ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⵎⴰⵙⵙ ⵙⵉⴼⵉ ⵖⵔⵉⴱ, ⴰⵙⵙ-ⴰ ⵏ ⵍⵀⴻⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵉⵎⴰⵀⵉⵍⴻⵏ ⵏ ⵓⵙⴱⴻⴷⴷⵉ ⵏ ⵓⵙⵇⴰⵎⵓ ⵏ ⵓⵙⴻⴷⴱⴻⵔ ⵏ ⵜⴻⵙⵏⵓⵔⴻⴼⵜ ⵜⴰⵣⵣⴰⵢⵔⵉⵜ ⵉ ⵓⵙⵏⴻⵔⵏⵉ ⵏ ⵓⵙⵙⴻⵜⵎⴻⵔ (AAPI).
ⵉⵎⴰⵀⵉⵍⴻⵏ ⵏ ⵓⵙⴱⴻⴷⴷⵉ ⵏ ⵓⵙⵇⴰⵎⵓ-ⴰⴳⵉ, ⵉ ⴷⴻⴳ ⵍⵍⴰⵏ ⵢⵉⵎⴰⵏⴰⵢⴻⵏ ⵉⵎⴰⵜⴰⵏⴻⵏ ⵏ ⵜⵏⴻⵖⵍⴰⴼⵉⵏ ⵢⴻⵄⵏⴰⵏ ⴰⵙⵙⴻⵜⵎⴻⵔ, ⴷⴷⴰⵏ-ⴷ ⴷⴻⴳ ⵓⴼⵔⴰⴳ ⵏ ⵓⵏⴰⴱⴰⴹ, ⵙ ⵜⵉⵍⵉⵜ ⵏ ⵡⴰⵟⴰⵙ ⵏ ⵢⵉⵏⴻⵖⵍⴰⴼⴻⵏ, ⵉⵎⴹⴻⴱⴱⵔⴻⵏ ⵏ ⵓⵡⴰⵏⴰⴽ, ⵉⵙⴻⵍⵡⴰⵢⴻⵏ ⵏ ⵜⵓⴷⴷⵙⵉⵡⵉⵏ ⵏ ⵢⵉⵎⴰⵡⵍⴰⵏ ⵏ ⵓⵎⴰⵀⵉⵍ ⴷ ⵜⴷⵓⴽⵍⵉⵡⵉⵏ ⵏ ⵢⵉⵎⴻⵣⵣⵓⵍⴰⵏⴻⵏ.
ⴷⴻⴳ ⵜⴰⵍⵍⵉⵜ-ⴰⴳⵉ, ⵉⵙⵙⴻⴽⵏⴻⴷ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴱⴻⵍⵍⵉ ⴰⵙⴱⴻⴷⴷⵉ ⵏ ⵓⵙⵇⴰⵎⵓ-ⴰⴳⵉ ⴷ "ⴰⵙⵓⵔⵉⴼ ⵉ ⵉⵜⴻⴷⴷⵓⵏ ⴷⴻⴳ ⵓⴱⵔⵉⴷ ⵏ ⵓⴽⴻⵎⵎⴻⵍ ⵏ ⵓⵙⴻⵍⴽⴻⵎ ⵏ ⵢⵉⵙⵏⵉⵢⴰⵍⴻⵏ ⵉ ⴷ-ⵢⴻⵡⵡⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⴷⴻⴳ ⵓⵏⵏⴰⵔ ⵏ ⵓⵙⵏⴻⵔⵏⵉ ⵏ ⵓⵙⵙⴻⵜⵎⴻⵔ ⴷ ⵓⵙⵉⵣⵣⴻⴷ ⵏ ⵜⴰⵡⵏⵏⴰⴹⵜ ⵏ ⵢⵉⵎⴰⵀⵉⵍⴻⵏ. ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⵜⵏⴻⵔⵏⵉ ⵏⴼⴰⵄ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵓ ⴰⴷ ⵜⴻⵙⵙⵉⵡⴻⴹ ⴰⴷ ⴷ-ⵜⴰⵡⵉ ⵢⵉⵙⵙⴻⵜⵎⴰⵔⴻⵏ ⵉ ⴷ-ⵉⵟⵟⴰⴽⴻⵏ ⵏⴼⴰⵄ ⴷ ⵢⵉⵎⵓⴽⴰⵏ ⵏ ⵓⵎⴰⵀⵉⵍ".
"ⴷⴰⵖⴻⵏ, ⵜⵉⴳⴳⴰⵡⴻⵜ-ⴰⴳⵉ ⵜⵓⵙⴰ-ⴷ ⴰⵎ ⵡⴰⵍⵍⴰⵍ ⵏ ⵜⵎⵓⵙⵏⵉ ⴰⵎⴰⵢⵏⵓⵜ ⵉ ⵢⴻⴱⵖⴰⵏ ⴰⴷ ⵢⴻⵙⵏⴻⵔⵏⵉ ⵏⴼⴰⵄ ⴷⴻⴳ ⵓⵙⴻⴷⴱⴻⵔ ⵏ ⵜⴻⵙⵏⵓⵔⴻⴼⵜ ⵜⴰⵣⵣⴰⵢⵔⵉⵜ ⵉ ⵓⵙⵏⴻⵔⵏⵉ ⵏ ⵓⵙⵙⴻⵜⵎⴻⵔ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⵣⴻⵏⵣⵉⵖ ⵏ ⵓⵙⴻⵍⴽⴻⵎ ⵏ ⵜⴰⵔⵔⴰⵢⵉⵏ ⵉ ⴷ-ⵢⵓⵔⴰⵏ ⴷⴻⴳ ⵜⵙⵓⴷⴷⴻⵙⵜ ⵏ ⵓⵙⴻⵍⴽⴻⵎ ⵡⵓⵟⵟⵓⵏ 26-153 ⵏ 14 ⵢⴻⴱⵔⵉⵔ 2026, ⵉ ⴷ-ⵢⴻⵡⵡⵉ ⴰⵄⴰⵡⴻⴷ ⵏ ⵓⵙⵓⴷⴷⴻⵙ ⵏ ⵜⴻⵙⵏⵓⵔⴻⴼⵜ ⴷ ⵓⵙⴻⴶⵀⴻⴷ ⵏ ⵜⵣⴻⵎⵎⴰⵔ-ⵉⵙ", ⴰⴽⴽⴻⵏ ⵉ ⴷ-ⵢⴻⵔⵏⴰ ⵙⵉⴼⵉ ⵖⵔⵉⴱ.
ⴰⵔⵏⵓ ⵖⴻⵔ
