔ ⵓⴱⵔⵉⴷ ⴰⵎⴰⴳⴷⴰⵢ ⴷ ⵓⵙⴻⵔⵙ ⵏ ⵓⵡⴰⵏⴰⴽ ⵏ ⵓⵣⴻⵔⴼ ⴷ ⵜⵎⵓⵔⵙⴰⵙ.

ⴷⴻⴳ ⵢⵉⵡⴻⵏ ⵡⵓⴽⴽⵓⵣ ⵢⴻⵣⴷⵉⵏ ⴷ ⵢⵉⵙⴻⴳⵎⴰⵢⴻⵏ ⵉⵎⴻⵣⵔⴰⵔⴻⵏ ⵉ ⵢⴻⴳⴳⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉ ⵓⵙⴻⵔⵙ ⵏ ⵓⵡⴰⵏⴰⴽ ⵏ ⵓⵣⴻⵔⴼ ⴷ ⵓⵙⵉⵍⵉ ⵏ ⵜⵓⴷⴷⵙⴰ ⵜⴰⵙⴻⵔⵜⵉⵜ, ⴰⵎⵙⵉⵣⴳⵍ-ⴰ ⴰⵜⵉⵇⵏⵉ ⵢⴻⵙⵙⴻⴽⵛⴻⵎ ⵜⵓⴷⴷⵙⴰ ⵜⴰⵙⴻⵔⵜⵉⵜ ⵙ ⵡⴰⴽⴽ ⵜⵉⴼⵔⵉⵡⵉⵏ-ⵉⵙ, ⴰⵢⴰ ⵜⴼⵓⴽⴽ-ⵉⵜ ⵜⵓⴷⴷⵙⴰ ⵜⴰⵙⴻⵔⵜⵉⵜ ⵉ ⵢⴻⵡⴰⵍⴰⵏ ⴷⴻⴳ-ⵙ ⵢⵉⵡⴻⵜ ⵏ ⵜⵓⵎⵢⵉⵏⵜ ⵜⴰⵊⴻⵀⴷⴰⵏⵜ ⵏ ⵜⵎⵓⵔⵙⴰⵙ ⵏ ⵓⵡⴰⵏⴰⴽ ⵉ ⵓⵍⴷⴰⵢ ⵏ ⵜⵉⴳⴳⵓⵔⴰ ⵏ ⵓⴷⵉⵡⴻⵏ ⵉⵡⴰⴽⴽⴻⵏ ⴰⴷ ⵜⵜⵡⴰⵙⴻⴳⵎⴻⵏ ⵓⵏⵇⵉⵚⴻⵏ ⵉ ⴷ-ⵢⵓⵎⴰⵏ ⴷⴻⴳ ⵓⵙⵏⴻⵙ ⵏ ⵜⵎⴻⵏⴹⴰⵡⵜ ⵏ 2020.

ⵉ ⵓⵙⴽⵓⵛⵓⵎ ⵏ ⵡⴰⵢⴰ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⴼⴽⴰ ⵜⴰⵙⵎⵉⵍⵜ, ⴷⴻⴳ ⵡⴰⵢⵢⵓⵔ ⵏ ⵢⴻⵏⵏⴰⵢⴻⵔ ⵉⵄⴻⴷⴷⴰⵏ, ⵉ ⵓⵏⴻⵎⵀⴰⵍ ⵏ ⵓⴷⵉⵡⴰⵏ ⵏ ⵜⵙⴻⵍⵡⵉⵜ ⵏ ⵜⴻⴳⴷⵓⴷⴰ, ⵎⴰⵙⵙ ⴱⵓⵄⴰⵍⴻⵎ ⴱⵓⵄⴰⵍⴻⵎ, ⵉⵡⴰⴽⴽⴻⵏ ⴰⴷ ⵢⴻⵙⵙⴻⵍⵡⵉ ⵢⵉⵡⴻⵜ ⵏ ⵜⵉⵎⵍⵉⵍⵉⵜ ⵉ ⵓⵙⴽⴰⵏ ⴷ ⵓⵙⵇⴻⵔⴷⴻⵛ ⵏ ⵓⵙⴻⵏⴼⴰⵔ ⵏ ⵓⵎⵙⵉⵣⴳⵍ ⴰⵜⵉⵇⵏⵉ ⵏ ⵜⵎⴻⵏⴹⴰⵡⵜ, ⴷⴻⴳ ⵜⵉⵍⵉⵏ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⵎⴰⵙⵙ ⵙⵉⴼⵉ ⵖⴰⵔⵉⴱ, ⴷ ⵓⵎⴷⵔⴰⵡ ⵏ ⵓⵙⴻⵍⵡⴰⵢ ⵏ ⵜⵙⵇⴰⵎⵓⵜ ⵜⴰⵏⴰⵎⵓⵔⵜ ⵜⵉⵎⴰⵏⵉⵜ ⵏ ⵜⵉⴼⵔⴰⵏⵉⵏ ⵙ ⵓⵎⵣⵉⵣⵣⴻⵍ, ⵎⴰⵙⵙ ⴽⴰⵔⵉⵎ ⵅⴻⵍⴼⴰⵏ, ⴷ ⵉⵄⴻⴳⴳⴰⵍⴻⵏ ⵙⴻⴳ ⵜⵏⴻⴱⴱⴰⴹⵜ ⴷ ⵢⵉⵎⵛⵉⵡⵔⴻⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷ ⵢⵉⵎⴻⴳⵏⴰⵙⴻⵏ ⵏ 12 ⵏ ⵢⵉⴽⴰⴱⴰⵔⴻⵏ ⵉⵙⴻⵔⵜⵉⵢⴻⵏ.

ⴷⴻⴳ ⵓⵙⴻⵏⵜⴻⵍ-ⴰ, ⵎⴰⵙⵙ ⴱⵓⵄⴰⵍⴻⵎ ⴱⵓⵄⴰⵍⴻⵎ ⵢⴻⵙⵙⴻⴼⵙⴻⵔ-ⴷ ⴰⴽⴽⴻⵏ ⴰⵎⵙⵉⵣⴳⵍ ⴰⵜⵉⵇⵏⵉ ⴰⴷ ⵢⵉⵍⵉ ⴷ "ⵜⵉⵔⵏⵉ ⵜⴰⵏⴰⵎⴰⵢⵜ ⵉ ⵓⵙⴷⵓⵙ ⵏ ⵜⵎⵓⵔⵙⴰⵙ ⵜⵉⵎⴻⵏⴹⴰⵡⵉⵏ ⴷ ⵓⴹⵎⴰⵏ ⵏ ⵓⵃⵔⴰⵣ ⴰⵎⴻⵇⵔⴰⵏ ⵉ ⵢⵉⵣⴻⵔⴼⴰⵏ ⴷ ⵜⵍⴻⵍⵍⵉⵢⵉⵏ". ⵢⴻⵏⵏⴰ-ⴷ ⴰⴽⴽⴻⵏ ⴰⵙⴻⴳⵎⴻⵏ-ⴰ ⴰⵜⵉⵇⵏⵉ ⵢⴻⵙⵡⴰⵜ ⴰⴷ "ⵢⴻⴽⵎⴻⵙ ⵜⵉⴼⴰⵔⵉⵡⵉⵏ ⵜⵉⵎⴻⵏⴹⴰⵡⵉⵏ ⵉⵡⴰⴽⴽⴻⵏ ⴰⴷ ⵢⴻⴼⵔⵓ ⵓⵛⴻⴱⴱⴻⴽ ⴷ ⵓⵎⴳⴰⵔⴰⴷ ⴳⴰⵔ ⵢⵉⴹⵔⵉⵙⴻⵏ ⵉ ⴷ-ⵢⵓⵎⴰⵏ ⴷⴻⴳ ⵓⵙⵏⴻⵙ ⵏⵏⵙⴻⵏ".

ⵙⴻⴳ ⵡⵓⵎⴰⴳⴻⵏ (ⵍⴰⵔⵜⵉⵛⵍⴻⵙ) ⵉⵙⴻⴳⵎⴰⵏⴻⵏ, ⴰⵙⴻⴽⵛⴻⵎ ⵏ ⵓⵙⵡⵉⵔ ⵏ ⵓⵙⴻⵍⵎⴻⴷ ⵉ ⵡⵉⵏ ⵉⴱⵖⴰⵏ ⴰⴷ ⵢⴻⵔⵣⴻⴼ ⵉ ⵓⵎⴽⴰⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵓⵎⴰⴳ 87. ⴰⴽⴽⴻⵏ ⴷⴰⵖⴻⵏ ⵓⵎⴰⴳ 89 ⵢⴻⵔⵣⴰ ⵜⴰⵔⵔⴰⵢⵜ ⵏ ⵜⴳⴰⵍⵍⵉⵜ ⵜⴰⵎⴻⵏⴹⴰⵡⵜ ⵏ ⵓⵙⴻⵍⵡⴰⵢ, ⴰⵢ ⴷ-ⵢⴻⵇⵇⴰⵔⴻⵏ ⴰⴽⴽⴻⵏ ⴰⴷ ⵜⵜ-ⵢⴻⴳⴳ ⵣⴰⵜ ⵏ ⵓⴱⵔⵍⴰⵎⴰⵏ ⵙ ⵙⵏⴰⵜ ⵏ ⵜⵣⴻⵖⵡⵉⵏ-ⵉⵙ.

ⴷⴻⴳ ⵓⵎⵙⵉⵣⴳⵍ-ⴰ ⴷⴰⵖⴻⵏ, ⵢⴻⵜⵜⵡⴰⴼⴽⴰ ⵓⵣⴻⵔⴼ ⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵡⴰⴽⴽⴻⵏ ⴰⴷ ⵢⴻⵍⴷⵉ ⵜⵉⴼⵔⴰⵏⵉⵏ ⵜⵉⴷⵉⴳⴰⵏⵉⵏ (ⵍⵓⵛⴰⵍⴻⵙ) ⵓⵇⴱⴻⵍ ⵍⵡⴻⵇⵜ-ⵏⵙⴻⵏⵜ (ⵓⵎⴰⴳ 91 ⴷ 93). ⴷⴰⵖⴻⵏ ⴰⵙⴻⴳⵎⴻⵏ ⵏ ⵓⵎⴰⴳ 134 ⵉⵡⴰⴽⴽⴻⵏ ⴰⴷ ⵜⴻⵖⵣⵉⴼ ⵜⵙⴻⵍⵡⵉⵜ ⵏ ⵓⵙⵇⴰⵎⵓ ⵏ ⵓⵡⴰⵏⴰⴽ ⴰⵔ ⵙⴹⵉⵙ (6) ⵏ ⵢⵉⵙⴻⴳⴳⴰⵙⴻⵏ. ⵢⴻⵍⵍⴰ ⴷⴰⵖⴻⵏ ⵓⵙⵏⴻⴼⵍⵉ ⵏ ⵓⵎⴰⴳ 121 ⵢⴻⵔⵣⴰⵏ ⴰⵎⴷⴰⵏ ⵏ ⵢⵉⵎⴻⴳⵏⴰⵙⴻⵏ ⵏ ⵜⵡⵉⵍⴰⵢⵉⵏ ⵙ ⵓⵎⵙⴰⵙⴰ ⴷ ⵓⵎⴷⴰⵏ ⵏ ⵢⵉⵎⴻⵣⴷⴰⵖ.

ⴼ ⵜⴰⵔⵔⴰⵢⵜ ⵏ ⵜⴼⵔⴰⵏⵉⵏ, ⵜⴰⵙⵇⴰⵎⵓⵜ ⵜⴰⵏⴰⵎⵓⵔⵜ ⵜⵉⵎⴰⵏⵉⵜ ⵏ ⵜⵉⴼⵔⴰⵏⵉⵏ (ⴰⵏⵉⴻ) ⴰⴷ ⵜⴻⵇⵇⵉⵎ ⴷ ⵜⴰⵎⴻⵙⵜⴰⵏⵜ ⴼ ⵓⵎⵣⵉⵣⵣⴻⵍ ⵏ ⵜⴼⵔⴰⵏⵉⵏ, ⵎⴰ ⴷ ⵜⴰⴷⴱⴻⵍⵜ (ⵍ'ⴰⴷⵎⵉⵏⵉⵙⵜⵔⴰⵜⵉⵓⵏ) ⴰⴷ ⵜⴻⴽⴽⴻⵍ ⵙ ⵓⵀⴻⵢⵢⵉ ⴰⵎⴰⴷⴷⵓⴷ ⵏ ⵡⴰⵍⵍⴰⵍⴻⵏ.