ⴰⵏⴻⵖⵍⴰⴼ ⵏ ⵜⵏⴻⵣⵣⵓⵜ ⵏ ⴱⴻⵕⵕⴰ ⴷ ⵓⵙⵏⴻⵔⵏⵉ ⵏ ⵢⵉⵎⵓⴼⴼⴻⵖⴻⵏ, ⵎⴰⵙⵙ ⴽⴰⵎⴰⵍ ⵔⴻⵣⵉⴳ, ⵉⵙⴻⵍⵍⴻⵎ ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵉ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⵏ ⵜⴻⴳⴷⵓⴷⴰ ⵏ ⵙⴻⵔⴱⵉⵢⴰ, ⵎⴰⵙⵙ ⴶⵓⵔⵓ ⵎⴰⵜⵙⵓ (ⴹⵊⵓⵔⵓ ⵎⴰⵜⵙⵓ), ⵉ ⴷ-ⵢⵓⵙⴰⵏ ⴷⴻⴳ ⵜⵉⵔⵣⵉ ⵏ ⵓⵎⴰⵀⵉⵍ ⵖⴻⵔ ⵍⴻⵣⵣⴰⵢⴻⵔ. ⵙⵉⵏ ⵏ ⵢⵉⴽⵓⴱⴰⵔ-ⴰⴳⵉ ⵇⴻⵔⴷⵛⴻⵏ ⵜⴰⵔⵔⴰⵢⵉⵏ ⵏ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵏ ⵓⵎⵢⴻⵛⵛⴻⵔ ⵏ ⵜⵏⴻⵣⵣⵓⵜ ⴳⴰⵔ ⵙⵏⴰⵜ ⵏ ⵜⵎⵓⵔⴰ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷ ⴰⴱⵔⵉⴷ ⵉ ⵓⵙⵏⴻⴼⵍⵉ ⵏ ⵢⵉⵙⵏⵉⵢⴰⵍⴻⵏ ⵏ ⵢⵉⵎⵓⴱⴱⴰⴷⴷⴻⵍⴻⵏ ⵏ ⵜⵏⴻⵣⵣⵓⵜ ⵏ ⵙⵉⵏ, ⵍⴰⴷⵖⴰ ⴷⴻⴳ ⵢⵉⵏⵏⴰⵔⴻⵏ ⵢⴻⵄⵏⴰⵏ ⴰⵙⵏⴻⵔⵏⵉ ⵏ ⵜⵏⴻⵣⵣⵓⵜ ⵏ ⴱⴻⵕⵕⴰ ⴷ ⵓⵙⴻⴶⵀⴻⴷ ⵏ ⵜⴷⵓⴽⵍⵉ ⴳⴰⵔ ⵢⵉⵎⵛⴻⴷⴷⵉⵡⴻⵏ ⵉⴷⴰⵎⵙⴰⵏⴻⵏ ⵍⴻⵣⵣⴰⵢⵔⵉⵢⴻⵏ ⴷ ⵢⵉⵙⴻⵔⴱⵉⵢⴻⵏ.
ⴷⴰⵖⴻⵏ, ⵜⵉⵎⵍⵉⵍⵉⵜ ⵜⴻⵡⵡⵉ-ⴷ ⵖⴻⴼ ⵜⵣⴻⵎⵎⴰⵔ ⵢⴻⵍⵍⴰⵏ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵏⴻⵔⵏⵉ ⵏ ⵓⵎⵢⴻⵛⵛⴻⵔ, ⵍⴰⴷⵖⴰ ⵙ ⵓⵙⴷⴻⴳⴳⴻⵔ ⵏ ⵜⵉⵍⵉⵜ ⵏ ⵜⵎⵓⵙⵏⵉⵡⵉⵏ ⴷⴻⴳ ⵢⵉⵎⵣⴰⵔⴰⴳⴻⵏ ⴷ ⵢⵉⵙⴰⵢⴻⵙⴻⵏ ⵉⴷⴰⵎⵙⴰⵏⴻⵏ, ⴰⵎ ⴰⴽⴽⴻⵏ ⴰⵔⴰ ⴷ-ⵢⵉⵍⵉ ⵓⵙⵓⴷⴷⴻⵙ ⵏ ⵜⴻⴳⴳⴰⵜⵉⵏ ⵏ ⵜⵏⴻⵣⵣⵓⵜ ⵉⵎⴻⵣⴷⴰⵢⴻⵏ ⵉⵡⴰⴽⴽⴻⵏ ⴰⴷ ⴷ-ⵜⵜⵓⵏⴻⵎⵍⴻⵏ ⵢⵉⴼⴰⵔⴰⵙⴻⵏ ⵍⴻⵣⵣⴰⵢⵔⵉⵢⴻⵏ ⴷ ⵢⵉⵙⴻⵔⴱⵉⵢⴻⵏ ⵓ ⴰⴷ ⴷ-ⵍⴹⵉⵏⵜ ⵜⴻⵡⵡⵓⵔⴰ ⵜⵉⵎⴰⵢⵏⵓⵜⵉⵏ ⵏ ⵓⵎⵢⴻⵛⵛⴻⵔ ⴳⴰⵔ ⵢⵉⵎⵉⴳⴰⵡⴻⵏ ⵉⴷⴰⵎⵙⴰⵏⴻⵏ ⴷⴻⴳ ⵙⵏⴰⵜ ⵏ ⵜⵎⵓⵔⴰ.
ⴷⴻⴳ ⵓⵏⵏⴰⵔ-ⴰⴳⵉ, ⵙⵉⵏ ⵏ ⵢⵉⴽⵓⴱⴰⵔ ⵙⵏⴻⴽⴷⴻⵏ ⴰⵣⴰⵍ ⵏ ⵓⵎⴰⵀⵉⵍ ⴰⵎⴻⵣⴷⴰⵢ ⵉ ⵓⵙⴱⴻⴷⴷⵉ ⵏ ⵓⵙⵇⴰⵎⵓ ⵏ ⵢⵉⵎⵙⴻⵜⵎⴰⵔⴻⵏ (ⵛⵓⵏⵙⴻⵉⵍ ⴷ'ⴰⴼⴼⴰⵉⵔⴻⵙ) ⵏ ⵍⴻⵣⵣⴰⵢⴻⵔ ⴷ ⵙⴻⵔⴱⵉⵢⴰ ⵉ ⵢⴻⵙⴷⵓⴽⴽⵓⵍⴻⵏ ⵉⵎⵛⴻⴷⴷⵉⵡⴻⵏ ⵉⴷⴰⵎⵙⴰⵏⴻⵏ ⵏ ⵙⵏⴰⵜ ⵏ ⵜⴰⵎⵉⵡⵉⵏ. ⴰⵢⴰⴳⵉ ⴰⴷ ⵢⴻⵙⵏⴻⵔⵏⵉ ⵜⴻⵢⵡⴰⵍⵜ ⵜⵓⵙⵔⵉⴷⵜ ⴳⴰⵔ ⵢⵉⵔⴳⴰⵣⴻⵏ ⵏ ⵢⵉⵎⴰⵀⵉⵍⴻⵏ ⵓ ⴰⴷ ⴷ-ⵢⴰⵡⴻⴹ ⵜⵣⴻⵎⵎⴰⵔ ⵏ ⵓⵙⵙⴻⵜⵎⴻⵔ ⴷ ⵜⴷⵓⴽⵍⵉ ⴷ ⵓⵙⴷⴻⴳⴳⴻⵔ ⵏ ⵢⵉⵎⵓⴱⴱⴰⴷⴷⴻⵍⴻⵏ ⵏ ⵜⵏⴻⵣⵣⵓⵜ ⵏ ⵙⵉⵏ.
ⴰⵔⵏⵓ ⵖⴻⵔ
