ⴰⵔⴽⴰⴱ ⵉⵙⴻⵍⵍⴻⵎ ⵉ ⵓⵙⴻⵍⵡⴰⵢ ⵏ ⵜⵙⵏⵓⵔⴻⴼⵜ ⵜⴰⵙⵒⴻⵏⵢⵓⵍⵜ "ⴰⵔⴼⵍⵓ" ⵢⴻⵄⵏⴰⵏ ⵡⴰⵍⵍⴰⵍⴻⵏ ⵏ ⵢⵉⵎⴻⵔⵢⴰⵏ ⴷ ⵓⵙⵉⵙⵀⴻⵍ ⵏ ⵡⴰⵎⴰⵏ ⵏ ⵢⵉⵍⵍⴻⵍ
ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵎⴻⵔⵢⴰⵏ, ⵎⴰⵙⵙ ⵎⵓⵀⴰⵎⴻⴷ ⴰⵔⴽⴰⴱ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ, ⵉ ⵓⵙⴻⵍⵡⴰⵢ ⵏ ⵜⵙⵏⵓⵔⴻⴼⵜ ⵜⴰⵙⵒⴻⵏⵢⵓⵍⵜ "ⴰⵔⴼⵍⵓ", ⵎⴰⵙⵙ ⴳⵓⵏⵣⴰⴳⴰ ⴼⴻⵔⵏⴰⵏⴷⴻⵣ, ⵉ ⴷ-ⵢⵓⵙⴰⵏ ⴷ ⵜⴰⵔⴱⴰⵄⵜ ⵏ ⵢⵉⵎⴹⴻⴱⴱⵔⴻⵏ ⵏ ⵜⵙⵏⵓⵔⴻⴼⵜ-ⵉⵙ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵉ ⵓⵇⴻⵔⴷⴻⵛ ⵏ ⵡⴰⵙⵙⴰⵖⴻⵏ ⵏ ⵓⵎⵢⴻⵛⵛⴻⵔ ⴷ ⵜⴷⵓⴽⵍⵉ ⴳⴰⵔ ⵓⵎⵓⵍⵍⵉ ⵏ ⵙⵓⵏⴰⵜⵔⴰⵛⵀ ⴷ ⵜⵙⵏⵓⵔⴻⴼⵜ "ⴰⵔⴼⵍⵓ", ⵉ ⵉⵅⴻⴷⴷⵎⴻⵏ ⴷⴻⴳ ⵓⵙⵏⴻⴼⵍⵉ ⴷ ⵓⴼⴰⵔⵉⵙ ⵏ ⵜⵉⴱⴰⵡⵉⵏ ⵜⵉⵎⴳⵓⵔⵉⵢⵉⵏ (vannes industrielles) ⴷ ⵡⴰⵍⵍⴰⵍⴻⵏ ⵉⵜⵉⴽⵏⵉⴽⴻⵏ ⵉ ⵢⵉⵏⵏⴰⵔⴻⵏ ⵏ ⵍⵒⴻⵜⵔⵓⵍ, ⵍⴳⴰⵣ ⴷ ⵓⵙⵉⵙⵀⴻⵍ ⵏ ⵡⴰⵎⴰⵏ ⵏ ⵢⵉⵍⵍⴻⵍ, ⵉⵎⵉ ⵜⴻⵙⵄⴰ ⵓⴳⴰⵔ ⵏ ⴽⵔⴰⴷⴻⵜ ⵏ ⵜⵎⴻⵔⵡⵉⵏ (30) ⵏ ⵢⵉⵙⴻⴳⴳⴰⵙⴻⵏ ⵏ ⵜⵎⵓⵖⵍⵉ ⴷⴻⴳ ⵓⵏⵏⴰⵔ-ⴰⴳⵉ.
ⵉⵎⴻⵙⵍⴰⵢⴻⵏ ⵣⵣⵉⵏ-ⴷ ⵖⴻⴼ ⵜⴰⵔⵔⴰⵢⵉⵏ ⵏ ⵓⵙⵏⴻⴼⵍⵉ ⵏ ⵓⵎⵢⴻⵛⵛⴻⵔ ⴰⵎⴳⵓⵔⵉⵢⴰⵏ ⴷ ⵓⵜⵉⴽⵏⵉⴽ, ⵍⴰⴷⵖⴰ ⴷⴻⴳ ⵡⴰⵍⵍⴰⵍⴻⵏ ⵏ ⵢⵉⵎⴻⵔⵢⴰⵏ, ⴰⵎ ⵜⵉⴱⴰⵡⵉⵏ ⵜⵉⵎⴳⵓⵔⵉⵢⵉⵏ ⵉ ⵢⵉⵎⴰⵀⵉⵍⴻⵏ ⵏ ⵓⵏⴰⴷⵉ, ⵓⴼⴰⵔⵉⵙ, ⵓⵣⵓⵏⴻⵢ ⴷ ⵓⴱⴻⴷⴷⴻⵍ, ⵔⵏⵉ-ⴷ ⴼⴻⵍⵍ-ⴰⵙⴻⵏ ⵡⴰⵍⵍⴰⵍⴻⵏ ⵢⴻⵜⵜⵓⵙⴻⵎⵔⴰⵙⴻⵏ ⴷⴻⴳ ⵡⴰⵎⵎⴰⵙⴻⵏ ⵏ ⵓⵙⵉⵙⵀⴻⵍ ⵏ ⵡⴰⵎⴰⵏ ⵏ ⵢⵉⵍⵍⴻⵍ, ⵙ ⵜⵎⵓⵖⵍⵉ ⵖⴻⵔ ⵡⴰⵀⵉⵍⴻⵏ ⴰⵖⴻⵍⵏⴰⵡⴻⵏ ⵉⵎⴻⵇⵇⵔⴰⵏⴻⵏ ⵉ ⵜⵣⴻⵔ ⵍⴻⵣⵣⴰⵢⴻⵔ ⴷⴻⴳ ⵓⵏⵏⴰⵔ-ⴰⴳⵉ.
ⴷⴰⵖⴻⵏ, ⵙⵉⵏ ⵏ ⵢⵉⴽⵓⴱⴰⵔ ⵇⴻⵔⴷⵛⴻⵏ ⵜⴰⵔⵔⴰⵢⵉⵏ ⵏ ⵓⵙⴱⴻⴷⴷⵉ ⵏ ⵜⴷⵓⴽⵍⵉⵡⵉⵏ ⵜⵉⵎⴳⵓⵔⵉⵢⵉⵏ ⴷ ⵙⵓⵏⴰⵜⵔⴰⵛⵀ ⴷ ⵢⵉⴼⵓⵔⴽⴰⵏ-ⵉⵙ, ⵉⵡⴰⴽⴽⴻⵏ ⴰⴷ ⵜⴻⵜⵜⵓⵙⴱⴻⴷⴷ ⵜⴻⵎⴳⵓⵔⵉ ⵏ ⴽⵔⴰ ⵏ ⵡⴰⵍⵍⴰⵍⴻⵏ ⴷⴻⴳ ⵍⴻⵣⵣⴰⵢⴻⵔ (localisation), ⴷ ⵓⵙⴻⴶⵀⴻⴷ ⵏ ⵓⴳⴱⵓⵔ ⴰⴷⵉⴳⴰⵏ ⴷ ⵓⵏⵉⴳ ⵏ ⵜⵎⵓⵙⵏⵉ ⴷ ⵜⵉⵜⵉⴽⵏⵓⵍⵓⵊⵉⵢⵉⵏ, ⵎⴻⴱⵍⴰ ⵎⴰ ⵏⴻⵜⵜⵓ ⴰⵙⵏⴻⴼⵍⵉ ⵏ ⵢⵉⵎⴻⵥⵍⴰ ⵏ ⵓⵙⵉⵣⵣⴻⴷ (maintenance) ⴷ ⵜⴰⵍⵍⴻⵍⵜ ⵜⴰⵜⵉⴽⵏⵉⴽⵜ.
ⵉⵎⴹⴻⴱⴱⵔⴻⵏ ⵏ "ⴰⵔⴼⵍⵓ" ⵙⵏⴻⴽⴷⴻⵏ-ⴷ ⵜⴰⵎⵓⵙⵏⵉ ⵏ ⵜⵙⵏⵓⵔⴻⴼⵜ-ⵏⵙⴻⵏ ⴷ ⵜⵣⴻⵎⵎⴰⵔ-ⵉⵙ ⵜⴰⵜⵉⴽⵏⵉⴽⵉⵏ ⵙ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ, ⵙ ⵓⵙⴻⴽⵏⴻⴷ ⵏ ⵍⴻⴱⵖⵉ-ⵏⵙⴻⵏ ⵉⵡⴰⴽⴽⴻⵏ ⴰⴷ ⵙⴻⴶⵀⴷⴻⵏ ⵜⵉⵍⵉⵜ-ⵏⵙⴻⵏ ⴷⴻⴳ ⵓⴳⴻⴷⴻⵣ ⴰⵣⵣⴰⵢⵔⵉ ⵙ ⵢⵉⵙⴻⵏⴼⴰⵔⴻⵏ ⵏ ⵜⴷⵓⴽⵍⵉ ⴷ ⵓⵙⵙⴻⵜⵎⴻⵔ ⵏ ⵜⴰⵍⵍⵉⵜ ⵉⵖⴻⵣⴼⴰⵏⴻⵏ.
ⵙⴻⴳ ⵜⴰⵎⴰ-ⵙ, ⴰⵏⴻⵖⵍⴰⴼ ⵏ ⵓⵡⴰⵏⴰⴽ ⵉⵙⵔⴻⵚ-ⴷ ⴰⵣⴰⵍ ⵏ ⵓⵙⴻⴶⵀⴻⴷ ⵏ ⵜⴷⵓⴽⵍⵉⵡⵉⵏ ⵉ ⵉⵜⴻⴽⴽⴽⵉⵏ ⴷⴻⴳ ⵓⵙⵏⴻⴼⵍⵉ ⵏ ⵓⵣⴻⵟⵟⴰ ⴰⵎⴳⵓⵔⵉⵢⴰⵏ ⴰⵖⴻⵍⵏⴰⵡ ⴷ ⵓⵏⵉⴳ ⵏ ⵜⵎⵓⵙⵏⵉ, ⴰⵢⴰⴳⵉ ⵙ ⵓⵇⴰⴷⴻⵔ ⵏ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵢⴻⴱⵖⴰⵏ ⴰⵙⴰⵍⵉ ⵏ ⵜⴻⵎⴳⵓⵔⵉ ⵜⴰⴷⵉⴳⴰⵏⵜ ⴷ ⵓⵙⴰⵜⵉⴳ ⵏ ⵜⵣⴻⵎⵎⴰⵔ ⵜⴰⵖⴻⵍⵏⴰⵡⵉⵏ ⴷⴻⴳ ⵢⵉⵏⵏⴰⵔⴻⵏ ⵉⵙⵔⴰⵜⵉⴷⵊⵉⵢⴻⵏ.
ⴰⵔⵏⵓ ⵖⴻⵔ
