ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴻⵊⴷⴻⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⴱⴻⵍⵍⵉ ⴰⴷ ⴱⴷⵓⵏ ⴰⵙⴻⴷⵎⴻⵔ ⵏ ⵓⵙⴻⵏⴼⴰⵔ ⵏ ⵓⴱⴻⵍⵍⵉⵄ ⵏ ⵓⴳⴰⵣ ⵉ ⵢⴻⵣⴳⴻⵔⵏ ⵜⵚⴻⵀⵔⴰ ⴷⴻⴳ ⵡⴰⴽⴰⵍ ⵏ ⵜⴳⴷⵓⴷⴰ ⵏ ⵏⵏⵉⵊⴻⵔ, ⵉⵎⵉⵔⴻⵏ ⴽⴰⵏ ⵎⴱⴰⵄⴻⴷ ⵡⴰⴳⴳⵓⵔ ⵏ ⵔⴻⵎⴹⴰⵏ.
ⴷⴻⴳ ⵢⵉⵡⴻⵏ ⵡⴰⵡⴰⵍ ⵢⴻⴷⴷⵓⴽⴽⵍⴻⵏ ⴷ ⵓⵙⴻⵍⵡⴰⵢ ⵏ ⵜⴳⴷⵓⴷⴰ ⵏ ⵏⵏⵉⵊⴻⵔ, ⴰⵎⵙⴻⵍⵡⴰⵢ ⵏ ⵓⵡⴰⵏⴰⴽ, ⵍⴼⵔⵉⵇ ⵄⴻⴱⴷⵓⵍⵔⵔⴰⵃⵎⴰⵏ ⵜⵢⴰⵏⵉ, ⵎⴱⴰⵄⴻⴷ ⵜⵉⵎⵙⵍⴰⵢⵉⵏ ⵉ ⵜⴻⵏ-ⵢⴻⵙⵏⴻⵊⵎⴰⵄⴻⵏ ⴷⴻⴳ ⵡⴰⵅⴰⵎ ⵏ ⵜⵙⴻⵍⵡⵉⵜ ⵏ ⵜⴻⴳⴷⵓⴷⴰ, ⵎⴰⵙⵙ ⴰⵙⴻⵍⵡⴰⵢ ⵢⴻⵏⵏⴰ-ⴷ: "ⵎⵙⴰⴼⴰⵏⴰⵏ ⵯⴻⴼ ⵓⴱⴻⴷⴷⵓ ⵏ ⵓⵙⴻⵏⴼⴰⵔ ⵏ ⵓⴱⴻⵏⵏⵉ ⵏ ⵓⴱⴻⵍⵍⵉⵄ ⵏ ⵓⴳⴰⵣ ⵉ ⵢⴻⵣⴳⴻⵔⵏ ⵜⵚⴻⵀⵔⴰ ⴷⴻⴳ ⵡⴰⴽⴰⵍ ⵏ ⵏⵏⵉⵊⴻⵔ ⴰⵎⴰⵣⵓⵣ ⵉⵎⵉⵔⴻⵏ ⴽⴰⵏ ⵎⴱⴰⵄⴻⴷ ⵡⴰⴳⴳⵓⵔ ⵏ ⵔⴻⵎⴹⴰⵏ", ⵢⴻⵔⵏⴰ ⵢⴻⵙⵙⴻⴽⵏ-ⴷ ⴱⴻⵍⵍⵉ "ⵜⵜⴻⵛⴰⵔⵉⴽⴰ ⵏ ⵙⵓⵏⴰⵟⵔⴰⴽ ⴰⴷ ⵜⴻⵟⵟⴻⴼ ⵜⴰⵎⴰⵙⵉⵜ ⵢⴻⵔⵏⴰ ⴰⴷ ⵜⴻⴱⴷⵓ ⴰⵙⴻⵔⵙ ⵏ ⵓⴱⴻⵍⵍⵉⵄ ⴰⵔⴰ ⵢⴻⵣⴳⵔⴻⵏ ⵏ ⵏⵏⵉⵊⴻⵔ".
ⴷⴻⴳ ⵓⵃⵔⵉⵛ ⵏ ⵓⵎⴻⵏⵏⵓⵖ ⵎⴳⴰⵍ ⵏ ⵔⵔⵀⵉⴱ , ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵙⵙⴻⵊⴷⴻⴷ ⴱⴻⵍⵍⵉ ⵙⵏⴰⵜ ⵏ ⵜⵎⵓⵔⴰ-ⴰⴳⵉ ⵍⵍⴰⵏⵜ ⴷⴻⴳ ⵢⵉⵡⴻⵜ ⵏ ⵜⴽⴻⵔⵔⵉⵛⵜ, ⵢⴻⵔⵏⴰ ⵢⴻⵏⵏⴰ-ⴷ: "ⴰⴷ ⵏⴻⵎⵢⴰⵡⴰⵙ ⵙ ⵜⵉⵣⵎⴰⵔ ⵏⵏⴻⵖ ⴰⴽⴽ ⴷ ⵜⵎⵓⵙⵏⵉ ⴷ ⵜⵉⵔⵎⵉⵣⵜ ⵉ ⵜⴻⵙⵄⴰ ⵍⵣⵣⴰⵢⴻⵔ" ⴷⴻⴳ ⵓⵃⵔⵉⵛ-ⴰⴳⵉ.
ⵎⴱⴰⵄⴻⴷ ⵎⴰ ⵢⴻⵏⵏⴰ ⴱⴻⵍⵍⵉ "ⵍⴰⵎⴰⵏ ⵏ ⵏⵏⵉⵊⴻⵔ ⴷ ⵍⴰⵎⴰⵏ ⵏ ⵍⵣⵣⴰⵢⴻⵔ", ⴰⵙⴻⵍⵡⴰⵢ ⵜⴻⴱⴱⵓⵏ ⵢⴻⵏⵏⴰ ⵉ ⵓⵏⴻⴱⴳⵉ ⵏ ⵍⵣⵣⴰⵢⴻⵔ: "ⵉⵍⵉ-ⴽ ⴷ ⴰⵎⵙⴻⵜⴱⴰⵄ, ⴰⵢ ⵓⵙⴻⵍⵡⴰⵢ ⴳⵎⴰ-ⵢⵉ, ⴱⴻⵍⵍⵉ ⴰⴷ ⵏⵉⵍⵍⵉ ⴷⴰⵢⵎⴻⵏ ⴷⴻⴳ ⵢⵉⵡⴻⵏ ⵓⴱⵔⵉⴷ ⴷ ⵢⵉⵢⵉⵜⵎⴰⵜⴻⵏ-ⵏⵏⴻⵖ ⵏ ⵏⵏⵉⵊⴻⵔ ⴷⴻⴳ ⵢⴰⵍ ⵜⴰⵍⵍⵉⵜ".
ⵢⴻⵙⵙⵉⵔⴻⵎ ⴷⴰⵯⴻⵏ ⴰⴷ ⵜⴻⵎⵍⵉⵍ ⵜⵙⴻⵇⵇⴰⵎⵓⵜ ⵢⴻⴷⴷⵓⴽⴽⵍⴻⵏ ⴳⴰⵔ ⵍⵣⵣⴰⵢⴻⵔ ⴷ ⵏⵏⵉⵊⴻⵔ ⵎⴱⴰⵄⴻⴷ ⵡⴰⴳⴳⵓⵔ ⵏ ⵔⴻⵎⴹⴰⵏ ⵉ ⵡⴰⴽⴽⴻⵏ ⴰⴷ ⵙⵊⴻⵀⴷⴻⵏ ⴰⵢⴻⵏ ⵖⴻⴼ ⵎⵙⴰⴼⴰⵏ ⵢⴻⵔⵏⴰ ⴰⴷ ⵜ-ⵅⴷⴻⵎⴻⵏ ⴷⴻⴳ ⵡⴰⵏⵏⴰⵔ.
ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵙⵙⵉⵡⴻⵍ-ⴷ ⴷⴰⵯⴻⵏ ⵯⴻⴼ ⵢⵉⵙⴻⵏⴼⴰⵔⴻⵏ ⵢⴻⵎⵢⴰⵡⴰⵙⴻⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⴷⴻⴳ ⵡⴰⵟⴰⵙ ⵏ ⵢⵉⵃⵔⵉⵛⴻⵏ, ⴰⵎ ⵜⵣⵎⴻⵔⵜ, ⵢⴻⵏⵏⴰ-ⴷ ⴱⴻⵍⵍⵉ ⴰⴷ ⵙⴱⴻⴷⴷⴻⵏ ⵢⵉⵡⴻⵏ ⵡⴰⵎⵎⴰⵙ ⵏ ⵓⵙⵙⵉⴼⴻⵊ ⵏ ⵢⵉⵯⴻⵙ ⴷ ⵡⴰⵅⴰⵎ ⵏ ⵢⵉⵙⴰⵍⵍⴻⵏ ⴷⴻⴳ ⵜⴰⵎⴰⵏⴻⵖⵜ ⵏⵏⵢⴰⵎⵉ. ⵢⴻⵙⵙⴻⵊⴷⴻⴷ ⴱⴻⵍⵍⵉ ⵍⵣⵣⴰⵢⴻⵔ "ⵓⵔ ⵜⴻⵟⵟⵉⴼⴼ ⴰⵔⴰ ⴰⴼⵓⵙ-ⵉⵙ ⵯⴻⴼ ⵜⵎⵓⵔⵜ ⵏ ⵏⵏⵉⵊⴻⵔ ⵜⴰⵎⴰⵣⵓⵣⵜ ⴷⴻⴳ ⴽⵓⵍ ⴰⵢⴻⵏ ⵜⴻⵣⵎⴻⵔ ⴰⴷ ⵜ-ⵜⴻⴼⴽ".
ⴰⵔⵏⵓ ⵖⴻⵔ
