ⵜⴻⵙⵙⴻⵖⴷⴻⴼ ⵜⴳⵔⵓⵎⵎⴰ "A3+" ⴷⴻⴳ ⵓⵙⴻⵇⵇⴰⵎⵓ ⵏ ⵍⴰⵎⴰⵏ (ⵍⴻⵣⵣⴰⵢⴻⵔ, ⵚⵓⵎⴰⵍ, ⵙⵢⴻⵔⵔⴰ ⵍⵢⵓⵏ + ⴳⵓⵢⴰⵏⴰ), ⵉⴹⴻⵍⵍⵉ ⵏ ⵡⴰⵢⵏⴰⵙ ⴷⴻⴳ ⵏⵢⵓⵢⵓⵔⴽ, ⴱⴻⵍⵍⵉ ⴰⵔⵓⵣⵣⴻⵖ ⵏ ⵓⴷⴷⴰⵢⵔⴰ ⵏ ⵚⴻⵢⵢⵓⵏ ⵙ ⵜⵎⴻⵏⵏⴰⴹⵜ ⵏ "ⵜⴰⵎⵓⵔⵜ ⵏ ⵚⵓⵎⴰⵍ" ⵎⴰⵛⵉ ⴷ ⴰⵎⴻⴷⵢⴰ ⴰⵎⴻⵣⵡⴰⵔⵓ ⴰⵛⴻⵔⵔⵉⵡ ⴽⴰⵏ, ⵡⴰⵏⴰⴳ ⵢⴻⵜⵜⴰⴳⴳⴰⴷ ⵜⴰⵍⵡⵉⵜ ⴷ ⵍⴰⵎⴰⵏ ⵏ ⵜⵎⴻⵏⵏⴰⴹⵜ ⴷ ⵡⵉⵏ ⵏ ⴷⴷⵓⵏⵉⵜ, ⵜⴻⵙⵙⵓⵜⴻⵔ ⴷⴰⵖⴻⵏ ⵙⴻⴳ ⵓⴷⴷⴰⵢⵔⴰ-ⴰⴳⵉ ⴰⴷ ⴷ-ⵢⵓⵖⴰⵍ ⵖⴻⴼ ⵡⴻⴼⴽⴰ ⵏ ⵓⵔⵓⵣⵣⴻⵖ-ⴰ.
ⵓⵎⴻⵜⵜⴻⵍ ⵏ ⴷⵉⵎⴰ ⵏ ⵚⵓⵎⴰⵍ ⴷⴻⴳ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⴱⵓⴽⴰⵔ ⵟⴰⵀⴻⵔ ⵄⵓⵜⵎⴰⵏ, ⵢⴻⵏⵏⴰ-ⴷ ⴷⴻⴳ ⵢⵉⵏⴰⵡ ⵙ ⵢⵉⵙⴻⵎ ⵏ ⵜⴳⵔⵓⵎⵎⴰ "A3+" ⴷⴻⴳ ⵢⵉⵡⴻⵜ ⵏ ⵜⵖⵉⵎⵉⵜ ⵖⴻⴼ "ⵢⵉⴳⵓⵎⵎⴰⵏ ⵉ ⵢⴻⵜⵜⴰⴳⴳⴰⴷⴻⵏ ⵍⴰⵎⴰⵏ ⴷ ⵜⴰⵍⵡⵉⵜ ⵜⴰⵎⴰⴹⵍⴰⵏⵜ", ⴰⵙⴻⴼⵙⴻⴷ ⵏ ⵓⴷⴷⴰⵢⵔⴰ ⵏ ⵚⴻⵢⵢⵓⵏ ⵉ ⵜⵉⵎⵓⵏⴻⵏⵜ ⵏ ⵚⵓⵎⴰⵍ ⴷ ⵜⴷⵓⴽⵍⵉ ⵏ ⵡⴰⴽⴰⵍ-ⵉⵙ ⵙ ⵓⵔⵓⵣⵣⴻⵖ ⵏ ⵜⵎⴻⵏⵏⴰⴹⵜ ⵏ "ⵜⴰⵎⵓⵔⵜ ⵏ ⵚⵓⵎⴰⵍ" ⵉ ⵢⴻⵍⵍⴰⵏ ⴷ ⴰⵢⵍⴰ ⵏ ⵚⵓⵎⴰⵍ ⵓⵔ ⵢⴻⵜⵜⵡⴰⴱⴹⴰⵏ.
ⴷⴻⴳ ⵜⴰⵣⵡⴰⵔⴰ, ⵄⵓⵜⵎⴰⵏ ⵢⴻⴼⴽⴰ ⵜⴰⵢⵎⵎⴰⵜ-ⵉⵙ ⵉ ⵜⵙⴻⵍⵡⵉⵜ ⵏ ⵓⵙⴻⵇⵇⴰⵎⵓ ⵖⴻⴼ ⵓⵙⵎⵉⵍ ⵏ ⵜⵖⵉⵎⵉⵜ-ⴰⴳⵉ ⵙ ⵜⵖⴰⵡⵍⴰ, ⵙ ⵓⵙⵙⵓⵜⴻⵔ ⵏ ⴽⵔⴰⴹ (3) ⵏ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⵢⴻⵔⵏⴰ ⴷⴷⵓⴽⴽⵍⴻⵏ-ⴷ ⵢⵉⴷ-ⵙⴻⵏ ⵛⵛⵉⵏⴰ, ⴱⴰⴽⵉⵙⵜⴰⵏ ⴷ ⴼⵉⴷⵉⵔⴰⵍⵉⵢⵜ ⵏ ⵔⵓⵙⵢⴰ. ⵢⴻⵏⵏⴰ-ⴷ ⴱⴻⵍⵍⵉ ⴰⵔⵓⵣⵣⴻⵖ ⵏ "ⵜⴰⵎⵓⵔⵜ ⵏ ⵚⵓⵎⴰⵍ" ⴷ ⴰⵙⴻⴼⵙⴻⴷ ⵏ ⵜⵛⴰⵔⵜ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵢⵉⵍⵓⴳⴰⵏ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⴷ ⵓⴽⵛⵓⵎ ⴷⴻⴳ ⵜⵉⵎⵓⵏⴻⵏⵜ ⵏ ⵜⵎⵓⵔⴰ.
ⵜⴻⵙⵙⴻⵖⴷⴻⴼ ⵜⴳⵔⵓⵎⵎⴰ "A3+" ⴱⴻⵍⵍⵉ "ⵜⵉⴳⴳⵉⵏ-ⴰⴳⵉ ⵏ ⵜⵓⴽⵙⴰ ⵜⴻⵔⵡⴰⵃ ⴰⴷ ⵜⴻⵙⵙⴻⵖⵣⴻⵍ ⴰⴱⴹⴰ ⵏ ⵡⴰⴽⴰⵍ ⵏ ⵚⵓⵎⴰⵍ, ⵍⴰⴷⵖⴰ ⴷⴻⴳ ⵜⵎⴻⵏⵏⴰⴹⵜ ⵏ ⵓⴳⴰⴼⴰ-ⴰⴳⵎⵓⴹ, ⴰⵢⴰ ⵢⴻⵣⵎⴻⵔ ⴰⴷ ⵢⴻⵙⵍⵓⵖⵍⵓⵖ ⵍⴰⵎⴰⵏ ⴷⴻⴳ ⵜⵎⴻⵏⵏⴰⴹⵜ ⵏ ⵢⵉⵛⵛ ⵏ ⵜⴼⵔⵉⵇⵜ ⴷ ⵢⵉⵍⵍ ⴰⵣⴻⴳⴳⴰⵖ ⴰⴽⴽ". ⵜⴻⵙⵙⵓⵜⴻⵔ ⴷⴰⵖⴻⵏ ⴰⴷ ⵢⴻⵜⵜⵡⴰⵏⴽⴻⵔ ⵓⵔⵓⵣⵣⴻⵖ-ⴰ ⵙ ⵜⴼⴻⵙⵏⴰ ⵜⴰⵎⴻⵇⵇⵔⴰⵏⵜ ⵙⴻⴳ ⵡⴰⴽⴽ ⵜⵉⵎⵓⵔⴰ ⵏ ⵓⵙⴻⵇⵇⴰⵎⵓ ⵏ ⵍⴰⵎⴰⵏ.
ⵜⴰⴳⵔⵓⵎⵎⴰ ⵜⴻⴷⴷⵓⴽⴽⴻⵍ ⴷⴰⵖⴻⵏ ⴷ ⵡⴰⵍⵖⵓ ⵏ ⵓⵙⴻⵍⵡⴰⵢ ⵏ ⵜⵎⵉⵙⵉⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵎⴰⵃⵎⵓⴷ ⵄⴰⵍⵉ ⵢⵓⵙⴻⴼ, ⵉ ⵢⴻⵏⴽⵔⴻⵏ ⵡⴰⴽⴽ ⵜⵉⴳⴳⵉⵏⵉⵏ ⵉ ⵢⴻⵔⵔⴰⵏ ⴰⴷ ⵙⵍⵓⵖⵍⵓⵖⴻⵏ ⵜⵉⵎⵓⵏⴻⵏⵜ ⵏ ⵚⵓⵎⴰⵍ.
ⵓⵎⴻⵜⵜⴻⵍ ⵏ ⵚⵓⵎⴰⵍ ⵢⴻⵙⵙⴰⵡⴻⵍ ⵉ ⵡⴰⴽⴽ ⵜⵉⵎⵓⵔⴰ ⵏ ⵓⵙⴻⵇⵇⴰⵎⵓ ⴰⴷ ⴷⴷⵓⴽⴽⵍⴻⵏⵜ ⵣⴷⴰⵜ ⵏ ⵜⵓⵛⴹⴰ-ⴰⴳⵉ ⵜⵓⵏⵚⵉⴱⵜ. ⵢⴻⵔⵏⴰ-ⴷ ⴷⴰⵖⴻⵏ: "ⵏⴻⵥⵔⴰ ⴰⵢⴻⵏ ⴷ-ⵢⴻⵏⵏⴰ ⴽⵔⴰ ⵏ ⵢⵉⵎⴻⵙⵍⴰⵢⴻⵏ ⵖⴻⴼ ⵓⵙⴻⵔⴽⴻⵔ ⵏ ⵢⵉⴼⵉⵍⵉⵙⵜⵉⵏⵉⵢⴻⵏ ⴱⴻⵔⵔⴰ ⵏ ⵜⵎⵓⵔⵜ-ⵏⵙⴻⵏ ⵙ ⵜⵖⴰⵔⴰ ⵓⵔ ⵏⴻⵍⵍⵉ ⴷⴻⴳ ⵍⵇⴰⵏⵓⵏ", ⵢⴻⵔⵏⴰ ⵢⴻⵏⴽⴻⵔ ⵡⴰⴽⴽ ⵜⵉⴳⴳⵉⵏⵉⵏ ⵏ ⵓⴷⴷⴰⵢⵔⴰ ⵏ ⵚⴻⵢⵢⵓⵏ ⴰⴷ ⵢⴻⵙⵙⴻⵣⴷⴻⵖ ⴰⴳⴷⵓⴷ ⵏ ⴼⵉⵍⵉⵙⵜⵉⵏ ⵏ ⵖⴰⵣⴰ ⴷⴻⴳ ⵓⴳⴰⴼⴰ-ⴰⴳⵎⵓⴹ ⵏ ⵚⵓⵎⴰⵍ.
ⵜⴻⵏⵏⴰ-ⴷ ⵜⴳⵔⵓⵎⵎⴰ "A3+" ⴱⴻⵍⵍⵉ "ⵜⵉⴳⴳⵉⵏⵉⵏ-ⴰⴳⵉ ⵓⵔ ⵍⵍⵉⵏⵜ ⴷⴻⴳ ⵍⵇⴰⵏⵓⵏ ⵢⴻⵔⵏⴰ ⵓⵔ ⵜⵜⵡⴰⵇⴱⴰⵍⴻⵏⵜ ⴰⵔⴰ", ⵜⴻⵙⵙⴻⴽⵜⴰ-ⴷ ⴷⴰⵖⴻⵏ ⵙ ⵜⴼⴻⵜⵡⵉⵏ ⵏ ⵜⵎⴰⵃⴽⴰⵎⵜ ⵜⴰⵎⴰⴹⵍⴰⵏⵜ ⵏ ⵜⵖⴰⵍⴰⵡⵜ ⵖⴻⴼ ⵓⵙⴻⵔⴽⴻⵔ ⵏ ⵢⵉⴼⵉⵍⵉⵙⵜⵉⵏⵉⵢⴻⵏ.
ⵜⴻⵙⵙⴻⴽⵏⴻⵢ ⵜⴳⵔⵓⵎⵎⴰ ⴱⴻⵍⵍⵉ ⵓⵔ ⵜⴻⵜⵜⴰⵊⵊⴰ ⴰⵔⴰ ⴰⵙⴻⵇⴷⴻⵛ ⵏ ⵡⴰⴽⴰⵍ ⵏ ⵜⵎⵓⵔⴰ ⵙ ⵜⵖⴰⵔⴰ ⵓⵔ ⵏⴻⵍⵍⵉ ⴷⴻⴳ ⵍⵇⴰⵏⵓⵏ, ⵢⴻⵔⵏⴰ ⵓⵔ ⵜⴻⵜⵜⴰⵊⵊⴰ ⴰⵔⴰ ⴰⴷ ⵢⴻⵜⵜⵡⴰⴽⴽⴻⵙ ⵓⵣⵔⴻⴼ ⵏ ⵓⵙⴻⴼⵔⴻⵏ ⵏ ⵢⵉⵎⴰⵍ ⵉ ⵓⴳⴷⵓⴷ ⵏ ⴼⵉⵍⵉⵙⵜⵉⵏ ⵏⴻⵖ ⵜⵉⵎⵓⵏⴻⵏⵜ ⵏ ⵚⵓⵎⴰⵍ.
ⴷⴻⴳ ⵜⴰⴳⴰⵔⴰ, ⵜⴻⵙⵙⴻⴽⵏⴻⵢ ⵜⴳⵔⵓⵎⵎⴰ ⵜⴰⴷⴷⴰ ⵏ ⵓⵣⵔⴻⴼ ⵏ ⵓⴳⴷⵓⴷ ⵏ ⴼⵉⵍⵉⵙⵜⵉⵏ ⴰⴷ ⵢⴻⵙⵄⵓ ⵜⴰⵎⵓⵔⵜ-ⵉⵙ ⵙ ⵜⴼⴻⵙⵏⴰ ⵏ ⵙⵏⴰⵜ ⵏ ⵜⵎⵓⵔⴰ, ⵜⴻⵙⵙⴻⵖⴷⴻⴼ-ⴷ ⴷⴰⴽⴽⴻⵏ ⵓⴷⴷⴰⵢⵔⴰ ⵏ ⵚⴻⵢⵢⵓⵏ, ⵓⵇⴱⴻⵍ ⴰⴷ ⵢⴻⴳ ⵜⴰⵍⵡⵉⵜ ⴷⴻⴳ ⵡⴰⵎⵎⴰⵙ ⵏ ⵓⴳⵎⵓⴹ, ⵢⴻⴼⵔⴻⵏ ⴰⴷ ⵢⴻⵙⵍⵓⵖⵍⵓⵖ ⵍⴰⵎⴰⵏ ⴷⴻⴳ ⵢⵉⵛⵛ ⵏ ⵜⴼⵔⵉⵇⵜ.
ⴰⵔⵏⵓ ⵖⴻⵔ
