ⴰⵏⴻⵖⵍⴰⴼ ⵏ ⴷⴷⴻⵡⵍⴰ, ⴰⵏⴻⵖⵍⴰⴼ ⵏ ⵢⵉⵙⵓⴼⴰ ⴷ ⵜⵎⵉⵃⴰⵙ, ⵎⵓⵀⴰⵎⴻⴷ ⴰⵔⴽⴰⴱ, ⵉⵟⵟⴻⴽⴽⴰ ⴰⵙⵙ-ⴰⴳⵉ ⵏ ⵍⵃⴻⴷ ⵙ ⵜⴰⵜⵉⴽⵏⵓⵍⵓⵊⵉⵜ ⵏ ⵜⵏⴻⴼⵔⴰⵡⵜ ⵎⴱⵄⵉⴷ (ⵠⵉⴷéⵓⵛⵓⵏⴼéⵔⴻⵏⵛⴻ), ⴷⴻⴳ ⵓⵏⴻⵊⵎⴰⵄ ⵏ ⵓⵙⵉⵜⵀⴻⵍ ⵏ ⵜⴻⴳⵔⴰⵡⵜ ⵏ ⵜⵎⵓⵔⴰ ⵏ ⵜⵎⴰⵏⵢⴰ (08) ⵉ ⵢⴻⵍⵍⴰⵏ ⴷⴻⴳ ⵓⵏⵏⴰⵔ ⵏ ⵓⵒⴻⵛ+. ⵜⴰⵎⵓⵔⴰ-ⴰⴳⵉ ⴷ: ⵍⴻⵣⵣⴰⵢⴻⵔ, ⵜⴰⴳⴻⵍⴷⴰ ⵏ ⵜⵄⴰⵔⴰⴱⵜ ⵜⴰⵙⴰⵄⵓⴷⵉⵜ, ⵉⵎⴰⵕⴰⵜⴻⵏ ⵉⵄⵔⴰⴱⴻⵏ ⵢⴻⴷⴷⵓⴽⴽⵍⴻⵏ, ⵍⵄⵉⵔⴰⵇ, ⴽⴰⵣⴰⵅⵉⵙⵜⴰⵏ, ⵍⴻⴽⵡⵉⵜ, ⵜⴰⵙⴻⵍⵟⴰⵏⵜ ⵏ ⵄⵓⵎⴰⵏ ⴷ ⵔⵓⵙⵢⴰ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵏⴻⴱⴱⵉⵜ ⵏ ⵜⵎⴰⵡⴰⵙⵜ.
ⴰⵏⴻⵊⵎⴰⵄ-ⴰⴳⵉ, ⵉ ⴷⴻⴳ ⵉⵃⴷⴻⵔ ⵓⵙⴻⵍⵡⴰⵢ ⴰⵏⴻⵎⵀⴰⵍ ⴰⵎⴰⵜⵓ ⵏ ⵓⴳⵔⴰⵡ ⵙⵓⵏⴰⵜⵔⴰⵛⵀ, ⵏⵓⵓⵔⴻⴷⴷⵉⵏⴻ ⴷⴰⵓⵓⴷⵉ, ⴷ ⵓⵙⴻⵍⵡⴰⵢ ⵏ ⵜⵎⴰⵙⵏⴻⴼⵜ ⵜⴰⵖⴻⵍⵏⴰⵡⵜ ⵉ ⵓⵙⵏⴻⵔⵏⵉ ⵏ ⵢⵉⵙⵓⴼⴰ (ⴰⵍⵏⴰⴼⵜ), ⵙⴰⵎⵉⵔ ⴱⴰⴽⵀⵜⵉ, ⵢⵓⵙⴰ-ⴷ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴹⴼⴰⵔ ⵏ ⵍⵉⵃⴰⵍⴰ ⵏ ⵓⴳⴰⴷⴰⵣ ⵏ ⵍⵒⵉⵜⵔⵓⵍ ⴷⴻⴳ ⴷⴷⵓⵏⵉⵜ ⴷ ⵓⵙⵙⴻⵊⵀⴻⴷ ⵏ ⵓⵙⵉⵜⵀⴻⵍ (ⵛⵓⵓⵔⴷⵉⵏⴰⵜⵉⵓⵏ) ⴳⴻⵔ 8 ⵏ ⵜⵎⵓⵔⴰ-ⴰⴳⵉ ⵉ ⵉⵇⴻⴷⴷⵛⴻⵏ ⴷⴻⴳ ⵓⵎⵜⴰⵡⴰ ⵏ ⵓⵒⴻⵛ+, ⵉ ⵅⴻⴷⴷⵎⴻⵏ ⵉⵙⵙⴻⵎⵙⴰⵙⴻⵏ ⵏ ⵍⴻⴱⵖⵉ.
ⴷⴻⴳ ⵓⵏⴻⵊⵎⴰⵄ-ⴰⴳⵉ, ⵉⵏⴻⵖⵍⴰⴼⴻⵏ ⵔⵔⴰⵏ-ⴷ ⴰⵡⴰⵍ ⵙ ⵜⴻⵍⵇⴰⵢⵜ ⵖⴻⴼ ⵍⵉⵃⴰⵍⴰ ⵏ ⵓⴳⴰⴷⴰⵣ ⵏ ⵍⵒⵉⵜⵔⵓⵍ ⴷⴻⴳ ⵡⴰⴽⵓⴷ ⵏ ⵜⵓⵔⴰ, ⵍⴰⴷⵖⴰ ⴷⴻⴳ ⵢⵉⵡⴻⵏ ⵏ ⵍⵡⴻⵇⵜ ⵏ ⵜⴷⴰⵎⵙⴰ ⵜⴰⴳⵔⴻⵖⵍⴰⵏⵜ ⵉ ⴷⴻⴳ ⵓⵔ ⵜⴱⴰⵏ ⴰⵔⴰ ⵙⴰⵏⵉ ⵉ ⵜⴻⴷⴷⴰ.
ⴷⴻⴳ ⵓⵃⵔⵉⵛ-ⴰⴳⵉ, ⴰⵏⴻⵖⵍⴰⴼ ⵏ ⴷⴷⴻⵡⵍⴰ ⵉⵔⴻⵙⵙⴻⵍ-ⴷ ⴰⵣⴰⵍ ⵏ ⵓⵃⴰⴷⴻⵔ ⴰⵎⴻⵇⵇⵔⴰⵏ ⴷ ⵓⵙⵙⴻⵊⵀⴻⴷ ⵏ ⵓⵙⵉⵜⵀⴻⵍ. ⴷⴰⵖⴻⵏ, ⵉⵄⴰⵡⴻⴷ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴱⴻⴷⴷ ⵖⴻⵔ ⵜⵉⴳⴳⴰⵡⵉⵏ ⵉ ⴷ-ⵡⵡⵉⵏⵜ ⵜⵎⵓⵔⴰ ⵎⴻⵔⵔⴰ, ⵉⵡⴰⴽⴽⴰⴷ ⵜⴻⵙⵙⴻⵏⵏⴻⵔⵏⵉ ⵍⴰⵎⴰⵏ ⵏ ⵓⵎⵜⴰⵡⴰ-ⴰⴳⵉ. ⴷⴻⴳ ⵜⴰⴳⴰⵔⴰ, ⵉⵎⴻⴽⴽⵉⵢⵢⴻⵏ ⵔⵔⴰⵏ-ⴷ ⴰⵡⴰⵍ ⴱⴻⵍⵍⵉ ⴰⴷ ⴽⴻⵎⵎⵍⴻⵏ ⴰⵙⵉⵡⴻⵍ ⴳⴰⵔ-ⴰⵙⴻⵏ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵍⴰⵎⴰⵏ ⴷⴻⴳ ⵓⴳⴰⴷⴰⵣ ⵏ ⵍⵒⵉⵜⵔⵓⵍ.
ⴰⵔⵏⵓ ⵖⴻⵔ
