ⵢⴻⵙⵜⴻⵇⴱⴻⵍ ⵓⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ, ⵜⵏⴻⴼⵍⵉⵜ ⵜⴰⴼⴰⵔⴰⵏⵜ ⴷ ⵓⵚⴻⵢⵢⴰⴷ ⵏ ⵢⵉⵙⵍⴻⵎ, ⵢⴰⵙⵉⵏ ⵡⴰⵍⵉⴷ, ⴰⵙⴻⵍⵡⴰⵢ ⴰⵎⴻⵙⴼⴻⴷ ⵏ ⵜⴰⵙⴷⴰⵡⵉⵜ ⵜⴰⴳⵔⴰⵖⵍⴰⵏⵜ ⵏ ⵜⵏⴻⴼⵍⵉⵜ ⵜⴰⵣⴻⴳⵣⴰⵡⵜ (GGGI), ⵙⴰⵏⴳ-ⵀⵢⵓⴱ ⴽⵉⵎ, ⵉ ⴷ-ⵢⵓⵙⴰⵏ ⴷⵉ ⵜⵜⴻⵔⵣⴻⴼⵜ ⵏ ⵓⵛⵖⴰⵍ ⵖⴻⵔ ⵍⴻⵣⵣⴰⵢⴻⵔ, ⴰⴽⴽⴻⴷ ⵢⵉⵎⵓⵙⵏⴰⵡⴻⵏ ⵏ ⵜⴰⵙⴷⴰⵡⵉⵜ-ⴰⴳⵉ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ.
ⴷⴻⴳ ⵜⴻⵎⵍⵉⵍⵉⵜ-ⴰⴳⵉ, ⵎⵎⴻⵙⵍⴰⵢⴻⵏ ⵖⴻⴼ ⵜⵉⴳⵏⴰⵜⵉⵏ ⵏ ⵓⵎⵢⴻⵄⵡⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵜⴰⵙⴷⴰⵡⵉⵜ-ⴰⴳⵉ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⵜⴰⵏⴻⴼⵍⵉⵜ ⵜⴰⵙⴱⴻⴷⴷⵉⵜ, ⵍⴰⴷⵖⴰ ⴷⴻⴳ ⵜⴼⴻⵍⵍⴰⵃⵜ ⴷ ⵓⵚⴻⵢⵢⴰⴷ ⵏ ⵢⵉⵙⵍⴻⵎ, ⵉⵍⵎⴻⵏⴷ ⵏ ⵢⵉⴱⴻⴷⴷⵉⵍⴻⵏ ⵏ ⵜⴻⴳⵏⴰⵡⵜ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵉⵡⴰⴽⴽⴻⵏ ⴰⴷ ⴷ-ⵙⵎⴻⴽⵜⵉⵏ ⵜⴰⵔⵎⵉⵜ ⵏ ⵍⴻⵣⵣⴰⵢⴻⵔ ⴷⴻⴳ ⵓⵙⵏⴻⵔⵏⵉ ⵏ ⵜⴼⴻⵍⵍⴰⵃⵜ ⵏ ⵜⵏⴻⵥⵔⵓⴼⵜ ⵉⵡⴰⴽⴽⴻⵏ ⴰⴷ ⴷ-ⴼⴰⵔⵙⴻⵏ ⵍⵇⵓⵜ ⵏ ⵡⴻⴳⴷⵓⴷ ⵙ ⵓⵙⴻⵇⴷⴻⵛ ⵢⴻⵍⵀⴰⵏ ⵏ ⵜⴳⴻⵎⵎⵉⵢⵉⵏ ⵜⵉⴳⴰⵎⴰⵏⵉⵏ ⴷⵉ ⵊⴰⵏⵓⴱ ⵏ ⵜⵎⵓⵔⵜ.
ⴷⴰⵖⴻⵏ, ⵎⵎⴻⵙⵍⴰⵢⴻⵏ ⵖⴻⴼ ⵓⵎⴻⵏⵏⵓⵖ ⵏ ⵍⴻⵣⵣⴰⵢⴻⵔ ⵎⴳⴰⵍ ⴰⵙⴻⵃⵔⴻⴼ , ⵍⴰⴷⵖⴰ ⵙ ⵓⵙⴻⵏⴼⴰⵔ ⵏ "ⵓⴳⴰⴷⵉⵔ ⴰⵣⴻⴳⵣⴰⵡ" , ⵉ ⵢⴻⵜⵜⵡⴰⵙⴻⴳⴷⴰⵏ ⵉⵡⴰⴽⴽⴻⵏ ⴰⴷ ⵢⴻⵎⵙⴰⴷⴰ ⴷ ⵢⵉⴱⴻⴷⴷⵉⵍⴻⵏ ⵏ ⵜⴻⴳⵏⴰⵡⵜ ⴷ ⵜⵏⴻⴼⵍⵉⵜ ⵜⴰⵙⴱⴻⴷⴷⵉⵜ.
ⴷⴻⴳ ⵡⴰⵏⵏⴰⵔ-ⴰⴳⵉ, ⵎⵎⴻⵙⵍⴰⵢⴻⵏ ⵖⴻⴼ ⵡⴰⵀⵉⵍ ⴰⵖⴻⵍⵏⴰⵡ ⵏ ⵓⵥⴻⴳⴳⵓ ⵏ ⵜⵜⵊⵓⵔ, ⴰⵎ ⵜⵉⵏⵏⴰ ⵏ 26 ⴽⵟⵓⴱⴻⵔ 2025 (ⵢⵉⵡⴻⵏ ⵏ ⵎⴻⵍⵢⵓⵏ ⵏ ⵜⵜⵊⵓⵔ ⴷⴻⴳ 24 ⵏ ⵜⵙⴰⵄⵉⵏ), ⴷ ⵜⵉⵏⵏⴰ ⵉ ⴷ-ⵉⵜⵜⴻⴷⴷⵓⵏ ⴷⴻⴳ 14 ⴼⵓⵔⴰⵔ 2026 ⵉⵡⴰⴽⴽⴻⵏ ⴰⴷ ⵥⴳⵓⵏ ⵅⴻⵎⵙⴰ ⵏ ⵎⴻⵍⵢⵓⵏ ⵏ ⵜⵜⵊⵓⵔ.
ⴷⴻⴳ ⵜⴰⴳⴰⵔⴰ, ⵎⵜⴰⵡⴰⵏ ⵖⴻⴼ ⵡⴰⵟⴰⵙ ⵏ ⵢⵉⵃⵔⵉⵛⴻⵏ ⵏ ⵓⵎⵢⴻⵄⵡⴻⵏ: ⵜⴰⵍⵍⴻⵍⵜ ⵜⴰⵜⵉⴽⵏⵉⵜ ⵉⵡⴰⴽⴽⴻⵏ ⴰⴷ ⴷ-ⵙⵏⵓⵍⴼⵓⵏ ⴰⵎⵎⴰⵙ ⵏ ⵓⵙⴻⴱⵖⴻⵙ ⵏ ⵜⴼⴻⵍⵍⴰⵃⵜ ⴷⵉ ⵜⵎⴻⵏⵏⴰⴹⵉⵏ ⵜⵉⵖⵓⵔⴰⵏⵉⵏ, ⴰⴱⴹⵓ ⵏ ⵜⵎⵓⵙⵏⵉ ⴷⴻⴳ ⵡⴰⵏⵏⴰⵔ ⵏ ⵜⵏⴻⴼⵍⵉⵜ ⵜⴰⵣⴻⴳⵣⴰⵡⵜ ⴷ ⵜⵏⵓⵎⵉ ⵜⴰⵙⵔⴻⵖⵜ , ⴷ ⵓⵙⴻⵏⴼⴰⵔ ⵏ ⵡⴰⵎⴰⵏ, ⵍⵇⵓⵜ ⴷ ⵜⴼⴰⵙⴰ.
ⴰⵔⵏⵓ ⵖⴻⵔ
