ⴰⴷ ⴷ-ⵢⵉⵍⵉ ⵓⵙⴰⵍⴰⵢ ⴰⴳⵔⴰⵖⵍⴰⵏ ⴰⵎⴻⵣⵡⴰⵔⵓ ⵏ ⵜⵎⴻⵙⵔⴰⵡⵜ ⵏ ⵡⵓⵣⵣⴰⵍ ⴷ ⵜⵎⴻⵔⵢⵉⵜⵉⵏ (FONDRITECH EXPO) ⵙⴻⴳ 21 ⴰⵔ 24 ⵏ ⵢⴻⴱⵔⵉⵔ ⵉ ⴷ-ⵢⴻⴷⴷⵓⵏ ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ. ⴰⴷ ⴷ-ⴽⴽⵓⵏ ⴷⴻⴳ-ⵙ ⵓⴳⴰⵔ ⵏ 100 ⵏ ⵡⵉⴷ ⴰⵔⴰ ⴷ-ⵢⴻⵙⴽⵏⴻⵏ ⵍⴼⴻⵏ-ⵏⵙⴻⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵡⵉⴷ ⵉⵜ-ⵢⴻⴳⴳⴰⵏ ⴰⵙⵙ-ⴰ ⵏ ⵜⵜⵍⴰⵜⴰ.
ⴰⵙⴰⵍⴰⵢ-ⴰⴳⵉ ⵜⴳⴰ-ⵜ ⵜⵜⴻⵛⴰⵔⵉⴽⴰ ⵏ "ⵍⵣⵣⴰⵢⴻⵔ ⵉ ⵢⵉⵙⴰⵍⴰⵢⴻⵏ" (Algeria Exhibitions), ⵙ ⵜⴰⵍⵍⴻⵍⵜ ⵏ ⵎⵎⵓⵊⵎⵎⵓⵄ "ⴼⵓⵏⴷⵔⵉⵜⵉⵛ" (Fondritech), ⴰⴷ ⴷ-ⵢⵉⵍⵉ ⴷⴻⴳ ⵓⵙⴰⵍⴰⵢ ⵏ ⵍⴱⴰⵃⵔⵉ ⴷ ⴰⵙⴰⵍⴰⵢ ⴰⵎⴻⵣⵡⴰⵔⵓ ⵏ ⵏⵏⵓⵄ-ⵉⵙ ⴷⴻⴳ ⵍⵣⵣⴰⵢⴻⵔ ⵉ ⵢⴻⵔⵣⴰⵏ ⵜⴰⵖⵓⵍⵜ-ⴰⴳⵉ, ⴰⴷ ⴷ-ⵢⴻⵙⵏⴻⵊⵎⴰⵄ ⵡⵉⴷ ⴷ-ⵢⴻⵙⴼⵓⴼⵓⵖⴻⵏ ⵍⵎⴰⴷⴰⵜ ⵜⵉⵎⴻⵣⵡⵓⵔⴰ, ⵡⵉⴷ ⵢⴻⵙⵏⴻⴼⵍⴰⵢⴻⵏ ⵍⵎⴰⴽⵉⵏⴰⵜ ⴷ ⵡⵉⴷ ⴷ-ⵢⴻⵜⵜⴰⴽⴽⴻⵏ ⵜⵉⴼⵔⴰⵜⵉⵏ ⵏ ⵜⵜⴻⴽⵏⵓⵍⵓⵊⵢⴰ.
ⵉⵙⵡⵉ ⵏ ⵓⵙⴰⵍⴰⵢ-ⴰⴳⵉ ⴷ ⴰⵙⵊⴻⵀⴻⴷ ⵏ ⵙⵙⴻⵏⵄⴰ ⵜⴰⵖⴻⵍⵏⴰⵡⵜ ⴷ ⵓⵙⵉⴷⴷⴻⵔ ⵏ ⵓⴼⴰⵔⵉⵙ ⴰⴽⴽⴻⵏ ⴰⴷ ⵏⴻⵣⵎⴻⵔ ⴰⴷ ⵏⴻⵣⵏⴻⵣ ⵙⵙⵍⵄⴰ-ⵏⵏⴻⵖ ⴷⵉ ⴱⴻⵔⵔⴰ. ⵙⵙⴰⵔⴰⵎⴻⵏ ⴰⴷ ⴷ-ⵔⵣⴻⵏ ⵓⴳⴰⵔ ⵏ 4500 ⵏ ⵢⵉⵎⴻⵣⴷⴰⵖ ⵏ ⵍⵃⵉⵔⴼⴰ, ⴰⵢⴻⵏ ⴰⵔⴰ ⴷ-ⵢⴻⴼⴽⴻⵏ ⵜⴰⴳⵏⵉⵜ ⵉ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵎⵢⴻⵍⵍⴻⵍ ⴷ ⵓⴱⴻⴷⴷⴻⵍ ⵏ ⵜⵎⵓⵙⵏⵉⵡⵉⵏ.
ⴰⴷ ⴷ-ⵢⵉⵍⵉ ⵓⵍⴰ ⴷ ⵉⵙⴰⵔⴰⴳⴻⵏ ⴷ ⵍⴻⵛⵢⴰⵍ ⵏ ⵓⵎⴰⵀⵉⵍ ⵖⴻⴼ ⵡⴰⵢⴻⵏ ⵢⴻⵔⵣⴰⵏ ⵍⵇⴰⵏⵓⵏ ⵏ ⵍⵊⵓⴷⴰ, ⵜⵜⵔⴻⴱⵉⵢⴰ ⵏ ⵢⵉⵅⴻⴷⴷⴰⵎⴻⵏ, ⴷ ⵓⵙⴻⴽⵛⴻⵎ ⵏ ⵜⵜⴻⴽⵏⵓⵍⵓⵊⵢⴰ ⵜⴰⵎⴰⵢⵏⵓⵜ (Industrie 4.0).
ⵡⵉⴷ ⵢⴻⴱⵯⴰⵏ ⴰⴷ ⴷ-ⴽⴽⵓⵏ ⴷⴻⴳ ⵓⵙⴰⵍⴰⵢ-ⴰⵣⴻⵎⵔⴻⵏ ⴰⴷ ⵊⴻⵔⴷⴻⵏ ⵉⵙⵎⴰⵡⴻⵏ-ⵏⵙⴻⵏ ⴷⴻⴳ ⵓⵙⵎⴻⵍ ⵏ ⵍⵉⵏⵜⴻⵔⵏⴻⵜ: registration.safex.dz.
