ⴰⵏⴻⵖⵍⴰⴼ ⵏ ⵓⵙⴻⵍⵎⴻⴷ ⵓⵏⵏⵉⴳ ⴷ ⵓⵏⴰⴷⵉ ⵓⵙⵙⵏⴰⵏ, ⴽⴰⵎⴻⵍ ⴱⴻⴷⴷⴰⵔⵉ, ⵉⵡⴻⴽⴽⴻⴷ-ⴷ ⴰⵙⵙ-ⴰⴳⵉ ⵏ ⵍⵀⴻⴷ ⴷⴻⴳ ⵏⴰⵄⵎⴰ, ⴱⴻⵍⵍⵉ ⴰⵙⵙⴻⴽⵛⴻⵎ ⵏ ⵢⵉⵏⴻⵍⵎⴰⴷⴻⵏ ⵏ ⵜⴻⵙⴷⴰⵡⵉⵜ ⴷⴻⴳ ⵓⵏⵏⴰⵔ ⵏ ⵜⵇⴻⴱⴱⴰⵏⵉⵜ (ⴻⵏⵜⵔⴻⵒⵔⴻⵏⴻⵓⵔⵙⵀⵉⵒ) ⵢⴻⵊⵊⴰ-ⵜⴻⵏ ⴰⴷ ⴷ-ⵅⴻⵍⵇⴻⵏ ⵉⵙⴻⵏⴼⴰⵔⴻⵏ ⵏ ⵜⴷⴰⵎⵙⴰ ⵏ ⵙⵚⴻⵃ.
ⴰⵏⴻⵖⵍⴰⴼ ⵢⴻⵔⵏⴰ-ⴷ ⴱⴻⵍⵍⵉ ⵉⵙⴻⵏⴼⴰⵔⴻⵏ ⵉ ⵢⵓⴼⵔⴻⵏ ⵉ ⵉⵡⴰⵍⴰ ⵙ ⵖⵓⵔ ⵢⵉⵏⴻⵍⵎⴰⴷⴻⵏ ⵏ ⵜⴻⵙⴷⴰⵡⵉⵜ ⵏ ⵏⴰⵄⵎⴰ, ⵉ ⵉⵣⴻⵎⵔⴻⵏ ⴰⴷ ⴷ-ⵅⴻⵍⵇⴻⵏ 13 ⵏ ⵜⴽⴻⴱⴱⴰⵏⵢⵉⵏ ⵜⵉⵎⴻⵛⵟⵓⵃⵉⵏ ⴷ ⵜⵉⵏⴰⵜⵜⵜⵉⵏ (ⵙⵜⴰⵔⵜⵓⵒⵙ), ⵔⵏⵓ ⵖⴻⵔ-ⵙⴻⵏ ⵙⴰ (07) ⵏ ⵢⵉⵙⴻⵏⴼⴰⵔⴻⵏ ⵏⵏⵉⴹⴻⵏ, ⵙⵙⴽⴰⵏⴰⵢⴻⵏ-ⴷ ⵍⴻⵡⵇⴰⵎ ⵏ ⵓⵙⵉⵍⴻⵖ ⵉ ⴷ-ⵜⵜⴰⴳⵎⴻⵏ ⵢⵉⵏⴻⵍⵎⴰⴷⴻⵏ-ⴰⴳⵉ ⴷ ⵡⴰⵎⴻⴽ ⵉ ⵜⴻⵏ-ⵉⴷ-ⵜⴻⵜⵜⵎⵓⵍⵍⵉ (ⴰⵛⵛⵓⵎⵒⴰⴳⵏⴻⵔ) ⵜⴻⵙⴷⴰⵡⵉⵜ.
ⴱⴻⴷⴷⴰⵔⵉ ⵉⵙⵙⴻⴳⵣⴰ-ⴷ ⴱⴻⵍⵍⵉ ⵜⴰⵖⵜⴻⵙⵜ ⵏ ⵓⵃⵔⵉⵛ-ⴰⴳⵉ ⵜⴻⴱⵏⴰ ⵖⴻⴼ ⵓⵇⴻⴷⴷⴻⵎ ⵏ ⵜⴰⵍⵍⴰⵍⵜ ⴷ ⵓⵎⵎⵓⵍⵍⵉ ⵉ ⴷ-ⵉⵍⴰⵇⴻⵏ ⵉ ⵜⵎⴻⵔⵏⵉⵡⵜ ⵏ ⵜⴷⴰⵎⵙⴰ, ⴰⵢⴰ ⵙ ⵜⵜⴰⵡⵉⵍ ⵏ ⵡⴰⵎⵎⴰⵙⴻⵏ ⵏ ⵜⵇⴻⴱⴱⴰⵏⵉⵜ ⴷ "ⵓⵃⵉⴹⴻⵔ ⵏ ⵜⴽⴻⴱⴱⴰⵏⵢⵉⵏ" (ⵉⵏⵛⵓⴱⴰⵜⴻⵓⵔⵙ) ⵉ ⵢⴻⵍⵍⴰⵏ ⴷⴻⴳ ⵢⴰⵍ ⵜⴰⵙⴷⴰⵡⵉⵜ.
ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵍⵇⴰⵏⵓⵏ ⵏ ⵍⵎⴰⵍ ⵏ ⵓⵙⴻⴳⴳⴰⵙ-ⴰⴳⵉ ⵢⴻⴼⴽⴰ ⵜⴰⵍⵍⴰⵍⵜ ⵉ ⵢⵉⵏⴻⵍⵎⴰⴷⴻⵏ ⵉ ⴷ-ⵢⴻⵙⵏⵓⵍⴼⴰⵢⴻⵏ, ⵉⵎⵉ ⵜⵓⴳⴳⴰ ⵏ ⵓⵙⵏⵓⵍⴼⵓ (ⴱⵔⴻⵠⴻⵜⵙ) ⴷ ⵢⵉⵣⴻⵔⴼⴰⵏ ⵏ ⵜⵎⵓⵙⵏⵉ ⵓⵖⴰⵍⴻⵏ ⴷ ⵔⵔⴱⴰⵃ ⵏ ⵜⴷⴰⵎⵙⴰ.
ⴷⴻⴳ ⵓⵔⵣⵓ-ⵉⵙ, ⴰⵏⴻⵖⵍⴰⴼ ⵉⵡⴰⵍⴰ ⴷⴰⵖⴻⵏ ⵉⵙⴻⵏⴼⴰⵔⴻⵏ ⵏ ⵓⵏⵏⴻⵔⵏⵉ ⵏ ⵜⴻⵙⴷⴰⵡⵉⵜ ⵏ ⵏⴰⵄⵎⴰ: 2000 ⵏ ⵢⵉⵎⵓⴽⴰⵏ ⵉⵎⴰⵢⵏⵓⵜⴻⵏ ⵏ ⵓⵙⴻⵍⵎⴻⴷ, ⵜⴰⵣⴻⵖⵡⴰ ⵏ ⵢⵉⵙⴰⵔⴰⴳⴻⵏ ⵏ 600 ⵏ ⵢⵉⵎⵓⴽⴰⵏ ⵉ ⴷ-ⵉⵇⴻⵔⴱⴻⵏ ⴰⴷ ⵜⴻⴽⴼⵓ, ⴷ ⵓⵅⵅⴰⵎ ⵏ ⵜⵏⴻⵣⴷⵉⵜ ⵏ 1000 ⵏ ⵢⵉⵙⵓⵏⴰ.
ⴰⵔⵏⵓ ⵖⴻⵔ
