ⵉⵙⵓⴼⴼⴻⵖ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⴷⴻⴳ ⵜⵖⵉⵎⵉⵜ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵏ ⵡⴰⵙⵙ-ⴰ ⵏ ⵍⵀⴻⴷ, ⵜⵓⴽⴽⵉⵙⵜ ⵏ ⵜⵏⴻⵎⵎⵉⵔⵜ ⵉ ⵓⵏⵏⴰⵔ ⵏ ⵜⵏⵉⵎⴰⵏⵜ ⴷ ⵍⴱⴰⵏⴽⴰ ⵏ ⵍⴻⵣⵣⴰⵢⴻⵔ ⵖⴻⴼ ⵍⵎⴻⴶⵀⵓⴷⴰⵜ ⵉ ⵢⴻⴶⴶⴰⵏ ⵜⵎⵓⵔⵜ ⴰⴷ ⴷ-ⵜⵓⴼⴼⴻⵖ ⵙⴻⴳ ⵜⴻⴱⴰⵍⴰⵅⵜ ⵜⴰⵎⵖⵉⵜ ⵏ ⵜⴻⴳⵔⵓⵎⵎⴰ ⵏ ⵓⵎⴰⵀⵉⵍ ⵏ ⵜⴻⴷⵔⵉⵎⵜ "ⴳⴰⴼⵉ".
ⴷⴻⴳ ⵓⵙⵉⵡⴹ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ, ⴰⵙⴻⵍⵡⴰⵢ ⵉⵙⵉⵡⴹ-ⴰⵙ-ⴷ ⵜⴰⵊⵎⵉⵍⵜ ⵉ ⵓⵏⴻⵖⵍⴰⴼ ⵏ ⵜⴻⴷⵔⵉⵎⵜ ⴷ ⵓⵎⵙⴻⴳⵍⴰⵡⴰⵢ ⵏ ⵍⴱⴰⵏⴽⴰ ⵏ ⵍⴻⵣⵣⴰⵢⴻⵔ ⵙ ⵜⵎⵓⵖⵍⵉ ⵓⴼⵔⵉⵏⴻⵏ, ⴷ ⵢⴰⴽⴽ ⵢⵉⵎⴹⴻⴱⴱⵔⴻⵏ ⴷ ⵢⵉⵎⴰⵀⵍⴰⵏⴻⵏ ⵏ ⵓⵏⵏⴰⵔ ⵏ ⵜⵏⵉⵎⴰⵏⵜ ⵙ ⵜⵎⵓⵖⵍⵉ ⵜⴰⵎⴰⵜⵓⵜ.
ⵉⵙⵎⴻⴽⵜⵉ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴷⴻⴳ ⵓⵣⴻⵏⵣⵉⵖ ⵏ ⵓⴳⴻⵎⵓ-ⴰⴳⵉ ⴰⵎⴻⵇⵇⵔⴰⵏ, ⴱⴻⵍⵍⵉ ⵙⵙⵢⵉⴼⴰ ⵏ ⵍⴻⵣⵣⴰⵢⴻⵔ ⵜⵣⴻⵔ ⴷⴷⵉⵇ ⴰⵎⴻⵇⵇⵔⴰⵏ ⴷⴻⴳ ⵓⵙⵡⵉⵔ ⴰⴳⵔⴻⵖⵍⴰⵏ ⵙ ⵙⴻⴱⴱⴰ ⵏ ⵓⵃⵓⵟⵟⵓ ⵏ ⵜⴻⴷⵔⵉⵎⵜ ⴷ ⵜⴽⴻⵔⵔⵉⵛⵉⵏ ⵏ ⵓⵣⴻⵔⴼ ⵉ ⴷ-ⵢⵉⵍⵍⴰⵏ ⵓⵇⴱⴻⵍ ⵏ ⵓⵙⴻⴳⴳⴰⵙ ⵏ 2019. ⵉⵙⵔⴻⵚ ⴱⴻⵍⵍⵉ ⵜⴰⵏⴰⵖⵜⴰⵙⵜ-ⴰⴳⵉ ⴷ ⵓⵇⴱⴻⵍ ⴰⴳⵔⴻⵖⵍⴰⵏ ⴱⴻⵍⵍⵉ ⵍⴻⵣⵣⴰⵢⴻⵔ ⵏ ⵜⵓⵔⴰ ⵜⴱⴻⵄⵟⴻⴷ ⵙ ⵍⴻⴽⵎⴰⵍ ⵖⴻⴼ ⵜⴰⵍⵍⵉⵜ ⵏ ⵓⵙⵉⵣⴷⴻⴳ ⵏ ⵢⴻⴷⵔⵉⵎⴻⵏ ⴷ ⵜⴽⴻⵔⵔⵉⵛⵉⵏ ⵏ ⵜⵓⵣⵣⵢⵜ ⵏ ⵢⵉⴷⵔⵉⵎⴻⵏ .
ⵢⴻⴼⴽⴰ ⵜⵓⵔⴰⴹ ⵉ ⵢⵉⵏⴻⵖⵍⴰⴼⴻⵏ ⵏ ⵜⴻⴷⵔⵉⵎⵜ ⴷ ⵓⵣⴻⵔⴼ ⵉⵡⴰⴽⴽⴻⵏ ⴰⴷ ⵅⴻⴷⵎⴻⵏ ⵙ ⵍⵃⴻⵔⵙ ⴷ ⵏⴼⴰⵄ, ⵉⵡⴰⴽⴽⴻⵏ ⵓⵔ ⴷ-ⵜⵜⵎⴰⴳⴰⵔⴻⵏⵜ ⴰⵔⴰ ⵜⵓⵛⵛⴹⵉⵡⵉⵏ ⵏ ⵜⴻⴷⵔⵉⵎⵜ ⴷⴻⴳ ⵢⵉⵎⴰⵍ, ⵓ ⴰⴷ ⴷ-ⵜⴻⵕⵚⵓ ⵜⴼⴻⴼⴻⴼⴼⵉⵜ , ⵍⴰⴷⵖⴰ ⵙⴻⵍⴷ ⵢⵉⵙⵏⵉⵢⴰⵍⴻⵏ ⵉⴷⴰⵎⵙⴰⵏⴻⵏ, ⵏ ⵜⵏⵉⵎⴰⵏⵜ ⴷ ⵡⵉⴷ ⵏ ⵓⵣⴻⵔⴼ ⵉ ⴷ-ⵜⴻⵡⵡⵉ ⵍⴻⵣⵣⴰⵢⴻⵔ ⵙⴻⴳ 2019, ⵉ ⵓⵙⴻⴶⵀⴻⴷ ⵏ ⵙⵙⵢⵉⴼⴰ ⵏ ⵜⵎⵓⵔⵜ ⴷⴻⴳ ⵓⵎⴰⴹⴰⵍ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ.
ⴰⵔⵏⵓ ⵖⴻⵔ
