ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⵄⴰⵍⵉ ⴱⴻⴷⴷⴰⵡⵉ, ⵢⴻⵙⵜⴻⵇⴱⴻⵍ ⴰⵙⵙ-ⴰⴳⵉ ⵏ ⵍⵃⴻⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⵉⵡⴻⵜ ⵏ ⵜⴰⵔⴱⴰⵄⵜ ⵉⵎⴻⵇⵇⵔⴰⵏⴻⵏ ⵏ ⵢⵉⵎⵙⵓⵍⵜⴰ ⵏ ⵜⵎⵓⵔⵜ ⵏ ⵎⵓⵔⵉⵜⴰⵏⵢⴰ, ⵙ ⵍⵇⴻⴷ ⵏ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ ⵏ ⵎⵓⵔⵉⵜⴰⵏⵢⴰ, ⵍⴼⴻⵔⵉⵇ ⵎⵓⵀⴰⵎⴻⴷ ⴻⵍ ⵀⴰⵔⵉⵜⴰⵏⵉ. ⴰⵢⴰ ⵢⵓⵙⴰ-ⴷ ⵉⵡⴰⴽⴽⴻⵏ ⴰⴷ ⴷ-ⵉⵙⵏⴻⵔⵏⵉ ⴷ ⵓⵙⵙⴻⵊⵀⴻⴷ ⵏ ⵓⵎⵢⴰⵍⵍⴻⴼ (ⵛⵓⵓⵒéⵔⴰⵜⵉⵓⵏ) ⴳⴻⵔ ⵢⵉⵎⵙⵓⵍⵜⴰ ⵏ ⵙⵏⴰⵜ ⵏ ⵜⵎⵓⵔⴰ.
ⵜⴻⵎⵍⵉⵍⵉⵜ-ⴰⴳⵉ ⵜⴻⴱⴷⴰ ⵙ ⵡⴰⵡⴰⵍ ⴳⴻⵔ ⵙⵉⵏ ⵏ ⵢⵉⵎⴻⵀⵍⴰⵡⴻⵏ ⵉⵎⴻⵇⵇⵔⴰⵏⴻⵏ ⴷⴻⴳ ⵡⴰⵎⵎⴰⵙ ⵏ ⵜⵎⴻⵀⵍⵓⵜ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⵓⵇⴱⴻⵍ ⴰⴷ ⴷ-ⵢⵉⵍⵉ ⵓⵏⴻⵊⵎⴰⵄ ⵏ ⵓⵅⴻⴷⴷⵉⵎ ⵉ ⴷ-ⵉⵙⵏⴻⵊⵎⴰⵄⴻⵏ ⵙⵏⴰⵜ ⵏ ⵜⴰⵔⴱⴰⵄⵉⵏ ⵏ ⵢⵉⵎⵙⵓⵍⵜⴰ.
ⴷⴻⴳ ⵡⴰⵡⴰⵍ-ⵉⵙ, ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵉⵛⴽⴻⵔ ⴰⵎⴻⴽ ⵉ ⴷ-ⵢⴻⵍⵍⴰ ⵓⵎⵢⴰⵍⵍⴻⴼ, ⵢⴻⵔⵏⴰ ⵉⵔⴻⵙⵙⴻⵍ-ⴷ ⴱⴻⵍⵍⵉ ⵉⵍⴰⵇ "ⴰⴷ ⴷ-ⵢⵉⵍⵉ ⵓⴽⴻⵎⵎⴻⵍ ⵏ ⵓⵙⵙⴻⵊⵀⴻⴷ ⴷ ⵓⵙⵏⴻⵔⵏⵉ ⵏ ⵜⵜⴰⵡⵉⵍⴰⵜ ⵏ ⵓⵎⵢⴰⵍⵍⴻⴼ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵏⵏⵓⵏ ⵏ ⵓⵙⵉⵍⴻⵖ ⴷ ⵓⵙⴻⵍⵎⴻⴷ ⵏ ⵢⵉⵎⵙⵓⵍⵜⴰ, ⴷ ⵓⴱⴻⴷⴷⴻⵍ ⵏ ⵜⵎⵓⵙⵏⵉ ⴷⴻⴳ ⵡⴰⵏⵏⴰⵔ ⵏ ⵜⵓⵙⵙⵏⴰ ⵏ ⵢⵉⵎⵙⵓⵍⵜⴰ ⴷ ⵓⵎⴻⵏⵏⵓⵖ ⵎⴳⴰⵍ ⵜⵓⴽⴻⵔⴹⴰ ⵜⴰⵎⵙⵓⴷⴷⴻⵙⵜ (ⵛⵔⵉⵎⴻ ⵓⵔⴳⴰⵏⵉⵙé)".
ⵙⴻⴳ ⵜⴰⵎⴰ-ⵙ, ⴻⵍ ⵀⴰⵔⵉⵜⴰⵏⵉ ⵢⴻⵏⵏⴰ-ⴷ ⴱⴻⵍⵍⵉ ⵜⴰⵎⵓⵔⵜ-ⵉⵙ ⵜⴻⴱⵖⴰ ⴰⴷ ⴷ-ⵜⴻⵙⵙⵉⵡⴻⴹ ⵖⴻⵔ "ⵢⵉⵡⴻⵏ ⵏ ⵓⵎⵢⴰⵍⵍⴻⴼ ⴷ ⵓⵛⵔⴰⴽ ⴰⵎⴻⵇⵇⵔⴰⵏ ⴷ ⵍⴻⵣⵣⴰⵢⴻⵔ", ⴰⵢⴰ ⵙ "ⵓⵙⵉⵍⴻⵖ ⴷ ⵓⵀⴻⴳⴳⵉ ⵏ ⵢⵉⵎⴹⴻⴱⴱⵔⴻⵏ (ⵓⴼⴼⵉⵛⵉⴻⵔⵙ) ⴷⴻⴳ ⵢⴻⵖⵔⴱⴰⵣⴻⵏ ⴷ ⵢⵉⵎⵓⴽⴰⵏ ⵏ ⵓⵙⴻⵍⵎⴻⴷ ⵏ ⵍⴻⵣⵣⴰⵢⴻⵔ".
ⵢⴻⵙⵙⴻⴼⴽ ⴰⴷ ⴷ-ⵏⴻⵎⵎⴻⴽⵜⵉ ⴱⴻⵍⵍⵉ ⵜⴰⵔⴱⴰⵄⵜ ⵏ ⵢⵉⵎⵙⵓⵍⵜⴰ ⵏ ⵎⵓⵔⵉⵜⴰⵏⵢⴰ ⴰⴷ ⵜⴻⵅⴷⴻⵎ ⴽⵔⴰ ⵏ ⵓⵔⵣⵓⵡⴻⵏ (ⵠⵉⵙⵉⵜⴻⵙ) ⴷⴻⴳ ⵡⴰⵏⵏⴰⵔ ⵉ ⴽⵔⴰ ⵏ ⵢⵉⵎⴻⵥⵍⴰ ⵏ ⵓⵅⴻⴷⴷⵉⵎ ⴷ ⵜⵓⵙⵙⵏⴰ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ.
ⴰⵔⵏⵓ ⵖⴻⵔ
