ⵢⴻⴼⴼⴻⵖ-ⴷ ⴷⴻⴳ ⵡⵉⵙ 6 ⵏ ⵜⵙⵖⵓⵏⵜ ⵜⵓⵏⵚⵉⴱⵜ ⵍⵇⴰⵏⵓⵏ ⵏ ⵓⵙⴻⴷⵎⴻⵔⵓⵟⵟⵓⵏ 26-68 ⵏ 13 ⵢⴻⵏⵏⴰⵢⴻⵔ 2026, ⵉ ⴷ-ⵢⴻⵙⴽⴰⵏⴰⵢⴻⵏ ⵍⵇⴰⵏⵓⵏ ⴰⵙⴰⵙⵉ ⵏ ⵜⵙⴻⴷⴷⴰⵢⵉⵏ ⵜⵉⴳⴷⵓⴷⴰⵏⵉⵏ ⵏ ⵓⵏⴰⴷⵉ ⵓⵙⵙⵏⴰⵏ ⴷ ⵓⵜⵉⴽⵏⵓⵍⵓⵊⵉ.
ⵍⵇⴰⵏⵓⵏ-ⴰⴳⵉ ⵢⴻⵔⵏⴰ-ⴷ ⵖⴻⴼ ⵡⵉⵏ ⵏ ⵓⵙⴻⴳⴳⴰⵙ 2011, ⵢⴻⴼⴽⴰ ⵜⴰⴳⵏⵉⵜ ⵉ ⵢⵉⵏⴰⴳⵎⴰⵢⴻⵏ ⵉⴷⴰⵢⵎⴻⵏ, ⵉⵙⴻⵍⵎⴰⴷⴻⵏ ⵏ ⵙⴱⵉⵜⴰⵔ-ⵜⴰⵙⴷⴰⵡⵉⵜ, ⵉⵙⴻⵍⵎⴰⴷⴻⵏ ⵉⵏⴰⴳⵎⴰⵢⴻⵏ ⴷ ⵢⵉⵏⴻⵍⵎⴰⴷⴻⵏ ⵏ ⵜⵙⴻⴷⴷⴰⵡⵉⵢⵉⵏ ⴰⴽⴽⴻⵏ ⴰⴷ ⵅⴻⴷⵎⴻⵏ ⵍⴻⵇⴷⵉⵛ ⵏ ⵓⵏⴰⴷⵉ. ⵍⴻⵇⴷⵉⵛ-ⴰⴳⵉ ⴰⴷ ⴷ-ⵢⴻⴼⴽ ⵉⵣⴻⵔⴼⴰⵏ ⵏ ⵜⵎⵉⵍⴽⵉⵜ ⵜⴰⵖⴰⵍⴰⵏⵜ ⵙ ⵓⵙⴻⵇⴷⴻⵛ ⵏ ⵡⴰⵍⵍⴰⵍⴻⵏ ⵏ ⵜⵙⴻⴷⴷⴰⵢⵜ ⵏⴻⵖ ⵏ ⵜⵎⴻⵔⵙⴻⵍⵜ ⵏ ⵓⵎⴰⵀⵉⵍ ⵙ ⵢⵉⵡⴻⵜ ⵏ ⵜⵎⴰⵖⵓⵏⵜ
ⵍⵇⴰⵏⵓⵏ-ⴰⴳⵉ ⵢⴻⵍⵍⴷⵉ ⵜⴰⴱⵓⵔⵜ "ⵜⵉⴽⴻⵍⵜ ⵜⴰⵎⴻⵣⵡⴰⵔⵓⵜ" ⵉ ⵢⵉⵙⴻⵍⵎⴰⴷⴻⵏ ⴷ ⵢⵉⵏⴻⵍⵎⴰⴷⴻⵏ ⵉ ⵡⴰⴽⴽⴻⵏ "ⴰⴷ ⵣⵏⵓⵣⵓⵏ ⵜⵓⴽⴽⵉⵡⵉⵏ ⵏ ⵓⵙⵏⵓⵍⴼⵓ-ⵏⵙⴻⵏ ⵢⴻⵔⵏⴰ ⴰⴷ ⴷ-ⴰⵡⵢⴻⵏ ⴷⴻⴳ-ⵙⴻⵏ ⴰⴷⵔⵉⵎ". ⵢⴻⵙⴽⴰⵏⴰⵢ-ⴷ ⴷⴰⵖⴻⵏ ⴰⵎⴻⴽ ⴰⵔⴰ ⵢⴻⵜⵜⵓⴼⵔⴰⵇ ⵡⴻⴷⵔⵉⵎ-ⵏⵏⵉ ⴳⴰⵔ ⵡⵉⴷ ⵉⵅⴻⴷⵎⴻⵏ ⴰⵏⴰⴷⵉ, ⵉⵏⴻⵍⵎⴰⴷⴻⵏ, ⴷ ⵢⵉⵅⴻⴷⴷⴰⵎⴻⵏ ⵏⵏⵉⴹⴻⵏ.
ⵙ ⵍⵇⴰⵏⵓⵏ-ⴰⴳⵉ, ⵜⵉⵙⴻⴷⴷⴰⵡⵉⵢⵉⵏ ⴷ ⵜⵎⴻⵔⵙⴻⵍⵉⵏ ⵏ ⵓⵎⴰⵀⵉⵍ ⵉ ⴷ-ⵢⴻⴼⴽⴰⵏ ⴰⵍⵍⴰⵍⴻⵏ ⴷ ⵜⴰⵍⵍⴻⵍⵜ ⵉ ⵡⵓⵏⴰⴷⵉ-ⴰⴳⵉ, ⴰⴷ ⴰⵡⵢⴻⵏⵜ ⵓⵍⴰ ⴷ ⵏⵉⵜⴻⵏⵜ "ⴰⵎⵓⵔ-ⵏⵙⴻⵏⵜ ⴷⴻⴳ ⵡⴻⴷⵔⵉⵎ" ⵏ ⵓⵣⴻⵏⵣⵉ-ⵏⵏⵉ.
