ⵙ ⵢⵉⵙⴻⵎ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵎⴰⵙⵙ ⵙⵉⴼⵉ ⵖⴰⵔⵉⴱ, ⵢⴻⵙⵙⴻⵖⵔⴻⵜ ⴰⵙⵙ-ⴰ ⵏ ⵍⴻⵜⵍⴰⵜ ⴷⴻⴳ ⵜⵡⵉⵍⴰⵢⵜ ⵏ ⴱⴳⴰⵢⴻⵜ, ⵜⴰⵎⴻⵖⵔⴰ ⵏ ⵓⴱⴷⵓⴷ ⵏ ⵢⵉⵎⴻⵀⵍⴰⵏ ⵏ ⵓⵙⴻⵏⴼⴰⵔ ⵏ ⵓⵙⴻⵇⴷⴻⵛ ⵏ ⵍⵎⴻⵏⵊⴻⵎ ⵏ ⵣⵣⵉⵏⴽ ⴷ ⵔⵔⴻⵚⴰⵚ, ⵉ ⵢⴻⵣⴷⵉⵏ ⴳⴰⵔ ⵜⵖⵉⵡⴰⵏⵜ ⵏ ⴰⵎⵉⵣⵓⵔ ⴷ ⵜⵉⵏ ⵏ ⵜⴰⵍⴰ ⵃⴰⵎⵣⴰ.
ⵎⵉ ⵢⴻⵡⵡⴻⴹ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⵙ ⵜⵉⵍⵉⵏ ⵏ ⵢⵉⵏⴻⵖⵍⴰⴼⴻⵏ ⵏⵏⵉⴹⴻⵏ ⴷ ⵍⵡⴰⵍⵉ ⵏ ⴱⴳⴰⵢⴻⵜ, ⵢⵓⵏⴰⴳ ⵖⴻⵔ ⵜⴰⴷⴷⴰⵔⵜ ⵏ ⴰⵜ ⴱⵓⵣⵉⴷ (ⵜⴰⵍⴰ ⵃⴰⵎⵣⴰ) ⵉⵡⴰⴽⴽⴻⵏ ⴰⴷ ⴷ-ⵢⴻⴼⴽ ⵔⵔⴻⵛⵢ (ⵙⵉⴳⵏⴰⵍ) ⵏ ⵓⴱⴷⵓⴷ ⵏ ⵓⵙⴻⵏⴼⴰⵔ-ⴰⴳⵉ ⴰⵎⴻⵔⴽⴰⵏⵜ.
ⵍⵡⴰⵍⵉ ⵏ ⴱⴳⴰⵢⴻⵜ, ⵎⴰⵙⵙ ⴽⴰⵎⴻⵍ ⴻⴷⴷⵉⵏⴻ ⴽⴻⵔⴱⵓⵓⵛⵀⴻ, ⵢⴻⴼⴽⴰ-ⴷ ⴰⵣⵓⵍ ⵉ ⵢⵉⵏⴻⵖⵍⴰⴼⴻⵏ, ⵎⴱⴻⵄⴷ ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵉⵙⴻⵍ ⵉ ⵢⵉⵙⴰⵍⵍⴻⵏ ⵏ ⵢⵉⵜⴻⴽⵏⵉⴽⵉⵢⴻⵏ ⵖⴻⴼ ⵡⴰⵢⴻⵏ ⵉ ⵉⵛⵓⴷⴷⴻⵏ ⵖⴻⵔ ⵍⵎⴻⵏⵊⴻⵎ-ⴰⴳⵉ. ⵜⴰⵎⴰⴷⴰⵙⵜ ⵏ ⵙⵓⵏⴰⵔⴻⵎ ⴷ ⵜⵉⵏ ⵢⴻⴷⴷⵓⴽⴽⵍⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵓⵙⵜⵕⴰⵍⵢⴰ "ⴱⵣⵍ", ⴰⴷ ⴽⴽⵙⴻⵏⵜ ⵓⴳⴰⵔ ⵏ 170.000 ⵏ ⵜⴻⵏⵏⴰⵜ ⵏ ⵣⵣⵉⵏⴽ ⴷ 30.000 ⵏ ⵜⴻⵏⵏⴰⵜ ⵏ ⵔⵔⴻⵚⴰⵚ ⵢⴰⵍ ⴰⵙⴻⴳⴳⴰⵙ. ⴰⵢⴰⴳⵉ ⴰⴷ ⴷ-ⵢⴻⵔⵔ ⵜⵉⵔⵉⵔⵉⵜ ⵉ ⵡⴰⵢⴻⵏ ⵜⴻⴱⵖⴰ ⵜⵎⴳⵉⵏⵉ (ⵉⵏⴷⵓⵙⵜⵔⵉⴻ) ⵏ ⵜⵎⵓⵔⵜ, ⵢⴻⵔⵏⴰ ⴰⴷ ⵙⵓⴼⴼⵖⴻⵏ ⴰⵢⴻⵏ ⵉ ⴷ-ⵢⴻⴳⵔⴰⵏ ⵖⴻⵔ ⵍⴱⴻⵕⵕⴰ.
ⵎⵎⴻⵙⵍⴰⵢⴻⵏ-ⴷ ⵓⵍⴰ ⵖⴻⴼ ⵢⵉⵎⴻⵀⵍⴰⵏ ⵏⵏⵉⴹⴻⵏ ⵉ ⵉⵛⵓⴷⴷⴻⵏ ⵖⴻⵔ ⵓⵙⴻⵏⴼⴰⵔ-ⴰⴳⵉ:
- ⵉⴱⴻⵔⴷⴰⵏ: ⴰⴱⵔⵉ ⴰⵔⴰ ⵢⴻⵣⴷⵉⵏ ⵍⵎⴻⵏⵊⴻⵎ ⴷ ⵓⴱⵔⵉⴷ ⴰⵎⴻⵇⵇⵔⴰⵏ (ⴰⵓⵜⵓⵔⵓⵓⵜⴻ) ⴷⴻⴳ ⵒⴽ 13.
- ⵜⴰⵣⵎⴻⵔⵜ: ⴰⵙⴰⵙⴰⵢ ⵏ ⵜⵔⵉⵙⵉⵜⵉ ⵙⴻⴳ ⵓⵅⵅⴰⵎ ⵏ ⵍⴻⵇⵚⴻⵔ (60 ⴽⴼ).
- ⵡⴰⵎⴰⵏ: ⵓⴼⴰⵏ-ⴷ ⴱⴻⵍⵍⵉ ⵍⵎⴻⵏⵊⴻⵎ ⵓⵔ ⴷ-ⵉⵢⴻⵍⵍⵉ ⴰⵔⴰ ⵙ ⵍⵇⵓⵡⴰ ⵖⴻⴼ ⵡⴰⵎⴰⵏ ⵏ ⵓⵣⴰⵖⴰⵔ ⵏ ⵙⵓⵎⵎⴰⵎ (2% ⴽⴰⵏ ⵏ ⵡⴰⴽⴰⵍ). ⴰⴷ ⴷ-ⵅⴻⵍⵇⴻⵏ ⵜⴰⵎⴰⵀⵍⴰⵜ ⵏ ⵓⵙⴻⴳⴳⴻⵎ ⵏ ⵡⴰⵎⴰⵏ (ⵜⵔⴰⵉⵜⴻⵎⴻⵏⵜ ⴷⴻⵙ ⴻⴰⵓⵅ) ⵉⵡⴰⴽⴽⴻⵏ ⵓⵔ ⴷ-ⴹⴻⵔⵔⵓⵏ ⴰⵔⴰ ⴷⴻⴳ ⵜⵡⴻⵏⵏⴰⴹⵜ.
- ⵙⵙⴽⴰⵍⴰ (ⵒⵓⵔⵜ): ⴰⵎⴷⴻⴱⴱⴻⵕ ⵏ ⵙⵙⴽⴰⵍⴰ ⵏ ⴱⴳⴰⵢⴻⵜ ⵢⴻⵏⵏⴰ-ⴷ ⴱⴻⵍⵍⵉ ⵀⴻⴳⴳⴰⵏ ⵉⵎⵓⴽⴰⵏ (ⵣⵓⵏⴻⵙ 14 ⴷ 18) ⵉⵡⴰⴽⴽⴻⵏ ⴰⴷ ⵄⴰⵡⵏⴻⵏ ⴷⴻⴳ ⵓⵙⵓⴼⴼⴻⵖ ⵏ ⵣⵣⵉⵏⴽ ⴷ ⵔⵔⴻⵚⴰⵚ.
ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵢⴻⵔⵙⴰ ⵍⵍⵙⴰⵙ ⴰⵎⴻⵣⵡⴰⵔⵓ ⵉ ⵢⵉⵎⴻⵀⵍⴰⵏ ⵏ ⵓⵍⴷⴰⵢ ⵏ ⵍⵎⴻⵏⵊⴻⵎ ⵏ ⵡⴰⵙⵉⴼ ⵏ ⴰⵎⵉⵣⵓⵔ, ⵉ ⵢⴻⵍⵍⴰⵏ ⴷ ⵢⵉⵡⴻⵏ ⵙⴻⴳ ⵢⵉⵎⵓⴽⴰⵏ ⵉⵎⴻⵇⵇⵔⴰⵏⴻⵏ ⴷⴻⴳ ⵓⵎⴰⴹⴰⵍ. ⴰⵙⴻⵏⴼⴰⵔ-ⴰⴳⵉ ⴰⴷ ⴷ-ⵢⴻⴼⴽ ⵍⵇⵓⵡⴰ ⵉ ⵜⴷⴰⵎⵙⴰ, ⴰⴷ ⴷ-ⵢⴻⵔⵏⵓ ⵉⵎⵓⴽⴰⵏ ⵏ ⵓⵅⴻⴷⴷⵉⵎ, ⵢⴻⵔⵏⴰ ⴰⴷ ⵉⵃⴰⴷⴻⵔ ⵜⴰⵡⴻⵏⵏⴰⴹⵜ ⵙ ⵡⴰⵍⵍⴰⵍⴻⵏ ⵏ ⵜⵓⵔⴰ.
ⴷⴷⵓⴽⴽⵍⴻⵏ ⴷ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴷⴻⴳ ⵜⵎⵓⵖⵍⵉ-ⴰⴳⵉ: ⵎⵓⵀⴰⵎⴻⴷ ⵄⴰⵔⵇⴰⴱ, ⵙⴰⵉⴷ ⵙⴰⵢⵓⵓⴷ, ⵄⴰⴱⴷⴻⵍⴽⵔⵉⵎ ⴱⵓⵓⵣⵔⴻⴷ, ⵎⵓⵔⴰⴷ ⵄⴰⵊⵊⴰⵍ, ⵢⴰⵀⵉⴰ ⴱⴰⵛⵀⵉⵔ, ⵄⴰⴱⴷⴻⵍⵇⴰⴷⴻⵔ ⴷⵊⴻⵍⵍⴰⵓⵓⵉ, ⴷ ⵎⴰⵙⵙⴰ ⴽⴰⵔⵉⵎⴰ ⴱⴰⴽⵉⵔ.
ⴰⵔⵏⵓ ⵖⴻⵔ
