ⴰⵏⴻⵖⵍⴰⴼ ⵏ ⵜⴻⵢⵡⴰⵍⵜ, ⵎⴰⵙⵙ ⵣⵓⵀⵉⵔ ⴱⵓⵄⵎⴰⵎⴰ, ⵢⴻⴱⵔⴰ-ⴷ ⵙ ⵢⵉⵎⴻⵙⵍⴰⵢⴻⵏ ⵏ ⵍⵙⴻⴱⴱⴰⵔ ⴷ ⵍⵎⵓⵡⴰⵙⴰ ⵉ ⵜⵡⴰⵛⵓⵍⵜ ⵏ ⵓⵏⴻⵎⵀⴰⵍ ⴰⵎⴰⵜⵓ ⴰⵇⴷⵉⵎ ⵏ ⵡⵓⴽⴰⵍⴰ ⵏ ⵢⵉⵙⴰⵍⵍⴻⵏ ⵏ ⵍⴻⵣⵣⴰⵢⴻⵔ (ⴰⵒⵙ), ⵄⴰⴱⴷⴻⵍⵎⴰⵍⴻⴽ ⵄⵉⵏⵓⵛ, ⴷ ⵜⵡⴰⵛⵓⵍⵜ ⵏ ⵢⵉⵙⴰⵍⵍⴻⵏ ⵜⴰⵖⴻⵍⵏⴰⵡⵜ, ⵉ ⵢⴻⵎⵎⵓⵜⴻⵏ ⴷⴻⴳ ⵍⴻⵄⵎⴻⵔ ⵏ 77 ⵏ ⵢⵉⵙⴻⴳⴳⴰⵙⴻⵏ ⴷⴻⴼⴼⵉⵔ ⵡⴰⵟⵟⴰⵏ ⵉ ⵜ-ⵢⵓⵖⴻⵏ.
ⴷⴻⴳ ⵜⴻⴱⵔⴰⵜ ⵏ ⵍⵙⴻⴱⴱⴰⵔ, ⴰⵏⴻⵖⵍⴰⴼ ⵏ ⵜⴻⵢⵡⴰⵍⵜ, ⴷⵓⴽⵜⵓⵔ ⵣⵓⵀⵉⵔ ⴱⵓⵄⵎⴰⵎⴰ, ⵢⴻⵙⵍⴰ ⵙ ⵍⵇⴻⵔⵃ ⴰⵎⴻⵇⵇⵔⴰⵏ ⵜⴰⵍⵓⴼⵜ ⵏ ⵜⵎⴻⵜⵜⴰⵏⵜ ⵏ ⵄⴰⴱⴷⴻⵍⵎⴰⵍⴻⴽ ⵄⵉⵏⵓⵛ.
ⵓⵏⴻⴳⴳⴰⵔⵓ-ⴰⴳⵉ ⵢⴻⴽⵛⴻⵎ ⵖⴻⵔ ⵡⵓⴽⴰⵍⴰ ⵏ ⵢⵉⵙⴰⵍⵍⴻⵏ ⵏ ⵍⴻⵣⵣⴰⵢⴻⵔ ⴷⴻⴳ ⵓⵙⴻⴳⴳⴰⵙ ⵏ 1974. ⵢⴻⵇⴷⴻⵛ ⵙ ⵓⵃⵔⵉⵔ ⴷⴻⴳ waⵟⵟⴰⵙ ⵏ ⵢⵉⵎⵓⴽⴰⵏ ⵏ ⵜⵖⴰⵎⵙⴰ (journalisme), ⵓⵇⴱⴻⵍ ⴰⴷ ⵢⴻⵍⵍⵉ ⴷ ⴰⵏⴻⵎⵀⴰⵍ ⵏ ⵡⵓⴽⴰⵍⴰ ⴳⴰⵔ ⵉⵙⴻⴳⴳⴰⵙⴻⵏ ⵏ 1996 ⴷ 1997. ⵢⴻⴽⴽⴰ ⴷⴰⵖⴻⵏ ⴷ ⴰⵎⴰⵔⴰ (correspondant) ⵏ ⵡⵓⴽⴰⵍⴰ ⴷⴻⴳ ⴱⵉⵕⵓ ⵏ ⵒⴰⵔⵉⵙ ⴳⴰⵔ 1997 ⴷ 2001.
ⵉⵍⵎⴻⵏⴷ ⵏ ⵜⵎⴻⵜⵜⴰⵏⵜ-ⴰⴳⵉ ⵉⵇⴻⵔⵃⴻⵏ, ⴰⵏⴻⵖⵍⴰⴼ ⵏ ⵜⴻⵢⵡⴰⵍⵜ ⵢⴻⵙⵙⴻⵔⵙ ⵍⵙⴻⴱⴱⴰⵔ ⴰⵎⴻⵇⵇⵔⴰⵏ ⵉ ⵜⵡⴰⵛⵓⵍⵜ ⵏ ⵓⵏⴻⴳⴳⴰⵔⵓ, ⵉ ⵢⵉⵎⴷⵓⴽⴽⴰⵍ-ⵉⵙ ⴷⴻⴳ ⵡⵓⴽⴰⵍⴰ ⵏ ⵢⵉⵙⴰⵍⵍⴻⵏ ⵏ ⵍⴻⵣⵣⴰⵢⴻⵔ ⴷ ⵜⵎⴻⵜⵜⵉ ⵏ ⵢⵉⵙⴰⵍⵍⴻⵏ ⵜⴰⵖⴻⵍⵏⴰⵡⵜ. ⵢⴻⵙⵙⵓⵜⵓⵔ ⴳⵓⵔ ⵕⴻⴱⴱⵉ ⴰⵎⴻⵇⵇⵔⴰⵏ ⴰⴷ ⴰⵙ-ⵢⴻⴳⴳ ⵔⵔⴻⵃⵎⴰ, ⴰⴷ ⵜ-ⵢⴻⵙⵙⴻⴽⵛⴻⵎ ⵖⴻⵔ ⵍⵊⴻⵏⵏⴻⵜ-ⵉⵙ, ⵢⴻⵔⵏⴰ ⴰⴷ ⴷ-ⵢⴻⴼⴽ ⵚⵚⴱⴻⵔ ⵉ ⵜⵡⴰⵛⵓⵍⵜ-ⵉⵙ.
ⵙⴻⴳ ⵕⴻⴱⴱⵉ ⵉ ⴷ-ⵏⴻⴽⴽⴰ, ⵖⵓⵔ-ⵙ ⴰⵔⴰ ⵏⵜⵓⵖⴰⵍ.
"
