ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴻⴽⵏ-ⴷ ⵓⵏⴻⴱⴷⴰⴷ ⵏ ⵡⴰⵙⵉⵔⴰ ⵏ ⵜⵎⴰⵔⵉⵜ ⵏ ⵓⵏⵖⵍⴰⴼ ⵢⴻⵔⵣⴰⵏ ⵜⵉⵎⴰⴷⵏⵉⵡⵉⵏ, ⵎⴰⵙⵙ ⵊⴰⵎⴰⵍ ⴻⴷⴷⵉⵏ ⵛⵓⵜⵔⵉ, ⴰⵣⴰⵍ ⴰⵎⴻⵇⵇⵔⴰⵏ ⵉ ⵢⴻⵙⵄⴰ ⵓⵙⴻⵇⴷⴻⵛ ⵏ ⵡⵓⵥⴰⵔⵓ ⵏ ⴳⴰⵔⴰ ⵊⴱⵉⵍⴰⵜ. ⵢⴻⵏⵏⴰ-ⴷ ⴱⴻⵍⵍⵉ ⴷ ⴰⵙⵓⵔ ⴰⵙⵜⵔⴰⵜⵉⵊⵉ ⵉ ⵡⴰⴽⴽⴻⵏ ⴰⴷ ⵜⵊⴻⵀⴻⴷ ⵜⴰⴷⵓⴳⴰⵎⵜ ⵜⴰⵎⴻⴳⵓⵔⴰⵏⵜ ⵏ ⵍⵣⵣⴰⵢⴻⵔ ⵢⴻⵔⵏⴰ ⴰⴷ ⵜⴻⴼⴽ ⵜⴰⵣⵎⴻⵔⵜ ⵉⵊⴻⵀⴷⴻⵏ ⵉ ⵜⴷⴰⵎⵙⴰ ⵏ ⵜⵎⵓⵔⵜ.
ⴷⴻⴳ ⵢⵉⵡⴻⵏ ⵡⴰⵡⴰⵍ ⴷⴻⴳ ⵢⵉⵎⴰⵏ ⵏ ⵜⵖⵓⵔⵉ ⵜⴰⵖⴻⵍⵏⴰⵡⵜ, ⵎⴰⵙⵙ ⵛⵓⵜⵔⵉ ⵢⴻⵙⴼⴻⵔⵔⴻⵯ-ⴷ ⴱⴻⵍⵍⵉ ⴳⴰⵔⴰ ⵊⴱⵉⵍⴰⵜ ⵢⴻⵙⵄⴰ ⵜⵔⴻⵣⵡⴰ ⵜⴰⵎⴻⵇⵇⵔⴰⵏⵜ ⵏ 3.5 ⵏ ⵢⵉⵎⵍⵢⴰⵔⴻⵏ ⵏ ⵢⵉⵜⵓⵏⵏⴻⵏ ⵏ ⵡⵓⵣⵣⴰⵍ. ⵢⴻⵏⵏⴰ-ⴷ ⴱⴻⵍⵍⵉ ⴰⴱⵔⵉⴷ ⵏ ⵡⵓⵣⵣⴰⵍ ⴰⴷ ⵢⴻⴼⴽ ⵜⴰⴳⵏⵉⵜ ⵉ ⵡⴰⴽⴽⴻⵏ ⴰⴷ ⵃⴱⵓⵏ ⵉⵖⵉⵍⵉⴼⴻⵏ ⵏ ⵡⴰⵙⵙⴰⵢ ⵢⴻⵔⵏⴰ ⴰⴷ ⴰⵡⵢⴻⵏ ⵓⵣⵣⴰⵍ ⵖⴻⵔ ⵢⵉⵎⴽⴰⵏⴻⵏ ⵏ ⵓⵙⴻⴳⴳⴻⵎ ⴷⴻⴳ ⵓⴳⴰⴼⴰ. ⴰⵢⴰ ⴰⴷ ⵢⴻⵊⵊ ⵍⵣⵣⴰⵢⴻⵔ ⴰⴷ ⵜⴻⴼⴼⴻⵖ ⵙⴻⴳ ⵓⵖⵔⴰⴷ ⵏ ⵢⵉⵡⴻⵏ ⵓⵎⵍⵢⴰⵔ ⵏ ⵢⵉⴷⵓⵍⴰⵔⴻⵏ ⵉ ⵜⴻⴼⵔⴰⵢ ⴽⵓⵍ ⴰⵙⴻⴳⴳⴰⵙ ⵉ ⵡⵓⵣⵣⴰⵍ ⵉ ⴷ-ⵉⵜⴻⴼⴼⵓⵖⵓⵏ ⵙⴻⴳ ⴱⴻⵔⵔⴰ.
ⵎⴰⵙⵙ ⵛⵓⵜⵔⵉ ⵢⴻⴱⴱⴻⵔⵔⴻⵃ-ⴷ ⴱⴻⵍⵍⵉ ⴰⵎⵎⴰⵙ ⵏ ⵓⵙⴻⴳⴳⴻⵎ ⵏ ⵡⵓⵣⵣⴰⵍ ⴷⴻⴳ ⴳⴰⵔⴰ ⵊⴱⵉⵍⴰⵜ ⴰⴷ ⵢⴻⴱⴷⵓ ⵍⴻⵇⴷⵉⵛ ⴷⴻⴳ ⵜⴰⴳⴳⴰⵔⴰ ⵏ ⵡⴰⴳⴳⵓⵔ ⵏ ⵎⴰⵢⵢⵓ ⵉ ⴷ-ⵢⴻⴷⴷⵓⵏ. ⴰⵢⴰ ⴰⴷ ⵢⴻⴼⴽ ⴰⵟⴰⵙ ⵏ ⵡⵓⵣⵣⴰⵍ ⵉ ⵎⵎⵓⵊⵎⵎⵓⵄ ⵏ "ⵟⵓⵙⵢⴰⵍⵉ" ⵉ ⵡⴰⴽⴽⴻⵏ ⴰⴷ ⵊⵊⴻⵀⴷⴻⴷ ⵙⵙⴻⵏⵄⴰ ⵜⴰⵖⴻⵍⵏⴰⵡⵜ. ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⴰⵙⴻⵏⴼⴰⵔ-ⴰⴳⵉ ⴰⴷ ⴷ-ⵢⴻⴼⴽ 500 ⵏ ⵢⵉⵎⴽⴰⵏⴻⵏ ⵏ ⵓⵎⴰⵀⵉⵍ ⵓⵏⵚⵉⴱⴻⵏ ⴷ ⵓⴳⴰⵔ ⵏ 1500 ⵏ ⵢⵉⵎⴽⴰⵏⴻⵏ ⵏⵏⵉⴹⴻⵏ.
ⵖⴻⴼ ⵡⴰⵢⴻⵏ ⵢⴻⵔⵣⴰⵏ ⵓⵥⴰⵔⵓ ⵏ ⵡⴰⴷⵉ ⴰⵎⵉⵣⵓⵔ ⴷⴻⴳ ⵜⵡⵉⵍⴰⵢⵜ ⵏ ⴱⴳⴰⵢⴻⵜ, ⵎⴰⵙⵙ ⵛⵓⵜⵔⵉ ⵢⴻⵏⵏⴰ-ⴷ ⴱⴻⵍⵍⵉ ⴱⴷⴰⵏ ⵓⵏⴰⴷⵉ ⵉ ⵡⴰⴽⴽⴻⵏ ⴰⴷ ⵍⴷⵉⵏ ⵓⵥⴰⵔⵓ-ⴰⴳⵉ ⵢⴻⵔⵏⴰ ⴰⴷ ⴱⵏⵓⵏ ⵢⵉⵡⴻⵏ ⵡⴰⵎⵎⴰⵙ ⵏ ⵓⵙⴻⴳⴳⴻⵎ ⵏ ⵜⵎⴰⴷⵏⵉⵡⵉⵏ. ⵉⵙⵡⵉ ⵏ ⵓⵙⴻⵏⴼⴰⵔ-ⴰⴳⵉ ⴷ ⴰⴼⴰⵔⵉⵙ ⵏ 170 ⵏ ⵢⵉⴼⴻⵏ ⵏ ⵢⵉⵜⵓⵏⵏⴻⵏ ⵏ ⵓⵣⵉⵏⴽ ⴷ 30 ⵏ ⵢⵉⴼⴻⵏ ⵏ ⵢⵉⵜⵓⵏⵏⴻⵏ ⵏ ⵓⵔⵔⵚⴰⵚ ⴽⵓⵍ ⴰⵙⴻⴳⴳⴰⵙ.
ⴷⴻⴳ ⵜⵡⵉⵍⴰⵢⵜ ⵏ ⵜⴱⴻⵙⵙⴰ, ⴰⵙⴻⵏⴼⴰⵔ ⵏ ⵍⴼⵓⵙⴼⴰⵟ ⵢⴻⵍⵍⴰ ⴷ ⵜⴰⵖⴻⵔⵜ ⵉ ⵡⴰⴽⴽⴻⵏ ⴰⴷ ⵜⴻⴹⵎⴻⵏ ⵜⵎⵓⵔⵜ ⵜⵓⵜⵛⵉⵜ-ⵉⵙ ⵙ ⵡⴰⵍⴰⵜⴻⵏ ⵏ ⵓⵙⵎⴻⴳⵎⴻⵎ. ⴰⴷ ⴷ-ⴽⴽⴻⵙⴻⵏ 10 ⵏ ⵢⵉⵎⵍⵢⵓⵏⴻⵏ ⵏ ⵢⵉⵜⵓⵏⵏⴻⵏ, ⴰⵎⵓⵔ ⴰⵎⴻⵇⵇⵔⴰⵏ ⴰⴷ ⵢⴻⵔⵔ ⵖⴻⵔ ⵡⴰⴷⵉ ⵍⴽⴻⴱⵔⵉⵜ ⴷⴻⴳ ⵙⵓⵇ ⴰⵀⵔⴰⵙ ⵉ ⵡⴰⴽⴽⴻⵏ ⴰⴷ ⵜ-ⵙⴻⴳⴳⴻⵎⴻⵏ.
ⵜⴰⴳⴳⴰⵔⴰ, ⵎⴰⵙⵙ ⵛⵓⵜⵔⵉ ⵢⴻⵏⵏⴰ-ⴷ ⴱⴻⵍⵍⵉ ⴰⵙⵊⴻⵀⴻⴷ ⵏ ⵍⵎⴻⵔⵙⴰ ⵏ ⵄⴻⵏⵏⴰⴱⴰ ⴷ ⵓⵙⴻⴳⴳⴻⵎ ⵏ ⵓⴱⵔⵉⴷ ⵏ ⵡⵓⵣⵣⴰⵍ ⵏ ⵓⴳⵎⵓⴹ ⴰⴷ ⵢⴻⴼⴽ ⵜⴰⵣⵎⴻⵔⵜ ⵉ ⵢⵉⵙⴻⵏⴼⴰⵔⴻⵏ-ⴰⴳⵉ, ⵢⴻⵔⵏⴰ ⴰⴷ ⴷ-ⵢⴻⴼⴽ 1200 ⵏ ⵢⵉⵎⴽⴰⵏⴻⵏ ⵏ ⵓⵎⴰⵀⵉⵍ ⴷⴻⴳ ⵜⴱⴻⵙⵙⴰ ⴷ ⵙⵓⵇ ⴰⵀⵔⴰⵙ.
ⴰⵔⵏⵓ ⵖⴻⵔ
