ⵉⵙⴻⵍⵍⴻⵎ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⵎⴰⵙⵙ ⵙⵉⴼⵉ ⵖⵔⵉⴱ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵓⴼⵔⴰⴳ ⵏ ⵓⵏⴰⴱⴰⴹ, ⵉ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⵏ ⵓⵡⴰⵏⴰⴽ ⵏ ⴱⵓⵙⵏⵢⴰ ⴷ ⵀⵉⵔⵣⵉⴳ, ⵎⴰⵙⵙ ⴻⵍⵎⴻⴷⵉⵏ ⴽⵓⵏⴰⴽⵓⵠⵉⵞ, ⵉ ⴷ-ⵢⵓⵙⴰⵏ ⴷⴻⴳ ⵜⵉⵔⵣⵉ ⵜⵓⵏⵚⵉⴱⵜ ⵖⴻⵔ ⵍⴻⵣⵣⴰⵢⴻⵔ.
ⵉⵎⴻⵙⵍⴰⵢⴻⵏ ⵡⵡⵉⵏ-ⴷ ⵖⴻⴼ ⵡⴰⴷⴷⴰⴷ ⴷ ⵢⵉⵙⴰⵔⴰⵎⴻⵏ ⵏ ⵡⴰⵙⵙⴰⵖⴻⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ, ⴰⵏⵉⴷⴰ ⵉ ⴷ-ⵙⵏⴻⴽⴷⴻⵏ ⵍⴻⴱⵖⵉ-ⵏⵙⴻⵏⵜ ⴰⵎⴻⵣⴷⴰⵢ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⵏ ⵙⵉⵏ ⴷⴻⴳ ⵢⴰⴽⴽ ⵢⵉⵏⵏⴰⵔⴻⵏ. ⴰⵢⴰⴳⵉ ⵙ ⵓⵙⴻⴶⵀⴻⴷ ⵏ ⵓⵣⴻⵏⵣⵉⵖ ⵏ ⵜⵎⵓⵙⵏⵉⵡⵉⵏ ⵏ ⵡⴰⵙⵙⴰⵖⴻⵏ ⴳⴰⵔ ⵜⵎⵓⵔⴰ ⴷ ⵓⵙⴻⴷⴷⴻⵔ ⵏ ⵡⴰⵍⵍⴰⵍⴻⵏ ⵏ ⵓⵎⵢⴻⵛⵛⴻⵔ.
ⴷⴰⵖⴻⵏ, ⵇⴻⵔⴷⵛⴻⵏ ⵜⴰⵔⵔⴰⵢⵉⵏ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴰⴷⴰⵎⵙⴰⵏ ⴷ ⵓⵎⵓⴱⴱⴰⴷⴷⴻⵍ ⵏ ⵜⵏⴻⵣⵣⵓⵜ ⴳⴰⵔ ⵙⵏⴰⵜ ⵏ ⵜⵎⵓⵔⴰ, ⵍⴰⴷⵖⴰ ⵙ ⵓⵙⵏⴻⵔⵏⵉ ⵏ ⵜⴻⵢⵡⴰⵍⵜ ⴳⴰⵔ ⵢⵉⵎⵙⴻⵜⵎⴰⵔⴻⵏ ⴷ ⵓⵙⴼⵓⵍⴻⵍ-ⵏⵙⴻⵏ ⵉ ⵓⵙⴱⴻⴷⴷⵉ ⵏ ⵜⴷⵓⴽⵍⵉⵡⵉⵏ ⵏ ⵙⵉⵏ. ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⴷ-ⴰⴳⵎⴻⵏ ⵙⴻⴳ ⵜⵣⴻⵎⵎⴰⵔ ⵉ ⴷ-ⵉⵟⵟⴰⴽⴻⵏ ⵢⵉⵙⵏⵉⵢⴰⵍⴻⵏ ⵉⴷⴰⵎⵙⴰⵏⴻⵏ ⵉⵎⵓⵜⴰⵏⴻⵏ ⵉ ⴷ-ⵢⴻⵡⵡⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵓⵙⴼⵉⵣⴷⴻⴳ ⵏ ⵜⴻⴳⵏⵉⵜ ⵏ ⵢⵉⵎⴰⵀⵉⵍⴻⵏ ⴷⴻⴳ ⵍⴻⵣⵣⴰⵢⴻⵔ.
ⴰⵔⵏⵓ ⵖⴻⵔ
