ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵜⴻⵇⴱⴻⵍ ⵓⵏⵖⵍⴰⴼ ⵏ ⵜⵎⵉⵙⴰⵍ ⵏ ⴷⴷⵉⵏ ⴷ ⵍⵃⴰⴱⵓⵙ, ⵎⴰⵙⵙ ⵢⵓⵙⴻⴼ ⴱⴻⵍⵎⴻⵀⴷⵉ, ⵜⴰⵎⴻⴷⴷⵉⵜ ⵏ ⵡⴰⵙⵙ ⵏ ⵜⵜⵍⴰⵜⴰ ⴷⴻⴳ ⵡⴰⵙⵉⵔⴰ ⵏ ⵓⵙⴰⴼⴰⴳ ⴰⴳⵔⴰⵖⵍⴰⵏ ⵀⵓⵡⴰⵔⵉ ⴱⵓⵎⴻⴷⵢⴻⵏ, ⴰⵏⵖⵍⴰⴼ ⵏ ⵍⵃⴻⵊⵊ ⴷ ⵍⵄⵓⵎⵔⴰ ⵏ ⵜⵎⵓⵔⵜ ⵏ ⵙⵙⵄⵓⴷⵉⵢⴰ ⵜⴰⵎⴰⵣⵓⵣⵜ, ⵎⴰⵙⵙ ⵜⵓⵡⴼⵉⵇ ⴱⵉⵏ ⴼⵓⵡⵣⴰⵏ ⴰⵔⵔⴰⴱⵉⵄⴰ, ⵉ ⴷ-ⵢⴻⵔⵣⴰⵏ ⵖⴻⵔ ⵜⵎⵓⵔⵜ-ⵏⵏⴻⵖ ⴷ ⵜⵔⴰⴱⵄⵜ ⵏ ⵢⵉⵎⵓⵙⵏⴰⵡⴻⵏ ⵉⵎⴻⵇⵇⵔⴰⵏⴻⵏ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ, ⵜⵓⵣⵣⵢⴰ-ⴰⴳⵉ ⵜⴻⵍⵍⴰ-ⴷ ⵉ ⵡⴰⴽⴽⴻⵏ ⴰⴷ ⵙⵊⴻⵀⴷⴻⵏ ⴰⵎⵢⴻⵍⵍⴻⵍ ⴷ ⵜⵎⴷⵓⴽⴽⵍⵉ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⵉⵎⴰⵣⵓⵣⴻⵏ. ⵙⵙⴰⵡⵍⴻⵏ ⴷⴰⵖⴻⵏ ⵖⴻⴼ ⵢⵉⴱⵔⵉⴷⴻⵏ ⵏ ⵓⵎⵢⴰⵡⴰⵙ ⴷ ⵓⵙⴻⴳⴳⴻⵎ ⵏ ⵍⴻⵇⴷⵉⵛ ⵢⴻⴷⴷⵓⴽⴽⵍⴻⵏ ⵉ ⵡⴰⴽⴽⴻⵏ ⴰⴷ ⵀⴻⴳⴳⵉⵏ ⵜⴰⴼⴰⵙⴽⴰ ⵏ ⵍⵃⴻⵊⵊ ⵏ ⵓⵙⴻⴳⴳⴰⵙ 2026 (1447 ⵏ ⵍⵀⵉⵊⵔⴰ).
ⵍⴻⵇⴷⵉⵛ ⵏ ⵓⵙⵜⴻⵇⴱⴻⵍ ⵢⴻⵍⵍⴰ-ⴷ ⵙ ⵓⵃⴰⴷⴰⵔ ⵏ ⵓⵙⴼⵉⵔ ⵏ ⵜⴳⴷⵓⴷⴰ ⵏ ⵙⵙⵄⵓⴷⵉⵢⴰ ⴷⴻⴳ ⵍⵣⵣⴰⵢⴻⵔ, ⵎⴰⵙⵙ ⵄⴻⴱⴷⵓⵍⵍⴰⵀ ⴱⵉⵏ ⵏⴰⵚⴻⵔ ⴰⵍ-ⴱⵓⵚⴰⵢⵔⵉ, ⴷ ⵢⵉⵎⴻⵇⵇⵔⴰⵏⴻⵏ ⵏ ⵜⵏⴻⵖⵍⴰⴼⵜ ⵏ ⵜⵎⵉⵙⴰⵍ ⵏ ⴷⴷⵉⵏ, ⵖⴻⵔ ⵜⴰⵎⴰ ⵏ ⵓⵏⴻⴱⴷⴰⴷ ⴰⵎⴰⵜⵓ ⵏ ⵡⴰⵙⵉⵔⴰ ⴰⵖⴻⵍⵏⴰⵡ ⵏ ⵍⵃⴻⵊⵊ ⴷ ⵍⵄⵓⵎⵔⴰ, ⵎⴰⵙⵙ ⵟⵟⴰⵀⴻⵔ ⴱⵔⴰⵢⴻⴽ.
ⵜⴰⴳⴳⴰⵔⴰ, ⵜⵉⵎⵍⵉⵍⵉⵜ-ⴰⴳⵉ ⵜⴻⵙⴽⴰⵏⴰⵢ-ⴷ ⵍⴻⴱⵖⵉ ⵏ ⵍⵣⵣⴰⵢⴻⵔ ⴷ ⵙⵙⵄⵓⴷⵉⵢⴰ ⴰⴽⴽⴻⵏ ⴰⴷ ⵇⴷⴻⵛⴻⵏⵜ ⵢⴻⴷⴷⵓⴽⴽⴻⵍ ⵉ ⵡⴰⴽⴽⴻⵏ ⴰⴷ ⵙⵙⵉⵙⵀⴻⵍⴻⵏⵜ ⵍⴻⵇⴷⵉⵛ ⵏ ⵍⵃⴻⵊⵊ ⵉ ⵢⵉⵣⵣⴰⵢⵔⵉⵢⴻⵏ ⵢⴻⵔⵏⴰ ⴰⴷ ⵊⵊⴻⵀⴷⴻⵏⵜ ⵜⵉⵎⴷⵓⴽⴽⵍⵉⵡⵉⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ-ⴰⴳⵉ.
ⴰⵔⵏⵓ ⵖⴻⵔ
