ⵉⵙⵙⴻⴽⵏⴻⴷ ⵓⵙⴻⵍⵡⴰⵢ ⵏ ⵓⴱⴻⵔⵍⴰⵎⴰⵏ ⵏ ⵜⴻⴼⵔⵉⵇⵜ, ⵎⴰⵙⵙ ⴼⴰⵜⴻⵃ ⴱⵓⵓⵟⴱⵉⵇ, ⴰⵙⵙ-ⴰ ⵏ ⵜⵜⵍⴰⵜⴰ, ⵍⴻⴱⵖⵉ ⵏ ⵍⴻⵣⵣⴰⵢⴻⵔ ⵉ ⵉⵜⴻⴷⴷⵓⵏ ⵉⵡⴰⴽⴽⴻⵏ ⴰⴷ ⵜⴻⵙⵙⴻⵏⵏⴻⵔⵏⵉ ⵜⵉⵍⵉⵜ-ⵉⵙ ⴷⴻⴳ ⵜⵎⴻⵏⵏⴰⵟ ⵏ ⵜⴻⴼⵔⵉⵇⵜ ⵓ ⴰⴷ ⵜⵃⵓⴷⴷ ⵖⴻⴼ ⵜⴻⵎⵙⴰⵍ ⵏ ⵍⵃⴻⵇⵇ ⵏ ⵢⵉⴳⵓⵔⴻⴼ-ⵉⵙ.
ⴷⴻⴳ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵉ ⵢⴻⵅⴷⴻⵎ ⵉ ⵜⵏⴻⵖⵎⴰⵙⵜ ⵙⴻⵍⴷ ⵎⵉ ⵜ-ⵉⵙⴻⵍⵍⴻⵎ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵎⴰⵙⵙ ⴱⵓⵓⵟⴱⵉⵇ ⵢⴻⵏⵏⴰ-ⴷ ⴱⴻⵍⵍⵉ ⵓⴼⵔⴰⵏ-ⵉⵙ ⴷⴻⴳ ⵓⵇⴻⵔⵔⵓ ⵏ ⵓⴱⴻⵔⵍⴰⵎⴰⵏ ⵏ ⵜⴻⴼⵔⵉⵇⵜ ⵓⵔ ⵢⴻⵍⵍⵉ ⴰⵔⴰ ⴷ ⵜⴰⵊⵎⵉⵍⵜ ⵉ ⵢⵉⵎⴰⵏ-ⵉⵙ ⴽⴰⵏ, ⵍⴰⵎⴻⵄⵏⴰ ⴷ "ⵓⵇⵔⴻⵔⴻⵙ (recognition) ⵙ ⵡⴻⵎⴽⴰⵏ ⵏ ⵍⴻⵣⵣⴰⵢⴻⵔ ⵉ ⵜⴻⵜⵜⴻⵟⵟⴻⴼ ⵜⵓⵔⴰ ⴷⴻⴳ ⵜⵎⴻⵏⵏⴰⵟ ⴷ ⵓⵎⴰⴹⴰⵍ, ⴷ ⵓⵎⴰⵀⵉⵍ ⵉⵕⴻⵙⵙⴰⵏ ⵉ ⵅⴻⴷⴷⵎⴻⵜ ⵉ ⵓⴷⴻⴳⴳⴻⵔ ⵏ ⵜⴻⵎⵙⴰⵍ ⵏ ⵜⴻⴼⵔⵉⵇⵜ ⴷ ⵓⵙⴰⵍⵉ ⵏ ⵓⵙⵉⴷⵔⴻⵡ ⴰⴼⵔⵉⴽⴰⵏ".
ⵉⵙⵙⴻⴽⵜⵉ-ⴷ ⴱⴻⵍⵍⵉ ⵜⴰⵍⵍⴻⵍⵜ ⵉ ⴷ-ⵉⵜⵜⴰⴼ ⵙ ⵜⴰⵎⴰ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⴻⵎⵎⴰⵍ-ⴷ "ⵍⵃⴻⵔⵙ ⵏ ⵍⴻⵣⵣⴰⵢⴻⵔ ⵉⵡⴰⴽⴽⴻⵏ ⴰⴷ ⵜⴻⵙⵙⴻⴶⵀⴻⴷ ⴰⵎⴽⴰⵏ-ⵉⵙ ⴷⴻⴳ ⵜⴻⴼⵔⵉⵇⵜ ⵓ ⴰⴷ ⵜⴱⴻⴷⴷ ⴷ ⵜⴻⵎⵙⴰⵍ-ⵉⵙ ⵏ ⵍⵃⴻⵇⵇ".
ⵉⵙⵙⴻⵃⵔⴻⵙ ⴱⴻⵍⵍⵉ "ⴰⵙⵉⴷⵔⴻⵡ ⴰⴼⵔⵉⴽⴰⵏ ⵏ ⵜⵉⴷⴻⵜ ⵉⵍⴰⵇ ⴰⴷ ⵉⵕⴻⵙ ⵖⴻⴼ ⵓⵇⴰⴷⴻⵔ ⵏ ⵜⵉⵎⵓⵎⴻⵏⵜ (ⵙⵓⵓⵠⴻⵔⴰⵉⵏⴻⵜé) ⵏ ⵜⵎⵓⵔⴰ ⴷ ⵓⵣⴻⴶⴶⴻⴷ ⵏ ⵍⵍⵙⴰⵙⴻⵏ ⵏ ⵓⵎⵢⴻⵛⵛⴻⵔ ⴷ ⵓⵡⴻⵣⵣⵉ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ ⵉ ⵏⴼⴰⵄ ⵏ ⵢⵉⴳⵓⵔⴻⴼ ⵏ ⵜⴻⴼⵔⵉⵇⵜ, ⴷ ⴰⵢⴻⵏ ⵉ ⴼⴻⵍⵍ-ⴰⵙ ⵉ ⵢⴻⵜⵜⴻⴳⴳⴻⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ".
ⵢⴻⵔⵏⴰ-ⴷ ⴱⴻⵍⵍⵉ "ⵍⴻⵣⵣⴰⵢⴻⵔ, ⵜⵓⵔⴰ ⵙ ⵜⵎⵓⵖⵍⵉ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵜⴻⵙⵙⴻⵏⴽⴰⴷ ⵜⵓⵛⵛⵉⵜ-ⵉⵙ ⵉ ⵓⴽⴻⵎⵎⴻⵍ ⵏ ⵓⵙⴼⵓⵍⴻⵍ ⵏ ⵜⵎⵓⵔⴰ ⵏ ⵜⴻⴼⵔⵉⵇⵜ ⴷ ⵓⴷⴻⴳⴳⴻⵔ ⵏ ⵍⵎⴻⴶⵀⵓⴷⴰⵜ ⵏ ⵍⴻⵀⵏⴰ, ⴰⵙⵏⴻⴼⵍⵉ, ⴰⴷⵉⵡⴻⵏⵏⵉ ⴷ ⵓⵙⵉⴷⵔⴻⵡ", ⴰⵢⴰⴳⵉ ⵙ ⵜⵎⵓⵖⵍⵉ ⴱⴻⵍⵍⵉ "ⵉⵎⴰⵍ ⵏ ⵜⴻⴼⵔⵉⵇⵜ ⵉⵕⴻⵙ ⵖⴻⴼ ⵜⴷⵓⴽⵍⵉ ⵏ ⵜⴰⵔⵡⴰ-ⵙ ⴷ ⵜⴷⵓⴽⵍⵉ ⵉⵡⴻⵣⵏⴻⵏ ⵉ ⵓⵃⵔⴰⵣ ⵏ ⵍⵃⴻⵔⵎⴰ ⵏ ⵢⵉⴳⵓⵔⴻⴼ ⴷ ⵏⴼⴰⵄ-ⵏⵙⴻⵏ".
ⴷⴻⴳ ⵜⴰⴳⴳⴰⵔⴰ, ⵉⵙⵓⵣⵣⴻⵏ, ⵙ ⵢⵉⵙⴻⵎ-ⵉⵙ ⴷ ⵢⵉⵙⴻⵎ ⵏ ⵓⴱⵉⵕⵓ ⵏ ⵓⴱⴻⵔⵍⴰⵎⴰⵏ ⵏ ⵜⴻⴼⵔⵉⵇⵜ, ⴰⵣⵓⵍ ⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵡⴰⴽⴽⴻⵏ ⴰⴷ ⵜ-ⵉⵙⵏⴻⵎⵎⴻⵔ ⵖⴻⴼ ⵜⴰⵍⵍⴻⵍⵜ ⵉⵟⵟⴰⴽ ⵉ ⵓⴱⴻⵔⵍⴰⵎⴰⵏ ⵏ ⵜⴻⴼⵔⵉⵇⵜ ⴷ ⵜⴷⵓⴽⵍⵉ ⵏ ⵜⴻⴼⵔⵉⵇⵜ ⵓ ⵉ ⵢⵉⵙⴰⵔⴰⵎⴻⵏ ⵏ ⵢⵉⴳⵓⵔⴻⴼ ⵖⴻⵔ ⵢⵉⵎⴰⵍ ⵉⵊⴻⵃⴷⴻⵏ.
ⴰⵔⵏⵓ ⵖⴻⵔ
