ⵉⵙⵙⴻⴽⵏⴻⴷ-ⴷ ⵓⵏⴻⵖⵍⴰⴼ ⵏ ⵓⵙⵙⴻⵡⵡⵉ ⵎⴰⵙⵙ ⵟⴰⵀⴰ ⴷⴻⵔⴱⴰⵍ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵜⵡⵉⵍⴰⵢⵜ ⵏ ⵙⵟⵉⴼ, ⴱⴻⵍⵍⵉ ⵓⵏⵏⴰⵔ-ⵉⵙ "ⵉⵕⴻⵙ ⵖⴻⴼ ⵜⵎⵓⵖⵍⵉ ⵏ ⵢⵉⵎⴰⵍ ⵉ ⵉⵜⴻⴷⴷⵓⵏ ⴷ ⵜⵉⴷⴷⵢ ⵏ ⵓⵙⵏⴻⴼⵍⵉ ⵉⴶⴻⵀⴷⴻⵏ ⵉ ⵜⵣⴻⵔ ⵜⵎⵓⵔⵜ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵎⴻⵥⵍⵓ ⴰⴳⴷⵓⴷⴰⵏ ⵏ ⵡⴰⵎⴰⵏ ⵙ ⵜⴰⵔⵔⴰⵢⵜ ⵉ ⵉⵜⴻⴷⴷⵓⵏ ".
ⴷⴻⵔⴱⴰⵍ ⵉⵙⵙⴻⴼⵀⴻⵎ-ⴷ, ⴷⴻⴳ ⵜⴰⵍⵍⵉⵜ ⵏ ⵜⵉⵔⵣⵉ-ⵉⵙ ⵏ ⵓⵎⴰⵀⵉⵍ ⴷ ⵓⵣⴻⵟⵟⴻⴹ ⵖⴻⵔ ⵜⵡⵉⵍⴰⵢⵜ, ⴱⴻⵍⵍⵉ "ⴰⵙⴻⴼⵔⴻⴽ ⴰⵎⴰⵢⵏⵓⵜ ⵓⵔ ⵢⴻⵣⵎⵉⵔ ⴰⵔⴰ ⴰⴷ ⴷ-ⵢⴰⵙ ⵙ ⵍⵎⵓⴶ ⵏⴻⵖ ⵙ ⵜⴰⵔⵔⴰⵢⵉⵏ ⵏ ⵜⴻⴳⵏⵉⵜ ⴽⴰⵏ, ⵍⴰⵎⴻⵄⵏⴰ ⵉⵙⵙⵓⵜⵜⵓⵔ ⴰⵀⴻⴳⴳⵉ ⵉⵕⴻⵙⵙⴰⵏ ⵉⵕⴻⵙⵙⴰⵏ ⵖⴻⴼ ⵜⵎⵓⵖⵍⵉ ⵏ ⵢⵉⵙⴻⵏⵜⴰⵍ (scénarios) ⵢⴻⵎⴳⴰⵔⴰⴷⴻⵏ ⴷ ⵓⵙⴱⴻⴷⴷⵉ ⵏ ⵡⴰⵀⵉⵍⴻⵏ ⵏ ⵓⴱⴻⴷⴷⴻⵍ ⵉ ⵓⵟⵎⴰⵏ ⵏ ⵜⵉⴳⴳⴰⵡⵜ ⵙ ⵜⴰⵣⵣⵍⴰ ⴷ ⵏⴼⴰⵄ ⵎⴰ ⵢⴻⵍⵍⴰ-ⴷ ⴽⵔⴰ ⵏ ⵡⵓⴳⵓⵔ".
ⵢⴻⵔⵏⴰ-ⴷ ⵓⵏⴻⵖⵍⴰⴼ ⴱⴻⵍⵍⵉ "ⵔⵔⴻⴱⴻⵃ ⵏ ⵓⵏⵏⴰⵔ-ⴰⴳⵉ ⵉⵛⵓⴷⴷ ⴷ ⵜⵎⵓⵖⵍⵉ ⵏ ⵢⵉⵎⴰⵍ ⴷ ⵓⵙⴻⴶⵀⴻⴷ ⵏ ⵓⵣⴻⵟⵟⴻⴹ ⵏ ⵡⴰⵏⵏⴰⵔ ⴷ ⵓⵟⵎⴰⵏ ⵏ ⵜⵣⴻⵎⵎⴰⵔ ⵏ ⵜⴰⵍⵙⴰ ⴷ ⵡⴰⵍⵍⴰⵍⴻⵏ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴽⴻⵎⵎⴻⵍ ⵏ ⵓⵎⴻⵥⵍⵓ ⴰⴳⴷⵓⴷⴰⵏ ⵏ ⵡⴰⵎⴰⵏ ⵓ ⴰⴷ ⵢⵉⵀⵏⵉⵏ ⵓⵖⵔⵉⵎ".
ⵉⵙⵔⴻⵚ-ⴷ ⴷⴻⵔⴱⴰⵍ ⴷⴰⵖⴻⵏ ⵖⴻⴼ ⵡⴰⵣⴰⵍ ⵏ "ⵓⵖⵉⵡⴻⵍ ⴷⴻⴳ ⵓⵙⵎⴻⴷ ⵏ ⵢⵉⵙⴻⵏⴼⴰⵔⴻⵏ ⵉ ⵉⵜⴻⴷⴷⵓⵏ ⵉ ⵓⵙⵏⴻⵔⵏⵉ ⵏ ⵜⵖⴰⵔⴰ ⵏ ⵓⵎⴻⵥⵍⵓ ⴷ ⵓⵊⵊⴻⵢ ⵏ ⵓⵅⵓⵚⵚⵓ ⵉ ⴷ-ⵢⴻⵜⵜⵡⴰⵊⴻⵔⵔⴷⴻⵏ".
ⵖⴻⴼ ⵜⴰⵍⵍⵉⵜ ⵏ ⵍⵄⵉⴷ ⵏ ⵜⵎⴻⵖⵔⴰ ⵉ ⴷⴻⴳ ⴷ-ⵉⵟⵟⴰⵍⵉ ⵓⵙⵓⵜⵜⵓⵔ ⵏ ⵡⴰⵎⴰⵏ ⵙ ⵍⴶⴻⵀⴷ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴱⴻⵍⵍⵉ "ⵢⴰⴽⴽ ⵜⴰⵔⵔⴰⵢⵉⵏ ⵜⵜⵓⵙⵜⴻⵢⵏⴰⵏⵜ ⵙ ⵜⵎⵓⵖⵍⵉ ⵏ ⵢⵉⵔⵎⵉⵜⴻⵏ ⵏ ⵢⵉⵙⴻⴳⴳⴰⵙⴻⵏ ⵢⴻⵣⵔⵉⵏ ⵉ ⵓⵟⵎⴰⵏ ⵏ ⵓⵡⴻⵣⵣⵉ ⵏ ⵡⴰⵎⴰⵏ ⵉ ⵢⵉⵎⴻⵣⴷⴰⵖ ⴷⴻⴳ ⵜⴻⴳⵏⴰⵜⵉⵏ ⵢⴻⵍⵀⴰⵏ".
ⴷⴻⴳ ⵡⴰⵢⴻⵏ ⵢⴻⵄⵏⴰⵏ ⴰⴷⴷⴰⴷ ⵏ ⵓⵡⴻⵣⵣⵉ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⴷ ⵓⵙⵉⵣⴷⴻⴳ ⴷⴻⴳ ⵜⵡⵉⵍⴰⵢⵜ ⵏ ⵙⵟⵉⴼ, ⴷⴻⵔⴱⴰⵍ ⵉⵙⵙⴻⴽⵏⴻⴷ ⴱⴻⵍⵍⵉ "ⵍⵃⴰⵍⴰ ⵜⵉⴼⵙⵓⵙ ⵙ ⵍⴶⴻⵀⴷ ⵙ ⵢⵉⵙⴻⵏⴼⴰⵔⴻⵏ ⵉ ⴷ-ⵉⵜⵜⵓⵙⴱⴻⴷⴷⴻⵏ", ⵉⵙⵙⴻⵃⵔⴻⵙ ⵖⴻⴼ "ⵡⴰⵣⴰⵍ ⵏ ⵓⵙⴻⵎⵔⴻⵙ ⵏ ⵡⴰⵎⴰⵏ ⵢⴻⵜⵜⵓⵙⴻⵅⴷⴰⵎⴻⵏ ⵓ ⴰⴷ ⵜⵜⵓⵏⴻⵎⵍⴻⵏ ⵖⴻⵔ ⵓⵙⵙⴻⵡⵡⵉ ⵏ ⵜⴼⴻⵔⴽⵉ ⴷ ⵓⵏⵏⴰⵔ ⴰⵎⴳⵓⵔⵉⵢⴰⵏ".
ⴰⵏⴻⵖⵍⴰⴼ ⵢⴻⵣⵔⴰ ⴷⴻⴳ ⵜⴰⵣⵡⴰⵔⴰ ⵏ ⵜⵉⵔⵣⵉ-ⵉⵙ ⵢⵉⵡⴻⵏ ⵏ ⵓⵙⴻⵏⴽⴻⴷ ⵖⴻⴼ ⵡⴰⴷⴷⴰⴷ ⵏ ⵓⵏⵏⴰⵔ ⴷⴻⴳ ⵜⵡⵉⵍⴰⵢⵜ ⴷ ⵍⵇⴻⴷⴷ ⵏ ⵜⵉⴷⴷⵢ ⵏ ⵢⵉⵙⴻⵏⴼⴰⵔⴻⵏ ⵉ ⵢⴻⴱⵖⴰⵏ ⴰⴷ ⵙⴻⴶⵀⴷⴻⵏ ⵓⵎⴻⵥⵍⵓ ⴰⴳⴷⵓⴷⴰⵏ ⵏ ⵡⴰⵎⴰⵏ.
ⵢⴻⵙⵙⴻⵍⵡⴰⵢ ⴷⴰⵖⴻⵏ ⴰⵍⴷⴰⵢ ⵏ ⵙⵉⵏ (2) ⵏ ⵢⵉⵙⵓⵔⴰⴼ ⵏ ⵡⴰⵎⴰⵏ ⵙ ⵍⵇⴻⴷⴷ ⵏ 20 ⵏ ⵍⵉⵜⵔⴰⵜ ⴷⴻⴳ ⵜⵙⴻⴽⵓⵏⵜ , ⵙ ⵜⴻⴷⵔⵉⵎⵜ ⵏ 55 ⵏ ⵢⵉⵎⴻⵍⵢⴰⵢⴻⵏ ⵏ ⴷⵉⵏⴰⵔ, ⴰⵔⴰ ⵉⵄⵉⵡⵏⴻⵏ ⴷⴻⴳ ⵓⵡⴻⵣⵣⵉ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⵉ ⵢⵉⵎⴻⵣⴷⴰⵖ ⵏ ⵢⵉⵃⵔⵉⵛⴻⵏ ⵏ ⴻⵍ ⵀⵉⴷⵀⴰⴱ, ⴻⵍ ⴱⴰⵣ ⴷ ⵛⵀⵓⵓⴼ ⴻⵍ ⴽⴻⴷⴰⴷ ⴷⴻⴳ ⵜⴰⵎⴰⵏⴰⵖⵜ ⵏ ⵜⵡⵉⵍⴰⵢⵜ.
ⴰⵏⴻⵖⵍⴰⴼ ⵉⵡⴰⵍⴰ ⴷⴰⵖⴻ ⴰⵙⴻⵏⴼⴰⵔ ⵏ ⵓⵙⴻⴶⵀⴻⴷ ⵏ ⵓⵡⴻⵣⵣⵉ ⵏ ⵡⴰⵎⴰⵏ ⵉ ⵜⵖⵉⵡⴰⵏⵜ ⵏ ⵙⵟⵉⴼ ⴷ ⵡⵍⴰⴷ ⵚⴰⴱⴻⵔ ⵙⴻⴳ ⵓⵙⴰⴷⴷ ⵏ ⴻⵍ ⵎⵓⵓⴰⵏⴻ, ⵉ ⴷⴻⴳ ⵜⵉⴷⴷⵢ ⵏ ⵓⵎⴰⵀⵉⵍ ⵜⵓⵙⴰ-ⴷ ⵙ 55 ⴷⴻⴳ ⵜⵎⵉⴹⵉ, ⴰⵏⵉⴷⴰ ⵉⵙⵙⴻⵃⵔⴻⵙ ⵖⴻⴼ ⵡⴰⵣⴰⵍ ⵏ ⵓⵃⵔⴰⵣ ⵏ ⵜⴻⵎⵏⴰⴹⵉⵏ ⵉ ⵉⵅⵓⵚⵚⴻⵏ ⴰⵎⴰⵏ ⵓⵇⴱⴻⵍ ⵜⴰⵍⵍⵉⵜ ⵏ ⵓⵏⴻⴱⴷⵓ.
ⴰⵔⵏⵓ ⵖⴻⵔ
