ⴰⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵕⵕⴰ, ⵏ ⵜⵎⴻⵜⵜⵉ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ, ⴷ ⵜⵖⴰⵡⵙⵉⵡⵉⵏ ⵏ ⵜⴻⴼⵔⵉⵇⵜ, ⴰⵀⵎⴻⴷ ⴰⵜⵜⴰⴼ, ⵢⴻⵡⵡⵉⴷ ⴰⵙⵙ ⵏ ⵜⵜⵍⴰⵜⴰ ⵢⵉⵡⴻⵜ ⵏ ⵜⵉⵖⵔⵉ ⵙ ⵜⵉⵍⵉⴼⵓⵏ ⵙⵖⵓⵔ ⵓⵏⴻⵖⵍⴰⴼ ⴰⵎⴻⵏⵣⵓ ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵕⵕⴰ ⵏ ⵓⵡⴰⵏⴰⴽ ⵏ ⵇⴰⵟⴰⵔ, ⵛⵛⵉⵅ ⵎⵓⵃⴰⵎⴻⴷ ⴱⵉⵏ ⴰⴱⴷⴻⵍⵔⴰⵀⵎⴰⵏ ⴰⵍ ⵜⵀⴰⵏⵉ, ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ. ⴷⴻⴳ ⵜⵉⵖⵔⵉⴰ, ⵙⵙⴰⵡⵍⴻⵏ ⵙⵉⵏⴰ ⵖⴻⴼ « ⵜⵏⴻⴼⵍⵉⵜ ⵜⴰⵏⴻⴳⴳⴰⵔⵓⵜ ⴷⴻⴳ ⵜⴻⴳⵏⵉⵜ ⵜⴰⵎⵏⴰⴹⴰⵏⵜ, ⵍⴰⴷⵖⴰ ⵓⵙⵙⵉⵙⴻⵏ ⴰⵢ ⵢⴻⵙⵄⴰⵏ ⵉⵙⵡⵉ ⵏ ⵓⵙⵙⵉⵡⴻⴹ ⵏ ⵓⵙⵙⴻⵎⵖⴻⵔ ⵏ ⵜⵖⴰⵡⵙⵉⵡⵉⵏ ⴷ ⵓⵙⵙⴻⵏⵇⴻⵙ ⵏ ⵛⵛⵡⴰⵍ ⴷⴻⴳ ⵜⴻⵎⵏⴰⴹⵜ , ⵖⴻⴼ ⵡⴰⴽⴽⴻⵏ ⴰⵢ ⴷⵢⴻⵔⵏⴰ ⵡⴻⵍⵖⵓ-ⴰ. ⴷⴻⴳ ⵓⴽⴰⵜⴰⵔⴰ, ⴰⵏⴻⵖⵍⴰⴼ ⵏ ⵓⵡⴰⵏⴰⴽ ⵢⴻⵙⵙⴻⴱⵖⴻⵙ « ⵜⴰⵎⵍⵉⵍⵜ ⵜⴰⵖⴻⵍⵏⴰⵡⵜ ⴰⵢ ⵢⵓⵔⴰⵔ ⵓⵡⴰⵏⴰⴽ ⵏ ⵇⴰⵟⴰⵔ ⴷⴻⴳ ⵡⵓⵙⵙⵉⵙⴻⵏ ⵏ ⵓⵙⵙⴻⴱⴷⴻⴷ ⵏ ⵜⵎⴻⵙ », ⴰⵎ ⵡⴰⴽⴽⴻⵏ ⴰⵢ ⵉⵡⴻⴽⴽⴻⴷ « ⴰⵃⴱⴰⵙ ⵏ ⵍⴻⵣⵣⴰⵢⴻⵔ ⵖⴻⴼ ⵜⴽⴻⵔⴽⴰⵙ ⵏ ⵜⵏⴰⵢⴰ ⴷ ⵜⵎⴻⵏⵖⵉⵡⵉⵏ ⵎⴳⴰⵍ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵏ ⵜⵎⵓⵔⴰ ⵏ ⵜⴻⵎⵏⴰⴹⵜⴰ ». ⵙⵉⵏⴰ ⵏ ⵢⵉⵎⴹⴻⴱⴱⵔⴻⵏ ⵙⵙⴻⴽⵏⴻⵏⴷ ⴷⴰⵖ ⵜⴰⴳⵏⵉⵜ ⵏ ⵡⴰⵙⵙⴰⵖⴻⵏ ⵓⵛⵔⵉⴽⴻⵏ ⴳⴰⵔ ⵍⴷⵣⴰⵢⴻⵔ ⴷ ⵓⵡⴰⵏⴰⴽ ⵏ ⵇⴰⵟⴰⵔ, ⵢⴻⵔⵏⵓ ⵙⵙⵓⵜⵔⴻⵏⴷ « ⵍⴼⴻⵕⵃⵏⵙⴻⵏ ⵙ ⵜⵎⵓⵖⵍⵉ ⵢⴻⵍⵀⴰⵏ ⴰⵢ ⴷⵢⴻⵍⵍⴰⵏ ⴷⴻⴳ ⵡⴻⵎⵄⴰⵡⴻⵏ ⵓⵛⵔⵉⴽ ⴷⴻⴳ ⵢⵉⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ », ⴰⵎ ⵡⴰⴽⴽⴻⵏ ⴰⵢ ⴷⵡⴻⴽⴽⴷⴻⵏ « ⴰⵄⴻⵡⵡⴻⵍⵏⵙⴻⵏ ⵓⵛⵔⵉⴽ ⴰⴽⴽⴻⵏ ⴰⴷ ⵙⵊⴻⵀⴷⴻⵏ ⵓⴳⴰⵔ ⵢⴻⵔⵏⴰ ⴰⴷ ⵙⵏⴻⵔⵏⵉⵏ ⴰⵙⵙⴰⵖⴻⵏⴰ ⵙ ⵡⴻⴱⵔⵉⴷ ⴰⵔⴰ ⵉⵇⴰⴷⵔⴻⵏ ⵍⴼⴰⵢⴷⴰⵜ ⵜⵓⵛⵔⵉⴽⵉⵏ ⵏ ⵙⵏⴰⵜⴰ ⵏ ⵜⵎⵓⵔⴰ ». ⵙⵉⵏⴰ ⵏ ⵢⵉⴷⵉⵙⴰⵏ ⵙⵙⴰⵡⵍⴻⵏ ⴷⴰⵖ ⵖⴻⴼ « ⵓⵀⴻⴳⴳⵉ ⴰⵢ ⵍⴰ ⴷⵢⴻⵜⵜⵉⵍⵉⵏ ⵉ ⵍⵎⴻⵏⴷ ⵏ ⵓⵙⵙⵓⴷⴷⴻⵙ ⵏ ⵜⴻⴷⵡⵉⵍⵜ ⵜⵉⵙ 6 ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵓⵛⵔⵉⴽ ⴰⴷⵣⴰⵢⵔⵉⴰⵇⴰⵟⴰⵔⵉ », ⴰⵎ ⵡⴰⴽⴽⴻⵏ ⴰⵢ ⴷⵡⴻⴽⴽⴷⴻⵏ « ⴰⵣⴰⵍ ⴰⵢ ⵜⴻⵙⵄⴰ ⵜⴻⴷⵢⴰⵏⵜⴰ ⴷⴻⴳ ⵜⵓⴽⵛⵉ ⵏ ⵍⴵⴻⵀⴷ ⴰⵎⴰⵢⵏⵓ ⵉ ⵡⴻⵎⵄⴰⵡⴻⵏ ⴰⵙⵉⵏⴰⵙ ⴷ ⵓⵙⵏⴻⵔⵏⵉⵏⵏⴻⵙ ⵖⴻⵔ ⵢⵉⵙⵡⵉⵔⴻⵏ ⵉⵎⴻⵇⵔⴰⵏⴻⵏ, ⵙ ⵡⴻⴱⵔⵉⴷ ⴰⵔⴰ ⴷⵢⴻⵍⵀⵓⵏ ⵙ ⵜⵎⵓⵖⵍⵉⵡⵉⵏ ⵏ ⵜⵎⴻⵀⵍⴰ ⴷ ⵢⵉⵎⴻⵣⴷⴰⵖⴻⵏ ⵏ ⵙⵏⴰⵜⴰ ⵏ ⵜⵎⵓⵔⴰ ⵜⵉⴳⵎⴰⴹⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷⵢⴻⵏⵏⴰ.
ⴰⵔⵏⵓ ⵖⴻⵔ
