ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴼⴽⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ, ⴰⵙⵙ-ⴰ ⵏ ⵍⵃⴻⴷ ⴷⴻⴳ ⵜⵉⵎⵍⵉⵍⵉⵜ ⵏ ⵡⴰⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ, ⴰⵏⴰⴹ ⵉ ⵡⴰⴽⴽⴻⵏ ⴰⴷ ⴰⵍⵉⵏ ⴰⵙⴻⵏⴼⴰⵔ ⵏ ⵓⴱⴻⴷⴷⴻⵍ ⵏ ⵍⵇⴰⵏⵓⵏ ⵢⴻⵔⵣⴰⵏ ⵜⵉⵎⴻⵏⵏⴰⴹⵉⵏ ⵏ ⵢⵉⴼⵔⴰⵏⴻⵏ ⴷ ⵓⵟⵟⵓⵏ ⵏ ⵢⵉⵎⴽⴰⵏⴻⵏ ⴷⴻⴳ ⵍⴱⴰⵔⵍⴰⵎⴰⵏ. ⵓⵙⴻⵍⵡⴰⵢ ⵢⴻⵙⵙⵓⵜⴻⵔ ⴰⴷ ⵙⵙⴻⴽⵛⴻⵎⴻⵏ ⵢⵉⴽⴰⴱⴰⵔⴻⵏ ⵏ ⵙⵙⵢⴰⵙⴰ ⴷⴻⴳ ⵓⵎⵛⵉⵡⴰⵔ ⵓⵇⴱⴻⵍ ⴰⴷ ⵢⴻⵇⴱⴻⵍ ⵡⴰⵏⴰⴳⵔⴰⵡ ⴰⵏⴻⴳⴳⴰⵔⵓ ⵏ ⵓⴹⵔⵉⵙ-ⴰⴳⵉ. ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵡⴰⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ.
ⵖⴻⴼ ⵡⴰⵢⴻⵏ ⵢⴻⵔⵣⴰⵏ ⴰⵙⴻⴳⴳⴻⵎ ⵏ ⵍⵇⴰⵏⵓⵏ-ⴰⴳⵉ ⵢⴻⵟⵟⴼⴻⵏ ⵜⵉⵎⴻⵏⵏⴰⴹⵉⵏ ⵏ ⵢⵉⴼⵔⴰⵏⴻⵏ ⴷ ⵓⵟⵟⵓⵏ ⵏ ⵢⵉⵎⴽⴰⵏⴻⵏ ⴷⴻⴳ ⵍⴱⴰⵔⵍⴰⵎⴰⵏ, "ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⴼⴽⴰ ⴰⵏⴰⴹ ⴰⴽⴽⴻⵏ ⴰⴷ ⵢⵉⵍⵉ ⵓⵙⴻⴼⵔⴻⵯ ⵏ ⵓⵙⴻⵏⴼⴰⵔ ⵏ ⵓⴱⴻⴷⴷⴻⵍ ⵢⴻⵔⵏⴰ ⴰⴷ ⴷⴷⵓⵏ ⵢⵉⴷ-ⵙ ⵢⵉⴽⴰⴱⴰⵔⴻⵏ ⵏ ⵙⵙⵢⴰⵙⴰ ⵓⵇⴱⴻⵍ ⴰⴷ ⵢⴻⴼⴼⴻⵖ ⵍⵇⴰⵏⵓⵏ ⵓⵏⵚⵉⴱ".
ⴰⵎ ⵢⴻⴽⴽⴰ ⵍⵇⴰⴷ, ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵡⵡⴻⵍⵀⴻⴷ ⴰⵙⴱⴻⴷⴷ ⵏ ⵢⵉⵡⴻⵜ ⵏ ⵜⵙⴻⵇⵇⴰⵎⵓⵜ ⴰⵔⴰ ⵢⴻⴹⴼⵔⴻⵏ ⵢⴻⵔⵏⴰ ⴰⴷ ⵜⴰⵍⵉ ⴰⴱⴻⴷⴷⴻⵍ-ⴰⴳⵉ. ⵜⴰⵙⴻⵇⵇⴰⵎⵓⵜ-ⴰⴳⵉ ⴰⴷ ⵜⴻⵎⵍⵉⵍ ⴷⴻⴳ ⵡⴰⵅⴰⵎ ⵏ ⵜⵙⴻⵍⵡⵉⵜ ⵏ ⵜⴻⴳⴷⵓⴷⴰ ⵉ ⵡⴰⴽⴽⴻⵏ ⴰⴷ ⵜⴼⵔⵓ ⵜⴰⵎⴰⵎⵉⵜ ⵏ ⵓⵟⵟⵓⵏ ⵏ ⵢⵉⵎⴽⴰⵏⴻⵏ ⴷⴻⴳ ⵢⵉⴼⵔⴰⵏⴻⵏ ⵏ ⵍⴱⴰⵔⵍⴰⵎⴰⵏ.
ⴰⵔⵏⵓ ⵖⴻⵔ
