ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴻⴽⵏ-ⴷ ⵓⵎⵙⴻⵍⵡⴰⵢ ⵏ ⵜⵙⴻⵇⵇⴰⵎⵓⵜ ⵏ ⵓⵙⴻⴳⴳⴻⵎ ⴷ ⵓⵄⴰⵙⵙ ⵏ ⵍⴱⵓⵔⵚⴰ (COSOB), ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵜⴰⵎⴰⵏⴻⵖⵜ, ⴱⴻⵍⵍⵉ ⴰⵏⵏⴰⵔ ⵏ ⵡⴻⴷⵔⵉⵎ ⴰⵖⴻⵍⵏⴰⵡ ⵢⴻⵜⵜⵡⴰⵍⵉ ⵢⵉⵡⴻⵜ ⵏ ⵜⴰⵢⵏⵉⵜ ⵜⴰⵎⴻⵇⵇⵔⴰⵏⵜ ⵙⴻⴳ ⵍⵊⵉⵀⴰ ⵏ ⵜⵎⴻⵔⵙⴻⵍⵉⵏ ⵉ ⵢⴻⴱⵯⴰⵏ ⴰⴷ ⴽⵛⴻⵎⵏⵜ ⵖⴻⵔ ⵍⴱⵓⵔⵚⴰ ⵏ ⵍⵣⵣⴰⵢⴻⵔ. ⵢⴻⵏⵏⴰ-ⴷ ⴱⴻⵍⵍⵉ ⴳⴰⵔ ⵅⴻⵎⵙⴰ ⵏ ⵜⵎⴻⵔⵙⴻⵍⵉⵏ ⵢⴻⵍⵍⴰⵏ ⵜⵓⵔⴰ, ⵙⵏⴰⵜ ⵏ ⵜⵜⴻⵛⴰⵔⵉⴽⴰⵜ ⴰⴷ ⵙⵙⴻⵔⵙⴻⵏⵜ ⵢⵉⴼⴰⵢⵍⴻⵏ-ⵏⵙⴻⵏⵜ ⵓⵏⵚⵉⴱⴻⵏ ⴷⴻⴳ ⵓⵎⵣⵡⴰⵔⵓ ⵏ ⵡⴰⴳⴳⵓⵔ ⵏ ⵎⵖⴻⵔⴻⵙ.
ⵎⴰⵙⵙ ⴱⵓⵣⵏⴰⴷⴰ ⵢⴻⵙⴼⴻⵔⵔⴻⵯ-ⴷ ⴷⴻⴳ ⵢⵉⵡⴻⵏ ⵓⴳⵔⴰⵡ ⵢⴻⵔⵣⴰⵏ ⴰⵙⴻⴼⵔⴻⵯ ⵏ ⵍⴻⵇⴷⵉⵛ ⵏ ⵡⴻⴷⵔⵉⵎ ⵏ ⵓⵙⴻⴳⴳⴰⵙ 2025, ⴱⴻⵍⵍⵉ ⵟⵟⴼⴻⵏ ⵉⴼⴰⵢⵍⴻⵏ ⵏ ⵜⵜⴻⵛⴰⵔⵉⴽⴰ "ⵉⵔⴰⴷ" (Irad) ⵉⵇⴷⴻⵛⴻⵏ ⴷⴻⴳ ⵓⵎⴹⴰⵏ, ⴷ ⵡⴰⵎⵎⴰⵙ ⵏ ⵓⵙⵉⵍⴻⵯ ⵓⵏⵏⵉⴳ "ⵉⵏⵙⴰⴳ" (INSAG). ⵜⵉⵎⴻⵔⵙⴻⵍⵉⵏ-ⴰⴳⵉ ⴰⴷ ⵊⴻⵔⴷⴻⵏⵜ ⵉⵙⵎⴰⵡⴻⵏ-ⵏⵙⴻⵏⵜ ⴷⴻⴳ ⵓⵏⵏⴰⵔ ⵏ ⵡⴰⵜⵉⴳⴻⵏ ⴷⴻⴳ ⵜⴰⴳⴳⴰⵔⴰ ⵏ ⴼⵓⵔⴰⵔ ⵏⴻⵖ ⴷⴻⴳ ⵜⵣⵡⴰⵔⴰ ⵏ ⵡⴰⴳⴳⵓⵔ ⵏ ⵎⵖⴻⵔⴻⵙ.
ⵢⴻⵔⵏⴰ-ⴷ ⵓⵎⵙⴻⵍⵡⴰⵢ ⴱⴻⵍⵍⵉ ⵍⵍⴰⵏⵜ ⴽⵔⴰⴹ (03) ⵏ ⵜⵎⴻⵔⵙⴻⵍⵉⵏ ⵏⵏⵉⴹⴻⵏ ⵢⴻⵇⵇⵏⴻⵏ ⵖⴻⵔ ⵓⵃⵔⵉⵛ ⵏ ⵓⵙⵍⵎⴻⴷ ⵓⵏⵏⵉⴳ ⴷ ⵓⵏⴰⴷⵉ ⵓⵙⵙⵏⴰⵏ ⵉ ⵢⴻⵀⴻⴳⴳⴰⵏ ⵉⴼⴰⵢⵍⴻⵏ-ⵏⵙⴻⵏⵜ. ⵍⴻⵇⴷⵉⵛ-ⴰⴳⵉ ⴰⴷ ⵢⴻⵇⵇⵉⵎ ⴽⵔⴰ ⵏ ⵢⵉⴳⴳⵓⵔⴻⵏ ⵢⴻⵔⵏⴰ ⵙⵙⴰⵔⴰⵎⴻⵏ ⴰⴷ ⵢⴻⴼⴼⴻⵖ ⵓⵏⵚⵉⴱ ⴷⴻⴳ ⵡⴰⴳⴳⵓⵔ ⵏ ⵢⵓⵏⵢⵓ ⵉ ⴷ-ⵢⴻⴷⴷⵓⵏ.
ⴷⴻⴳ ⵓⵎⵢⴻⵍⵍⴻⵍ ⴷ ⵜⵏⴻⵖⵍⴰⴼⵜ ⵏ ⵓⵙⵍⵎⴻⴷ ⵓⵏⵏⵉⴳ, ⵜⴰⵙⴻⵇⵇⴰⵎⵓⵜ ⵜⴻⵇⴷⴻⵛ ⵉ ⵡⴰⴽⴽⴻⵏ ⴰⴷ ⵜⴻⵍⴷⵉ ⵢⵉⵡⴻⵏ ⵓⵙⵙⴻⵏⴹⵓⵇ ⵏ ⵓⵙⵓⵎⴻⵔ ⵓⵥⵍⴰⵢ ⵉ ⵢⵉⵙⴻⵏⴼⴰⵔⴻⵏ ⵏ ⵓⵙⵏⵓⵍⴼⵓ ⴷ ⵜⵎⴻⵔⵙⴻⵍⵉⵏ ⵜⵉⵎⴰⵢⵏⵓⵜⵉⵏ (Startups) ⴷⴻⴳ ⵜⵙⴻⴷⴷⴰⵡⵉⵢⵉⵏ. ⵢⴻⵏⵏⴰ-ⴷ ⵎⴰⵙⵙ ⴱⵓⵣⵏⴰⴷⴰ ⴱⴻⵍⵍⵉ ⴰⴷ ⴼⴽⴻⵏ ⵜⴰⵡⵔⵉⵇⵜ ⵓⵏⵚⵉⴱ ⵉ ⵜⵙⴻⴷⴷⴰⵡⵉⵜ ⵏ ⵍⵣⵣⴰⵢⴻⵔ 3 ⵉ ⵡⴰⴽⴽⴻⵏ ⴰⴷ ⵜⴻⵙⵙⴻⴷⵎⴻⵔ ⴰⵙⵙⴻⵏⴹⵓⵇ-ⴰⴳⵉ ⵓⵇⴱⴻⵍ ⵜⴰⴳⴳⴰⵔⴰ ⵏ ⵡⴰⴳⴳⵓⵔ-ⴰⴳⵉ.
ⵢⴻⵍⵍⴰ-ⴷ ⴷⴰⵖⴻⵏ ⵡⴰⵡⴰⵍ ⵖⴻⴼ ⵓⵙⵙⵉⵙⵀⴻⵍ ⵏ ⵓⴽⵛⵓⵎ ⵏ ⵜⵎⴻⵔⵙⴻⵍⵉⵏ ⵜⵉⵎⴰⵢⵏⵓⵜⵉⵏ ⵖⴻⵔ ⵍⴱⵓⵔⵚⴰ ⵙ ⵓⴽⴽⴻⵙ ⵏ ⵎⴰⵕⵕⴰ ⵜⵡⴻⵔⵉⵇⵉⵏ ⵏ ⵓⴼⵔⴰⵢ ⵖⴻⴼ ⴽⵔⴰⴹ ⵏ ⵢⵉⵙⴻⴳⴳⴰⵙⴻⵏ ⴰⵍⴰⵎⵎⴰ ⴷ 2028. ⴰⵢⴰ ⴰⴷ ⵢⴻⴼⴽ ⵜⴰⵣⵎⴻⵔⵜ ⵉ ⵜⵎⴻⵔⵙⴻⵍⵉⵏ-ⴰⴳⵉ ⵉ ⵡⴰⴽⴽⴻⵏ ⴰⴷ ⵙⵙⴻⵎⵖⴻⵔⵏⵜ ⴰⴷⵔⵉⵎ-ⵏⵙⴻⵏⵜ ⵢⴻⵔⵏⴰ ⴰⴷ ⵇⴷⴻⵛⵏⵜ ⵙ ⵜⴼⴰⵡⵜ.
ⵜⴰⵏⴻⴱⴷⴰⴷⵜ ⵜⴰⵎⴰⵜⵓⵜ ⵏ ⵜⵎⴻⵔⵙⴻⵍⵜ ⵏ ⵍⴱⵓⵔⵚⴰ, ⵎⴰⵙⵙⴰ ⴰⵎⴰⵍ ⵙⴻⵍⵎⵓⵏ, ⵜⴻⵏⵏⴰ-ⴷ ⴱⴻⵍⵍⵉ ⵉⵙⵓⵔⴰ-ⴰⴳⵉ ⴰⴷ ⵄⵉⵡⵏⴻⵏ ⵜⴰⴷⴰⵎⵙⴰ ⵜⴰⵖⴻⵍⵏⴰⵡⵜ ⵉ ⵡⴰⴽⴽⴻⵏ ⴰⴷ ⵜⴻⵍⵍⵉ ⴷ ⵜⴰⵎⴰⵜⵓⵜ, ⴷ ⵜⴰⵎⴻⴳⵏⵓⵜ ⵢⴻⵔⵏⴰ ⴷ ⵜⴰⵔⴰⵙⵡⴰⵢⵜ.
ⵉⵙⴰⵍⵍⴻⵏ ⵙⵙⴻⴽⵏⴻⵏ-ⴷ ⴱⴻⵍⵍⵉ ⴰⵜⵉⴳ ⵏ ⵍⴱⵓⵔⵚⴰ ⵏ ⵍⵣⵣⴰⵢⴻⵔ ⵢⴻⵍⵢⴰ ⴰⵟⴰⵙ ⵢⴻⵡⵡⴻⴹ 744.45 ⵏ ⵢⵉⵎⵍⵢⴰⵔⴻⵏ ⵏ ⴷⵉⵏⴰⵔ ⴷⴻⴳ ⵜⴰⴳⴳⴰⵔⴰ ⵏ ⵓⵙⴻⴳⴳⴰⵙ ⵢⴻⵣⵔⵉⵏ. ⴰⵢⴰ ⴷ ⴰⵏⴻⴼⵍⵓ ⵏ 42.70 ⵏ ⵜⵎⵉⴹⵉ ⵖⴻⴼ ⵓⵙⴻⴳⴳⴰⵙ 2024. ⵍⴻⵇⴷⵉⵛ ⵏ ⵓⴱⴻⴷⴷⴻⵍ ⵏ ⵡⴰⵜⵉⴳⴻⵏ ⵢⴻⵊⵊⴻⵀⴻⴷ ⵓⴳⴰⵔ ⵏ 498 ⵏ ⵜⵎⵉⴹⵉ, ⴰⵢⴻⵏ ⵢⴻⵙⴽⴰⵏⴰⵢⴻⵏ ⵜⴰⵣⵎⴻⵔⵜ ⵜⴰⵎⴰⵢⵏⵓⵜ ⵏ ⵜⴷⴰⵎⵙⴰ ⴷⴻⴳ ⵍⵣⵣⴰⵢⴻⵔ.
ⴰⵔⵏⵓ ⵖⴻⵔ
