ⵉⴳⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴵⵉⴷ ⵜⴻⴱⴱⵓⵏ, ⵜⴰⵎⴻⴷⴷⵉⵜ ⵏ ⵢⵉⴹⴻⵍⵍⵉ ⵍⵃⴻⴷ, ⵜⵉⵖⴰⵡⴰⵍⵢⵉⵏ ⵏ ⵜⵉⵍⵉⵖⵔⵉ ⴷ ⵡⴰⵜⵎⴰⵜⴻⵏ-ⵉⵙ ⵉⵎⴻⵇⵔⴰⵏⴻⵏ ⵏ ⴽⵔⴰ ⵏ ⵜⵎⵓⵔⴰ ⵜⴰⵄⵔⴰⴱⵉⵏ ⴰⵜⵎⴰⵜⴻⵏ, ⵎⵎⴻⵙⵍⴰⵢⴻⵏ ⴷⴻⴳ-ⵙⴻⵏⵜ ⵖⴻⴼ ⵢⵉⵎⴰⵢⵏⵓⵜⴻⵏ ⴷ ⵓⵏⴻⵔⵏⵉ ⵏ ⵛⵛⵡⴰⵍ ⴰⵙⴻⵔⴷⴰⵙ ⵉ ⴷⴻⴳ ⵜⵜⴻⴷⴷⴻⵔ ⵜⴻⵎⵏⴰⴹⵜ ⵏ ⵡⴻⴳⵎⵓⴹ ⴰⵍⴻⵎⵎⴰⵙ.
ⵉⴳⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⵉⵖⴰⵡⴰⵍⵉⵜ ⵏ ⵜⵉⵍⵉⵖⵔⵉ ⴷ ⴳⵎⴰ-ⵙ ⴰⴳⴻⵍⴷⵓⵏ ⴰⵎⵓⵔⴰⵡ ⵏ ⵜⴳⴻⵍⴷⴰ ⵜⴰⵄⵔⴰⴱⵜ ⵜⴰⵙⴰⵄⵓⴷⵉⵜ, ⵎⴰⵙⵙ ⵎⵓⵃⴻⵎⵎⴻⴷ ⴱⴻⵏ ⵙⴻⵍⵎⴰⵏ, ⴰⵏⴷⴰ ⵉⵙⵙⴻⵇⵙⴰ ⴼⴻⵍⵍ-ⴰⵙ, ⵖⴻⴼ ⵓⴳⴻⵍⵍⵉⴷ ⵏ ⵜⴳⴻⵍⴷⴰ (ⴰⵅⴻⴷⴷⴰⵎ ⵏ ⵍⵃⴰⵔⴰⵎⴰⵢⵏ ⵛⵛⴰⵔⵉⴼⴰⵢⵏ) ⴰⴽⴽ ⴷ ⵡⴻⴳⴷⵓⴷ ⴰⵙⴰⵄⵓⴷⵉ ⴳⵎⴰ-ⵜⵏⴻⵖ ⴷⴻⴳ ⵜⴻⴳⵏⴰⵜⵉⵏ-ⴰ ⵜⵉⵡⴻⵄⵔⴰⵏⵉⵏ ⵉ ⴷ-ⵜⴻⵜⵜⵉⴷⵉⵔ ⵜⴻⵎⵏⴰⴹⵜ ⵏ ⵡⴻⴳⵎⵓⴹ ⴰⵍⴻⵎⵎⴰⵙ, ⵉⴱⴻⴳⴳⴻⵏ-ⴷ ⴰⵙⵉⵔⴻⵎ-ⵉⵙ ⵉ ⵜⵓⵖⴰⵍⵉⵏ ⵏ ⵜⴰⵍⵡⵉⵜ ⴷ ⵍⴰⵎⴰⵏ ⴷⴻⴳ "ⵡⵓⵙⵙⴰⵏ ⵉ ⴷ-ⵉⵜⴻⴷⴷⵓⵏ ⵙ ⵍⴻⵎⵖⴰⵡⵍⴰ".
ⴰⵎ ⵡⴰⴽⴽⴻⵏ ⵉⴳⴰ ⵎⴰⵙⵙ ⴰⵙⴻⵍⵡⴰⵢ ⵜⵉⵖⴰⵡⴰⵍⵉⵜ ⵏ ⵜⵉⵍⵉⵖⵔⵉ ⴷ ⴳⵎⴰ-ⵙ ⵄⴻⴱⴷⴻⵍⵍⴰⵀ ⵡⵉⵙ ⵙⵉⵏ, ⴰⴳⴻⵍⵍⵉⴷ ⵏ ⵜⴳⴻⵍⴷⴰ ⵏ ⵓⵔⴷⵓⵏ, ⵎⵎⴻⵙⵍⴰⵢⴻⵏ ⵖⴻⴼ ⵜⴻⴳⵏⴰⵜⵉⵏ ⵏ ⵜⴻⵎⵏⴰⴹⵜ ⴷ ⵡⴰⵎⴻⴽ ⴰⵔⴰ ⵃⵓⵣⴻⵏⵜ ⴰⴳⴷⵓⴷ ⵓⵔⴷⵓⵏⵉ ⴳⵎⴰ-ⵜⵏⴻⵖ, ⵢⴻⵙⵙⴰⵔⴻⵎ-ⴰⵙ "ⵜⵓⵖⴰⵍⵉⵏ ⵏ ⵜⴰⵍⵡⵉⵜ ⴷ ⵍⴻⵀⵏⴰ ⵉ ⵜⴳⴻⵍⴷⴰ ⴷ ⵜⴻⵎⵏⴰⴹⵜ ⵎⴻⵕⵕⴰ".
ⵉⴳⴰ ⴷⴰⵖⴻⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⵉⵖⴰⵡⴰⵍⵉⵜ ⵏ ⵜⵉⵍⵉⵖⵔⵉ ⴷ ⴳⵎⴰ-ⵙ ⵛⵛⵉⵅ ⵜⴰⵎⵉⵎ ⴱⴻⵏ ⵃⴰⵎⴰⴷ ⴰⵍ ⵜⴰⵏⵉ, ⴰⵎⴻⵇⵔⴰⵏ ⵏ ⵜⵎⵓⵔⵜ ⵏ ⵇⴰⵟⴰⵔ, ⵎⵎⴻⵙⵍⴰⵢⴻⵏ ⵖⴻⴼ ⵡⴰⵎⴻⴽ ⵜⴻⵜⵜⴻⴷⴷⵓ ⵜⴻⴳⵏⵉⵜ ⴷⴻⴳ ⵡⴻⴳⵎⵓⴹ ⴰⵍⴻⵎⵎⴰⵙ, ⴰⵏⴷⴰ ⵉⴱⴻⴳⴳⴻⵏ-ⴷ ⵎⴰⵙⵙ ⴰⵙⴻⵍⵡⴰⵢ ⵜⴰⵍⵍⴻⵍⵜ-ⵉⵙ ⵜⵓⴽⵎⵉⵍⵜ ⵉ ⵓⵇⴻⴷⴷⴰⵛ ⵏ ⵡⴻⵎⵍⵉⵍⵉ (ⵡⴰⵙⴰⵟⴰ) ⵏ ⵓⵎⴻⵇⵔⴰⵏ ⵏ ⵜⵎⵓⵔⵜ ⵏ ⵇⴰⵟⴰⵔ ⵉ ⵡⴰⴽⴽⴻⵏ ⴰⴷ ⵢⴻⵜⵜⵡⴰⵃⴱⴻⵙ ⵍⵃⴻⵕⵙ ⴰⵡⴻⵄⵔⴰⵏ ⵉ ⴷ-ⵢⴻⵜⵜⵉⴷⵉⵔ ⵡⴻⴳⵎⵓⴹ ⴰⵍⴻⵎⵎⴰⵙ, ⵢⴻⵙⵙⴰⵔⴻⵎ "ⵜⵓⵖⴰⵍⵉⵏ ⵙ ⵍⴻⵎⵖⴰⵡⵍⴰ ⵏ ⵍⴻⵀⵏⴰ ⴷ ⵜⴰⵍⵡⵉⵜ ⵖⴻⵔ ⵜⴻⵎⵏⴰⴹⵜ".
ⵙ ⵜⴻⴳⵏⵉⵜ-ⴰ, ⵉⴳⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⵉⵖⴰⵡⴰⵍⵉⵜ ⵏ ⵜⵉⵍⵉⵖⵔⵉ ⴷ ⴳⵎⴰ-ⵙ ⴰⴳⴻⵍⵍⵉⴷ ⴰⵙⴻⵍⵟⴰⵏ ⵀⴰⵢⵟⴰⵎ ⴱⴻⵏ ⵟⴰⵔⵉⵇ, ⴰⵙⴻⵍⵟⴰⵏ ⵏ ⵄⵓⵎⵎⴰⵏ ⴳⵎⴰ-ⵜⵏⴻⵖ, ⵎⵎⴻⵙⵍⴰⵢⴻⵏ ⵖⴻⴼ ⵢⵉⵎⴰⵢⵏⵓⵜⴻⵏ ⵏ ⵍⵃⴻⵕⵙ ⴰⵙⴻⵔⴷⴰⵙ ⴰⵡⴻⵄⵔⴰⵏ ⵉ ⴷ-ⵜⴻⵜⵜⵉⴷⵉⵔ ⵜⴻⵎⵏⴰⴹⵜ ⵏ ⵡⴻⴳⵎⵓⴹ ⴰⵍⴻⵎⵎⴰⵙ, ⴰⵏⴷⴰ ⵉⵙⴻⴱⴳⴻⵏ-ⴷ ⵎⴰⵙⵙ ⴰⵙⴻⵍⵡⴰⵢ ⵉ ⵓⴳⴻⵍⵍⵉⴷ ⴰⵙⴻⵍⵟⴰⵏ ⴰⵙⵉⵔⴻⵎ-ⵉⵙ ⵉ ⵜⵓⵖⴰⵍⵉⵏ ⵏ ⵍⴰⵎⴰⵏ, ⵜⴰⵍⵡⵉⵜ ⴷ ⵍⴻⵀⵏⴰ ⵖⴻⵔ ⵜⴻⵎⵏⴰⴹⵜ, ⵢⴻⵔⵏⴰ ⵉⵙⴻⴱⴳⴻⵏ-ⴷ ⴰⵣⴰⵍ ⴰⵎⴻⵇⵔⴰⵏ ⵏ "ⵡⴻⵎⵍⵉⵍⵉ ⵏ ⵄⵓⵎⵎⴰⵏ ⴷ ⵢⵉⴳⴻⵎⴹⴰⵏ ⵢⴻⵍⵀⴰⵏ ⴰⵟⴰⵙ ⵉ ⴷ-ⵜⴻⵡⵡⵉ".
ⵉⴳⴰ ⴷⴰⵖⴻⵏ ⵎⴰⵙⵙ ⴰⵙⴻⵍⵡⴰⵢ ⵜⵉⵖⴰⵡⴰⵍⵉⵜ ⵏ ⵜⵉⵍⵉⵖⵔⵉ ⴷ ⴳⵎⴰ-ⵙ ⵛⵛⵉⵅ ⵎⴻⵛⵄⴻⵍ ⵍⵃⴻⵎⴻⴷ ⵍⴵⴰⴱⴻⵔ ⵚⵚⴰⴱⴰⵃ, ⴰⵎⴻⵇⵔⴰⵏ ⵏ ⵜⵎⵓⵔⵜ ⵏ ⵍⴽⵓⵡⵉⵜ ⴳⵎⴰ-ⵜⵏⴻⵖ, ⵎⵎⴻⵙⵍⴰⵢⴻⵏ ⵖⴻⴼ ⵡⴻⵏⵇⴰⵙ ⴰⵎⴻⵇⵔⴰⵏ ⵏ ⵍⴰⵎⴰⵏ ⵉ ⴷ-ⵢⴻⵜⵜⵉⴷⵉⵔ ⵡⴻⴳⵎⵓⴹ ⴰⵍⴻⵎⵎⴰⵙ.
ⵉⴱⴻⴳⴳⴻⵏ-ⴷ ⵎⴰⵙⵙ ⴰⵙⴻⵍⵡⴰⵢ ⵉ ⴳⵎⴰ-ⵙ ⴰⵎⴻⵇⵔⴰⵏ ⵏ ⵜⵎⵓⵔⵜ ⵏ ⵍⴽⵓⵡⵉⵜ ⴳⵎⴰ-ⵜⵏⴻⵖ "ⵜⴰⵍⵍⴻⵍⵜ-ⵉⵙ ⵉ ⵡⵓⵙⵔⴻⵙ ⵏ ⵜⴰⵍⵡⵉⵜ ⴷ ⵍⴰⵎⴰⵏ ⵙ ⵍⴻⵎⵖⴰⵡⵍⴰ, ⵉ ⵡⴰⴽⴽⴻⵏ ⴰⴷ ⵜⵜⵡⴰⵃⴻⵔⵣⴻⵏⵜ ⵍⴼⴰⵢⴷⴰⵜ ⴷ ⵍⴰⵎⴰⵏ ⵏ ⵡⴻⴳⴷⵓⴷ ⵏ ⵍⴽⵓⵡⵉⵜ ⴳⵎⴰ-ⵜⵏⴻⵖ".
ⴰⵔⵏⵓ ⵖⴻⵔ
