ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵎⴻⵔⵢⴰⵏ, ⵎⴰⵙⵙ ⵎⵓⵀⴰⵎⴻⴷ ⴰⵔⴽⴰⴱ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ-ⵉⵙ, ⵉ ⵓⵏⴻⵖⵍⴰⴼ ⵏ ⵍⵒⴻⵜⵔⵓⵍ ⵏ ⵜⴻⴳⴷⵓⴷⴰ ⵏ ⵏⵏⵉⴶⴻⵔ, ⵎⴰⵙⵙ ⵀⴰⵎⴰⴷⵓⵓ ⵜⵉⵏⵉ, ⵉ ⴷ-ⵢⵓⵙⴰⵏ ⴷⴻⴳ ⵜⵉⵔⵣⵉ ⵏ ⵓⵎⴰⵀⵉⵍ ⵖⴻⵔ ⵍⴻⵣⵣⴰⵢⴻⵔ ⵙ ⵓⵇⴻⵔⵔⵓ ⵏ ⵢⵉⵡⴻⵜ ⵏ ⵜⴰⵔⴱⴰⵄⵜ ⵏ ⵓⵙⵡⵉⵔ ⵉⵄⵍⴰⵢⴻⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⵉⵎⴻⵙⵍⴰⵢⴻⵏ ⵡⵡⵉⵏ-ⴷ ⵖⴻⴼ ⵡⴰⴷⴷⴰⴷ ⴷ ⵢⵉⵙⴰⵔⴰⵎⴻⵏ ⵏ ⵓⵎⵢⴻⵛⵛⴻⵔ ⵏ ⵙⵉⵏ ⴳⴰⵔ ⵍⴻⵣⵣⴰⵢⴻⵔ ⴷ ⵏⵏⵉⴶⴻⵔ ⴷⴻⴳ ⵓⵏⵏⴰⵔ ⵏ ⵢⵉⵎⴻⵔⵢⴰⵏ ⴷ ⵜⴰⵔⵔⴰⵢⵉⵏ ⵏ ⵓⵙⴻⴶⵀⴻⴷ ⵏ ⵜⴷⵓⴽⵍⵉ ⴳⴰⵔ ⵓⵎⵓⵍⵍⵉ ⵏ ⵙⵓⵏⴰⵜⵔⴰⵛⵀ ⴷ ⵜⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵏ ⵏⵏⵉⴶⴻⵔ ⵉ ⵍⵒⴻⵜⵔⵓⵍ "SONIDEP". ⴰⵢⴰⴳⵉ ⵍⴰⴷⵖⴰ ⴷⴻⴳ ⵢⵉⵏⵏⴰⵔⴻⵏ ⵏ ⵓⵏⴰⴷⵉ, ⵓⵙⵏⵉⵔⴻⵎ, ⴰⵙⵏⴻⴼⵍⵉ ⴷ ⵓⴼⴰⵔⵉⵙ ⵏ ⵢⵉⵎⴻⵔⵢⴰⵏ, ⵉⵎⴻⵥⵍⴰ ⵏ ⵓⵖⵓⵣⵉ , ⴰⵙⵉⵣⴷⴻⴳ ⴷ ⵓⴼⵔⴰⵇ ⵏ ⵢⵉⴼⴰⵔⴰⵙⴻⵏ ⵏ ⵍⵒⴻⵜⵔⵓⵍ, ⵎⴻⴱⵍⴰ ⵎⴰ ⵏⴻⵜⵜⵓ ⴰⵙⵉⵍⴻⵖ ⴷ ⵓⵏⵉⴳ ⵏ ⵜⵉⵜⵉⴽⵏⵓⵍⵓⵊⵉⵢⵉⵏ.
ⴷⵔⴰⵏ-ⴷ ⴷⴻⴳ ⵜⴻⵎⵍⵉⵍⵉⵜ-ⴰⴳⵉ ⵢⵉⵎⴰⵣⴰⵏ ⵏ ⵜⴰⵔⴱⴰⵄⵜ ⵏ ⵏⵏⵉⴶⴻⵔ ⴷ ⵢⵉⵎⴹⴻⴱⴱⵔⴻⵏ ⵏ ⵍⴻⵣⵣⴰⵢⴻⵔ, ⴳⴰⵔ-ⴰⵙⴻⵏ ⴰⵙⴻⵍⵡⴰⵢ ⴰⵎⴹⴻⴱⴱⴻⵔ ⴰⵎⴰⵜⵓ ⵏ ⵓⵎⵓⵍⵍⵉ ⵏ ⵙⵓⵏⴰⵜⵔⴰⵛⵀ, ⵎⴰⵙⵙ ⵏⵓⵓⵔⴻⴷⴷⵉⵏⴻ ⴷⴰⵓⵓⴷⵉ, ⴰⵙⴻⵍⵡⴰⵢ ⵏ ⵜⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵉ ⵓⵙⴰⵜⵉⴳ ⵏ ⵢⵉⴳⴻⵔⵔⵔⵓⵊⴻⵏ ⵏ ⵢⵉⵎⴻⵔⵢⴰⵏ , ⵎⴰⵙⵙ ⵙⴰⵎⵉⵔ ⴱⴻⴽⵀⵜⵉ, ⴷ ⵓⵙⴻⵍⵡⴰⵢ ⵏ ⵜⴰⵙⵇⴰⵎⵓⵜ ⵏ ⵓⵙⴻⴳⴳⴻⵎ ⵏ ⵢⵉⵎⴻⵔⵢⴰⵏ, ⵎⴰⵙⵙ ⴰⵎⵉⵏⴻ ⵔⴻⵎⵉⵏⵉ.
ⵙⵉⵏ ⵏ ⵢⵉⴽⵓⴱⴰⵔ ⵇⴻⵔⴷⵛⴻⵏ ⵜⵉⴷⴷⵢ ⵏ ⵢⵉⵙⴻⵏⴼⴰⵔⴻⵏ ⵉⵎⴻⵣⴷⴰⵢⴻⵏ, ⵓ ⵏⵏⴰⵏ-ⴷ ⴱⴻⵍⵍⵉ ⵉⵍⴰⵇ ⴰⴷ ⴷ-ⵉⵍⵍⵉⵏⵜ ⵜⴰⵍⵍⴻⵍⵜ ⵏ ⵜⵎⵓⵖⵍⵉⵡⵉⵏ ⵏ ⵙⵓⵏⴰⵜⵔⴰⵛⵀ ⵉ ⵓⵙⵏⴻⴼⵍⵉ ⵏ ⵢⵉⵙⴻⵏⴼⴰⵔⴻⵏ ⵏ ⵍⵒⴻⵜⵔⵓⵍ ⴷⴻⴳ ⵏⵏⵉⴶⴻⵔ. ⴷⴰⵖⴻⵏ, ⵎⵎⴻⵙⵍⴰⵢⴻⵏ ⵖⴻⴼ ⵜⴰⵍⵍⴻⵍⵜ ⴰⵔⴰ ⴷ-ⵢⴻⴼⴽ ⵓⵎⵓⵍⵍⵉ ⵏ ⵙⵓⵏⴰⵜⵔⴰⵛⵀ ⵉ ⵜⵎⵓⵀⴰⵍ ⵏ ⵓⵙⵉⵣⵣⴻⴷ ⵉⵎⴻⵇⵇⵔⴰⵏⴻⵏ ⵏ ⵜⵚⴻⴼⴼⴰⵢⵜ ⵏ ⵣⵉⵏⴷⴻⵔ ⴷⴻⴳ ⵏⵏⵉⴶⴻⵔ.
ⵎⴰⵙⵙ ⴰⵔⴽⴰⴱ ⵉⵄⴰⵡⴻⴷ ⵉⵙⵔⴻⵚ-ⴷ ⵍⴻⴱⵖⵉ ⵏ ⵍⴻⵣⵣⴰⵢⴻⵔ ⵉ ⵓⵙⴼⵓⵍⴻⵍ ⵏ ⵏⵏⵉⴶⴻⵔ ⴷⴻⴳ ⵓⵏⵏⴰⵔ ⵏ ⵓⵙⵏⴻⴼⵍⵉ ⵏ ⵢⵉⴳⴻⵔⵔⵔⵓⵊⴻⵏ ⵏ ⵜⴰⵍⵙⴰ ⴷ ⵓⵙⴰⵍⵉ ⵏ ⵜⵣⴻⵎⵎⴰⵔ ⵜⴰⵖⴻⵍⵏⴰⵡⵉⵏ. ⴷⴰⵖⴻⵏ, ⵜⵉⵎⵍⵉⵍⵉⵜ ⵜⴻⵍⵍⴰ ⴷ ⵜⴰⴳⵏⵉⵜ ⵉ ⵓⵙⴼⵓⵍⴻⵍ ⵏ ⵓⵙⴻⵏⴼⴰⵔ ⴰⵙⵔⴰⵜⵉⴷⵊⵉ ⵏ ⵓⴱⴰⴷⵓ ⵏ ⵍⴳⴰⵣ ⵉⵣⴻⴳⵔⴻⵏ ⴰⵏⴻⵥⵔⵓⴼ (TSGP), ⵉ ⵢⴻⵍⵍⴰⵏ ⴷ ⵢⵉⵡⴻⵏ ⵏ ⵢⵉⵙⴻⵏⴼⴰⵔⴻⵏ ⵉⵎⴻⵇⵇⵔⴰⵏⴻⵏ ⴷⴻⴳ ⵜⴻⴼⵔⵉⵇⵜ.
ⴷⴻⴳ ⵜⴰⴳⴳⴰⵔⴰ, ⵎⴰⵙⵙ ⴰⵔⴽⴰⴱ ⵉⵙⵙⴻⴽⵏⴻⴷ ⴱⴻⵍⵍⵉ ⵍⴻⵣⵣⴰⵢⴻⵔ, ⵙ ⵓⵇⴰⴷⴻⵔ ⵏ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵜⴻⵜⵜⴽⴻⵎⵎⵉⵍ ⴰⵎⴰⵀⵉⵍ-ⵉⵙ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⵏ ⵜⴻⴼⵔⵉⵇⵜ ⴷ ⵓⵡⴻⵣⵣⵉ ⵏ ⵜⴷⵓⴽⵍⵉⵡⵉⵏ ⵉⵕⴻⵙⵙⴰⵏⴻⵏ ⵉ ⵏⴼⴰⵄ ⵏ ⵢⵉⴳⵓⵔⴻⴼ ⵏ ⵜⵎⴻⵏⵏⴰⵟ.
ⴰⵔⵏⵓ ⵖⴻⵔ
