ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ ⵜⴰⵎⵓⵔⵉⵜⴰⵏⵉⵜ, ⵎⵓⵃⴰⵎⵎⴻⴷ ⵍⵃⵔⵉⵟⴰ ⴷ ⵜⵔⴱⴰⵄⵜ-ⵉⵙ, ⴳⴰⵏ ⵜⵉⴽ ⴰⵙⵙ ⵏ ⵡⴰⵢⵏⴰⵙ ⴰⵔ ⵢⵉⵡⴻⵜ ⵏ ⵜⵎⴻⵚⵍⵉⵡⵉⵏ ⵏ ⵓⵇⴻⴷⴷⵉⵛ ⴷ ⵜⵎⵓⵙ ⵏ ⵜⵎⴰⵡⴰⵙⵜ ⵏ ⵍⴱⵓⵍⵉⵙ ⵏ ⵍⴷⵣⴰⵢⵔ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵍⵖⵓ ⵏ ⵜⴼⴻⴳⴳⴰ-ⴰ.
ⵉⵡⴰⴽⴽⴻⵏ ⴰⴷ ⵢⴻⴽⴽⴻⵎⵎⵉⵍ ⵜⵉⴽ-ⵏⵏⴻⵙ ⴰⵔ ⵍⴷⵣⴰⵢⵔ, ⵜⴰⵔⴱⴰⵄⵜ ⵜⴰⵎⵓⵔⵉⵜⴰⵏⵉⵜ ⵜⴻⵔⵣⴻⴼ ⴰⵔ ⵍⵎⴰⵅⴱⴰⵔ ⴰⵍⴻⵎⵎⴰⵙ ⵏ ⵜⵎⵓⵙ ⵢⴻⵔⵣⴻⵏ ⵜⵓⴽⴽⴹⴰ ⴷ ⵜⵉⴳⵉⵏⵉⵏ ⵏ ⵍⵇⴰⵏⵓⵏ ⴷⴳ ⵍⴷⵣⴰⵢⵔ ⵜⴰⵎⴰⵏⴰⵖⵜ. ⴷⵉⵏⵏⴰ, ⵙⴽⴻⵏⴻⵏ-ⴰⵙⴻⵏ-ⴷ ⴰⴽⴽ ⴰⵍⵍⴰⵍⴻⵏ ⵉⵎⴰⵢⵏⵓⵜⴻⵏ ⴷ ⵜⵎⵓⵙⵡⵉⵏ ⵏ ⵓⵙⴻⴼⵔⴻⴷ ⵉ ⵢⴻⵜⵜⵡⴰⵙⴻⵇⴷⴻⵛⴻⵏ ⵉⵡⴰⴽⴽⴻⵏ ⴰⴷ ⵥⵔⴻⵏ ⵜⵉⴷⴻⵜ ⴷⴳ ⵜⵎⴻⵚⵍⵉⵡⵉⵏ ⵏ ⵍⵇⴰⵏⵓⵏ.
ⴷⴻⴼⴼⵉⵔ ⵡⴰⵢⴰ, ⵜⴰⵔⴱⴰⵄⵜ ⵜⴻⵍⵃⴰ ⴰⵔ ⵡⴰⵅⵅⴰⵎ ⵏ ⵜⵔⵓⴱⴱⴰ ⵜⵓⵥⵍⴰⵢⵉⵏ ⵏ ⵍⴱⵓⵍⵉⵙ ⴷⴳ ⴱⵓⴷⵡⴰⵡ. ⴷⵉⵏⵏⴰ ⵥⵔⴰⵏ ⴰⵎⴻⴽ ⵉⵇⴻⴷⴷⵛⴻⵏ, ⴰⵎⴻⴽ ⵍⴻⵎⵎⴷⴻⵏ ⵢⴻⵔⵏⴰ ⵡⵡⵉⵏ-ⴷ ⵜⵉⵎⵓⵛⵉⵡⵉⵏ ⵏ ⵡⵓⵔⴰⵔ ⵉ ⵢⴻⵙⴽⴻⵏⴻⵏ ⵜⵓⴳⴷⴰ ⴷ ⵓⵀⴻⵢⵢⵉ ⴰⵎⴻⵇⵇⵔⴰⵏ ⵏ ⵢⵉⵄⴻⵙⴽⵡⴻⵏ-ⵏⵙⴻⵏ.
ⵜⴰⵔⴱⴰⵄⵜ ⵜⴻⵔⵣⴻⴼ ⴷⴰⵖⴻⵏ ⴰⵔ ⵜⵎⴰⵡⴰⵙⵜ ⵏ ⵜⵔⵓⴱⴱⴰ ⵜⵉⴷⵉⴳⴷⵓⴷⴰⵏⵉⵏ ⵏ ⵍⴰⵎⴰⵏ ⴷⴳ ⵍⵃⴰⵎⵉⵣ. ⴷⵉⵏⵏⴰ ⵥⵔⴰⵏ ⴰⵎⴻⴽ ⵢⴻⵜⵜⵡⴰⵙⵙⵓⴷⴷⴻⵙ ⵡⴰⵅⵅⴰⵎ-ⴰ ⴷ ⵓⵇⴻⴷⴷⵉⵛ-ⵉⵙ ⵉⵡⴰⴽⴽⴻⵏ ⴰⴷ ⵃⴻⵔⵣⴻⵏ ⵍⵇⴰⵏⵓⵏ ⴰⵎⴰⵜⴰⵢ. ⵙⴽⴻⵏⴻⵏ-ⴰⵙⴻⵏ-ⴷ ⴷⴰⵖⴻ ⴰⵎⴻⴽ ⵉⵇⴻⴷⴷⵛⴻⵏ ⵡⵉⴷ ⵢⴻⵔⵣⴻⵏ ⵜⵉⵛⴻⵇⴼⵉⵏ ⴷ ⵜⵔⵓⴱⴱⴰ ⵏ ⵢⵉⵇⵊⴰⵏ ⵏ ⵍⴱⵓⵍⵉⵙ ⴰⵖⴻⵍⵏⴰⵡ.
