ⵢⴰⵣⴻⵏ ⵓⵏⴻⵖⵍⴰⴼ ⵏ ⵜⴻⵢⵙⵡⴰⵍⵜ, ⵣⵓⵀⵉⵔ ⴱⵓⵄⴰⵎⴰⵎⴰ, ⴰⵙⵙ-ⴰ ⵏ ⵍⵃⴻⴷ, ⴰⵙⴻⵍⵎⴻⵜ-ⵉⵙ (ⵜⴰⵣⵉⵜ-ⵉⵙ) ⵉ ⵜⴰⵡⴰⵛⵓⵍⵜ ⵏ ⵓⵎⵊⴰⵀⵉⴷ ⴷ ⵓⵏⴻⵖⵎⴰⵙ ⵎⴻⵏⵏⴰⵡⴰⵔ ⵚⴰⵎⵎ, ⵉ ⵢⴻⵊⵊⴰⵏ ⴷⴷⵓⵏⵉⵜ ⴷⴻⴳ ⵍⴻⵄⵎⴻⵔ ⵏ 90 ⵏ ⵢⵉⵙⴻⴳⴳⴰⵙⴻⵏ.
ⵢⵓⵔⴰ ⴷⴻⴳ ⵓⴹⵔⵉⵙ ⵏ ⵓⵙⴻⵍⵎⴻⵜ: "ⵙ ⵍⵇⴻⵔⵃ ⴷ ⵓⵏⴻⵣⴳⵓⵎ ⴰⵎⴻⵇⵇⵔⴰⵏ, ⴰⵏⴻⵖⵍⴰⴼ ⵏ ⵜⴻⵢⵙⵡⴰⵍⵜ, ⵣⵓⵀⵉⵔ ⴱⵓⵄⴰⵎⴰⵎⴰ, ⵢⴻⵙⵍⴰ ⵙ ⵍⵎⵓⵜ ⵏ ⵓⵎⵊⴰⵀⵉⴷ ⴷ ⵓⵏⴻⵖⵎⴰⵙ ⵍⵎⴻⵔⵃⵓⵎ ⵎⴻⵏⵏⴰⵡⴰⵔ ⵚⴰⵎⵎ, ⵉ ⵖ-ⵢⴻⵊⵊⴰⵏ ⴷⴻⴳ ⵍⴻⵄⵎⴻⵔ ⵏ 90 ⵏ ⵢⵉⵙⴻⴳⴳⴰⵙⴻⵏ, ⴷⴻⴼⴼⵉⵔ ⵏ ⵜⵓⴷⴻⵔⵜ ⵉ ⴷ-ⵢⴻⴼⴽⴰⵏ ⴰⵢⴻⵏⴷⵉⵏ ⵉ ⵓⵙⵍⴻⵍⵍⵉ ⵏ ⵜⵎⵓⵔⵜ."
ⴷⴻⴳ ⵜⴻⴳⵏⵉⵜ-ⴰⴳⵉ ⵜⴰⵇⴻⵔⵃⴰⵏⵜ, ⴰⵏⴻⵖⵍⴰⴼ ⵢⴻⵙⵎⴻⴽⵜⵉ-ⴷ ⵙ "ⵓⵄⴻⵣⵣⴻⵣ ⴷ ⵍⵇⴷⴻⵔ", ⴰⵢⴻⵏ ⵉ ⴷ-ⵢⴻⴼⴽⴰ ⵍⵎⴻⵔⵃⵓⵎ ⴷⴻⴳ ⵜⴻⴳⵔⴰⵡⵍⴰ ⵏ ⵓⵙⵍⴻⵍⵍⵉ, ⵍⴰⴷⵖⴰ "ⵜⴰⵎⵉⵍⵍⴰ-ⵙ ⵏ ⵓⵏⴻⵖⵎⴰⵙ ⴷⴻⴳ ⵜⴻⴷⵡⵉⵍⵜ +ⴰⵡⴰⵍ ⵏ ⵍⴻⵣⵣⴰⵢⴻⵔ+ ⴷⴻⴳ ⵔⵔⴰⴷⵢⵓ ⵏ ⴷⵉⵎⴰⵛⵇ ⴷⴻⴳ ⵓⵙⴻⴳⴳⴰⵙ ⵏ 1958, ⵜⴰⵎⴰ ⵏ ⵢⵉⴳⴻⵏⵙⴰⵙⴻⵏ ⵏ ⵜⴻⵔⴱⴰⵄⵜ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ (ⴼⵍⵏ), ⴷⴻⴳ ⵢⵉⵡⴻⵜ ⵏ ⵍⵡⴻⵇⵜ ⵢⴻⵙⵄⴰⵏ ⵍⵇⵉⵎⴰ ⵜⴰⵎⴻⵇⵇⵔⴰⵏⵜ ⴷⴻⴳ ⵓⵎⴻⵣⵔⵓY ⵏ ⵜⵏⴰⴼⴰ ⵏ ⵡⴻⴳⴷⵓⴷ ⴰⵣⵣⴰⵢⵔⵉ", ⵔⵏⵓ ⵖⴻⵔ ⵡⴰⵢⴰ, ⵍⵎⴻⵔⵃⵓⵎ ⵢⴻⵍⵍⴰ ⴷ ⵢⵉⵡⴻⵏ ⵙⴻⴳ ⵡⵉⴷ ⵢⴻⵍⵍⴰⵏ ⴷⴻⴳ ⵔⵔⴰⴷⵢⵓ "ⵜⴰⵎⵙⵍⵉⵡⵜ ⵏ ⵍⴻⵣⵣⴰⵢⴻⵔ ⵜⵉⵍⴻⵍⵍⵉⵜ ⵉⵢⴻⵜⵟⴼⵔⴻⵏ".
ⵣⴷⴰⵜ ⵏ ⵍⵎⵓⵚⵉⴱⴰ-ⴰⴳⵉ, ⴰⵏⴻⵖⵍⴰⴼ ⵏ ⵜⴻⵢⵙⵡⴰⵍⵜ ⵢⴻⴼⴽⴰ ⵉⵙⴻⴱⵔⴻⵏ-ⵉⵙ ⵉ ⵜⴰⵡⴰⵛⵓⵍⵜ ⵏ ⵍⵎⴻⵔⵃⵓⵎ, ⵉ ⵓⵅⵅⴰⵎ ⵏ ⵜⵖⴻⵎⵙⴰ (ⵎⴻⴷⵉⴰ) ⴷ ⵢⵉⵎⵊⴰⵀⵉⴷⴻⵏ. ⵏⴻⵙⵙⵓⵜⵓⵔ ⵉ ⵔⴻⴱⴱⵉ ⴰ ⵜ-ⵢⴻⵔⵃⴻⵎ, ⴰ ⵜ-ⵢⴻⵙⵙⴻⴽⵏⵓ ⴷⴻⴳ ⵍⵊⴻⵏⵏⴻⵜ, ⵢⴻⵔⵏⴰ ⴰ ⴷ-ⵢⴻⴼⴽ ⵚⵚⴱⴻⵔ ⵉ ⵡⵉⴷ ⵉ ⵜ-ⵉⵃⴻⵎⵎⵍⴻⵏ. ⵉ ⵔⴻⴱⴱⵉ ⵉ ⵏⴻⵍⵍⴰ, ⵖⵓⵔ-ⵙ ⵉ ⵏⵜⵜⵓⵖⴰⵍ.
ⴰⵔⵏⵓ ⵖⴻⵔ
