ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⵎⴰⵙⵙ ⵙⴰⵢⴼⵉ ⵖⴰⵔⵉⴱ, ⵢⴻⵡⵡⴻⴽⴻⴷ-ⴷ ⴰⵙⵙ-ⴰ ⵏ ⴰⵔⵉⵎ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵖⴻⴼ ⵡⴰⵣⴰⵍ ⵏ ⵓⵙⴱⴻⴷⴷⵉ ⵏ ⵓⵏⴰⴳⵔⴰⵡ ⴰⵖⴻⵍⵏⴰⵡ ⵏ ⵓⵙⴻⴼⵔⴻⴽ ⵏ ⵢⵉⵙⴻⴼⴽⴰ (حوكمة البيانات), ⵉⵎⵉ ⴷ ⴰⴳⴰⵊⵊⴰ ⴰⵎⴻⵇⵇⵔⴰⵏ ⵉ ⵍⴻⴱⵏⵉ ⵏ ⵜⵎⵓⵔⵜ ⵜⴰⵜⵔⴰⵔⵜ ⵢⴻⵔⵏⴰ ⵜⴻⵊⵀⴻⴷ ⵉⵡⴰⴽⴽⴻⵏ ⴰⴷ ⵜⵇⴰⴱⴻⵍ ⴰⵢⴻⵏ ⵉ ⴷ-ⵢⴻⵜⵜⴻⴷⴷⵓⵏ.
ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⴷⴻⴳ ⵓⵏⴻⴱⴷⴰⵔ "ⵄⴻⴱⴷⴻⵍⵍⴰⵟⵉⴼ ⵔⴰⵃⴰⵍ", ⵢⴻⴱⵔⴻⵃ-ⴷ ⵙ ⵓⵏⴰⴳⵔⴰⵡ-ⴰⴳⵉ ⵢⴻⵍⵍⴰⵏ ⵙ ⴷⴷⴰⵡ ⵏ ⵜⵏⴰⴼⵓⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⵊⵉⴷ ⵜⴻⴱⴱⵓⵏ. ⵢⴻⵏⵏⴰ-ⴷ ⴱⴻⵍⵍⵉ ⴰⵢⴰ ⴷ ⴰⵢⴻⵏ ⵉⴼⴻⵣⵣⵄⴻⵏ ⴷⴻⴳ ⵓⴱⵔⵉⴷ ⵏ ⵓⵙⴻⵎⵎⴻⵔⵔⴻⵜ ⵏ ⵜⵎⵓⵔⵜ-ⵏⵏⴻⵖ, ⵍⴰⴷⵖⴰ ⵙ ⵓⴹⴻⴼⴼⴻⵔ ⵏ ⵓⵍⵖⵓ ⵏ ⵓⵙⴻⵍⵡⴰⵢ ⵓⵟⵟⵓⵏ 25-350 ⵏ ⵡⴰⵙⵙ ⵏ 30 ⴷⵓⵊⴰⵎⴱⴻⵔ 2025.
ⴰⵏⴰⴳⵔⴰⵡ-ⴰⴳⵉ – ⵢⴻⵔⵏⴰ-ⴷ ⵢⴻⵏⵏⴰ-ⴷ ⵡⴰⵏⴻⵖⵍⴰⴼ – ⵢⴻⴱⵏⴰ ⵖⴻⴼ ⵓⵙⴻⴼⵔⴻⴽ, ⵓⵃⵔⴰⵣ ⴷ ⵓⵙⴻⵎⵔⴻⵙ ⵏ ⵢⵉⵙⴻⴼⴽⴰ , ⵉⵎⵉ ⴷ ⴰⵢⴻⵏ ⵢⴻⵙⵄⴰⵏ ⴰⵣⴰⵍ ⴰⵎⴻⵇⵇⵔⴰⵏ ⵉⵡⴰⴽⴽⴻⵏ ⴰⴷ ⵏⴻⴼⴼⴻⵖ ⵙⴻⴳ ⵓⵙⴻⴼⵔⴻⴽ ⵏ ⵣⵉⴽ ⵖⴻⵔ ⵓⵙⴻⴼⵔⴻⴽ ⵏ ⵓⴱⴻⵟⵟⴰⵔ ⵉⴽⵎⴻⵍⵏ.
ⵢⴻⴱⴷⴻⵔ-ⴷ ⴷⴰⵖⴻⵏ ⴱⴻⵍⵍⵉ ⴰⵢⴰ ⵢⴻⵙⵙⴻⴱⵢⴰⵏ-ⴷ ⴰⵎⵢⴰⵡⴰⵙ ⴳⴰⵔ ⵜⵙⵓⴷⵓⵜⵉⵏ ⵏ ⵜⵎⵓⵔⵜ ⵉⵡⴰⴽⴽⴻⵏ ⴰⴷ ⴹⴻⴼⵔⴻⵏⵜ ⴰⴱⵔⵉⴷ ⵏ ⵓⵙⴻⵎⵎⴻⵔⵔⴻⵜ ⵍⵍⵉ ⵢⴻⴱⵖⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵢⴻⵔⵏⴰ ⴰⴽⴽⴻⵏ ⴰⴷ ⵏⵉⵍⵉ ⴷⴻⴳ ⵍⵡⴻⵇⵜ ⵏ ⵜⵉⴽⵏⵓⵍⵓⵊⵉⵜ ⵉ ⵢⴻⵜⵜⴻⵎⴱⴻⴷⴷⵉⵍⴻⵏ ⵙ ⵜⵖⴰⵡⵍⴰ ⴷⴻⴳ ⴷⵓⵏⵏⵉⵜ.
ⴰⵔⵏⵓ ⵖⴻⵔ
