ⵉⵔⵣⴰ ⵓⵎⴰⵣⵡⴰⵔ ⵏ ⵓⵙⵇⴰⵎⵓ ⴰⵍⴻⵎⵎⴰⵙ ⵏ ⵓⴽⴰⴱⴰⵔ ⴰⴽⵓⵎⵉⵏⵉⵙ ⴰⵯⵉⵜⵏⴰⵎⵉ, ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⵙⴻⵔⵜⵉⵜ ⵏ ⵢⵉⵙⴻⵔⴷⴰⵙⴻⵏ ⵏ ⵓⴳⴷⵓⴷ ⴰⵯⵉⵜⵏⴰⵎⵉ, ⴰⵎⴳⵔⴰⴷ ⴰⵎⴻⵣⵡⴰⵔⵓ ⵏⴳⵓⵢⴻⵏ ⵜⵔoⵏⴳ ⵏⴳⵀⵉⴰ, ⴰⵙⵙ-ⴰ ⵏ ⵍⵃⴻⴷⴷ, ⵖⴻⵔ ⵓⵙⴰⵍⴰⵢ ⴰⵖⴻⵍⵏⴰⵡ ⵏ ⵓⵎⵊⴰⵀⴻⴷ, ⴰⵏⵉⴷⴰ ⵉ ⵜ-ⵉⴷ-ⵢⴻⵙⵜⴻⵇⴱⴻⵍ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴻⴷⴷⴻⵏ ⴷ ⵡⵉⴷ ⵢⴻⵜⵜⵡⴰⵔⴻⵣⵣⵇⴻⵏ ⵙ ⵢⵉⵣⴻⵔⴼⴰⵏ, ⴰⴱⴷⴻⵍⵎⴰⵍⴻⴽ ⵜⴰⵛⵀⵔⵉⴼⵜ, ⴰⵎ ⴰⴽⴽⴻⵏ ⵉ ⴷ-ⵢⴻⵡⵡⴻⴹ ⴷⴻⴳ ⵓⵙⵉⵡⴻⵍ ⵏ ⵜⵏⴻⴼⵍⴻⵙⵜ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵢⴰ ⴱⴻⵍⵍⵉ ⴰⵎⴳⵔⴰⴷ ⴰⵎⴻⵣⵡⴰⵔⵓ ⵏⴳⵓⵢⴻⵏ ⵜⵔoⵏⴳ ⵏⴳⵀⵉⴰ ⵉɛⴻⴷⴷⴰ-ⴷ ⵖⴻⴼ ⵢⵉⵎⵓⴽⴰ ⵏ ⵓⵙⴰⵍⴰⵢ ⴰⵖⴻⵍⵏⴰⵡ ⵏ ⵓⵎⵊⴰⵀⴻⴷ, ⴰⵏⵉⴷⴰ ⵉ ⵢⴻⵡⵡⴻⴹ ⴰⴷ ⵉⵙⵙⴻⵏ ⵉⵙⴻⴼⵔⴰ ⵉⵎⴻⵇⵔⴰⵏⴻⵏ ⵏ ⵓⵎⴻⵏⵏⵓⵖ ⵏ ⵓⴳⴷⵓⴷ ⴰⵣⴰⵣⵣⴰⵢ ⵉ ⵓⴽⴽⴻⵙⵙ ⵏ ⵓⵙⴷⵓⵔⵔⵉ ⴰⴼⵔⴰⵏⵙⵉ, ⴰⵎ ⴰⴽⴽⴻⵏ ⵉ ⴷ-ⵉⵡⴻⴽⴽⴻⴷ ⵖⴻⴼ ⵢⵉⵙⴻⴱⴷⴰⴷⴻⵏ ⵉⵎⴻⵣⵔⵓⵢⴰⵏⴻⵏ ⵢⴻⵎⴳⴰⵔⴰⴷⴻⵏ ⵉ ⴷ-ⵉⵡⴻⵥⵏⴻⵏ ⴰⵎⴻⵏⵏⵓⵖ ⴰⵖⴻⵍⵏⴰⵡ, ⵙⴻⴳ ⵜⴰⵣⵡⴰⵔⴰ ⵏ ⵓⵙⵙⵓⵔⵜⵓ ⴰⵖⴻⵔⴼⴰⵏ ⴰⵖⴻⵍⵏⴰⵡ ⴰⵍⴰⵎⵎⴰ ⴷ ⵜⴰⴳⵔⴰⵡⵍⴰ ⵏ ⵓⵙⵍⴻⵍⵍⵉ ⵜⴰⵎⴻⵇⵔⴰⵏⵜ.
ⵢⴻⵡⵡⵉ-ⴷ ⴷⴰⵖⴻⵏ ⵉⵙⵙⴻⴼⵀⴻⵎⴻⵏ ⵖⴻⴼ "ⵢⵉⵙⴻⴼⵔⴰ ⵉⵎⴻⵣⵔⵓⵢⴰⵏⴻⵏ ⵉⵎⴻⴷⴷⵓⴽⴰⵍ ⴳⴰⵔ ⵣⵣⵓⵊ ⵏ ⵢⴻⴳⴷⵓⴷⴻⵏ ⴰⵣⴰⵣⵣⴰⵢ ⴷ ⵓⵯⵉⵜⵏⴰⵎⵉ ⴷⴻⴳ ⵓⵎⴻⵏⵏⵓⵖ ⵎⴳⴰⵍ ⴰⵙⴷⵓⵔⵔⵉ ⴷ ⴰⵎⴻⵏⵏⵓⵖ ⵉ ⵓⵣⴰⵔⵓⴳ ⴷ ⵓⵙⵍⴻⵍⵍⵉ ⴷ ⵜⵉⵏⴻⴷⴷⵉⵜ ⵏ ⵜⵏⵓⴱⴰ ⵜⴰⵏⴰⵖⵍⴰⵏⵜ, ⴷ ⴰⵢⴻⵏ ⵉ ⴷ-ⵢⴻⴼⴽⴰⵏ ⴽⴰⵜⵓⵜ ⵏ ⵜⵎⵓⵔⴰ-ⵢⴰ ⴷⴻⴳ ⵢⵉⵙⴻⴼⵔⴰ ⵏ ⵓⵙⵙⴻⴼⵍⴰ ⴷ ⵓⵎⴻⵏⵏⵓⵖ ⴷ ⵓⵙⵍⴻⵍⵍⵉ".
ⵉⵡⴰⴽⴽⴻⵏ ⴰⴷ ⵉⴽⴼⴻⵢ ⵜⵉⵔⵣⴰ-ⵙ ⴷⴻⴳ ⵜⵙⴰⴳⴷⴻⵎⵜ ⵏ ⵓⵙⵙⵉⵔⵔⴻⵎ, ⴰⵏⵉⴷⴰ ⵉ ⵢⴻⴼⴽⴰ ⵓⵙⴽⴻⵍ-ⵉⵙ ⴷⴻⴳ ⵓⵎⴰⴳⵔⴰⴷ ⴰⵡⵔⴻⵖ ⵏ ⵓⵙⴰⵍⴰⵢ ⴰⵖⴻⵍⵏⴰⵡ ⵏ ⵓⵎⵊⴰⵀⴻⴷ. ⴷⴻⴳ ⵓⵏⴳⴰⵍ-ⴰ, ⵢⴻⴷⴷⴰ ⵎⴰⵙⵙ ⵜⴰⵛⵀⵔⵉⴼⵜ ⴷ ⵓⵎⴳⵔⴰⴷ ⴰⵎⴻⵣⵡⴰⵔⵓ ⵏⴳⵓⵢⴻⵏ ⵜⵔoⵏⴳ ⵏⴳⵀⵉⴰ ⴷⴻⴳ ⵜⵉⵔⵣⴰ-ⵙ ⵖⴻⵔ ⵓⵙⴰⵍⴰⵢ ⴰⵍⴻⵎⵎⴰⵙ ⵏ ⵢⵉⵙⴻⵔⴷⴰⵙⴻⵏ "ⴰⵙⴻⵍⵡⴰⵢ ⴰⵎⴻⵜⵜⴰⵏ ⵛⵀⴰⴷⵍⵉ ⴱⴻⵏⴷⵊⴻⴷⵉⴷ", ⴰⵎ ⴰⴽⴽⴻⵏ ⵉ ⴷ-ⵢⴻⵡⵡⴻⴹ ⴷⴻⴳ ⵓⵙⵉⵡⴻⵍ.
