ⴰⵏⴻⵖⵍⴰⴼ ⵏ ⵓⵙⴻⵍⵎⴻⴷ ⴰⵖⴻⵍⵏⴰⵡ, ⵎⵓⵃⴰⵎⴻⴷ ⵙⴻⵖⵉⵔ ⵙⴰⵄⴷⴰⵡⵉ, ⵉⵡⴻⵚⵚⴰ ⵙ ⵍⵃⴻⵔⵙ ⵖⴻⴼ ⵍⴶⵉⴷ ⴷ ⵓⵏⴹⴰⴱ ⵎⴻⵇⵇⵔⴻⵏ, ⴷ ⵓⵙⴻⵇⴷⴻⵛ ⵏ ⵡⴰⵍⵍⴰⵍⴻⵏ ⴰⴽⴽ ⵉⵡⴰⴽⵯⴻⵏ ⴰⴷ ⵜⴻⵏⵏⴻⵍⵃⵓ ⵜⴻⵎⵣⵉⵣⴻⵍⵜ ⵏ ⵓⵙⵙⴻⵜⵓ ⵏ ⵢⵉⵙⴻⵍⵎⴰⴷⴻⵏ ⴷⴻⴳ ⵜⴻⴳⵏⴰⵜⵉⵏ ⵢⴻⵍⵀⴰⵏ.
ⴷⴻⴳ ⵜⴻⵎⵍⵉⵍⵉⵢ ⵉ ⴷ-ⵢⴻⵍⵍⴰⵏ ⵙ ⵜⵍⵉⵖⵔⵉ ⵏ ⵓⴷⵉⵔⴻⵔ (vidioconférence) ⴰⵙⵙ ⵏ ⵓⵙⵉⵏⴰⵙ, ⵉ ⴷⴻⴳ ⵍⵍⴰⵏ ⵉⵎⵓⵙⵏⴰⵡⴻⵏ ⵏ ⵜⵎⴰⴷⴰⵙⵜ ⵜⴰⵍⴻⵎⵎⴰⵙⵜ ⴷ ⵍⵎⵓⴷⵉⵔ ⵏ ⵓⵙⵡⵉⵔ ⴰⵖⴻⵍⵏⴰⵡ ⵏ ⵢⵉⵣⵉⵔⵡⴻⵏ ⴷ ⵜⴻⵎⵣⵉⵣⵍⵉⵏ (ONM) ⴰⴽⴽ ⴷ ⵉⵎⴰⵔⴰⵢⴻⵏ ⵏ ⵓⵙⴻⵍⵎⴻⴷ, ⵙⴰⵄⴷⴰⵡⵉ ⵢⴻⵏⵏⴰ-ⴷ ⴱⴻⵍⵍⵉ ⵜⴻⵎⵣⵉⵣⴻⵍⵜ-ⴰⴳⵉ ⴷ ⵢⵉⵡⴻⵜ ⵏ ⵜⴻⵎⵀⴰⵍⵜ ⵎⴻⵇⵇⵔⴻⵏ ⴰⴽⴽ ⵉ ⴷ-ⵢⴻⵍⵍⴰⵏ ⴷⴻⴳ ⵢⵉⵙⴻⴳⴳⴰⵙⴻⵏ-ⴰⴳⵉ ⵉⵏⴻⴳⴳⵓⵔⴰ.
ⴰⵏⴻⵖⵍⴰⴼ ⵢⴻⴱⴷⴻⵔ-ⴷ ⴰⵣⴰⵍ ⵏ ⵜⵙⴻⵏⵙⴻⵍⴽⵉⵎⵜ (numérique) ⵉ ⴷ-ⵢⴻⴼⴽⴰⵏ ⵜⵉⴼⴰⴼⵉⵜ ⴷ ⵓⵏⵏⴻⵔⵏⵉ ⵏ ⵍⵅⴻⴷⵎⴰ, ⵢⴻⵔⵏⴰ ⵉⵡⴻⵚⵚⴰ ⵉⵎⴰⵔⴰⵢⴻⵏ ⴰⴷ ⵉⵍⵉⵏ ⴷⴻⴳ ⵡⴰⵏⵏⴰⵔ (terrain) ⵉⵡⴰⴽⵯⴻⵏ ⴰⴷ ⴷ-ⵉⵍⵉⵏ ⴷ ⵉⵏⴰⴳⴰⵏ ⵖⴻⴼ ⵜⵜⴻⴷⴷⵓ ⵏ ⵍⵅⴻⴷⵎⴰ.
ⴷⴻⴳ ⵓⵏⴰⵎⴻⴽ-ⴰⴳⵉ, ⴰⵏⴻⵖⵍⴰⴼ ⵉⵃⵔⴻⵙ ⵖⴻⴼ ⵓⵇⴰⴷⴻⵔ ⵏ ⵍⵇⴰⵏⵓⵏ ⴷ ⵉⴹⵔⵉⵙⴻⵏ ⵏ ⵜⵎⴰⴷⴰⵙⵜ, ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⵍⴻⵄⴷⴻⴷ ⵏ ⵢⵉⵎⴻⵙⴽⴰⵔⴻⵏ ⵢⴻⵡⵡⴻⴹ ⵓⴳⴰⵔ ⵏ ⵓⵎⴻⵍⵢⵓⵏ ⴷ 65 ⵏ ⵢⵉⴳⵉⵎⴰⵏ (1,065,000). ⴰⵢⴰⴳⵉ ⵢⴻⵜⵔⴰⵊⵓ ⵍⵃⴻⵔⵙ ⵎⴻⵇⵇⵔⴻⵏ ⴷⴻⴳ ⵓⵇⴰⴱⴻⵍ ⵏ ⵢⵉⴼⴰⵢⵍⵓⵜⵜⴻⵏ ⴷ ⵍⵃⴻⵇⵇ ⴳⴰⵔ ⵢⵉⵎⴷⴰⵏⴻⵏ.
ⴷⴻⴳ ⵜⴰⴳⴳⴰⵔⴰ, ⵎⵓⵃⴰⵎⴻⴷ ⵙⴻⵖⵉⵔ ⵙⴰⵄⴷⴰⵡⵉ ⵉⵡⴻⵚⵚⴰ ⵉⵡⴰⴽⵯⴻⵏ ⴰⴷ ⴱⴷⵓⵢⴻⵏ ⵙⴻⴳ ⵜⵓⵔⴰ ⴰⵀⴻⵢⵢⵉ ⵏ ⵢⵉⵎⵓⴽⴰⵏ ⵏ ⵢⵉⵣⵉⵔⵡⴻⵏ (exams) ⵏ ⵓⵖⴻⵔⴱⴰⵣ, ⵙ ⵓⴼⵔⴰⵏ ⵏ ⵢⵉⵎⵓⴽⴰⵏ ⵉ ⴷⴻⴳ ⵍⵍⴰⵏ ⵡⴰⵍⵍⴰⵍⴻⵏ ⴰⴽⴽ ⵉⵡⴰⴽⵯⴻⵏ ⴰⴷ ⵄⴻⴷⴷⵉⵏ ⵢⵉⵣⵉⵔⵡⴻⵏ ⴷⴻⴳ ⵜⴻⴳⵏⴰⵜⵉⵏ ⵉⴼⴰⵣⴻⵏ.
ⴰⵔⵏⵓ ⵖⴻⵔ
