ⵊⴰⵏⴻⵜ – ⵢⴻⵙⵜⴻⵇⴱⴻⵍ ⴰⵎⴰⵔⴰ ⴰⵎⴰⵜⵓ ⵏ ⵜⵏⴻⵖⵍⴰⴼⵜ ⵏ ⵓⵃⴰⴷⴰⵔ ⴰⵖⴻⵍⵏⴰⵡ, ⵍⵉⵡⴰ ⴱⴻⵏ ⴱⵉⵛⴰ ⵎⵓⵃⴰⵎⴻⴷ ⵚⴰⵍⴻⵃ, ⴰⵙⵙ-ⴰ ⵏ ⵜⵜⵍⴰⵜⴰ 27 ⵢⴻⵏⵏⴰⵢⴻⵔ 2026, ⴰⵎⴻⵙⴽⴰⵔ ⵏ ⵍⴻⴱⵃⴻⵔ ⵊⵢⴰⵏⵙⴻⵏⵜⵓ ⵓⵜⴰⴼⵢⴰⵏⵉ, ⴰⵏⴻⴱⴷⴰⴷ ⴰⵖⴻⵍⵏⴰⵡ ⵏ ⵓⵙⴻⵍⵍⴻⵃ ⵏ ⵜⵎⵓⵔⵜ ⵏ ⵟⵟⴰⵍⵢⴰⵏ. ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⴷⴻⴳ ⵡⴰⵏⵏⴰⵔ ⵏ ⵢⵉⴼⴻⵙⵔⴻⵏ ⵏ ⵜⴳⴳⴰⵍⵉⵏ ⵏ ⵍⵄⴻⵙⴽⴻⵔ ⴷⴻⴳ ⵜⵖⵉⵡⴰⵏⵜ ⵏ ⵊⴰⵏⴻⵜ, ⵜⴰⵎⵏⴰⵟ ⵜⴰⵙⴻⵔⴷⴰⵙⵜ ⵜⵉⵙ ⴽⵓⵣ.
ⴷⴻⴳ ⵡⴰⵏⵏⴰⵔ ⵏ ⵓⵎⵢⴻⵍⵍⴻⵍ ⴰⵙⴻⵔⴷⴰⵙ ⴳⴰⵔ ⵍⵣⵣⴰⵢⴻⵔ ⴷ ⵟⵟⴰⵍⵢⴰⵏ, ⵙⵙⴻⵍⵡⴰⵢⴻⵏ ⴷⵉ ⵙⵉⵏ ⵢⵉⴷ-ⵙⴻⵏ ⵜⵉⵎⵍⵉⵍⵉⵜ ⵜⵉⵙ ⵜⴻⵎⵔⴰⵡⵜ ⴷ ⵚⴹⵉⵚⵜ (16) ⵏ ⵜⵙⴻⵇⵇⴰⵎⵓⵜ ⵢⴻⴷⴷⵓⴽⴽⵍⴻⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ-ⴰⴳⵉ. ⵜⴰⵙⴻⵇⵇⴰⵎⵓⵜ-ⴰⴳⵉ ⵜⴻⵅⴷⴻⵎ ⵖⴻⴼ ⵓⵎⵢⴻⵍⵍⴻⵍ ⴷⴻⴳ ⵓⵃⵔⵉⵛ ⴰⵜⴻⴽⵏⵉⴽ, ⴰⵙⴻⵔⴷⴰⵙ ⴷ ⵙⵙⴻⵏⵄⴰ ⵢⴻⵔⵣⴰⵏ ⴰⵃⴰⴷⴰⵔ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ ⵏ ⵓⵃⴰⴷⴰⵔ ⴰⵖⴻⵍⵏⴰⵡ, ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵡⴰⴽⴽⴻⵏ ⴰⴷ ⵙⵙⵉⵡⵍⴻⵏ ⵖⴻⴼ ⵢⵉⵙⴻⵏⵜⴰⵍ ⵉⵙⵜⵔⴰⵜⵉⵊⵉⵢⴻⵏ ⵉ ⵢⴻⵔⵣⴰⵏ ⵙⵏⴰⵜ ⵏ ⵜⵎⵓⵔⴰ. ⵙⵍⴰⵢⴻⵏ ⵍⴰⴷⵯⴰ ⵖⴻⴼ ⵡⴰⵎⴻⴽ ⴰⵔⴰ ⴷ-ⵢⵉⵍⵉ ⵓⵙⵊⴻⵀⴻⴷ ⵏ ⵓⴼⴰⵔⵉⵙ ⴷⴻⴳ ⵓⵃⵔⵉⵛ ⵏ ⵓⵙⴻⵍⵍⴻⵃ ⴷ ⵓⴱⴻⴷⴷⴻⵍ ⵏ ⵜⵎⵓⵙⵏⵉⵡⵉⵏ ⴳⴰⵔ ⵢⵉⴳⵔⴰⵡⴻⵏ ⵏ ⵍⵄⴻⵙⴽⴻⵔ ⵏ ⵍⵣⵣⴰⵢⴻⵔ ⴷ ⵟⵟⴰⵍⵢⴰⵏ.
ⵜⴰⴳⴳⴰⵔⴰ, ⵜⵉⵎⵍⵉⵍⵉⵜ-ⴰⴳⵉ ⵜⴻⵙⴽⴰⵏⴰⵢ-ⴷ ⵜⵉⴷⵎⵉ ⵉⵊⴻⵀⴷⴻⵏ ⵏ ⵍⵣⵣⴰⵢⴻⵔ ⵉ ⵡⴰⴽⴽⴻⵏ ⴰⴷ ⵜⴻⵙⵏⴻⴼⵍⴰⵢ ⴰⵎⵢⴻⵍⵍⴻⵍ ⴰⴳⵔⴰⵖⵍⴰⵏ ⵉ ⵢⴻⵜⵜⴰⵡⵉⵏ ⵖⴻⵔ ⵓⵃⴰⴷⴰⵔ ⴷ ⵍⴰⵎⴰⵏ ⵏ ⵜⵎⵓⵔⵜ.
