ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⵎⴰⵙⵙ ⵙⵉⴼⵉ ⵖⴰⵔⵉⴱ, ⵉⴱⴻⴳⴳⴻⵏ-ⴷ ⴰⵙⵙ-ⴰ ⵏ ⵍⴻⵜⵍⴰⵜ ⵙⴻⴳ ⵜⵡⵉⵍⴰⵢⵜ ⵏ ⴱⴳⴰⵢⴻⵜ, ⴰⵣⴰⵍ ⵎⴻⵇⵇⵔⴻⵏ ⵉ ⵢⴻⵙⵄⴰ ⵓⵙⵓⴼⴼⴻⵖ ⵏ ⵣⵣⵉⵏⴽ ⴷ ⵔⵔⴻⵚⴰⵚ ⵙⴻⴳ ⵍⵎⴻⵏⵊⴻⵎ ⵉ ⵢⴻⵣⴷⵉⵏ ⴳⴰⵔ ⴰⵎⵉⵣⵓⵔ ⴷ ⵜⴰⵍⴰ ⵃⴰⵎⵣⴰ. ⵢⴻⵏⵏⴰ-ⴷ ⴱⴻⵍⵍⵉ ⴰⵢⴰⴳⵉ ⴷ "ⵜⴻⴷⵢⴰⵏ ⵜⴰⵎⴻⵣⵔⴰⵢⵜ" (éⴼéⵏⴻⵎⴻⵏⵜ ⵀⵉⵙⵜⵓⵔⵉⵇⵓⴻ) ⵉ ⵜⴷⴰⵎⵙⴰ ⵏ ⵜⵎⵓⵔⵜ.
ⴷⴻⴳ ⵡⴰⵡⴰⵍ-ⵉⵙ ⵉ ⵢⵉⵏⴻⵖⵎⴰⵙⴻⵏ, ⵎⴰⵙⵙ ⵙⵉⴼⵉ ⵢⴻⵏⵏⴰ-ⴷ ⴱⴻⵍⵍⵉ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵢⴻⵙⵙⵉⵡⴻⴹ-ⴷ ⴰⵣⵓⵍ-ⵉⵙ ⴷ ⵍⴻⵇⴷⴻⵔ-ⵉⵙ ⵉ ⵍⵖⴰⵛⵉ ⵏ ⵜⴰⵎⴰ-ⵏⵏⵉ ⴷ ⵢⵉⵎⴷⴻⴱⴱⵔⴻⵔ ⵉ ⵉⵄⴰⵡⵏⴻⵏ ⵉⵡⴰⴽⴽⴻⵏ ⴰⴷ ⴷ-ⵢⴻⴱⴷⵓ ⵓⵙⴻⵏⴼⴰⵔ-ⴰⴳⵉ. ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⴰⵢⴰⴳⵉ ⴷ "ⴰⵣⴰⵎⵓⵍ ⵉⵊⴻⵀⴷⴻⵏ" ⵉⵡⴰⴽⴽⴻⵏ ⴰⴷ ⴷ-ⵏⴻⵔⵔ ⵜⴰⴷⴰⵎⵙⴰ ⵏ ⵜⵎⵓⵔⵜ ⵙ ⵓⴱⵔⵉⴷ ⵏⵏⵉⴹⴻⵏ, ⵓⵔ ⵏⴻⵍⵍⵉ ⴷ ⵓⴹⴼⴰⵔ ⵏ ⵏⵏⴻⴼⵟ ⴽⴰⵏ.
ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵢⴻⵏⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⵓⵔⴰ ⵜⴻⵜⵜⴻⴷⴷⵓ ⵙ ⵍⵇⴻⴷⴷ ⵉⵡⴰⴽⴽⴻⵏ ⴰⴷ ⵜⴻⵅⴹⵓ ⵉ "ⵔⵔⵉⵄ" ⵏ ⵏⵏⴻⴼⵟ. ⵉⵙⵎⴻⴽⵜⴰⵢ-ⴷ ⴱⴻⵍⵍⵉ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵄⴰⵀⴻⴷ-ⴷ ⴱⴻⵍⵍⵉ ⴰⴷ ⵢⴻⴱⴷⵓ ⵓⵙⴻⵏⴼⴰⵔ-ⴰⴳⵉ ⴷⴻⴳ ⵓⵏⴻⴳⴳⴰⵔⵓ ⵏ ⵎⴻⵖⵔⴻⵙ. "ⵉⴹⴻⵍⵍⵉ ⵏⴻⴱⴷⴰ ⵓⵣⵣⴰⵍ (ⵉⵔⵓⵏ) ⴷⴻⴳ ⴳⴰⵔⴰ ⴷⵊⴻⴱⵉⵍⴻⵜ, ⴰⵙⵙ-ⴰ ⵣⵣⵉⵏⴽ ⴷⴻⴳ ⴱⴳⴰⵢⴻⵜ, ⴰⵣⴻⴽⴽⴰ ⴷ ⵍⴼⵓⵙⴼⴰⵜ ⴷⴻⴳ ⵜⴱⴻⵙⵙⴰ," ⵉ ⴷ-ⵢⴻⵏⵏⴰ.
ⵙⵉ ⵍⵊⵉⵀⴰ ⵏⵏⵉⴹⴻⵏ, ⴰⵎⴷⴻⴱⴱⴻⵕ ⴰⵎⴰⵜⵓ ⵏ ⵙⵓⵏⴰⵔⴻⵎ, ⵎⴰⵙⵙ ⵔⴻⴷⴰ ⴱⴻⵍⵀⴰⴷⵊ, ⵢⴻⵏⵏⴰ-ⴷ ⴱⴻⵍⵍⵉ ⵍⵎⴻⵏⵊⴻⵎ-ⴰⴳⵉ ⴷ ⵢⵉⵡⴻⵏ ⵙⴻⴳ ⵡⵉⴷ ⵓⴼⵔⴰⵔⴻⵏ ⴷⴻⴳ ⵓⵎⴰⴹⴰⵍ. ⵢⴻⵙⵄⴰ 34 ⵏ ⵢⵉⵎⴻⵍⵢⵓⵏⴻⵏ ⵏ ⵜⴻⵏⵏⴰⵜ ⵏ ⵣⵣⵉⵏⴽ ⴷ ⵔⵔⴻⵚⴰⵚ ⵉ ⵏⴻⵣⵎⴻⵔ ⴰⴷ ⵏⴻⵅⴷⴻⵎ. ⴰⵙⴻⵏⴼⴰⵔ-ⴰⴳⵉ ⴰⴷ ⴷ-ⵢⴻⴼⴽ 170.000 ⵏ ⵜⴻⵏⵏⴰⵜ ⵏ ⵣⵣⵉⵏⴽ ⴷ 30.000 ⵏ ⵔⵔⴻⵚⴰⵚ ⵢⴰⵍ ⴰⵙⴻⴳⴳⴰⵙ, ⵢⴻⵔⵏⴰ ⴰⴷ ⴷ-ⵢⴻⴼⴽ 780 ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ ⵙ ⵜⵖⴰⵡⵍⴰ.
ⴰⵙⴻⵏⴼⴰⵔ-ⴰⴳⵉ ⵉ ⴷ-ⵢⴻⵍⵍⴰⵏ ⵖⴻⴼ 254 ⵏ ⵀⵉⴽⵜⴰⵔ, ⵢⴻⴱⴷⴰ ⴷⴻⴳ ⵓⵏⴻⴳⴳⴰⵔⵓ ⵏ 2023, ⴷ ⵜⴰⵍⵍⴻⵍⵜ ⴳⴰⵔ ⵜⴽⵓⴱⴰⵏⵉⵢⵉⵏ ⵏ ⵍⴻⵣⵣⴰⵢⴻⵔ ⴷ ⵜⵉⵏ ⵏ ⵓⵙⵜⵕⴰⵍⵢⴰ "ⵜⴻⵔⵔⴰⵎⵉⵏ".
ⴰⵔⵏⵓ ⵖⴻⵔ
