ⵜⴰⵎⴻⵏⵀⴰⵍⵜ ⵜⴰⵡⴰⵢⴻⵏⵜ ⵏ ⵓⵙⴻⵎⵎⴻⵔⵔⴻⵜ , ⵎⴰⵙⵙⴰ ⵎⴻⵔⵢⴻⵎ ⴱⴻⵏ ⵎⵓⵍⵓⴷ, ⵜⴻⵙⵍⴻⵡⵉ ⴰⵙⵙ-ⴰ ⵏ ⴰⵔⵉⵎ ⴷⴻⴳ ⵓⵏⴻⴱⴷⴰⵔ ⴰⴳⵔⴰⵖⵍⴰⵏ ⵏ ⵜⵎⴻⵍⵍⵉⵡⵉⵏ "ⵄⴻⴱⴷⴻⵍⵍⴰⵟⵉⴼ ⵔⴰⵃⴰⵍ" (ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ), ⴰⵙⴱⴻⴷⴷⵉ ⵏ ⵜⵙⴻⵇⵇⴰⵎⵓⵜ ⵜⴰⵖⴻⵍⵏⴰⵡⵜ ⵉⴽⴻⵍⴼⴻⵏ ⵙ ⵓⴹⴻⴼⴼⴻⵔ ⵏ ⵓⵙⵏⴻⵙ ⵏ ⵓⵏⴰⴳⵔⴰⵡ ⴰⵖⴻⵍⵏⴰⵡ ⵏ ⵓⵙⴻⴼⵔⴻⴽ ⵏ ⵢⵉⵙⴻⴼⴽⴰ (حوكمة البيانات). ⵜⴰⵙⴻⵇⵇⴰⵎⵓⵜ-ⴰⴳⵉ ⵜⴻⵙⵄⴰ ⵢⵉⵎⴻⵙⵏⵉⵢⴻⵏ ⵙⴻⴳ ⴰⴽⴽ ⵜⵏⴻⵖⵍⴰⴼⵉⵏ ⴷ ⵜⵙⵓⴷⵓⵜⵉⵏ ⵏ ⵜⵎⵓⵔⵜ.
ⴰⵙⴱⴻⴷⴷⵉ ⵏ ⵜⵙⴻⵇⵇⴰⵎⵓⵜ-ⴰⴳⵉ ⵢⴻⵍⵍⴰ-ⴷ ⵉⵎⵉ ⴰⵏⴻⵖⵍⴰﻓ ⴰⵎⴻⵣⵡⵓ, ⵎⴰⵙⵙ ⵙⴰⵢⴼي ⵖⴰⵔⵉⴱ, ⵢⴻⴱⵔⴻⵃ-ⴷ ⵙ ⵓⵏⴻⴼⵜⴰⵃ ⵏ ⵓⵏⴰⴳⵔⴰⵡ-ⴰⴳⵉ ⵙ ⴷⴷⴰⵡ ⵏ ⵜⵏⴰⴼⵓⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⵊⵉⴷ ⵜⴻⴱⴱⵓⵏ. ⵉⵙⵡⵉ ⵏ ⵓⵏⴰⴳⵔⴰⵡ-ⴰⴳⵉ ⴷ: "ⴰⵏⴰⴳⵔⴰⵡ ⴰⵖⴻⵍⵏⴰⵡ ⵏ ⵓⵙⴻⴼⵔⴻⴽ ⵏ ⵢⵉⵙⴻⴼⴽⴰ: ⵜⴰⵏⴰⵢⴰ, ⴰⵙⵓⴷⴷⴻⵙ ⴷ ⵜⵉⴼⴰⴼⴼⴻⵜ".
ⵜⴰⵎⴻⵏⵀⴰⵍⵜ ⵜⴻⵏⵏⴰ-ⴷ ⴷⴻⴳ ⵜⴳⵏⵉⵜ-ⴰⴳⵉ ⴱⴻⵍⵍⵉ ⴰⵙⴱⴻⴷⴷⵉ ⵏ ⵜⵙⴻⵇⵇⴰⵎⵓⵜ-ⴰⴳⵉ ⵢⵓⵙⴰ-ⴷ ⵉⵡⴰⴽⴽⴻⵏ ⴰⴷ ⵙⵏⴻⵙⴻⵏ ⴰⵢⴻⵏ ⵉ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵜⴻⵎⵍⵉⵍⵉⵜ ⵏ ⵢⵉⵏⴻⵖⵍⴰⴼⴻⵏ ⵏ ⵡⴰⵙⵙ ⵏ 11 ⴷⵓⵊⴰⵎⴱⴻⵔ ⵉⵄⴻⴷⴷⴰⵏ.
ⵢⴻⵔⵏⴰ ⵜⴻⵏⵏⴰ-ⴷ ⴱⴻⵍⵍⵉ ⵜⴰⵙⴻⵇⵇⴰⵎⵓⵜ-ⴰⴳⵉ ⵜⴻⴽⵍⴻⴼ ⴰⴷ ⵜⴻⵙⵙⴻⵊⴷⵉⴷ ⵢⵉⵙⴻⴼⴽⴰ (données) ⵢⴰⵍ ⴰⵙⵙ ⵢⴻⵔⵏⴰ ⴰⴷ ⵜⴹⴻⴼⴼⴻⵔ ⴰⵎⴻⴽ ⴰⵔⴰ ⵢⴻⴷⴷⵓ ⵓⵙⵏⴻⵙ ⵏ ⵓⵏⴰⴳⵔⴰⵡ-ⴰⴳⵉ.
ⴰⴷ ⴷ-ⵏⴻⵙⵎⴻⴽⵜⵉ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⵜⴻⴽⴽⴻⵎⵎⴻⵍ ⵙ ⴽⵔⴰⴹ (3) ⵏ ⵢⵉⵏⴻⴱⴷⴰⵔⵏ ⵏ ⵓⵙⴻⴳⵎⵓ ⵖⴻⴼ ⵜⴻⵎⵙⴰⵍ ⵏ ⵓⵙⴻⵎⵎⴻⵔⵔⴻⵜ ⵢⴻⵔⵏⴰ ⴰⴷ ⴼⵓⴽⴻⵏ ⴰⵣⴻⴽⴽⴰ ⵏ ⵜⵜⵍⴰⵜⴰ.
ⴰⵔⵏⵓ ⵖⴻⵔ
