ⴰⵙⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⴷⴻⴳ ⵜⴻⵎⵍⵉⵍⵉⵜ ⵏ ⴰⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵏ ⵡⴰⵙⵙ-ⴰⴳⵉ ⵏ ⵍⵃⴻⴷ, ⵢⴻⴱⵔⴰ-ⴷ ⵙ ⵡⴰⵡⴰⵍ ⵏ ⴷⴷⵓⵍⴰ ⵉⵡⴰⴽⴽⴻⵏ ⴰⴷ ⵜⴽⴻⵎⵎⴻⵍ ⴷⴻⴳ ⵜⴰⵍⵍⴰⵍⵜ ⴷ ⵓⵙⴻⴱⵖⴻⵙ ⵏ ⵢⵉⵚⴻⴳⴳⴰⴷⴻⵏ. ⴰⵢⴰ ⵢⴻⵍⵍⴰ-ⴷ ⵙ ⵍⵎⵄⴰⵡⵏⴰ ⴷ ⵓⵙⴻⵎⵔⴻⵙ ⵏ ⵜⵙⴻⴱⵖⴰⵙ ⵉⵡⴰⴽⴽⴻⵏ ⴰⴷ ⵢⴰⵍⵉ ⵓⴳⴻⵎⵎⵓ ⵏ ⵍⵖⴻⵍⵍⴰ ⵏ ⵢⵉⵍⴻⵍ ⵏ ⵍⴻⵣⵣⴰⵢⴻⵔ.
ⴷⴻⴳ ⵜⴻⴱⵔⴰⵜ ⵏ ⵓⵙⵇⵓⵎⵓ ⵏ ⵍⵡⴻⵣⵉⵔⴰⵜ, ⴰⵙⵍⵡⴰⵢ, ⴷⴻⴼⴼⵉⵔ ⵎⵉ ⵢⴻⵙⵍⴰ ⵉ ⵜⴽⴰⵔⴹⴰ ⵏ ⵓⴱⵔⵉⴷ ⵏ ⵓⵙⴻⵏⴼⴰⵔ ⵏ ⵓⵙⴻⵍⵡⵉ ⵏ ⵢⵉⵍⴻⵍ ⵉ ⵓⵙⴻⴳⴳⴰⵙ ⵏ 2026, ⵢⴻⵏⵏⴰ-ⴷ: "ⴷⴷⵓⵍⴰ ⴰⴷ ⵜⴽⴻⵎⵎⴻⵍ ⴰⴷ ⵜⵉⵍⵉ ⴷ ⵢⵉⵚⴻⴳⴳⴰⴷⴻⵏ ⵙ ⵜⴰⵍⵍⴰⵍⵜ ⵉⵡⴰⴽⴽⴻⵏ ⴰⴷ ⵏⴻⵙⵙⵉⵡⴻⴹ ⴰⴷ ⵏⵙⴻⴱⵖⴻⵙ ⵍⵖⴻⵍⵍⴰ ⵏ ⵢⵉⵍⴻⵍ ⵙ ⵜⴰⵔⵔⴰⵢⵉⵏ ⵜⵓⵔⴰ ⴷ ⵜⵉⴷ ⵢⴻⵍⵍⴰⵏ ⴷ ⵜⵉⵎⴻⵍⵍⵓⵍⵉⵏ, ⴰⵛⴽⵓ ⵍⴻⵣⵣⴰⵢⴻⵔ ⵓⵔ ⵜⴻⵙⵎⵉⵔⵉⵙ ⴰⵔⴰ ⴰⴽⴽ ⴰⵢⴻⵏ ⵉ ⵜⴻⵙⵄⴰ ⵏ ⵍⵖⴻⵍⵍⴰ."
ⵢⴻⵏⵏⴰ-ⴷ ⴷⴰⵖⴻⵏ: "ⴰⵙⵏⴻⵔⵏⵉ ⵏ ⵓⵏⵔⴰⵔ ⵏ ⵓⵙⴻⵍⵡⵉ ⵏ ⵢⵉⵍⴻⵍ ⴷ ⵜⵎⴻⵔⵔⴻⵢⵜ ⵏ ⵡⴰⵎⴰⵏ ⴷ ⴰⵎⴻⵏⵏⵓⵖ ⴰⵖⴻⵍⵏⴰⵡ ⴷ ⴷⴷⵉⵎⵎⴰ ⵜⴰⵎⴻⵣⵡⴰⵔⵓⵜ, ⵉⵍⵎⴻⵏⴷ ⵏ ⵡⴰⵣⴰⵍ-ⵉⵙ ⵉ ⵓⵙⴻⵊⵀⴻⴷ ⵏ ⵍⴰⵎⴰⵏ ⵏ ⵍⵎⴰⴽⵍⴰ, ⴷⴰⵢⵎⵉ ⵉ ⴷ-ⵉⵍⴰⵇ ⴰⴷ ⵏⴻⵔⵏⴰ ⴷⴻⴳ ⵓⴳⴻⵎⵎⵓ."
ⴰⵙⵍⵡⴰⵢ ⵢⵓⵎⴻⵕ ⵉⵡⴰⴽⴽⴻⵏ ⴰⴷ ⴷ-ⴳⵔⴻⵏ ⵜⴰⴷⵓⴽⵍⵉ ⵏ ⵢⵉⵚⴻⴳⴳⴰⴷⴻⵏ ⵉⵡⴰⴽⴽⴻⵏ ⴰⴷ ⵜⵜⴻⴽⴽⵉ ⵙ ⵓⴷⵉⵡⴻⵏⵏⵉ ⴷⴻⴳ ⵢⴰⵍ ⵔⵔⴰⵢ ⵉ ⴷ-ⵉⵜⴻⴼⴼⵖⴻⵏ ⵖⴻⴼ ⵓⵏⵔⴰⵔ-ⴰⴳⵉ.
ⴷⴻⴳ ⵓⵏⵔⴰⵔ ⵏ ⵓⵥⵓ ⵏ ⵜⵜⴻⵊⵔⴰ, ⴰⵙⵍⵡⴰⵢ ⵢⵓⵎⴻⵕ ⵍⵡⴻⵣⵉⵔ ⵏ ⵜⴼⴻⵍⵍⴰⵃⵜ ⴰⴷ ⵉⵙⴻⵇⴷⴻⵛ ⵜⵓⵔⴰ (ⵍⴰ ⵎéⵛⴰⵏⵉⵙⴰⵜⵉⵓⵏ) ⵉⵡⴰⴽⴽⴻⵏ ⴰⴷ ⵢⴰⵍⵉ ⵓⴳⴻⵎⵎⵓ ⵏ ⵜⵜⴻⵊⵔⴰ ⵏ ⵍⴼⴰⴽⵢⴰ, ⵍⴰⴷⵖⴰ ⵜⵉⵏ ⵉ ⴷ-ⵉⵜⵜⴰⴽⴻⵏ ⵜⴰⴷⴰⵎⵙⴰ ⵏ ⵍⵄⴰⵍⵉ ⴰⵎ ⵜⵜⴻⵊⵔⴰ ⵏ "ⵡⴰⵔⴳⴰⵏ".
ⴰⵔⵏⵓ ⵖⴻⵔ
