ⵉⵙⴻⵏⴽⴻⴷ ⵓⵏⴻⵥⵔⵓⴼ ⵓⵜⵔⵉⵎ ⴰⵙⵉⵡⴹ-ⵉⵙ ⴰⵎⴻⵣⴷⴰⵢ ⵉ ⵉⵜⴻⴷⴷⵓⵏ ⵣⴷⴰⵜ ⵏ ⵜⴻⵙⵇⴰⵎⵓⵜ ⵜⴰⴼⵔⵉⴽⴰⵏⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷ ⵢⵉⵖⴻⵔⴼⴰⵏ, ⴷⴻⴳ ⵢⵉⵎⴰⵀⵉⵍⴻⵏ ⵏ ⵜⵙⴻⵎⵎⵓⵏⵜ ⵜⵉⵙ 87 ⵉ ⴷ-ⵢⵉⵍⵍⴰⵏ ⴷⴻⴳ ⴱⴰⵏⵊⵓⵍ, ⵜⴰⵎⴰⵏⴰⵖⵜ ⵏ ⴳⴰⵎⴱⵢⴰ. ⵜⴻⵙⵙⴻⵏⴽⴰⴷ ⵜⵓⵛⵛⵉⵜ-ⵉⵙ ⵉ ⵡⴰⵣⴰⵍⴻⵏ ⵏ ⵜⵜⴰⴳⴷⴰ ⴷ ⵍⵃⴻⵔⵎⴰ ⵏ ⵜⴰⵍⵙⴰ ⵓⵍⴰ ⴷⴻⴳ ⵜⴻⴳⵏⴰⵜⵉⵏ ⵏ ⵓⵏⴻⴽⵛⵓⵎ ⴷ ⵢⵉⵏⵉⴳ ⵙ ⴷⴷⵔⴻⵄ ⵉ ⴷ-ⵢⴻⵙⵙⴻⵔⵙ ⵓⵏⴻⴽⵛⵓⵎ ⴰⵎⴻⵔⵔⵓⴽⵉ ⵙⴻⴳ ⵓⵙⴻⴳⴳⴰⵙ 1975.
ⴰⴽⴽⴻⵏ ⵉ ⴷ-ⵜⴻⵡⵡⵉ ⵜⵙⴻⵏⵏⴰⴼⵜ ⵏ ⵢⵉⵙⴰⵍⵍⴻⵏ ⵜⴰⵚⴻⵃⵔⴰⵡⵉⵜ , ⴰⵙⴻⵏⴽⴻⴷ ⵏ ⵡⴰⵙⵉⵡⴹ-ⴰⴳⵉ ⵢⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵃⵔⴰⵣ ⵏ ⵓⵡⴰⵏⴰⴽ ⴰⵚⴻⵃⵔⴰⵡⵉ ⵉⵡⴰⴽⴽⴻⵏ ⴰⴷ ⴷ-ⵢⴻⴽⴽⴻⵎ ⴷⴻⴳ ⵓⵏⴰⴳⵔⴰⵡ ⴰⴼⵔⵉⴽⴰⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⵙ ⵜⵎⵓⵖⵍⵉ ⵖⴻⴼ ⵓⵙⴻⵍⴽⴻⵎ ⵏ ⵓⵎⴰⵣⴰⵏ ⴰⴼⵔⵉⴽⴰⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷ ⵢⵉⵖⴻⵔⴼⴰⵏ ⴷ ⵓⵎⴰⵣⴰⵏ ⵏ "ⵎⴰⵒⵓⵜⵓ" ⵢⴻⵄⵏⴰⵏ ⵢⵉⵣⴻⵔⴼⴰⵏ ⵏ ⵜⵎⴻⵟⵟⵓⵜ, ⵔⵏⵉ-ⴷ ⴼⴻⵍⵍ-ⴰⵙ ⴰⵎⵜⴰⵡⴰ ⵏ ⴽⴰⵎⵒⴰⵍⴰ ⵉ ⵓⵃⵔⴰⵣ ⴷ ⵜⴰⵍⵍⴻⵍⵜ ⵏ ⵡⵉⴷ ⵢⵓⵏⵏⴰⴳⴻⵏ ⴷⴻⴳ ⴷⴰⵅⴻⵍ ⵏ ⵜⵎⵓⵔⵜ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵢⵉⵡⴻⵜ ⵏ ⵜⴰⵍⵍⵉⵜ ⵉ ⴷⴻⴳ ⵓⵏⴻⴽⵛⵓⵎ ⴰⵎⴻⵔⵔⵓⴽⵉ ⵉⵜⴻⴷⴷⵓ ⴷⴻⴳ ⵓⵃⵓⵟⵟⵓ ⵉⴶⴻⵀⴷⴻⵏ ⵏ ⵢⵉⵣⴻⵔⴼⴰⵏ ⵏ ⵢⵉⵖⵔⵉⵎⴻⵏ ⵉⵚⴻⵃⵔⴰⵡⵉⵢⴻⵏ ⴷⴻⴳ ⵜⵎⵓⵔⴰ ⵢⴻⵜⵜⵡⴰⵃⵔⴻⵙⴻⵏ.
ⴷⴻⴳ ⵜⵎⵓⵖⵍⵉ ⵜⵉⵎⴰⵡⵉⵜ, ⵜⴰⵔⴱⴰⵄⵜ ⵜⴰⵚⴻⵃⵔⴰⵡⵉⵜ ⵜⴻⵙⵙⴻⴽⵏⴻⴷ-ⴷ ⴰⴷⴷⴰⴷ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵜⴻⴳⴷⵓⴷⴰ ⵜⴰⵚⴻⵃⵔⴰⵡⵉⵜ ⵙ ⴷⴷⴰⵡ ⵏ ⵓⵄⴻⵏⴼⴰⴹ ⴰⵎⴻⵔⵔⵓⴽⵉ. ⵉⵙⵙⴻⴼⵀⴻⵎ-ⴷ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⴰⵚⴻⵃⵔⴰⵡⵉ, ⵎⴰⵙⵙ ⵢⴻⵙⵍⴻⵎ ⴱⴻⵉⵙⴰⵜ, ⴱⴻⵍⵍⵉ ⵜⴰⵎⴻⵏⴹⴰⵡⵜ ⵜⴰⵚⴻⵃⵔⴰⵡⵉⵜ ⵜⴻⵙⵙⴻⵔⵔⴻⵙ ⵢⵉⵣⴻⵔⴼⴰⵏ ⵏ ⵍⵍⵙⴰⵙ ⴰⵎ ⵓⵙⴻⴳⵎⵉ, ⵜⴰⵣⵣⵉⵜ, ⵜⵜⴰⴳⴷⴰ, ⵓⵎⵎⵉⵣⵉ ⴷ ⵓⵃⵔⴰ ⵏ ⵜⴻⴳⵔⵓⵎⵎⴰⵡⵉⵏ ⵢⴻⵃⵚⵔⴻⵏ. ⴷⴰⵖⴻⵏ, ⵙⵏⴻⴽⴷⴻⵏ-ⴷ ⴰⵙⵏⴻⴼⵍⵉ ⵏ ⵓⵏⴰⴳⵔⴰⵡ ⵏ ⵜⵏⴻⴼⵔⵓⵜ ⴰⵚⴻⵃⵔⴰⵡⵉ ⴷ ⵢⵉⵙⵏⵉⵢⴰⵍⴻⵏ ⵢⴻⵄⵏⴰⵏ ⵜⵉⵍⴻⵍⵍⵉ ⵏ ⵜⵏⴻⴼⵔⵓⵜ ⴷ ⵓⵜⴻⴽⴽⵉ ⵏ ⵜⵎⴻⵟⵟⵓⵜ ⴷⴻⴳ ⵢⵉⵏⵏⴰⵔⴻⵏ ⵏ ⵓⵣⴻⵔⴼ.
ⵜⵉⵖⵉⵎⵉⵜ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵉ ⵓⵙⵏⴻⴽⵏⴻⴷ ⵏ ⴷⴷⵉⵇ ⵉ ⵜⵜⵉⴷⵉⵔⴻⵏ ⵡⴰⴳⵉⵎⴰⵏ ⵏ ⵢⵉⵎⵓⵏⴰⴳⴻⵏ (réfugiés) ⵉⵚⴻⵃⵔⴰⵡⵉⵢⴻⵏ ⵙⴻⴳ ⵡⴰⵟⴰⵙ ⵏ ⵢⵉⵙⴻⴳⴳⴰⵙⴻⵏ, ⵙ ⵙⴻⴱⴱⴰ ⵏ ⵓⵏⴻⴽⵛⵓⵎ ⴰⵎⴻⵔⵔⵓⴽⵉ ⵉ ⵉⵄⴻⵟⵟⴻⵍⴻⵏ ⴰⴱⵔⵉⴷ ⵏ ⵓⵙⵏⴻⴼⵓ ⵏ ⵓⵏⴻⴽⵛⵓⵎ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ. ⴰⵢⴰⴳⵉ ⴷ ⵓⵃⵓⵟⵟⵓ ⵉⴶⴻⵀⴷⴻⵏ ⵏ ⵜⵏⴻⵖⵜⴰⵙⵉⵏ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵜⴷⵓⴽⵍⵉ ⵏ ⵜⴻⴼⵔⵉⵇⵜ ⵉ ⵉⵙⵙⴻⴽⵏⴰⵢⴻⵏ ⴰⵣⵔⴻⴼ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴷⴻⴳ ⵓⵙⴻⵏⵏⴻⴷ ⵏ ⵢⵉⵎⴰⵏ-ⵉⵙ ⴷ ⵓⵣⴰⵔⵓⴳ.
ⵡⵉⴷ ⵉⴹⴼⴻⵔⴻⵏ ⵜⴰⵍⵓⴼⵜ-ⴰⴳⵉ ⵡⴰⵍⴰⵏ ⴱⴻⵍⵍⵉ ⵓⵜⴻⴽⴽⵉ ⴰⵚⴻⵃⵔⴰⵡⵉ ⵣⴷⴰⵜ ⵏ ⵜⴻⵙⵇⴰⵎⵓⵜ ⵜⴰⴼⵔⵉⴽⴰⵏⵜ ⵢⴻⵙⵄⴰ ⴰⵣⴰⵍ ⴰⵙⴻⵔⵜⵉ ⴷ ⵓⵣⵔⴻⴼⴰⵏ ⴰⵎⴻⵇⵇⵔⴰⵏ, ⵉⵎⵉ ⴷ ⴰⵙⵙⴻⴽⵏⴻⴷ ⵏⵏⵉⴹⴻⵏ ⵏ ⵜⵉⵍⵉⵜ ⵏ ⵜⴻⴳⴷⵓⴷⴰ ⵜⴰⵚⴻⵃⵔⴰⵡⵉⵜ ⴷⴻⴳ ⵜⵎⵓⵙⵏⵉⵡⵉⵏ ⵏ ⵜⴻⴼⵔⵉⵇⵜ, ⵣⴷⴰⵜ ⵏ ⵓⵄⵔⴰⴹ ⵏ ⵍⵎⴻⵔⵔⵓⴽ ⵉⵡⴰⴽⴽⴻⵏ ⴰⴷ ⴷ-ⵢⴻⵔⵔ ⵓⴷⴻⵎ-ⵉⵙ ⴷ ⴰⵣⴻⴷⴳⴰⵏ ⴷⴻⴳ ⵓⵏⵏⴰⵔ ⵏ ⵢⵉⵣⴻⵔⴼⴰⵏ ⵓⵍⴰ ⵎⴰ ⵍⵍⴰⵏ-ⴷ ⵢⵉⵙⵉⵡⴹⴻⵏ ⵉⴳⵔⴰⵖⵍⴰⵏⴻⵏ ⵉ ⴷ-ⵉⵙⴽⵏⴰⵢⴻⵏ ⵓⵄⴻⵏⴼⴰⴹ ⴷ ⵓⴽⵎⴰⵣ ⵏ ⵡⴰⵏⵏⴰⵔ ⴷⴻⴳ ⵜⵎⵓⵔⴰ ⵢⴻⵜⵜⵡⴰⵃⵔⴻⵙⴻⵏ.
ⴰⵔⵏⵓ ⵖⴻⵔ
