ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⴷⴻⴳ ⵏⵉⴰⵎⴻⵢ: ⵍⴻⵣⵣⴰⵢⴻⵔ ⴷ ⵜⵉⵏ ⵉⵡⴻⴽⴽⴷⴻⵏ ⴰⴽⴻⵎⵎⴻⵍ ⵏ ⵓⵏⵢⴻⵍⵍⴻⵍ ⴷ ⵏⵉⵊⴻⵔ
ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⵎⴰⵙⵙ ⵙⵉⴼⵉ ⵖⴰⵔⵉⴱ, ⵉⵡⴻⴽⴽⴻⴷ-ⴷ ⵉ ⵜⵉⴽⴽⴻⵍⵜ ⵏⵏⵉⴹⴻⵏ ⴰⵙⵙ-ⴰ ⵏ ⵍⴻⵜⵏⵉ ⴷⴻⴳ ⵏⵉⴰⵎⴻⵢ, ⴱⴻⵍⵍⵉ ⵍⴻⵣⵣⴰⵢⴻⵔ ⴷ ⵜⵉⵏ ⴰⵔⴰ ⵉⵇⵇⵉⵎⴻⵏ ⵜⴻⵇⵇⴻⵏ ⵖⴻⵔ ⵓⵏⵢⴻⵍⵍⴻⵍ ⴷ ⵜⴻⴳⴷⵓⴷⴰ ⵏ ⵏⵉⵊⴻⵔ, ⵙ ⵓⵥⴰⵢⴻⵔ ⴷⴻⴳ ⵓⵏⵏⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⴰⵔⵔⴻⴱⵔⴰⴱ ⴷ ⵢⵉⵎⵉⵒⵉⵢⴻⵏ ⵉ ⴷ-ⵉⵣⴻⴳⴳⵉⵔⴻⵏ ⵜⵉⵍⵉⵙⴰ.
ⴷⴻⴳ ⵡⴰⵡⴰⵍ-ⵉⵙ ⵙⴻⵍⴷ ⵎⵉ ⵉ ⵢⴻⵙⵙⴻⵍⵡⵉ, ⵙ ⵜⴷⵓⴽⵍⵉ ⴷ ⵓⵎⵢⴰⵍ-ⵉⵙ ⵏ ⵏⵉⵊⴻⵔ, ⵎⴰⵙⵙ ⵄⴰⵍⵉ ⵍⴰⵎⵉⵏⴻ ⵣⴻⵉⵏⴻ ⵎⴰⵒⴰⵎⴰⵏ, ⵍⴻⵇⴷⵉⵛⴰⵜ ⵏ ⵜⵙⴻⴷⴷⴰⵏⵜ ⵜⵉⵙ ⵙⵏⴰⵜ ⵏ ⵜⵙⴻⵇⵇⴰⵎⵓⵜ ⵜⴰⵎⴻⵇⵇⵔⴰⵏⵜ ⵜⴰⵣⵣⴰⵢⵔⵉⵜ-ⵜⴰⵏⵉⵊⵉⵔⵉⵜ ⵏ ⵓⵏⵢⴻⵍⵍⴻⵍ , ⵎⴰⵙⵙ ⵙⵉⴼⵉ ⵖⴰⵔⵉⴱ ⵢⴻⵏⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ "ⵜⴻⵙⵙⵉⵡⴻⵣ ⵜⵓⵇⵇⵏⴰ-ⵉⵙ ⵉ ⵓⵙⴻⵊⵒⴻⴷ ⵏ ⵓⵏⵢⴻⵍⵍⴻⵍ ⵏ ⵓⵎⵎⴰⵏ".
ⵉⵡⴻⴽⴽⴻⴷ-ⴷ ⴷⴰⵊⴻⵏ ⵖⴻⴼ ⵍⵇⵉⵎⴰ ⵏ ⵓⵙⴻⵊⵒⴻⴷ ⵏ ⵡⴰⵍⵍⴰⵍⴻⵏ ⵏ ⵓⵏⵢⴻⵍⵍⴻⵍ ⵏ ⵓⵎⵎⴰⵏ ⴳⴻⵔ ⵍⴻⵣⵣⴰⵢⴻⵔ ⴷ ⵏⵉⵊⴻⵔ. ⵢⴻⵏⵏⴰ-ⴷ ⴱⴻⵍⵍⵉ ⵜⴰⵎⵓⵖⵍⵉ ⵏ ⵙⵏⴰⵜ ⵏ ⵜⵎⵓⵔⴰ-ⴰⴳⵉ ⵜⴻⵣⵣⴰ-ⴷ ⵖⴻⴼ ⵜⵓⵣⵣⵉⵜ ⴷ ⵍⵒⴻⵔⵙ ⵏ ⵓⵎⵎⴰⵏ ⴷ ⵓⵏⴻⵔⵏⵉ ⵏ ⵜⴷⴰⵎⵙⴰ ⴷ ⵜⵎⴻⵜⵜⵉ ⴷⴻⴳ ⵜⴰⵎⵉⵡⵉⵏ ⵏ ⵜⵍⵉⵙⴰ.
ⵎⴰⵙⵙ ⵙⵉⴼⵉ ⵖⴰⵔⵉⴱ ⵉⵡⴻⴽⴽⴻⴷ-ⴷ ⴷⴰⵊⴻⵏ ⴱⴻⵍⵍⵉ "ⴰⵎⵎⴰⵏ ⵏ ⵍⴻⵣⵣⴰⵢⴻⵔ ⴷ ⴰⵎⵎⴰⵏ ⵏ ⵏⵉⵊⴻⵔ, ⵢⴻⵔⵏⴰ ⴰⵎⵎⴰⵏ ⵏ ⵏⵉⵊⴻⵔ ⴷ ⴰⵎⵎⴰⵏ ⵏ ⵍⴻⵣⵣⴰⵢⴻⵔ".
ⴷⴻⴳ ⵜⴰⴳⴳⴰⵔⴰ, ⵢⴻⵏⵏⴰ-ⴷ ⴱⴻⵍⵍⵉ "ⵉⵎⴰⵍ ⵏ ⵜⴻⵎⵏⴰⴹⵜ ⵏ ⵙⴰⵒⴻⵍ ⴷ ⵜⴻⴼⵔⵉⵇⵜ ⵉⵍⴰⵇ ⴰⴷ ⴷ-ⵢⵉⵍⵉ ⵙ ⵓⴼⵓⵙ ⵏ ⵡⴰⵔⵔⴰⵡ-ⵉⵙ, ⵙ ⵜⵉⴼⴻⴼⵔⴰⵜⵉⵏ ⵏ ⵜⵎⵓⵔⵜ ⴷ ⵜⴰⵏⴰⵢⴰ ⵏ ⵚⵚⴻⵒ".
ⴰⵔⵏⵓ ⵖⴻⵔ
