ⵢⴻⵅⴷⴻⵎ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⴰⵏⴳⵓⵍⴰ, ⵎⴰⵙⵙ ⵊⵓⴰⵓ ⵍⵓⵔⴰⵏⵙⵓ, ⴰⵙⵙ-ⴰ ⵏ ⵜⵜⵍⴰⵜⴰ, ⵢⵉⵡⴻⵜ ⵏ ⵜⵉⵔⵣⵉ ⵖⴻⵔ ⵜⴼⴰⴱⵔⵉⴽⵜ ⵏ ⵓⵙⵉⵙⵀⴻⵍ ⵏ ⵡⴰⵎⴰⵏ ⵏ ⵢⵉⵍⵍⴻⵍ "ⴼⵓⵓⴽⴰ 2" ⴷⴻⴳ ⵜⵡⵉⵍⴰⵢⵜ ⵏ ⵜⵉⵒⴰⵣⴰ. ⴰⵢⴰ ⵢⴻⵍⵍⴰ-ⴷ ⴷⴻⴳ ⵓⵣⴻⵏⵣⵉⵖ ⵏ ⵜⵉⵔⵣⵉ ⵏ ⵓⵡⴰⵏⴰⴽ ⵉ ⵉⵅⴻⴷⴷⴻⵎ ⵙⴻⴳ ⵡⴰⵙⵙ ⵏ ⵍⴻⵜⵏⵉⵢⴻⵏ ⵖⴻⵔ ⵜⵎⵓⵔⵜ ⵏ ⵍⴻⵣⵣⴰⵢⴻⵔ.
ⵜⵉⵔⵣⵉ-ⴰⴳⵉ ⵖⴻⵔ ⵜⴼⴰⴱⵔⵉⴽⵜ, ⵉ ⴷ-ⵢⴻⵜⵜⵓⵙⴱⴻⴷⴷⴻⵏ ⵙ ⵜⵎⵓⵙⵏⵉ ⴷ ⵜⵙⵏⵓⵔⴻⴼⵉⵏ ⵜⴰⵖⴻⵍⵏⴰⵡⵉⵏ, ⵜⴻⵍⵍⴰ-ⴷ ⵙ ⵜⵉⵍⵉⵜ ⵏ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵎⴻⵔⵢⴰⵏ ⵎⴰⵙⵙ ⵎⵓⵀⴰⵎⴻⴷ ⴰⵔⴽⴰⴱ, ⴰⵏⴻⵖⵍⴰⴼ ⵏ ⵓⵙⵙⴻⵡⵡⵉ ⵎⴰⵙⵙ ⵍⵓⵓⵏⴰⵙ ⴱⵓⵓⵣⴻⴳⵣⴰ, ⴷ ⵓⵙⴻⵍⵡⴰⵢ ⴰⵎⴹⴻⴱⴱⴻⵔ ⴰⵎⴰⵜⵓ ⵏ ⵓⵎⵓⵍⵍⵉ ⵏ ⵙⵓⵏⴰⵜⵔⴰⵛⵀ ⵎⴰⵙⵙ ⵏⵓⵓⵔⴻⴷⴷⵉⵏⴻ ⴷⴰⵓⵓⴷⵉ, ⴷ ⵍⵡⴰⵍⵉ ⵏ ⵜⵉⵒⴰⵣⴰ ⵎⴰⵙⵙ ⵎⵓⵀⴰⵎⴻⴷ ⴰⵎⵉⵏⴻ ⴱⴻⵏⵛⵀⴰⵓⵓⵍⵉⴰ.
ⴷⴻⴳ ⵜⴻⵅⵅⴰⵎⵜ ⵏ ⵓⵣⴻⵟⵟⴻⴹ ⵏ ⵜⴼⴰⴱⵔⵉⴽⵜ, ⴼⴽⴰⵏ-ⴰⵙ ⵉ ⵓⵙⴻⵍⵡⴰⵢ ⵏ ⴰⵏⴳⵓⵍⴰ ⵉⵙⴻⴳⵣⴰⵢⴻⵏ ⵍⵇⴰⵢⴻⵏ ⵖⴻⴼ ⵓⵎⴰⵀⵉⵍ ⵏ ⵜⴼⴰⴱⵔⵉⴽⵜ, ⵉⵙⵡⵉⵔⴻⵏ ⵏ ⵓⴼⴰⵔⵉⵙ ⵏ ⵡⴰⵎⴰⵏ ⴷ ⵍⵇⴻⴷⴷ ⵏ ⵓⴼⴰⵔⵉⵙ ⵉ ⵢⴰⵡⴻⴹⴻⵏ 300 ⵏ ⵡⴰⴳⵉⵎⴰⵏ ⵏ ⵍⵎⵉⵜⵔⴰⵜ ⵉⵎⴰⵔⴽⴰⵢⴻⵏ (ⵎ3) ⴷⴻⴳ ⵡⴰⵙⵙ. ⵉⵍⴰⵇ ⴰⴷ ⵏⵣⴻⵔ ⴱⴻⵍⵍⵉ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵢⴻⵍⴷⴰⵏ ⵜⴰⴼⴰⴱⵔⵉⴽⵜ-ⴰⴳⵉ ⴷⴻⴳ ⴼⵓⵔⴰⵔ 2025.
ⴷⴻⴳ ⵜⵎⴻⵙⵍⴰⵢⵜ-ⵉⵙ, ⴰⵎⴹⴻⴱⴱⴻⵔ ⵏ ⵙⵓⵏⴰⵜⵔⴰⵛⵀ ⵉⵙⵙⴻⴽⵏⴻⴷ-ⴷ ⵉⵙⵓⵔⵉⴼⴻⵏ ⵉ ⴷ-ⵜⴻⵡⵡⵉ ⵍⴻⵣⵣⴰⵢⴻⵔ ⴷⴻⴳ ⵢⵉⵙⴻⴳⴳⴰⵙⴻⵏ-ⴰⴳⵉ ⵉⵏⴻⴳⴳⵓⵔⴰ ⴷⴻⴳ ⵓⵏⵏⴰⵔ ⵏ ⵓⵣⴻⴶⵀⴻⴷ ⵏ ⵜⵎⴰⵏⴻⴳⵜ ⵏ ⵡⴰⵎⴰⵏ. ⵍⴻⵣⵣⴰⵢⴻⵔ ⵜⵓⵖⴰⵍ ⴷ ⵜⴰⵎⴻⵏⵣⵡⵓⵜ ⴷⴻⴳ ⵜⴻⴼⵔⵉⵇⵜ, ⵜⵉⵙ ⵙⵏⴰⵜ ⴷⴻⴳ ⵓⵎⴰⴹⴰⵍ ⵏ ⵡⴰⵄⵔⴰⴱⴻⵏ, ⴷ ⵜⵉⵙ ⵙⵏⴰⵜ ⴷⴰⵖⴻⵏ ⴷⴻⴳ ⵢⵉⵍⵍⴻⵍ ⴰⴳⵔⴰⴽⴰⵍ ⴷⴻⴳ ⵓⴼⴰⵔⵉⵙ ⵏ ⵡⴰⵎⴰⵏ ⵢⴻⵜⵜⵡⴰⵙⵉⵙⵀⵍⴻⵏ. ⴷⴻⴳ ⵜⵎⵓⵖⵍⵉ ⵏ ⵓⵙⴻⴳⴳⴰⵙ 2030, ⵜⴰⵣⵎⴻⵔⵜ ⵏ ⵓⴼⴰⵔⵉⵙ ⵏ ⵍⴻⵣⵣⴰⵢⴻⵔ ⴰⴷ ⵜⴰⵍⵉ ⵙⴻⴳ 3,7 ⵏ ⵢⵉⵎⴻⵍⵢⴰⵢⴻⵏ ⵖⴻⵔ 5,6 ⵏ ⵢⵉⵎⴻⵍⵢⴰⵢⴻⵏ ⵏ ⵎ3 ⴷⴻⴳ ⵡⴰⵙⵙ.
ⵎⴰⵙⵙ ⴷⴰⵓⵓⴷⵉ ⵢⴻⵔⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⴱⴷⴰ ⴷⴻⴳ ⵓⵙⴻⴳⴳⴰⵙ-ⴰⴳⵉ ⴰⵀⵉⵍ ⴰⵖⴻⵍⵏⴰⵡ ⴰⵎⴰⵢⵏⵓⵜ ⵉ ⵓⵙⴱⴻⴷⴷⵉ ⵏ ⵙⴹⵉⵙ (6) ⵏ ⵜⴼⴰⴱⵔⵉⴽⵉⵏ ⵏⵏⵉⴹⴻⵏ ⵏ ⵓⵙⵉⵙⵀⴻⵍ ⵏ ⵡⴰⵎⴰⵏ ⵏ ⵢⵉⵍⵍⴻⵍ ⴷⴻⴳ ⵢⵉⵔⵉ ⵏ ⵢⵉⵍⵍⴻⵍ ⴰⵣⵣⴰⵢⵔⵉ.
ⵜⴰⴼⴰⴱⵔⵉⴽⵜ ⵏ "ⴼⵓⵓⴽⴰ 2" ⵜⴻⵍⵍⴰ-ⴷ ⴷⴻⴳ ⵓⵣⴻⵏⵣⵉⵖ ⵏ ⵢⵉⵡⴻⵏ ⵏ ⵡⴰⵀⵉⵍ ⵏ ⵓⴽⴻⵎⵎⴻⵍ ⵉ ⴷⴻⴳ ⵍⵍⴰⵏⵜ ⴽⵓⵣ (4) ⵏ ⵜⴼⴰⴱⵔⵉⴽⵉⵏ ⵏⵏⵉⴹⴻⵏ ⴷⴻⴳ ⵜⵡⵉⵍⴰⵢⵉⵏ ⵏ ⴻⵟⵟⴰⵔⴻⴼ, ⴱⵓⵎⴻⵔⴷⴰⵙ, ⵡⴰⵀⵔⴰⵏ ⴷ ⴱⴳⴰⵢⴻⵜ.
