ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴵⵉⴷ ⵜⴻⴱⴱⵓⵏ, ⴷⴻⴳ ⵓⵏⵏⴻⵊⵎⵓⵄ ⵏ ⵓⵙⴻⵇⵇⴰⵎⵓ ⵏ ⵢⵉⵎⴰⵡⵚⴰⴹⴻⵏ ⵉ ⴷ-ⵢⴻⵍⵍⴰⵏ ⴰⵙⵙ ⵏ ⵍⵃⴻⴷⴷ, ⵢⵓⵎⴻⵕ ⴰⵎⴰⵡⵚⴰⴹ ⵏ ⵢⵉⵍⵎⴻⵥⵉⵢⴻⵏ ⴰⴷ ⵉⴱⴷⵓ ⴰⵙⴻⵏⵇⴻⴷ ⵖⴻⴼ ⴽⵔⴰ ⵏ ⵢⵉⵍⵎⴻⵥⵉⵢⴻⵏ ⵓⵔ ⴷ-ⵏⴻⵜⵜⴰⵡⵉ ⴰⵔⴰ ⴰⵣⵔⴻⴼ-ⵏⵙⴻⵏ ⴷⴻⴳ ⵜⵡⵉⵙⵉ ⵏ ⵡⴰⵔ-ⴰⵎⴰⵀⵉⵍ, ⴰⴽⴽⴻⵏ ⵉ ⵜ-ⵉⴷ-ⵢⴻⵏⵏⴰ ⵓⵍⵖⵓ ⵏ ⵓⵙⴻⵇⵇⴰⵎⵓ.
ⵓⵍⵖⵓ-ⴰ ⵉⵙⵙⴻⴳⵣⴰ-ⴷ ⴱⴻⵍⵍⵉ ⵖⴻⴼ ⵡⴰⵢⴻⵏ ⵢⴻⵔⵣⴰⵏ "ⴰⵙⴻⵏⴼⴰⵔ ⵏ ⵓⵖⴰⵡⴰⵙ ⴰⵖⴻⵍⵏⴰⵡ ⵏ ⵢⵉⵍⵎⴻⵥⵉⵢⴻⵏ 2026-2029", ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵙⵙⴻⴽⴼⴻⵍ-ⴷ "ⴰⵣⵔⴻⴼ ⵏ ⵢⵉⵍⵎⴻⵥⵉⵢⴻⵏ ⴰⴷ ⵙⵙⵓⵜⵔⴻⵏ ⵉⵣⴻⵔⴼⴰⵏ-ⵏⵙⴻⵏ, ⵍⴰⴷⵖⴰ ⴷⴻⴳ ⵓⵎⴰⵀⵉⵍ ⴷ ⵜⴽⴻⵍⴼⴰ ⵙ ⵡⴰⴽⴽ ⴰⵏⴰⵡⴻⵏ-ⵉⵙ, ⵎⴰⵛⴰ ⴷⴻⴳ ⵢⵉⵡⴻⵏ ⵏ ⵢⵉⵔⵔⵓⵃ ⴰⵖⴻⵍⵏⴰⵡ ⴰⵔⴰ ⵢⴻⵙⵃⴻⵔⵣ ⵉⵍⵎⴻⵥⵉⵢⴻⵏ ⵎⴳⴰⵍ ⴰⵙⴻⵇⴷⴻⵛ-ⵏⵙⴻⵏ ⵙⵖⵓⵔ ⵜⵉⵖⴰⵍⵍⵉⵏ ⵏ ⵟⵟⵍⴰⵎ ⵉ ⵢⴻⵜⵜⵏⴰⴷⵉⵏ ⴰⴷ ⵔⵥⴻⵏⵜ ⵜⴰⵎⵓⵔⵜ-ⵏⵏⴻⵖ ⴷ ⵢⵉⵍⵎⴻⵥⵉⵢⴻⵏ-ⵉⵙ".
ⴷⴻⴳ ⵓⵙⴰⵜⵉ-ⴰ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⵓⵎⴻⵕ "ⴰⵎⴰⵡⵚⴰⴹ ⵏ ⵢⵉⵍⵎⴻⵥⵉⵢⴻⵏ ⴰⴷ ⵉⴱⴷⵓ ⴰⵙⴻⵏⵇⴻⴷ ⵖⴻⴼ ⴽⵔⴰ ⵏ ⵢⵉⵍⵎⴻⵥⵉⵢⴻⵏ ⵓⵔ ⵏⴻⵙⵜⴻⵏⴼⴻⵄ ⴰⵔⴰ ⵙⴻⴳ ⵜⵡⵉⵙⵉ ⵏ ⵡⴰⵔ-ⴰⵎⴰⵀⵉⵍ", ⴷ "ⵜⵙⵓⵏⵖⴰ ⵏ ⵉⵙⵓⵎⴰⵔ ⴷ ⵜⴰⵔⵔⴰⵢⵉⵏ ⵜⵉⵎⴰⵢⵏⵓⵜⵉⵏ ⵉ ⵓⵄⵉⵡⴻⵏ ⴷⴻⴳ ⵓⵙⴰⴷⴻⵔ ⵏ ⵡⵓⵟⵟⵓⵏⴻⵏ ⵏ ⵡⵉⴷ ⵓⵔ ⵏⵅⴻⴷⴷⴻⵎ ⴰⵔⴰ".
ⴷⴻⴳ ⵜⴰⴳⵏⵉⵜ-ⴰ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵙⴻⴱⴷⴻⴷ-ⴷ ⵖⴻⴼ ⵡⴰⵣⴰⵍ ⵏ "ⵓⵙⴻⴷⵡⴻⵍ ⵏ ⵍⴻⵇⴷⵉⵛⴰⵜ ⵎⴳⴰⵍ ⵉⴽⵢⵓⴼⴻⵏ ⴳⴰⵔ ⵢⵉⵍⵎⴻⵥⵉⵢⴻⵏ ⴰⴽⴽⴻⴷ ⵓⵙⴻⵃⴱⵉⴱⴻⵔ ⴼⴻⵍⵍ-ⴰⵙⴻⵏ ⵎⴳⴰⵍ ⵉⵖⴰⵡⴰⵙⴻⵏ ⵉ ⴷ-ⵉⵜⵜⴻⴷⴷⵓⵏ ⵙⴻⴳ ⴱⴻⵕⵕⴰ ⵏ ⵜⵍⵉⵙⴰ-ⵏⵏⴻⵖ, ⵉ ⵢⴻⵜⵜⵇⴻⵙⴷⵉⴹⴻⵏ ⵜⴰⴳⴳⴰⵢⵜ-ⴰ ⵜⴰⵖⴻⵡⵡⴰⵕⵜ ⵉ ⵢⴻⵍⵍⴰⵏ ⴷ ⵓⵍ ⵏ ⵡⴰⵎⵓⵏ ⴰⵣⵣⴰⵢⵔⵉ ⵉ ⵢⴻⵜⵜⵡⴰⵙⵙⵏⴻⵏ ⵙ ⵢⵉⵔⵔⵓⵃ-ⵉⵙ ⴰⵖⴻⵍⵏⴰⵡ ⵄⵍⴰⵢⴻⵏ", ⴰⴽⴽⴻⴷ "ⵓⴼⴰⴽ ⵏ ⵡⴰⵣⴰⵍ ⴰⵎⴻⵇⵇⵔⴰⵏ ⵉ ⵡⴰⴷⴷⴰⵍ ⴷⴻⴳ ⵓⵖⴻⵔⴱⴰⵣ ⴷ ⵜⴻⵙⴷⴰⵡⵉⵜ, ⵙ ⵓⵎⵢⴰⵡⴰⵜ ⴷ ⵢⵉⵖⵍⵉⴼⴻⵏ ⵏ ⵓⵙⴻⴳⵎⵉ ⴷ ⵓⵙⴻⵍⵎⴻⴷ ⵓⵏⵏⵉⴳ, ⵉ ⵡⴰⴽⴽⴻⵏ ⴰⴷ ⵢⵉⵍⵉ ⴷ ⴰⵙⴻⴱⵖⴻⵙ ⴷ ⵓⴱⴻⴷⴷⴻⵍ ⵉ ⵢⵉⵍⵎⴻⵥⵉⵢⴻⵏ ⵖⴻⴼ ⵢⴰⵍ ⵍⵉⵅⵚⴰⵚ ⵉ ⵜⴻⵏ-ⵢⴻⵙⵙⴻⴱⴰⵄⴷⴻⵏ ⵖⴻⴼ ⵓⵎⴻⵏⵏⵓⵖ ⵏ ⵍⴻⴱⵏⵉ".
ⵢⵓⵎⴻⵕ ⴷⴰⵖⴻⵏ ⵙ "ⵓⵙⵏⴻⵔⵏⵉ ⵏ ⵜⵏⴻⴳⴳⵡⴰ ⵏ ⵜⴻⵢⵡⴰⵍⵜ ⴳⴰⵔ ⵢⵉⵍⵎⴻⵥⵉⵢⴻⵏ ⵏ ⵍⴻⵣⵣⴰⵢⴻⵔ ⴷⴻⴳ ⴷⴰⵅⴻⵍ ⴷ ⴱⴻⵕⵕⴰ ⵏ ⵜⵎⵓⵔⵜ ⵙ ⵡⴰⴽⴽ ⵜⴰⵍⵢⵉⵡⵉⵏ ⴷ ⵜⴰⵔⵔⴰⵢⵉⵏ ⵉ ⵉⵙⵙⴻⴵⵀⴰⴷⴻⵏ ⴰⵙⵙⴰⵖ ⴰⴽⴽⴻⴷ ⵍⴻⵣⵣⴰⵢⴻⵔ". ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵡⴻⵀⵀⴰ ⵙ "ⵜⵓⵣⵣⵎⴰ ⵏ ⵡⴰⵣⴰⵍ ⵏ ⵢⵉⵅⵅⴰⵎⴻⵏ ⵏ ⵢⵉⵍⵎⴻⵥⵉⵢⴻⵏ ⴷ ⵜⴻⵍⴷⵉ ⵏ ⵜⴻⵡⵡⵓⵔⴰ-ⵏⵙⴻⵏ, ⵙ ⵉⵖⴰⵡⴰⵙⴻⵏ ⴰⵔⴰ ⴼⴻⵔⵏⴻⵏ ⵢⵉⵍⵎⴻⵥⵉⵢⴻⵏ ⵙ ⵢⵉⵎⴰⵏ-ⵏⵙⴻⵏ, ⵙ ⵍⵇⵉⵙ ⵏ ⵢⵉⵡⴻⵏ ⵓⵅⵅⴰⵎ ⵏ ⵢⵉⵍⵎⴻⵥⵉⵢⴻⵏ ⴷⴻⴳ ⵢⴰⵍ ⵜⴰⵖⵉⵡⴰⵏⵜ ⵖⴻⴼ ⵍⵇⴻⵍⵍⴰ, ⴰⴽⴽⴻⴷ ⵓⵙⴻⴷⵡⴻⵍ ⵏ ⵢⵉⵅⵅⴰⵎⴻⵏ ⵏ ⵢⵉⵍⵎⴻⵥⵉⵢⴻⵏ ⴰⴽⴽⴻⵏ ⴰⴷ ⵎⵚⴰⴷⴰⵏ ⴷ ⵍⵡⴻⵇⵜ-ⵏⵙⴻⵏ, ⴷ ⵓⵙⴻⵇⴷⴻⵛ-ⵏⵙⴻⵏ ⵉ ⵍⴼⴰⵢⴷⴰ-ⵏⵙⴻⵏ".
ⵢⵓⵎⴻⵕ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴰⵖⴻⵏ ⴷⴻⴳ ⵢⵉⵡⴻⵜ ⵏ ⵜⴻⴳⵏⵉⵜ ⵙ "ⵓⵎⵙⵉⵙⵉ ⴳⴰⵔ ⵢⵉⵖⵍⵉⴼⴻⵏ ⵏ ⵢⵉⵍⵎⴻⵥⵉⵢⴻⵏ ⴷ ⵢⵉⴷⵍⴻⵙ, ⵉ ⵡⴰⴽⴽⴻⵏ ⴰⴷ ⵀⴻⵢⵢⵉⵏ ⵉⵖⴰⵡⴰⵙⴻⵏ ⴰⵔⴰ ⴷ-ⵉⵊⴻⴱⴱⴷⴻⵏ ⵉⵍⵎⴻⵥⵉⵢⴻⵏ ⵉⵣⵣⴰⵢⵔⵉⵢⴻⵏ ⵙ ⵡⵓⴷⴻⵎ ⵏ ⵍⴻⵇⵙⴻⴷ-ⵏⵙⴻⵏ ⴷ ⵍⵃⴰⵡⵉⵊ-ⵏⵙⴻⵏ, ⴷ ⵓⵜⵜⴻⴽⴽⵉ-ⵏⵙⴻⵏ ⴷⴻⴳ ⵓⵙⵓⴷⴷⴻⵙ ⴷ ⵓⵙⴻⴼⵔⴻⴽ-ⵏⵙⴻⵏ".
ⴰⵔⵏⵓ ⵖⴻⵔ
