ⴰⵎⵣⵉⵡ ⵏ ⵟⴰⴳⵉⴽⵉⵙⵜⴰⵏ ⵉⵙⵙⴻⴽⵏ-ⴷ ⴰⵣⵓⵅ ⵏ ⵜⵎⵓⵔⵜ-ⵉⵙ ⵙ ⵜⵉⴼⵔⴰⵜ ⵏ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ ⴷ ⵜⴰⵖⴻⵔⵎⴰ ⵉ ⵜⵜ-ⵉⵞⵓⴷⴷⴻⵏ ⵖⴻⵔ ⴷⵣⴰⵢⴻⵔ
ⵉⵙⵙⴻⴽⵏ-ⴷ ⵓⵎⵣⵉⵡ ⴰⵎⴰⵢⵏⵓ ⵏ ⵜⴻⴳⴷⵓⴷⴰ ⵏ ⵟⴰⴳⵉⴽⵉⵙⵜⴰⵏ, ⵎⴰⵙⵙ ⴰⴽⵔⴰⵎ ⴽⴰⵔⵉⵎⵉ, ⴰⵙⵙ-ⴰ ⵏ ⵓⵕⴻⴱⵄⴰ, ⴰⵣⵓⵅ ⵏ ⵜⵎⵓⵔⵜ-ⵉⵙ ⵙ ⵜⵉⴼⵔⴰⵜ ⵏ ⵡⴰⵙⵙⴰⵖⴻⵏ ⵉ ⵜⵜ-ⵉⵞⵓⴷⴷⴻⵏ ⵖⴻⵔ ⴷⵣⴰⵢⴻⵔ, ⴷⴻⴳ ⵓⴽⴰⵜⴰⵕ ⵏ ⵜⵡⴰⵙⵙⵏⴰ ⵏ ⵜⴻⴳⵎⴰⵜ, ⵜⴰⵕⵓⵃⴰⵏⵉⵢⵜ ⴷ ⵜⴰⵖⴻⵔⵎⴰ ⵉ ⵜⴻⵏ-ⵉⵙⵙⴻⵎⵍⴰⵍⴻⵏ.
ⴷⴻⴳ ⵓⵏⵏⴰ ⵏ ⵜⵏⴻⴼⵍⵉⵜ ⵉ ⴷ-ⵢⴻⴼⴽⴰ ⵙⴻⵍⴷ ⴰⵙⵎⵉ ⵉ ⵉⵙⵔⴻⵙ ⵢⵉⴼⴻⵔⵔⴰⵡⴻⵏ ⵏ ⵓⵜⴰⵎⵡⴻⵍ-ⵉⵙ ⵖⴻⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵢⴻⵏⵏⴰ ⵎⴰⵙⵙ ⴽⴰⵔⵉⵎⵉ ⴷⴰⴽⴽⴻⵏ ⵟⴰⴳⵉⴽⵉⵙⵜⴰⵏ ⵜⴰⵣⵣⵓⵅ ⵙ ⵡⴰⵙⵙⴰⵖⴻⵏ-ⵉⵙ ⴷ ⴷⵣⴰⵢⴻⵔ ⵜⴰⴳⵎⴰⵜ ⴷ ⵓⵙⵔⴰⵙ ⵏ ⵜⴰⵣⵡⴻⵔⵜ ⵉ ⵓⵙⵊⴻⵀⴻⴷ ⵏ ⵡⴰⵙⵙⴰⵖⴻⵏ ⴷ ⵜⵎⵓⵔⵜ-ⴰ ⵜⴰⴳⵎⴰⵜ.
ⴰⵎ ⴰⴽⴽⴻⵏ ⵉ ⵉⵙⵏⴻⴼⴻⴷ "ⵜⵡⴰⵙⵙⵏⴰ ⵏ ⵜⴻⴳⵎⴰⵜ, ⵜⴰⵕⵓⵃⴰⵏⵉⵢⵜ ⴷ ⵜⴰⵖⴻⵔⵎⴰ ⵉ ⵉⵞⵓⴷⴷⴻⵏ ⵙⵉⵏ ⵏ ⵢⵉⴳⴷⵓⴷⴻⵏ, ⴷ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ ⵢⴻⵇⵇⵏⴻⵏ ⴳⴰⵔ ⵢⵉⵏⴻⴷⴱⴰⵍⴻⵏ ⵏ ⵙⵉⵏ ⵏ ⵜⵎⵓⵔⴰ ⵜⵉⴳⵎⴰⵜⵉⵏ".
ⵙⴻⴳ ⵢⵉⴷⵉⵙ ⴰⵏⵉⴹⴰⵏ, ⵉⵙⵙⴻⴽⴼⴻⵍ-ⴷ ⵓⵎⵣⵉⵡ ⵏ ⵟⴰⴳⵉⴽⵉⵙⵜⴰⵏ ⴷⴰⴽⴽⴻⵏ ⵉⵢⴻⵡⵡⵉ-ⴷ ⵖⴻⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ "ⴰⵙⵍⵉⵡⴻⵏ ⵏ ⴳⵎⴰⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵟⴰⴳⵉⴽⵉⵙⵜⴰⵏ, ⵎⴰⵙⵙ ⴻⵎⵓⵎⴰⵍⵉ ⵔⴰⵀⵎⵓⵏ, ⴷ ⵓⵙⵙⵉⴷⴻⵔ-ⵉⵙ ⵉ ⵜⴰⵣⵎⴻⵕⵜ, ⵍⴼⴻⵕⵃ ⴷ ⵍⴰⵀⵏⴰ, ⴷ ⴷⵣⴰⵢⴻⵔ ⵜⴰⴳⵎⴰⵜ ⵙ ⵓⴳⴰⵔ ⵏ ⵓⴼⵍⴰⵍⵉ ⴷ ⵓⵙⵏⴻⵔⵏⵉ".
ⵉⵙⵙⴻⵖⵔⴻⵜ-ⴷ ⴷⴰⵖⴻⵏ ⴷⴰⴽⴽⴻⵏ "ⴰⴷ ⵉⵙⵙⴻⴼⵜⴻⵙ ⴰⴽⴽ ⵜⴰⵣⵎⴻⵕⵜ-ⵉⵙ ⵉ ⵓⵙⴰⵍⵉ ⵏ ⵓⵙⵡⵉⵔ ⵏ ⵡⴰⵙⵙⴰⵖⴻⵏ ⴳⴰⵔ ⵙⵉⵏ ⵏ ⵜⵎⵓⵔⴰ ⵜⵉⴳⵎⴰⵜⵉⵏ", ⵙ ⵓⵙⵙⴻⴽⵏ ⵏ ⵓⵙⵏⴻⵎⵎⴻⵔ-ⵉⵙ ⵉ "ⵓⵙⵏⴻⴱⴳⴻⵡ ⴷ ⵓⵔⵃⴻⴱ ⴰⵎⴻⵇⵇⵔⴰⵏ ⵉ ⴷ-ⵢⵓⴼⴰ".
ⴰⵔⵏⵓ ⵖⴻⵔ
