ⵜⴻⵙⵙⴻⵍⵡⵉ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵜⴰⴳⴻⵏⵙⴰⵏⵜ ⴷ ⵓⵙⵉⵙⴻⵖ ⵏ ⵙⵙⵓⵇ ⴰⵖⴻⵍⵏⴰⵡ, ⵎⴰⵙⵙⴰ ⴰⵎⴰⵍ ⵄⴻⴱⴷⴻⵍⵍⴰⵟⵉⴼ, ⴰⵙⵙ ⵏ ⵍⵃⴻⴷⴷ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴻⴳⵜ, ⴰⵏⴻⵊⵎⵓⵄ ⵏ ⵓⵙⴻⵎⵙⴰⵙⴰ ⴷ ⵢⵉⵏⴻⵎⵀⴰⵍⴻⵏ ⵉⵎⴻⵥⵍⴰⵏⴻⵏ ⵏ ⵜⵏⴻⵣⵣⵓⵜ, ⵉ ⵢⴻⵜⵜⵡⴰⵅⴻⵚⵚⴻⵏ ⵉ ⵓⵙⴻⴳⴱⴻⵍ ⵏ ⵢⵉⵀⴻⵢⵢⵉⵢⴻⵏ ⵉⵏⴻⴳⴳⵓⵔⴰ ⵏ ⵢⵉⵎⵓⵔⴰⵙ ⵏ ⵍⵄⵉⴷ ⵏ ⵍⴼⴻⵟⵔ ⵢⴻⴱⴱⵓⵔⴽⴻⵏ, ⵙ ⵡⴰⴽⴽⴻⵏ ⵉ ⴷ-ⵢⴻⵡⵡⵉ ⵓⵍⵖⵓ ⵏ ⵜⵖⴻⵍⴼⵜ.
ⴷⴻⴳ ⵓⵏⴻⵊⵎⵓⵄ-ⴰ ⵉ ⴷⴻⴳ ⵃⴻⴷⵔⴻⵏ ⵢⵉⴽⴰⵜⴰⵔⴻⵏ ⵏ ⵜⴷⴻⴱⴻⵍⵜ ⵜⴰⵍⴻⵎⵎⴰⵙⵜ, ⵜⴻⵙⵎⴻⵃⵙⴻⵙ ⵜⵏⴻⵖⵍⴰⴼⵜ ⵉ ⵢⵉⵙⴽⴰⵏⴻⵏ ⵉ ⴷ-ⴼⴽⴰⵏ ⵉⵏⴻⵎⵀⴰⵍⴻⵏ ⵉⵎⴻⵥⵍⴰⵏⴻⵏ ⵖⴻⴼ ⵜⵣⴻⵎⵎⴰⵔ ⵢⴻⵜⵜⵡⴰⵟⵟⴼⴻⵏ ⵉ ⵓⴹⵎⴰⵏ ⵏ ⵓⵙⴻⵞⵞⴻⵡ ⵏ ⵙⵙⵓⵇ ⵙ ⵢⵉⵙⵓⴼⴰⵔ ⵢⴻⵟⵟⵓⵇⵜⴻⵏ ⵓⵙⴻⵇⴷⴻⵛ, ⵔⵏⵓ ⵖⴻⵔ-ⵙ ⴰⵀⵉⵍ ⵏ ⵜⵏⴻⵣⵣⵓⵜ ⵏ ⵓⴱⴻⴷⴷⵉ ⵢⴻⵜⵜⵡⴰⵙⴻⵔⵙⴻⵏ ⴷⴻⴳ ⵢⴰⵍ ⵍⵡⵉⵍⴰⵢⴰ, ⵍⴰⴷⵖⴰ ⵜⵉⵎⵅⵓⴱⵣⴰ, ⵜⵉⵃⵓⵏⴰ ⵏ ⵍⵇⵓⵜ ⴷ ⵜⵏⴻⴼⴼⵓⵜⵉⵏ ⵜⵉⴳⴻⵊⴷⴰⵏⵉⵏ.
ⵖⴻⴼ ⵡⴰⵢⴰ, ⵜⴻⵙⵙⴻⴷⵀⴰ-ⴷ ⵄⴻⴱⴷⴻⵍⵍⴰⵟⵉⴼ ⵖⴻⴼ ⵡⴰⵣⴰⵍ ⵏ ⵜⵉⵍⵉⵏ ⴷⴻⴳ ⵓⵏⵏⴰⵔ ⴷ ⵓⴹⴼⴰⵕ ⵏ ⵓⵏⴰⴳⵔⴰⵡ ⵏ ⵓⴱⴻⴷⴷⵉ ⴷ ⵓⴹⵎⴰⵏ ⵏ ⵜⵓⵖⴰⵍⵉⵏ ⵖⴻⵔ ⵓⵔⵎⵓⴷ ⴰⵏⴻⵣⵣⴰⵏ ⵙ ⵡⵓⴷⴻⵎ ⴰⴳⴰⵎⴰⵏ ⴷⵉ ⵍⵡⴻⵇⵜ ⴷ ⴷⴻⴼⴼⵉⵔ ⵏ ⵜⴻⴳⵏⵉⵜ-ⴰ ⵜⴰⴷⴰⵢⴰⵏⵜ, ⴰⴽⴽⴻⴷ ⵓⵙⴻⴵⵀⴻⴷ ⵏ ⵓⵙⴻⵎⵙⴰⵙⴰ ⴷ ⵢⵉⵎⴷⴰⵏⴻⵏ ⵉⵎⵅⴰⵍⵍⴰⴼⴻⵏ, ⴷⵉ ⵍⵡⴻⵇⵜ ⵉ ⴷⴻⴳ ⵜⵛⴻⴽⴽⴻⵔ "ⵕⵕⵓⵃ ⵏ ⵜⵎⴰⵙⵉⵜ ⵉ ⴷ-ⵙⴱⴻⴳⵏⴻⵏ ⵢⵉⵎⴻⵣⵣⴰⵏⴻⵏ ⴷ ⵓⴱⴻⴷⴷⵉ-ⵏⵙⴻⵏ ⵖⴻⵔ ⵜⴰⵎⴰ ⵏ ⵢⵉⵎⴻⵙⵏⴻⴼⴽⴰⵏ ⴷⴻⴳ ⵢⵉⵎⵓⵔⴰⵙ ⴷ ⵜⴻⴳⵏⴰⵜⵉⵏ".
ⵜⴻⵙⵙⴻⵏⴽⴻⴷ-ⴷ ⴷⴰⵖⴻⵏ ⵜⵏⴻⵖⵍⴰⴼⵜ ⴰⵣⴰⵍ ⵏ ⵓⵙⴻⴼⵔⴻⵔ ⵏ ⵓⵙⴻⵇⴷⴻⵛ ⵏ ⵓⵙⵏⴰⵙ ⴰⵍⵉⴽⵟⵔⵓⵏⵉ "ⵎⵓⵔⴰⴼⴻⵇ ⴽⵓⵎ", ⵢⴻⵍⵍⴰⵏ ⴷ ⴰⵎⵏⵉⵔ ⴰⵎⴹⴰⵏ ⵢⴻⵜⵜⵡⴰⴹⴻⵎⵏⴻⵏ ⵉ ⵢⴻⵟⵟⴰⵊⴰⵏ ⵉⵎⴻⵙⵏⴻⴼⴽⴰⵏ ⴰⴷ ⵡⴰⵍⵉⵏ ⵉⵎⴻⵣⵣⴰⵏⴻⵏ ⵢⴻⵍⵍⴰⵏ ⴷⴻⴳ ⵓⴱⴻⴷⴷⵉ ⵙ ⵙⵙⴻⵀⴰⵍⴰ, ⴷⵖⴰ ⵜⴻⵖⵔⴰ-ⴷ ⵖⴻⵔ ⵡⴰⵣⴰⵍ ⵏ ⵓⵙⴻⵍⵎⴻⴷ ⵏ ⵢⵉⴷⵍⴻⵙ ⵏ ⵓⵛⴻⴳⴳⵉ ⵖⴻⵔ ⵢⵉⵖⵉⵡⴰⵏⴻⵏ.
ⵎⴰ ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⵉⵙⵡⴰⵇⴻⵏ ⵏ ⵓⵊⴻⵎⵍⴰ ⵏ ⵍⵅⴻⴷⵔⴰ ⴷ ⵍⴼⴰⴽⵢⴰ, ⵜⴻⴼⴽⴰ-ⴷ ⴰⵎⴰⵍ ⵄⴻⴱⴷⴻⵍⵍⴰⵟⵉⴼ ⵜⵉⵏⴰⴹⵉⵏ ⵉ ⵢⵉⵎⴰⵙⴰⵢⴻⵏ ⵏ ⵜⴽⴻⴱⴱⴰⵏⵉⵜ "ⵎⴰⴳⵔⵓ" ⵉ ⵓⴹⵎⴰⵏ ⵏ ⵡⴻⵍⴷⴰⵢ ⵏ ⵢⵉⵙⵡⴻⵇⴻⵏ ⵉⵎⴻⵥⵍⴰⵏⴻⵏ ⵎⴻⵕⵕⴰ ⴷ ⵓⵙⴻⴱⴳⴻⵙ ⵏ ⵜⴻⴳⵏⴰⵜⵉⵏ ⵏ ⵓⵙⵓⴷⴷⴻⵙ ⴷⴻⴳ ⵜⴻⵖⵣⵉ ⵏ ⵢⵉⵎⵓⵔⴰⵙ ⵏ ⵍⵄⵉⴷ ⵏ ⵍⴼⴻⵟⵔ, ⵙ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵖⴱⴰⵍⵓ-ⴰ ⵙ ⵜⵉⵎⵎⴰⴷ-ⵉⵙ.
ⴰⵔⵏⵓ ⵖⴻⵔ
