ⴰⴷ ⵢⴻⴳ ⵓⵏⴻⵖⵍⴰⴼ ⵏ ⵜⴻⵖⴷⴻⵎⵜ, ⵃⴰⴼⴻⴷ ⵏ ⵜⵎⴰⵜⴰⵔⵜⵉⵏ, ⵎⴰⵙⵙ ⵍⵓⵟⴼⵉ ⴱⵓⵊⴻⵎⵄⴰ, ⵙⴻⴳ ⵡⴰⵙⵙ ⵏ ⵍⴰⵔⴱⴻⵄⴰ ⵉ ⴷ-ⵉⵜⵜⴻⴷⴷⵓⵏ, ⵢⵉⵡⴻⵏ ⵏ ⵓⵔⵣⴰⴼ ⵏ ⵓⵎⴰⵀⵉⵍ ⵖⴻⵔ ⵜⴻⵇⴷⵓⴷⴰ ⵜⴰⴼⵉⴷⵉⵔⴰⵍⵉⵜ ⵜⴰⴷⵉⵎⵓⵇⵔⴰⵟⵉⵜ ⵏ ⵉⵜⵢⵓⵒⵢⴰ, ⴰⴽⴽⴻⵏ ⵉ ⴷ-ⵢⵓⵙⴰ ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵓⵍⵖⵓ ⵏ ⵜⵏⴻⵖⵍⴰⴼⵜ.
ⴷⴻⴳ ⵓⵔⵣⴰⴼ-ⴰⴳⵉ ⴰⵔⴰ ⵢⴻⴷⴷⵓⵎⴻⵏ ⵙⵉⵏ ⵏ ⵡⵓⵙⵙⴰⵏ (1 ⴷ 2 ⵢⴻⴱⵔⵉⵔ), ⴰⴷ ⵢⵉⵍⵉ ⵓⵙⵔⴻⵙ ⵏ ⵓⵣⴻⵎⵣ (ⵜⵓⵙⴷⴻⵜ) ⵖⴻⴼ ⴽⵔⴰⴷ (3) ⵏ ⵢⵉⵙⴻⵏⴼⴰⵔⴻⵏ ⵏ ⵢⵉⵎⵜⴰⵡⴰⵏ ⵉⵎⴻⵇⵔⴰⵏⴻⵏ, ⵡⵉⴳⵉ ⴷ: "ⴰⵎⵜⴰⵡⴰ ⵖⴻⴼ ⵓⵎⵢⴰⵍⵍⴻⵍ ⵏ ⵜⴻⵖⴷⴻⵎⵜ ⴷⴻⴳ ⵢⵉⴳⴻⵔ ⴰⵎⴷⴻⵏⴰⵏ ⴷ ⵓⴷⴰⵎⵙⴰⵏ, ⴰⵎⵜⴰⵡⴰ ⵏ ⵓⵎⵢⴰⵍⵍⴻⵍ ⵏ ⵜⴻⵖⴷⴻⵎⵜ ⴷⴻⴳ ⵢⵉⴳⴻⵔ ⵏ ⵜⵉⴷⴷⴰⵙ (penal), ⴷ ⵓⵎⵜⴰⵡⴰ ⵢⴻⵣⵣⴻⵏ ⵖⴻⵔ ⵓⵙⵉⵍⴻⵎ ⵏ ⵢⵉⵎⴻⵎⵙⴻⵍ (extradition)", ⴰⴽⴽⴻⵏ ⵉ ⴷ-ⵢⴻⵙⵙⴻⴼⵔⴻⵔ ⵡⵓⵖⴱⴰⵍⵓ-ⵏⵏⵉ.
ⵢⴻⵔⵏⴰ ⴰⴷ ⵢⵉⵍⵉ "ⵓⵙⵔⴻⵙ ⵏ ⵓⵣⴻⵎⵣ ⵖⴻⴼ ⵢⴰⵜ ⵜⴻⵎⵜⵉⵍⵜ ⵏ ⵜⵎⵓⵙⵏⵉ (MoU) ⵉⵡⴰⴽⴽⴻⵏ ⴰⴷ ⵢⴻⵊⵀⴻⴷ ⵓⵎⵢⴰⵍⵍⴻⵍ ⴳⴰⵔ ⵙⵏⴰⵜ ⵏ ⵜⵏⴻⵖⵍⴰⴼⵉⵏ ⵏ ⵜⴻⵖⴷⴻⵎⵜ ⵏ ⵙⵏⴰⵜ ⵏ ⵜⵎⵓⵔⴰ".
ⵢⴻⵏⵏⴰ-ⴷ ⵓⵍⵖⵓ-ⴰⴳⵉ ⵡⴰⴽⴽⴻⵏ ⵓⵔⵣⴰⴼ-ⴰⴳⵉ ⵢⵉⵙⵡⵉ-ⵉⵙ ⴷ "ⴰⵙⴻⵊⵀⴻⴷ ⵏ ⵓⵎⵢⴰⵍⵍⴻⵍ ⵏ ⵜⴻⵖⴷⴻⵎⵜ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⴷ ⵓⵏⴰⴷⵉ ⵏ ⵢⵉⴱⵔⵉⴷⴻⵏ ⵏ ⵓⵙⴻⵎⵖⴻⵔ-ⵉⵙ ⵉⵡⴰⴽⴽⴻⵏ ⴰⴷ ⵢⵉⵍⵉ ⵓⵎⵢⴰⵡⴰⴹ ⵏ ⵜⵉⵔⵎⴰⵏⵉⵏ ⴷ ⵓⵙⵙⵉⴷⴷⴻⵔ ⵏ ⵢⵉⴼⴻⵔⴷⵉⵙⴻⵏ ⵏ ⵓⵎⵢⴰⵍⵍⴻⵍ ⵉ ⵢⵉⵙⵡⵉⵢⴻⵏ ⵏ ⵙⵏⴰⵜ ⵏ ⵜⵎⵓⵔⴰ ⴷ ⵓⵙⴻⴽⵏ ⵏ ⵡⴰⵙⵙⴰⵖⴻⵏ ⵉⵎⵣⵔⵓⵢⴰⵏⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵉⵜⵢⵓⵒⵢⴰ".
ⵢⴻⵔⵏⴰ ⵓⵔⵣⴰⴼ-ⴰⴳⵉ ⵢⵓⵙⴰ-ⴷ ⴷ "ⵜⴰⴳⴳⴰⵔⴰ ⵏ ⵢⵉⵡⴻⵏ ⵓⵎⴻⵛⵡⴰⵔ ⵏ ⵓⵎⵢⴰⵍⵍⴻⵍ ⴳⴰⵔ ⵍⴻⵣⵣⴰⵢⴻⵔ ⴷ ⵉⵜⵢⵓⵒⵢⴰ ⴷⵉ ⵢⵉⴳⵔⴰⵏ ⵏ ⵜⴻⵖⴷⴻⵎⵜ ⴷ ⵓⵙⴰⴷⵓⴼ. ⵍⴰⴷⵖⴰ ⵙⴻⴳ ⴷⴻⴼⴼⵉⵔ ⵓⵔⵣⴰⴼ ⵏ ⵡⴰⵎⴰⵔⴰⵢ ⵏ ⴷⴷⵓⵍⴰ ⴷⵉ ⵜⵏⴻⵖⵍⴰⴼⵜ ⵏ ⵜⴻⵖⴷⴻⵎⵜ ⵏ ⵉⵜⵢⵓⵒⵢⴰ, ⵎⴰⵙⵙ ⴱⵉⵍⴰⵢⵀⵓⵏ ⵢⵉⵔⴳⴰ, ⵖⴻⵔ ⵍⴻⵣⵣⴰⵢⴻⵔ ⴷⴻⴳ 16 ⴷⵓⵊⴰⵎⴱⴻⵔ 2025", ⴰⴽⴽⴻⴷ "ⵓⵔⵣⴰⴼ ⵏ ⵢⴰⵜ ⵜⴻⴳⵔⵓⵎⵎⴰ ⵜⴰⵇⵏⵉⵜ ⵜⴰⴽⴻⵔⵡⴰⵜⵉⵜ ⴳⴰⵔ 14 ⴷ 18 ⴷⵓⵊⴰⵎⴱⴻⵔ 2025, ⵉ ⵜⴰⵙⵓⵜ ⵜⵉⵙ ⴽⵔⴰⴷ (3) ⵏ ⵜⵎⵉⵙⵉⵡⵍⵉⵏ ⵖⴻⴼ ⵢⵉⵙⴻⵏⴼⴰⵔⴻⵏ ⵏ ⵢⵉⵎⵜⴰⵡⴰⵏ ⴳⴰⵔ-ⴰⵙⴻⵏⵜ".
ⴰⵔⵏⵓ ⵖⴻⵔ
