ⵉⴱⴻⵕⵕⴻⵃ-ⴷ ⵓⵙⴻⵇⵇⴰⵎⵓ ⴰⵄⵍⴰⵢⴰⵏ ⵏ ⵢⵉⵎⴻⵥⵢⴰⵏⴻⵏ, ⴷⴻⴳ ⵢⵉⵡⴻⵏ ⵏ ⵡⴰⵍⵖⵓ ⵏ ⵡⴰⵙⵙ-ⴰ ⵏ ⵓⵙⵉⵏⴰⵙ, ⴱⴻⵍⵍⵉ ⵍⴷⵉⵏ ⵢⵉⵎⵓⴽⴰⵏ ⵏ ⵓⵙⵓⵜⵜⴻⵔ ⵉ ⵡⴻⵣⵔⴰⵡ ⴷⴻⴳ ⵢⵉⵡⴻⵏ ⵏ ⵡⴰⵀⵉⵍ ⵢⴻⵔⵔⴰⵏ ⴰⴷ ⵉⵄⴰⵡⴻⵏ ⵢⵉⵎⴹⴻⴱⴱⴻⵔ ⵉⵎⴻⵥⵢⴰⵏⴻⵏ ⴷⴻⴳ ⵡⴰⵏⵏⴰⵔ ⵏ ⵓⵙⵙⴻⴳⵎⵉ ⴷ ⵓⵙⵙⴻⵍⵎⴻⴷ ⵏ ⵓⵏⴻⴳⵣⵓ ⵏ ⵍⵎⴰⵏⴰⵅ, ⵉ ⵜⴻⵙⵙⴻⵍⵡⴰⵢ ⵜⵎⴰⴷⴷⴰⵙⵜ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵡⴰⴽⴽⴻⵏ ⵏ ⵜⵎⴻⵥⵔⵉ (ⵢⵓⵏⵉⵙⵉⴼ - UNICEF), ⴰⵢⴰ ⴰⵔ ⴰⵙⵙ ⵏ 6 ⵢⴻⵏⵏⴰⵢⴻⵔ ⵉ ⴷ-ⵢⴻⵜⵜⴻⴷⴷⵓⵏ.
ⵢⴻⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⴰⴳⵉ ⴱⴻⵍⵍⵉ "ⴷⴻⴳ ⵓⴽⴰⵜⴰⵔ ⵏ ⵓⵙⵉⵊⵀⴻⴷ ⵏ ⵢⵉⵎⴻⵥⵢⴰⵏⴻⵏ ⴷ ⵓⵙⴻⴷⴷⴻⵔ ⵏ ⵜⵜⴻⴽⴽⵉ-ⵏⵙⴻⵏ ⴷⴻⴳ ⵜⵏⴻⴽⴽⵔⴰ ⵜⵉⵏⴼⵓⴳⴰⵏⵉⵏ ⴷ ⵜⵉⵎⴰⴹⵍⴰⵏⵉⵏ ⵢⴻⵔⵣⴰⵏ ⵜⴰⵏⴼⴰⵍⵉⵜ ⵜⴻⵜⵜⵉⴷⵉⵔⴻⵏ (Sustainable Development), ⴰⵙⴻⵇⵇⴰⵎⵓ ⴰⵄⵍⴰⵢⴰⵏ ⵏ ⵢⵉⵎⴻⵥⵢⴰⵏⴻⵏ ⵢⴻⵍⴷⴰ ⵜⴰⵡⵡⵓⵔⵜ ⵏ ⵓⵙⵓⵜⵜⴻⵔ ⵉ ⵢⵉⵎⴻⵥⵢⴰⵏⴻⵏ ⵉⴷⵣⴰⵢⵔⵉⵢⴻⵏ ⴰⴽⴽⴻⵏ ⴰⴷ ⴽⵛⴻⵎⴻⵏ ⴷⴻⴳ ⵡⴰⵀⵉⵍ Leading Minds Climate Education Fellowship ⵉ ⵜⴻⵙⵙⴻⴷⴷⴰⵢ ⵜⵎⴰⴷⴷⴰⵙⵜ ⵏ ⵢⵓⵏⵉⵙⵉⴼ".
ⵡⴰⵀⵉⵍ-ⴰⴳⵉ ⴰⵎⴰⴹⵍⴰⵏ ⵢⴻⵙⵄⴰ ⵢⵉⵙⵡⵉ ⵏ "ⵓⵙⵉⵊⵀⴻⴷ ⵏ ⵢⵉⵎⴻⵥⵢⴰⵏⴻⵏ ⵉⵇⴻⴷⴷⵛⴻⵏ ⴷⴻⴳ ⵡⴰⵏⵏⴰⵔ ⵏ ⵓⵙⵙⴻⴳⵎⵉ ⵏ ⵍⵎⴰⵏⴰⵅ ⴷ ⵓⵙⵏⴻⴼⵍⵉ ⵏ ⵜⴰⵔⵔⴰⵢⵉⵏ ⵜⵉⵎⴰⵢⵏⵓⵜⵉⵏ ⴰⴽⴽⴻⵏ ⴰⴷ ⵏⴻⵙⵙⴻⴷⴷⴻⵔ ⵜⴰⵎⵢⴻⵔⵏⵉⵡⵜ ⵖⴻⴼ ⵜⵡⴻⵏⵏⴰⴹⵜ ⵖⴻⵔ ⵢⵉⵎⴻⵖⵔⴰⵢⴻⵏ ⵏ ⵢⵉⵎⴰⵍ, ⵢⴻⵔⵏⵓ ⴰⴷ ⵏⴻⴼⴽ ⵜⴰⵣⵎⴻⵔⵜ ⵉ ⵢⵉⴳⴻⵔⴷⴰⵏ ⴰⴽⴽⴻⵏ ⴰⴷ ⵎⴰⴳⴰⵔⴻⵏ ⵓⴳⵓⵔⴻⵏ ⵏ ⵍⵎⴰⵏⴰⵅ ⴷ ⵓⵜⵜⴻⴽⴽⵉ ⴷⴻⴳ ⵓⵙⴻⴽⵏⴻⵢ ⵏ ⵢⵉⵎⴰⵍ ⵢⴻⴳⴷⴻⵏ".
ⵢⴻⵏⵏⴰ-ⴷ ⵡⴰⵍⵖⵓ ⴱⴻⵍⵍⵉ "ⵡⵉⴷ ⵉⵣⴻⵎⵔⴻⵏ ⴰⴷ ⵙⵓⵜⵜⵔⴻⵏ ⴷ ⵢⵉⵎⴻⵥⵢⴰⵏⴻⵏ ⵉⵇⴻⴷⴷⵛⴻⵏ ⴷⴻⴳ ⵜⵏⴻⴽⴽⵔⴰ, ⵉⵀⵉⵍⴻⵏ ⵏⴻⵖ ⵉⵙⴻⵏⴼⴰⵔ ⵢⴻⵔⵣⴰⵏ ⴰⵙⵙⴻⴳⵎⵉ ⵏ ⵍⵎⴰⵏⴰⵅ ⴷ ⵓⵙⵙⴻⵍⵎⴻⴷ ⵉ ⵜⴰⵏⴼⴰⵍⵉⵜ ⵜⴻⵜⵜⵉⴷⵉⵔⴻⵏ", ⵎⴰ ⴷ ⴰⵙⵙ ⴰⵏⴻⴳⴳⴰⵔⵓ ⵏ ⵓⵣⵎⴻⵎ ⵢⴻⵍⵍⴰ ⴷ ⴰⵙⵙ ⵏ 6 ⵢⴻⵏⵏⴰⵢⴻⵔ 2026.
ⵉⵙⴰⵡⴻⵍ ⵓⵙⴻⵇⵇⴰⵎⵓ ⵉ ⵡⴰⴽⴽ ⵡⵉⴷ ⵉⴱⵖⴰⵏ ⴰⴷ ⵜⵜⴻⴽⴽⵉⵏ "ⴰⴷ ⵡⴰⵍⵉⵏ ⵉⵍⵓⴳⴰⵏ ⵏ ⵜⵜⴻⴽⴽⵉ ⵢⴻⵔⵏⵓ ⴰⴷ ⵣⵎⴻⵎⴻⵏ ⴷⴻⴳ ⵓⵣⴻⵢⵢⴻⵏ-ⴰⴳⵉ (link): https://www.unicef.org/.../leading-minds-fellowship."
ⴰⵔⵏⵓ ⵖⴻⵔ
