ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵢⵉⵎⴰⵣⴰⵏⴻⵏ ⵏ ⵏⵉⵊⵉⵔⵢⴰ, ⵜⴰⵊⵓⴷⴷⵉⵏ ⴰⴱⴱⴰⵙ, ⵉⵡⴻⴽⴽⴻⴷ-ⴷ ⴰⵙⵙ ⵏ ⴰⵢⵏⴰⵙ (ⵍⴻⵜⵏⵉⵢⴻⵏ) ⴷⴻⴳ ⴷⵣⴰⵢⴻⵔ ⵜⴰⵎⴰⵏⴻⵖⵜ ⵖⴻⴼ ⵜⵉⵅⵅⵓⵜⴻⵔⵜ ⵏ ⵓⵙⴻⵏⴼⴰⵔ ⵏ ⵓⵙⴻⵍⴷⴰ ⵏ ⵡⵓⵔⵔⵉⴳ ⴰⵣⴳⴻⵔⵏⵉⵔⴰⵏ, ⴰⵔⴰ ⵢⴻⵇⵇⵏⴻⵏ ⵜⴰⵎⵓⵔⵜ-ⵏⵏⴻⵙ ⵖⴻⵔ ⴷⵣⴰⵢⴻⵔ, ⴰⵔⴰ ⴰⴷ ⵉɛⴻⴷⴷⴰⵏ ⵖⴻⴼ ⵜⵎⵓⵔⵜ ⵏ ⵏⵉⵊⵉⵔ, ⴰⵎ ⵡⴰⴽⴽⴻⵏ ⵉ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⴷ « ⴰⵙⴻⵏⴼⴰⵔ ⵢⴻⵣⵎⴻⵔ ⴰⴷ ⵢⴻⵜⵜⵡⴰⵙⴻⴽⵎⴻⵎ ».
ⴰⵢⴰ ⵢⵓⵙⴻ-ⴷ ⵉⵍⵎⴻⵏⴷ ⵏ ⵓⵔⵎⴰⵙ-ⵏⵏⴻⵙ ⵙⵖⵓⵔ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵎⴻⵔⵖⴰ ⴷ ⵢⵉⵏⴰⵖⵣⴻⵏ, ⵎoⵀⴰⵎⴻⴷ ⴰⵔⴽⴰⴱ, ⴷⴻⴳ ⵜⴻⵙⵖⵉⵎⵜ ⵏ ⵓⵖⵍⵉⴼ, ⵉⴷ ⵏ ⵢⵉⵡⴻⵜ ⵏ ⵜⵎⴰⴳⵍⴰ ⵜⴰⵡⴰⵎⵏⵉⵜ ⵜⴰⵏⵉⵊⵉⵔⵉⵜ ⵉ ⴷ-ⵢⴻⴷⴷⴰⵏ ⵢⵉⴷ-ⵙ, ⵙ ⵜⵉⵀⴰⵡⵜ ⵏ ⵜⴰⵎⴰⵔⴰⵢⵜ ⵏ ⵓⵡⴰⵏⴰⴽ ⵖⴻⵔ ⵓⵏⴻⵖⵍⴰⴼ ⵏ ⵢⵉⵎⴻⵔⵖⴰ ⴷ ⵢⵉⵏⴰⵖⵣⴻⵏ, ⵉ ⴷ-ⵢⴻⵍⵀⴰⵏ ⵙ ⵢⵉⵏⴰⵖⵣⴻⵏ, ⴽⴰⵔⵉⵎⴰ ⴱⴰⴽⵉⵔ ⵜⴰⴼⴻⵔ, ⴷ ⵓⵏⵎⴰⵣⵓⵍ ⵏ ⵓⵙⴻⵍⵡⴰⵢ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⴱⵔⴰⵀⵉⵎ ⴼⴰⴽⵀoⵓⵔ, ⵖⴻⵔ ⵢⵉⴷⵉⵙ ⵏ ⵓⵏⵎⴰⵣⴰⵍ ⴰⵏⵉⵊⵉⵔⵉ ⴷⴻⴳ ⴷⵣⴰⵢⴻⵔ ⴷ ⵢⵉⵎⴰⵙⴰⵢⴻⵏ ⵏ ⵓⵖⵍⵉⴼ.
ⵉⵍⵎⴻⵏⴷ ⵏ ⵜⴻⵎⵍⵉⵍⵉⵜ-ⴰ, ⵢⵓⵎⴻⵍ-ⴷ ⵎⴰⵙⵙ ⴰⴱⴱⴰⵙ « ⵓⵙⵙⵉⵙⴻⵏ ⵏ ⴷⵣⴰⵢⴻⵔ ⴷⴻⴳ ⵓⴷⵀⴰⵍ ⵏ ⵜⵙⴻⵏⵜⴰⵢⵉⵏ ⵏ ⵓⵏⵎⵉⵔⴻⴳ ⴰⴼⵔⵉⵇⵉ, ⵍⴰⴷⵖⴰ ⵙ ⵓⵙⴻⵏⴼⴰⵔ ⵏ ⵓⵙⴻⵍⴷⴰ ⵏ ⵡⵓⵔⵔⵉⴳ ⴰⵣⴳⴻⵔⵏⵉⵔⴰⵏ, ⴷ ⴰⵙⴻⵏⴼⴰⵔ ⵉⵣⴻⵎⵔⴻⵏ ⴰⴷ ⴷ-ⵢⴻⵜⵜⵡⴰⵙⴻⴽⵎⴻⵎ ⴷ ⴰⴷ ⵢⴻⵜⵜⵡⴰⵙⴻⴹⵔⵓ, ⵍⴰⴷⵖⴰ ⵉⵎⵉ ⵉ ⵢⴻⵙⵙⴰⵖⴰⵔ ⴽⵔⴰⴹ ⴽⴰⵏ ⵏ ⵜⵎⵓⵔⴰ », ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ.
ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵢⵉⵎⴰⵣⴰⵏⴻⵏ ⵏ ⵏⵉⵊⵉⵔⵢⴰ ⵉⴱⴻⵢⵢⴻⵏ-ⴷ ⴷⴰⵖ « ⵜⵓⵎⴻⵔⵜ ⴷ ⵣⵣⵓⵅ ⵏ ⵜⵎⵓⵔⵜ-ⵏⵏⴻⵙ ⵙ ⵡⴰⵙⵙⴰⵖⴻⵏ ⵏ ⵓⵏⵎⵉⵔⴻⴳ ⵉⵎⴻⵣⵔⵓⵢⴰⵏⴻⵏ ⴷ ⴷⵣⴰⵢⴻⵔ », ⵢⴻⵔⵏⵓ ⵉⵡⴻⴽⴽⴻⴷ-ⴷ « ⴰⵎⵎⵓⵜⴻⴳ ⵏ ⵏⵉⵊⵉⵔⵢⴰ ⴰⴽⴽⴻⵏ ⴰⴷ ⵜⴻⵙⵙⴻǧⵀⴻⴷ ⴰⵙⵙⴻⵎⵢⵓⴷⴷⴻⵙ ⴷ ⵓⵎⴰⵀⵉⵍ ⵓⴱⵍⵉⴳ ⵉ ⵓⵙⴻⵖⵏⴻⵡ ⵏ ⵢⵉⵙⴻⵏⴼⴰⵔⴻⵏ ⵉⵙⵏⵓⴷⴷⵙⴰⵏⴻⵏ ⵉ ⴷ-ⵢⴻⵜⵜⴰⵡⵉⵏ ⵜⴰⵏⴰⴼⵓⵜ ⴷ ⵜⴱⴰⵖⵓⵔⵜ ⵜⵓⴱⵍⵉⴳⵜ, ⵍⴰⴷⵖⴰ ⴷⴻⴳ ⵢⴻⴳⵣⵓⵎⴻⵏ ⵉⵎⴻⴷⴷⵓⵔⴰⵏⴻⵏ », ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵖⴱⴰⵍⵓ-ⴰ.
ⵜⵉⵎⵍⵉⵍⵉⵜ-ⴰ ⵜⴻⵍⵍⴰ-ⴷ ⴷ « ⵜⴰⵍⴻⵎⵎⵉⵥⵜ ⵉ ⵓⵙⴻⵍⵇⴻⵢ ⵏ ⵓⵎⵛⵉⵡⴻⵕ ⴷ ⵓⵎⵙⴻⵏⴼⴻⵍ ⵏ ⵜⵎⵓⵖⵍⵉⵡⵉⵏ ⵖⴻⴼ ⵢⵉⴳⵍⴰⵏ ⵏ ⵓⵏⵎⵉⵔⴻⴳ ⴰⵙⵉⵏⴷⵙⴰⵏ ⴳⴰⵔ ⴷⵣⴰⵢⴻⵔ ⴷ ⵏⵉⵊⵉⵔⵢⴰ, ⵍⴰⴷⵖⴰ ⴷⴻⴳ ⵜⵖⵓⵍⴰ ⵏ ⵢⵉⵎⴻⵔⵖⴰ ⴷ ⵢⵉⵏⴰⵖⵣⴻⵏ », ⵎⴰⵏⵉ ⵙⵉⵏ-ⴰ ⵏ ⵢⵉⴷⵉⵙⴰⵏ ⵓⵜⵍⴰⵏ-ⴷ ⵖⴻⴼ ⵓⵙⴻⵏⴼⴰⵔ ⵏ ⵓⵙⴻⵍⴷⴰ ⵏ ⵡⵓⵔⵔⵉⴳ ⴰⵣⴳⴻⵔⵏⵉⵔⴰⵏ, « ⵉⵎⵉ ⵢⴻⵍⵍⴰ ⴷ ⵢⵉⵡⴻⵏ ⵙⴻⴳ ⵢⵉⵙⴻⵏⴼⴰⵔⴻⵏ ⵏ ⵜⴻⵥⵡⴻⵔⵜ ⵜⵉⵎⵏⴰⴹⴰⵏⵉⵏ ⵉ ⵢⴻⵙɛⴰⵏ ⴰⵣⴰⵍ ⴰⵎⴻⵇⵔⴰⵏ, ⵉⵙⵡⵉ-ⵏⵏⴻⵙ ⴷ ⵜⵓⵇⵇⵏⴰ ⵏ ⵜⵉⵣⴰⵔ ⵏ ⵡⵓⵔⵔⵉⴳ ⵏ ⵏⵉⵊⵉⵔⵢⴰ ⵖⴻⵔ ⵓⵥⴻⴹⵡⵓ ⴰⴷⵣⴰⵢⵔⵉ ⴰⴽⴽⴻⵏ ⴰⴷ ⵓɛⴰⵏ ⵖⴻⴼ ⵓⵙⵓⵜⴻⵔ ⵏ ⵡⵓⵔⵔⵉⴳ ⵉ ⵍⴰ ⵢⴻⵜⵜⵏⴻⵔⵏⵉⵏ, ⴰⵎⴰ ⴷⴻⴳ ⵓⵍⵣⵓⵣⴻⵏ ⵏ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⵜⵉⵏⴰⴳⴰⵔⵉⵏ, ⴰⵎⴰ ⴷⴻⴳ ⵓⵍⵣⵓⵣⴻⵏ ⵏ ⵜⵓⵕⵓⴼⵜ ».
ⵜⵉⵎⵍⵉⵍⵉⵜ-ⴰ ⵜⴻⵙⵙⴻⴽⵢⴻⴷ ⴰⴷⴷⴰⴷ ⵏ ⵜⵉⴷⴷⵉⵜ ⴷⴻⴳ ⵢⵉⵎⴰⵀⵉⵍⴻⵏ ⵢⴻⵔⵣⴰⵏ ⵜⴻⵣⵔⵡⴰⵜ ⵏ ⵜⴰⵖⴰⵔⴰ ⴷ ⵜⵣⴻⵎⵎⴰⵔ ⵜⵉⵜⵡⵉⵍⴰⵏⵉⵏ ⴷ ⵜⴷⴰⵎⵙⴰⵏⵉⵏ ⵉ ⴷ-ⵛⴰⵔⴻⵏ ⴷⴻⴳ ⵎⴻⵖⵔⴻⵙ ⵢⴻⵣⵔⵉⵏ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵍⵖⵓ-ⴰ.
ⵏⵏⵉⴳ ⵏ ⵡⴰⵢⴰ, ⵙⵉⵏ-ⴰ ⵏ ⵢⵉⴷⵉⵙⴰⵏ ⵏⴰⴷⵉⵏⵖⴻⴼ ⵜⵣⴻⵎⵎⴰⵔ ⵏ ⵓⵙⵙⴻⵎⵖⴻⵔ ⵏ ⵜⵖⵓⵍⴰ ⵏ ⵓⵏⵎⵉⵔⴻⴳ ⴰⴽⴽⴻⵏ ⴰⴷ ⵟⵟⴼⴻⵏⵜ ⵉⴳⵣⵓⵎⴻⵏ ⵢⴻⵙɛⴰⵏ ⵜⵓⵣⵡⵉⵔⵜ ⴷ ⵓⵏⴻⴽⵏⵉ ⵓⴱⵍⵉⴳ, ⵢⴻⵔⵏⵉ ⵎⵙⴻⵏⴼⴰⵍⴻⵏ ⵜⵉⵔⵎⵉⵜⵉⵏ ⴷ ⵜⵎⵓⵙⵙⵏⵉⵡⵉⵏ ⴷⴻⴳ ⵜⵖⵓⵍⴰ ⵏ ⵓⵙⵓⴷⴷⴻⵙ, ⴰⵙⵉⵍⴻⵖ, ⴷ ⵓⵙⵎⵓⵜⴻⴳ ⵏ ⵜⴻⵣⵔⴰⵡⵉⵏ ⵜⵉⵙⵙⵏⵓⴷⴷⵙⴰⵏⵉⵏ ⵢⴻⵇⵇⵏⴻⵏ ⵖⴻⵔ ⵡⴻⴳⵣⵓⵎ ⵏ ⵢⵉⵎⴻⵔⵖⴰ.
ⴰⵔⵏⵓ ⵖⴻⵔ
