ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵊⴻⵔⵔⴻⴷ ⵜⵎⴻⵔⵙⴻⵍⵜ ⵏ ⴱⴻⵔⵉⴷ ⵍⵣⵣⴰⵢⴻⵔ, ⵜⴰⵚⴻⴱⵃⵉⵜ-ⴰⴳⵉ ⵏ ⵜⵜⵍⴰⵜⴰ 17 ⴼⵓⵔⴰⵔ 2026, ⴷⴻⴳ ⵡⴰⵙⵉⵔⴰ ⵏ ⵜⵏⴻⴱⴷⴰⴷⵜ ⵜⴰⵎⴰⵜⵓⵜ, ⵢⵉⵡⴻⵜ ⵏ ⵜⵎⴰⵖⵓⵏⵜ ⵏ ⵓⵎⵢⴻⵍⵍⴻⵍ ⴷ ⵓⵙⵙⴻⵏⴹⵓⵇ ⴰⵣⵣⴰⵢⵔⵉ ⵉ ⵡⴻⴼⵔⴰⵢ ⵏ ⵡⴻⴷⵔⵉⵎ ⵉ ⵜⵎⴻⵔⵙⴻⵍⵉⵏ ⵜⵉⵎⴰⵢⵏⵓⵜⵉⵏ (Startups). ⵉⵙⵡⵉ ⵏ ⵓⵙⵓⵔ-ⴰⴳⵉ ⴷ ⵜⴰⵍⵍⴻⵍⵜ ⴷ ⵓⵙⵏⴻⴼⵍⴰⵢ ⵏ ⵓⵃⵔⵉⵛ ⵏ ⵓⵙⵓⵎⴻⵔ ⵏ ⵢⵉⵙⴻⵏⴼⴰⵔⴻⵏ ⴷⴻⴳ ⵜⵎⵓⵔⵜ, ⵢⴻⵔⵏⴰ ⴷ ⴰⵍⴷⴰⵢ ⵏ ⵜⵎⴻⵔⵙⴻⵍⵜ ⵖⴻⵔ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⴱⴻⵔⵉⴷ ⵍⵣⵣⴰⵢⴻⵔ, ⵜⴰⵎⴰⵖⵓⵏⵜ-ⴰⴳⵉ ⵜⴻⵔⵣⴰ ⴰⵙⵏⵓⵍⴼⵓ ⴷ ⵓⵙⴻⴳⴳⴻⵎ ⵏ ⵍⴻⵇⴷⵉⵛⴻⵏ ⵏ ⵡⴻⴷⵔⵉⵎ, ⵏ ⵓⵎⴹⴰⵏ (digital) ⴷ ⵡⵉⴷ ⵏ ⵍⴱⵓⵙⵟⴰ ⵉ ⵍⴼⴰⵢⴷⴰ ⵏ ⵜⵎⴻⵔⵙⴻⵍⵉⵏ ⵜⵉⵎⴰⵢⵏⵓⵜⵉⵏ. ⴰⵢⴰ ⴰⴷ ⵢⴻⵙⵙⵉⵙⵀⴻⵍ ⴰⴹⴰⴼⴻⵔ ⴷ ⵓⵃⴰⴷⴰⵔ ⵏ ⵜⵎⴻⵔⵙⴻⵍⵉⵏ-ⴰⴳⵉ ⴷⴻⴳ ⵎⴰⵕⵕⴰ ⵢⵉⵙⵓⵔⴰ ⵏ ⵓⵏⴻⴳⵎⵓ-ⵏⵙⴻⵏⵜ. ⵜⴰⵎⴰⵖⵓⵏⵜ-ⴰⴳⵉ ⵜⴻⴱⵯⴰ ⴷⴰⵖⴻⵏ ⴰⴷ ⵜⴻⵙⵊⴻⵀⴻⴷ ⴰⵙⴻⴽⵛⴻⵎ ⴰⴼⵔⴰⵢⴰⵏ ⴷ ⵓⵎⴹⴰⵏ, ⵢⴻⵔⵏⴰ ⴰⴷ ⵜⴻⴼⴽ ⵜⴰⵣⵎⴻⵔⵜ ⵉ ⵍⴻⵇⴷⵉⵛ ⴰⴷⴰⵎⵙⴰⵏ ⴰⴷⵉⴳⴰⵏ.
ⵓⵎⵢⴻⵍⵍⴻⵍ-ⴰⴳⵉ ⴰⴷ ⵢⴻⵊⵊ ⴷⴰⵖⴻⵏ ⴰⴹⴰⴼⴻⵔ ⵏ ⵢⵉⵙⴻⵏⴼⴰⵔⴻⵏ ⵙ ⵓⵙⵙⴻⴽⵏ ⴷ ⵓⵙⴱⴻⵢⵢⴻⵏ ⵏ ⵍⴻⵇⴷⵉⵛ-ⵏⵙⴻⵏ ⵙ ⵓⵥⴻⵟⵟⴰ ⵏ ⵍⴱⵓⵙⵟⴰ ⴰⵖⴻⵍⵏⴰⵡ. ⴰⵢⴰ ⴰⴷ ⵢⴻⵔⵔ ⵜⵉⵎⴻⵔⵙⴻⵍⵉⵏ-ⴰⴳⵉ ⴰⴷ ⵍⵍⵉⵏⵜ ⴷ ⵜⵉⵎⵓⵙⵏⴰⵡⵉⵏ ⴷⴻⴳ ⵢⵉⵙⵡⴰⵇⴻⵏ ⵏ ⵜⵎⵓⵔⵜ ⵢⴻⵔⵏⴰ ⴰⴷ ⵙⵙⴻⵎⵖⴻⵔⵏⵜ ⵜⵉⴳⵏⵉⵜⵉⵏ ⵏ ⵓⵏⴻⴼⵍⵓ-ⵏⵙⴻⵏⵜ.
ⵍⴻⵇⴷⵉⵛ-ⴰⴳⵉ ⵢⴻⵙⴽⴰⵏⴰⵢ-ⴷ ⵜⴰⵎⵓⵖⵍⵉ ⵏ ⴱⴻⵔⵉⴷ ⵍⵣⵣⴰⵢⴻⵔ ⵉ ⵡⴰⴽⴽⴻⵏ ⴰⴷ ⵜⴻⴷⴷⵓ ⴷ ⵢⵉⵙⵓⵔⴰ ⵏ ⵓⵡⴰⵏⴰⴽ ⵉ ⵢⴻⴱⵯⴰⵏ ⴰⴷ ⵢⴻⴱⵏⵓ ⵢⵉⵡⴻⵜ ⵏ ⵜⴷⴰⵎⵙⴰ ⵜⴰⵎⴹⴰⵏⵜ ⵢⴻⵚⴼⴰⵏ ⴷ ⵢⵉⵡⴻⵏ ⵡⴰⵏⵏⴰⵔ ⴰⴷⴰⵎⵙⴰⵏ ⵢⴻⴷⴷⵓⴽⴽⵍⴻⵏ, ⵉ ⵢⴻⵜⵜⴰⴽⴽⴻⵏ ⵜⴰⵣⵎⴻⵔⵜ ⵉ ⵓⵙⵏⵓⵍⴼⵓ ⴷ ⵓⵙⵓⵎⴻⵔ ⵏ ⵢⵉⵙⴻⵏⴼⴰⵔⴻⵏ. ⴰⵢⴰ ⵢⴻⵙⵙⴻⵊⴷⴻⴷ ⴰⵣⴰⵍ ⵏ ⴱⴻⵔⵉⴷ ⵍⵣⵣⴰⵢⴻⵔ ⴷ ⵜⴰⵎⴻⵔⵙⴻⵍⵜ ⵜⴰⵖⴻⵍⵏⴰⵡⵜ ⵉⵊⴻⵀⴷⴻⵏ ⴷⴻⴳ ⵓⵏⴻⴳⵎⵓ ⵏ ⵜⵎⵓⵔⵜ.
ⴰⵔⵏⵓ ⵖⴻⵔ
