ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⵎⴰⵙⵙ ⵙⵉⴼⵉ ⵖⵔⵉⴱ, ⴰⵙⵙ-ⴰ ⵏ ⵍⴰⵔⴻⴱⴻⵄ, ⵢⵉⵡⴻⵜ ⵏ ⵜⵉⵖⵉⵎⵉⵜ ⵏ ⵓⵏⴰⴱⴰⴹ ⵉ ⴷⴻⴳ ⵇⴻⵔⴷⵛⴻⵏ ⴰⵙⴻⵏⴼⴰⵔ ⵏ ⵜⵙⵓⴷⴷⴻⵙⵜ ⵏ ⵓⵙⴻⵍⴽⴻⵎ ⵉ ⴷ-ⵢⴻⵙⵙⴻⵔⵙⵉⵢⴻⵏ ⵜⵉⵡⵜⵉⵍⵉⵏ ⴷ ⵜⴰⵔⵔⴰⵢⵉⵏ ⵏ ⵜⵉⵔⴰ ⴷ ⵓⴼⵔⴰⵇ ⵏ ⵢⵉⵙⴰⴼⴰⵔⴻⵏ ⵉ ⵢⴻⵄⵏⴰⵏ ⵜⵓⵊⵊⵢⴰ ⵏ ⵢⵉⵎⴷⴰⵏⴻⵏ. ⴷⴰⵖⴻⵏ, ⵇⴻⵔⴷⵛⴻⵏ ⴰⵙⴻⵏⴼⴰⵔ ⵏ ⵜⵙⵓⴷⴷⴻⵙⵜ ⵏ ⵓⵙⴻⵍⴽⴻⵎ ⵢⴻⵄⵏⴰⵏ ⵜⵉⵄⵍⴻⵏⵜ ⵏ ⵜⴰⵏⴼⴰⵄⵜ ⵜⴰⵎⴰⵜⵓⵜ ⵉ ⵜⵎⵓⵀⴻⵍ ⵏ ⵓⵙⴱⴻⴷⴷⵉ ⵏ ⵙⵙⴻⴽⴽⴰ ⵏ ⵓⵣⵣⴰⵍ ⵍⴻⵣⵣⴰⵢⴻⵔ-ⵜⴰⵎⴻⵏⵖⴰⵙⵜ, ⴷⴻⴳ ⵢⵉⵃⵔⵉⵛⴻⵏ ⴳⴰⵔ ⴻⵍ ⵎⴻⵏⵉⴰ-ⵉⵏ ⵚⴰⵍⴰⵀ ⴷ ⵉⵏ ⵚⴰⵍⴰⵀ-ⵜⴰⵎⴻⵏⵖⴰⵙⵜ.
ⵙ ⴷⴷⴰⵡ ⵏ ⵡⴰⵢⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵓⴱⵉⵕⵓ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⵏⴰⴱⴰⴹ ⵢⴻⵇⵇⴻⵔⴷⴻⵛ ⴷⴻⴳ ⵜⴰⵣⵡⴰⵔⴰ ⴰⵙⴻⵏⴼⴰⵔ ⵏ ⵜⵙⵓⴷⴷⴻⵙⵜ ⵏ ⵓⵙⴻⵍⴽⴻⵎ ⵢⴻⵄⵏⴰⵏ ⵉⵙⴰⴼⴰⵔⴻⵏ ⵏ ⵜⵓⵊⵊⵢⴰ ⵏ ⵢⵉⵎⴷⴰⵏⴻⵏ. ⵉⵙⵡⵉ ⵏ ⵓⴹⵔⵉⵙ-ⴰⴳⵉ ⴷ ⴰⵙⴱⴰⴷⵓ ⵏ ⵓⵣⴻⵏⵣⵉⵖ ⵏ ⵓⵎⴰⵀⵉⵍ ⵏ ⵢⵉⵎⴻⵣⵣⵓⵍⴰⵏⴻⵏ ⵏ ⵜⴰⵣⵣⵉⵜ ⴷⴻⴳ ⵜⵎⵓⵙⵏⵉⵡⵉⵏ ⵜⵉⴳⴷⵓⴷⴰⵏⵉⵏ ⴷ ⵜⵉⴷ ⵉⵅⵓⵚⵚⵉⵢⴻⵏ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴻⵎⵔⴻⵙ ⵓⴼⵔⵉⵏ, ⵉⵃⴻⵔⵣⴻⵏ ⵓ ⵉⵜⴻⴷⴷⵓⵏ ⴷ ⵜⵓⴽⴽⵉⵙⵉⵡⵉⵏ ⵏ ⵜⴰⵣⵣⵉⵜ ⵜⴰⴳⴷⵓⴷⴰⵏⵜ ⵜⴰⵖⴻⵍⵏⴰⵡⵜ.
ⴰⵢⴰⴳⵉ ⴷ ⴰⵍⵍⴰⵍ ⴰⵙⵔⴰⵜⵉⴷⵊⵉ ⵉ ⵓⵙⴻⴶⵀⴻⴷ ⵏ ⵓⵏⴰⴳⵔⴰⵡ ⴰⵖⴻⵍⵏⴰⵡ ⵏ ⵢⵉⵙⴰⴼⴰⵔⴻⵏ ⴷ ⵓⵙⵎⴰⵢⵏⵓⵜ ⵏ ⵜⴰⵔⵔⴰⵢⵉⵏ ⵏ ⵜⵓⵊⵊⵢⴰ ⴷⴻⴳ ⵍⴻⵣⵣⴰⵢⴻⵔ, ⵉⵡⴰⴽⴽⴻⵏ ⴰⴷ ⴷ-ⵢⴰⵡⴻⴹ ⵉ ⵢⵉⴱⴻⴷⴷⵉⵍⴻⵏ ⵏ ⵓⵏⴰⴳⵔⴰⵡ ⵏ ⵜⴰⵣⵣⵉⵜ ⴷ ⵓⵙⵎⴰⵢⵏⵓⵜ ⵏ ⵜⴰⵔⵔⴰⵢⵉⵏ ⵏ ⵓⵊⵊⴻⵢ.
ⴷⴰⵖⴻⵏ, ⴰⵏⴰⴱⴰⴹ ⵢⴻⵣⵔⴰ ⴰⵙⴻⵏⴼⴰⵔ ⵏ ⵜⵙⵓⴷⴷⴻⵙⵜ ⵢⴻⵄⵏⴰⵏ ⵜⵉⵄⵍⴻⵏⵜ ⵏ ⵜⴰⵏⴼⴰⵄⵜ ⵜⴰⵎⴰⵜⵓⵜ ⵉ ⵓⵙⴱⴻⴷⴷⵉ ⵏ ⵓⴱⵔⵉⴷ ⵏ ⵙⵙⴻⴽⴽⴰ ⵏ ⵓⵣⵣⴰⵍ ⵍⴻⵣⵣⴰⵢⴻⵔ-ⵜⴰⵎⴻⵏⵖⴰⵙⵜ. ⵉⵃⵔⵉⵛⴻⵏ ⴻⵍ ⵎⴻⵏⵉⴰ-ⵉⵏ ⵚⴰⵍⴰⵀ (410 ⴽⵎ) ⴷ ⵉⵏ ⵚⴰⵍⴰⵀ-ⵜⴰⵎⴻⵏⵖⴰⵙⵜ (676 ⴽⵎ) ⵜⵜⴻⴽⴽⴻⵏ ⴷⴻⴳ ⵓⵣⴻⵏⵣⵉⵖ ⵏ ⵓⵙⴻⵏⴼⴰⵔ ⴰⵎⴻⵇⵇⵔⴰⵏ ⵏ ⵙⵙⴻⴽⴽⴰ ⵏ ⵓⵣⵣⴰⵍ ⴰⵔⴰ ⵉⵡⴻⵣⵏⴻⵏ ⵓⴳⴰⵔ ⵏ 2.400 ⴽⵎ. ⴰⵢⴰⴳⵉ ⴰⴷ ⵉⵄⴰⵡⴻⵏ ⴷⴻⴳ ⵓⵙⵏⴻⴼⵍⵉ ⵏ ⵓⵣⵓⵏⴻⵢ ⵏ ⵙⵙⴻⴽⴽⴰ ⵏ ⵓⵣⵣⴰⵍ ⴷⴻⴳ ⵢⵉⴷⵓⵔⴰⵔ ⵏ ⵓⵏⵉⴳ ⴷ ⵓⵏⵥⵓⵍ ⵏ ⵜⵎⵓⵔⵜ, ⵓ ⴰⴷ ⵢⴻⵙⵏⴻⵔⵏⵉ ⵜⴻⴳⵏⴰⵜⵉⵏ ⵏ ⵜⵓⴷⴻⵔⵜ ⴷ ⵓⵙⵏⴻⴼⵍⵉ ⴰⴷⴰⵎⵙⴰⵏ ⴷⴻⴳ ⵜⵎⴻⵏⵏⴰⵟ-ⴰⴳⵉ.
ⴷⴻⴳ ⵜⴰⴳⴳⴰⵔⴰ, ⴷⴻⴳ ⵓⴱⵔⵉⴷ ⵏ ⵓⵙⴼⵓⵍⴻⵍ ⵏ ⵡⴰⴷⴷⴰⴷ ⵏ ⵓⵡⴻⵣⵣⵉ ⵏ ⵡⴰⵎⴰⵏ ⵏ ⵜⵉⵙⵙⵉⵜ, ⴰⵏⴰⴱⴰⴹ ⵉⵡⴰⵍⴰ ⵜⵉⴷⴷⵢ ⵏ ⵢⵉⵎⴰⵀⵉⵍⴻⵏ ⵏ ⵓⵙⴱⴻⴷⴷⵉ ⴷ ⵜⵓⵇⵇⵏⴰ ⵏ ⵡⴰⵎⵎⴰⵙ ⵏ ⵓⵙⵉⵙⵀⴻⵍ ⵏ ⵡⴰⵎⴰⵏ ⵏ ⵢⵉⵍⵍⴻⵍ ⵏ ⵓⵎⴰⵍⵓ ⵏ ⵍⴻⵣⵣⴰⵢⴻⵔ ⴷⴻⴳ ⴼⵓⵓⴽⴰ, ⴷ ⵢⵉⵎⴰⵀⵉⵍⴻⵏ ⵏ ⵓⵡⴻⵣⵣⵉ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⵉ ⵜⴰⴷⴷⴰⵔⵜ ⵏ ⵜⵉⵏ ⵣⴰⵡⴰⵜⵉⵏ, ⴷⴻⴳ ⵜⵡⵉⵍⴰⵢⵜ ⵏ ⵉⵏ ⴳⴻⵣⵣⴰⵎ, ⵙⴻⴳ ⵓⵏⵔⴰⵔ ⵏ ⵡⴰⵎⴰⵏ ⵏ ⵜⴰⵏⴻⵣⵔⵓⵓⴼⵜ.
ⴰⵔⵏⵓ ⵖⴻⵔ
