ⵢⴻⵡⵡⴻⴹ-ⴷ, ⵜⴰⵎⴻⴷⴷⵉⵜ ⵏ ⵡⴰⵙⵙ-ⴰ ⵏ ⵍⴻⵜⵏⴰⵢⴻⵏ, ⵖⴻⵔ ⵍⴻⵣⵣⴰⵢⴻⵔ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵏ ⵜⴻⵇⴷⵓⴷⴰ ⵏ ⵚⴻⵔⴱⵢⴰ, ⵎⴰⵙⵙ ⵊⵓⵔⵓ ⵎⴰⵜⵙⵓⵜ, ⴷⵉ ⵓⵔⵣⴰⴼ ⵏ ⵓⵎⴰⵀⵉⵍ ⴷⴻⴳ ⵢⴰⵜ ⵜⴻⴳⵔⵓⵎⵎⴰ ⵏ ⵢⵉⵎⴰⵙⴰⵢⴻⵏ ⵢⴻⵄⵍⴰⵢⴻⵏ, ⴰⴽⴽⴻⵏ ⵉ ⴷ-ⵢⵓⵙⴰ ⴷⴻⴳ ⵓⵍⵖⵓ ⵏ ⵢⵉⴼⴻⵔⴷⵉⵙⴻⵏ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ.
ⵢⴻⵍⵍⴰ ⴷⴻⴳ ⵓⵎⵎⴻⵔⴱⴻⴱ-ⵉⵙ, ⴷⵉ ⵓⵎⴰⴼⴰⴳ ⴰⴳⵔⴰⵖⵍⴰⵏ ⵀⵓⵡⴰⵔⵉ ⴱⵓⵎⴻⴷⵢⴰⵏ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵎⴰⵙⵙ ⵙⵉⴼⵉ ⵖⴰⵔⵉⴱ, ⵢⴻⴷⴷⴰ ⴷ ⵢⴰⵜ ⵜⴻⴳⵔⵓⵎⵎⴰ ⵏ ⵢⵉⵏⴻⵖⵍⴰⴼⴻⵏ, ⴰⴽⴽⴻⴷ ⵓⵎⴰⵔⴰ ⴰⵎⴰⵜⵓ ⵏ ⵜⵏⴻⵖⵍⴰⴼⵜ ⵏ ⵜⵎⴻⵚⵍⵉⵡⵉⵏ ⵏ ⴱⴻⵕⵕⴰ, ⵍⵓⵏⴰⵙ ⵎⴻⵇⵔⴻⵎⴰⵏ, ⴷ ⵎⴰⵃⵔⴻⵣ ⴼⴰⵜⴻⵃ, ⴰⵎⵙⵉⴳⴳⴻⵍ ⵏ ⵍⴻⵣⵣⴰⵢⴻⵔ ⴷⵉ ⵚⴻⵔⴱⵢⴰ.
ⵢⴻⵙⵙⴻⴼⵔⴻⵔ-ⴷ ⵓⵍⵖⵓ-ⴰⴳⵉ ⵡⴰⴽⴽⴻⵏ ⵓⵔⵣⴰⴼ-ⴰⴳⵉ ⵢⴻⵜⵜⴻⴽⴽⴰ ⴷⴻⴳ ⵓⵙⴰⵜⴰⵍ ⵏ ⵓⵙⴻⵊⵀⴻⴷ ⵏ ⵡⴰⵙⵙⴰⵖⴻⵏ ⵏ ⵜⵎⵉⴷⵉ ⴷ ⵓⵎⵢⴰⵍⵍⴻⵍ ⴳⴰⵔ ⵍⴻⵣⵣⴰⵢⴻⵔ ⴷ ⵜⴻⵇⴷⵓⴷⴰ ⵏ ⵚⴻⵔⴱⵢⴰ. ⵢⵉⵙⵡⵉ-ⵉⵙ ⴷ ⵓⵙⴻⴷⵍⴻⵍ ⵏ ⵓⵎⵢⴰⵍⵍⴻⵍ ⴳⴰⵔ-ⴰⵙⴻⵏⵜ ⴷ ⵓⵙⴻⵎⵖⴻⵔ ⵏ ⵓⵎⵢⴰⵍⵍⴻⵍ, ⵍⴰⴷⵖⴰ ⴷⵉ ⵜⴷⴰⵎⵙⴰ ⴷ ⵡⴰⵙⵙⴻⵎⵔⴻⴹ.
ⵓⵔⵣⴰⴼ-ⴰⴳⵉ ⵢⴻⵙⵙⴻⴽⵏⴰⵢ-ⴷ ⴷⴰⵖⴻⵏ ⵍⴻⴱⵖⵉ ⴰⵙⴻⵔⵜⴰⵏ ⵏ ⵢⵉⵎⴰⵙⴰⵢⴻⵏ ⵏ ⵙⵏⴰⵜ ⵏ ⵜⵎⵓⵔⴰ, ⴰⵙⴻⵍⵡⴰⵢ ⵏ ⵜⴻⵇⴷⵓⴷⴰ ⵎⴰⵙⵙ ⵄⴻⴱⴷⴻⵍⵎⴰⵊⵉⴷ ⵜⴻⴱⴱⵓⵏ ⴷ ⵓⵎⵉⴷⴰⵡ-ⵉⵙ ⴰⵚⴻⵔⴱⵉ ⴰⵍⴻⴽⵙⴰⵏⴷⴻⵔ ⴼⵓⵜⵛⵉⵜⵛ, ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⵡⴰⵙⵙⴰⵖⴻⵏ ⴳⴰⵔ-ⴰⵙⴻⵏⵜ ⵖⴻⵔ ⵡⴻⵙⵡⵉⵔ ⵢⴻⵄⵍⴰⵢⴻⵏ, ⴷ ⵓⵙⴻⵊⵀⴻⴷ ⵏ ⵓⵎⵢⴰⵡⴰⴹ ⴷ ⵓⵎⵛⴰⵡⴰⵕ ⵖⴻⴼ ⵜⵎⴰⵙⴰⵢⵉⵏ ⵉ ⴷ-ⵢⴻⵙⵙⴻⵇⵓⴷⴷⵓⵏ ⵙⵏⴰⵜ ⵏ ⵜⵎⵓⵔⴰ.
ⴰⵔⵏⵓ ⵖⴻⵔ
