ⵍⴻⵣⵣⴰⵢⴻⵔ - ⴰⵏⴻⵖⵍⴰⴼ ⵏ ⵜⵜⴻⵃⵇⵉⵇ, ⴰⵃⴰⴷⴻⵔ ⵏ ⵜⵜⴰⴱⵄⴰⵜ, ⵎⴰⵙⵙ ⵍⵓⵟⴼⵉ ⴱⵓⵓⵊⴻⵎⵄⴰ, ⵢⴻⵙⵜⴻⵇⴱⴻⵍ-ⵉⵜ ⵡⴰⵙⵙ-ⴰⴳⵉ ⵏ ⵍⴻⵜⵏⴰⵢⴻⵏ ⴷⴻⴳ ⴷⵓⵀⴰ ⵓⵏⴻⵖⵍⴰⴼ ⵏ ⵜⵜⴻⵃⵇⵉⵇ ⵏ ⵜⵎⵓⵔⵜ ⵏ ⵇⴰⵟⴰⵔ, ⵎⴰⵙⵙ ⵉⴱⵔⴰⵀⵉⵎ ⴱⵉⵏ ⵄⴰⵍⵉ ⴰⵍ-ⵎⵓⵀⴰⵏⵏⴰⴷⵉ, ⵉⵍⵎⴻⵏⴷ ⵏ ⵡⴰⵢⴻⵏ ⵉ ⴷ-ⵢⴻⵏⵏⴰ ⵍⴱⵉⵢⴰⵏ ⵏ ⵜⵏⴻⵖⵍⴰⴼⵜ.
ⴷⴻⴳ ⵜⴻⵎⵍⵉⵍⵉⵜ-ⴰⴳⵉ, ⵉ ⴷⴻⴳ ⵢⴻⵍⵍⴰ ⴷⴰⵖⴻⵏ ⵓⵎⴰⵙⵡⴰⴷ (ⴰⵎⴱⴰⵙⵙⴰⴷⴻⵓⵔ) ⵏ ⵍⴻⵣⵣⴰⵢⴻⵔ ⴷⴻⴳ ⵇⴰⵟⴰⵔ, ⵎⴰⵙⵙ ⵚⴰⵍⴰⵃ ⵄⴰⵟⵟⵉⴰ, ⴷⴷⴰⵏ-ⴷ ⵙ ⵡⴰⵡⴰⵍ ⵖⴻⴼ ⵡⴰⵙⵙⴰⵖⴻⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⴷⴻⴳ ⵓⵏⵔⴰⵔ ⵏ ⵍⵇⴰⵏⵓⵏ ⴷ ⵜⵜⴻⵃⵇⵉⵇ, ⴷ ⵡⴰⵎⴻⴽ ⴰⵔⴰ ⵜⴻⵏ-ⵉⴷ-ⵙⵏⴻⵔⵏⵉⵏ ⴷⴻⴳ ⵓⵙⵙⴰⵏ ⵉ ⴷ-ⵉⵜⴻⴷⴷⵓⵏ.
ⴰⵏⴻⵖⵍⴰⴼ ⵏ ⵇⴰⵟⴰⵔ ⵢⴻⵙⵜⵎⵓⵔⴻⴷ ⵉ ⵎⴰⵙⵙ ⵍⵓⵟⴼⵉ ⴱⵓⵓⵊⴻⵎⵄⴰ ⵉⵎⵉ ⵉ ⴷ-ⵢⵓⵙⴰ ⵉⵡⴰⴽⴽⴻⵏ ⴰⴷ ⵉⵜⵜⴻⴽⴽⵉ ⴷⴻⴳ ⵜⴻⵎⵍⵉⵍⵉⵜ ⵜⴰⵎⴻⵣⵡⴰⵔⵓⵜ ⵏ "ⴷⵓⵀⴰ ⴼⵓⵔⵓⵎ ⵏ ⵍⵇⴰⵏⵓⵏ". ⵙ ⵍⵊⵉⵀⴰ-ⵙ, ⵎⴰⵙⵙ ⴱⵓⵓⵊⴻⵎⵄⴰ ⵢⴻⵙⵙⴰⵔⴻⵎ-ⴰⵙ ⵍⵄⴰⵍⵉ ⵉ ⵜⴻⵎⵍⵉⵍⵉⵜ-ⴰⴳⵉ ⵉⵡⴰⴽⴽⴻⵏ ⴰⴷ ⴷ-ⵜⴻⴼⴽ ⵜⴰⵔⵔⴰⵢⵉⵏ ⵜⵓⵔⴰ ⵉ ⵓⵙⵏⴻⵔⵏⵉ ⵏ ⵍⵇⴰⵏⵓⵏ ⴷⴻⴳ ⵓⵎⴰⴹⴰⵍ.
ⵜⵉⵔⵣⵉ-ⴰⴳⵉ ⵓⵏⵚⵉⴱ ⵏ ⵎⴰⵙⵙ ⴱⵓⵓⵊⴻⵎⵄⴰ ⵖⴻⵔ ⵇⴰⵟⴰⵔ ⴰⴷ ⵜⴷⵓⵎ ⵙⵉⵏ ⵏ ⵡⵓⵙⵙⴰⵏ (26 ⴷ 27 ⵏ ⵢⴻⵏⵏⴰⵢⴻⵔ), ⵉⵡⴰⴽⴽⴻⵏ ⴰⴷ ⵉⵜⵜⴻⴽⴽⵉ ⴷⴻⴳ ⵓⴳⵔⴰⵡ ⵏ ⴷⵓⵀⴰ ⵏ ⵍⵇⴰⵏⵓⵏ ⵉ ⴷ-ⵢⵓⵙⴰⵏ ⴷⴷⴰⵡ ⵏ ⵢⵉⵙⴻⵎ "ⵜⵉⴷⵎⵉⵡⵉⵏ ⵏ ⵓⴱⵔⵉⴷ ⵉ ⴷ-ⵉⵜⴻⴷⴷⵓⵏ".
ⴰⵔⵏⵓ ⵖⴻⵔ
