ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵡⴻⴽⴽⴻⴷ ⴰⴷⵀⴰⵍ ⵏ ⴷⵣⴰⵢⴻⵔ ⵓⵙⴱⵉⴹ ⵉ ⵓⴽⴰⵍⴰ ⵏ ⵓⵙⵏⴻⴳⵎⵓ ⴰⵎⴰⴽⴽⵉ ⴷⴻⴳ ⵜⴻⴼⵔⵉⵇⵜ

ⵢⵓⵍⴻⵙ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⴷⴻⴳ ⵡⴰⵙⵙ ⵏ ⵓⵙⵉⵏⴰⵙ, ⴰⵡⴻⴽⴽⴻⴷ-ⵏⵏⴻⵙ ⵖⴻⴼ ⵓⴷⵀⴰⵍ ⵓⵙⴱⵉⴹ ⵉ ⵜⴻⵙⵙⵎⴰⵀⵉ ⴷⵣⴰⵢⴻⵔ ⵉ ⵓⴽⴰⵍⴰ ⵏ ⵓⵙⵏⴻⴳⵎⵓ ⴰⵎⴰⴽⴽⵉ ⴷⴻⴳ ⵜⴻⴼⵔⵉⵇⵜ, ⵙⴻⴳ ⵓⵅⴻⵎⵎⴻⵎ-ⵏⵏⴻⵙ ⴱⴻⵍⵍⵉ ⵜⴰⵏⵓⴽⵔⵉ ⵜⴰⴷⴰⵎⵙⴰⵏⵜ ⵜⴻⴷⴻⵜⵜⴰⵏⵜ ⵓⵔ ⵜⴻⵜⵜⵍⵉ ⵛ ⵎⴻⴱⵍⴰ ⵓⵙⴻⴹⵔⴻⵡ ⵏ ⵜⴹⵓⵎⵚⵓⴽⵉⵏ ⵢⴻⵏⵏⵓⵎⵎⴷⴻⵏ ⵢⴻⵔⵏⵉ ⴷ ⴰⵜⵔⴰⵔ, ⵉ ⴷ-ⵉⵡⴰⵍⴰⵏ ⵓⴳⴳⵓⵎⴻⵏ ⵏ ⵢⵉⵖⴻⵔⴼⴻⵏ ⵏ ⵓⵎⴻⵏⵥⴰⵡ, ⵢⴻⵔⵏⵉ ⵜⴻⴳⴳⵓⵔ ⵜⴳⴰⵔⴰ ⵏ ⵢⵉⵛⵇⵉⵔⵔⵉⵡⴻⵏ ⵏ ⵓⵎⴰⴹⴰⵍ ⵢⴻⵜⵜⴱⴻⴷⴷⵉⵍⴻⵏ.

ⴷⴻⴳ ⵡⴰⵡⴰⵍ ⵢⴻⵖⵔⴰ-ⵜ ⵙ ⵢⵉⵙⴻⵎ-ⵏⵏⴻⵙ ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⵎⴰⵙⵙ ⴰⵣⵣⵓⵣ ⵏⴰⵙⵔⵉ, ⴷⴻⴳ ⵓⵍⴷⴰⵢ ⵏ ⵍⴻⵇⴷⵉⵛⴰⵜ ⵏ ⵜⵇⴰⵛⵓⵛⵜ ⵜⵉⵙ ⴽⵔⴰⴹ ⵏ ⵓⵙⵉⴷⵔⴻⵎ ⵏ ⵜⴹⵓⵎⵚⵓⴽⵜ ⴷⴻⴳ ⵜⴻⴼⵔⵉⵇⵜ, ⵢⴻⵎⵎⵓⴳⴳⴻⵏ ⴷⴻⴳ ⵍⵓⵡⴰⵏⴷⴰ, ⵙ ⵜⵙⴻⵍⵡⵉⵜ ⵏ ⵊⵓãⵓ ⵎⴰⵏⵓⴻⵍ ⵍⵓⵔⴻⵏçⵓ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵓⵏⴳⵓⵍⴰ ⴷ ⵓⵙⴻⵍⵡⴰⵢ ⴰⵎⵉⵔⴰⵏ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵢⴻⵙⵙⴻⴷⴷⵉ ⵓⵙⴻⵍⵡⴰⵢ ⵏ ⵜⴻⴳⴷⴷⴰ ⴱⴻⵍⵍⵉ ⴷⵣⴰⵢⴻⵔ ⴰⴷ ⵜⴻⵇⵇⵉⵎ ⵜⴻⵜⵜⴰⵎⴻⵏ ⵙ ⵓⵙⴷⵓⴽⴽⴻⵍ ⵏ ⵢⵉⵎⴰⵍ ⴰⴼⵔⵉⵇⵉ, ⵜⴻⵔⵏⵉ ⵜⴻⵟⵟⴻⴼ ⴷⴻⴳ ⵢⵉⵎⴻⵏⵣⴰⵢⴻⵏ ⵏ ⵜⵉⵎⵙⴻⵜⵍⴻⵍⵜ ⴷ ⵜⴻⵡⵎⴰⵜ.

ⵢⴻⴱⴷⴻⵔ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴱⴻⵍⵍⵉ ⴷⵣⴰⵢⴻⵔ ⵜⴻⴱⴷⵓ-ⴷ ⴷⴻⴳ ⵓⵙⵏⴰⵙ ⵏ ⵢⵉⵙⴻⵏⴼⴰⵔⴻⵏ ⵉⵙⵏⵓⴷⴷⵙⴰⵏⴻⵏ ⵉⵎⴻⵇⵇⵔⴰⵏⴻⵏ ⵢⴻⵙⵄⴰⵏ ⵓⴷⴻⵎ ⴰⵎⴻⵏⵥⴰⵡⴰⵏ, ⵜⴻⵔⵏⵉ ⵜⴻⵃⵔⴻⵣ ⵖⴻⴼ ⵓⵙⴳⴻⴷⵡⵉ ⵏ ⵜⵉⵖⴱⵓⵍⴰ ⵜⵉⴷⵉⴳⴰⵏⵉⵏ ⴷ ⵓⵔⵥⴰⵎ ⵖⴻⴼ ⵢⵉⴱⵍⴰⴳⴻⵏ ⵢⵎⴰⵢⵏⵓⵜⴻⵏ ⵢⴻⵔⵏⵉ ⵢⴻⵙⵄⴰⵏ ⵍⴰⴱⴰⵙ ⵏ ⵢⵉⴷⵉⵙⴻⵏ, ⵙ ⵓⵏⵎⵉⵔⴻⴳ ⵜⴳⴰⵔⴰ ⵏ ⵜⴻⵔⵎⵉⵚⵉⵏ ⵜⵉⴷⵔⵉⵎⴰⵏⵉⵏ ⵜⵉⴳⴻⵍⵍⵓⵢⴰⵏⵉⵏ ⴷ ⵜⵉⴳⵔⴰⵖⵍⵏⵉⵏ.

ⵢⴻⵔⵏⵉ ⵢⴻⵙⵙⵎⴻⴽⵜⵉ ⵙ ⵓⵎⵉⵔⵔⴻⵡ ⵏ ⴷⵣⴰⵢⴻⵔ, ⴷⴻⴳ ⵍⴰⴱⴰⵙ ⵏ ⵜⴰⴽⴽⴰⵢⵉⵏ, ⵙ ⵜⴻⵎⵍⵉⵍⵜ ⵜⴰⵅⴰⵜⴰⵔⵜ ⴷⴻⴳ ⵓⴷⵀⴰⵍ ⵏ ⵓⵙⵏⴻⴳⵎⵓ ⴰⴼⵔⵉⵇⵉ, ⴷⴻⴳ ⵓⵛⵉⵔⵉ ⴷ ⵓⵙⵏⴰⵙ ⵏ ⵢⵉⵙⴻⵏⴼⴰⵔⴻⵏ ⵉⵎⴻⵇⵇⵕⴰⵏⴻⵏ ⵉ ⴷ-ⵢⴻⵙⵙⴻⴹⵔⵓⵏ ⵜⵎⵓⵖⵍⵉ-ⵏⵏⴻⵙ ⴱⴻⵍⵍⵉ ⴰⵏⵎⵉⵔⴻⴳ ⴷ ⵓⵏⵓⵎⵎⴻⴷ ⵏⴻⵀⵏⵉ ⵢⴻⵍⵍⴰⵏ ⴷ ⵜⴰⵔⵔⴰⵢⵜ ⵏ ⵓⵙⴻⴹⵔⴻⵡ ⵏ ⵓⴱⴰⵖⵓⵔ ⵓⴱⵍⵉⴳ.

ⵙⴻⴳ ⵢⵉⵙⴻⵏⴼⴰⵔⴻⵏ-ⴰⵢⴰ, ⵢⴻⵍⵍⴰ ⵓⵙⴻⵏⴼⴰⵔ ⵏ ⵓⴱⵔⵉⴷ ⵢⴻⵜⵜⵄⴻⴷⴷⴰⵏ ⵖⴻⴼ ⵜⵏⵉⵔⵉ, ⵉ ⴷ-ⵢⴻⵜⵜⴻⵇⵇⵏⴻⵏ ⴷⵣⴰⵢⴻⵔ ⵙ ⵙⴻⵎⵎⵓⵙ ⵏ ⵢⵉⵡⴰⵏⴰⴽⴻⵏ ⵉⴼⵔⵉⵇⵉⵢⴻⵏ, ⵢⴻⵔⵏⵉ ⵢⴻⴽⴽⴻⵙ ⵓⵖⴹⴰⵙ ⵖⴻⴼ ⵢⵉⵡⴰⵏⴰⴽⴻⵏ ⵏ ⵓⵙⴰⵃⴻⵍ, ⴷ ⵓⵍⴽⴰⵜ ⵏ ⵓⴱⵔⵉⴷ-ⴰⵢⴰ ⵖⴻⵔ ⵓⴱⵔⵉⴷ ⴰⴷⴰⵎⵙⴰⵏ ⴷ ⵓⵏⴻⵣⵣⴰⵏ ⴰⵎⴻⴷⴷⵓⵔⴰⵏ, ⵜⴳⴰⵔⴰ ⵏ ⵜⵓⵇⵇⵏⴰ ⵏ ⵓⵏⵥⵓⵍ ⴰⴷⵣⴰⵢⵔⵉ ⵙ ⵓⵣⴻⵟⵟⴰ ⵏ  ⵢⵉⴱⵔⵓⵣⵣⵍⴰⵏⴻⵏ, ⴷⴻⴳ ⵓⴽⴰⵜⴰⵔ ⵏ ⵜⵎⵓⵖⵍⵉ ⵜⴰⵙⵏⵓⴷⴷⵙⴰⵏⵜ ⵢⴻⵙⵄⴰⵏ ⵉⵙⵡⵉ ⵏ ⵓⵙⴳⴻⵄⵎⴻⵔ ⵏ ⵡⴰⵙⵙⴰⵖ-ⴰⵢⴰ ⴷ ⵉⵡⴰⵏⴰⴽⴻⵏ ⵉⵎⴰⴷⵓⵙⴻⵏ ⵖⴻⴼ ⵓⴷⵀⴰⵍ ⵏ ⵓⵏⵓⵎⵎⴻⴷ ⴰⴳⴻⵍⵍⵓⵢⴰⵏ, ⴷ ⵓⵙⵏⴻⴳⵎⵓ ⵓⴱⵍⵉⴳ, ⴰⴽⴽⴻⴷ ⴰⴱⵔⵉⴷ ⵢⴻⵜⵜⴻⵇⵇⵏⴻⵏ ⵊⴰⵔ ⵜⵉⵏⴷⵓⴼ ⴷ ⵣⵡⵉⵔⴰⵜ ⴷⴻⴳ ⵎⵓⵔⵉⵟⴰⵏⵢⴰ, ⵢⴻⵜⵜⵡⴰⵙⵉⴷⵔⵎⴻⵏ ⵙ ⵖⴻⵔ ⵜⵏⴻⴳⴳⴰ ⵜⴰⴷⵣⴰⵢⵔⵉⵜ ⵏ ⵓⵏⵎⵉⵔⴻⴳ ⴰⴳⵔⴰⵖⵍⴰⵏ, ⵖⴻⴼ ⵜⵉⵎⵙⴻⵜⵍⴻⵍⵜ ⴷ ⵓⵙⵏⴻⴳⵎⵓ, ⵉ ⵓⵙⵉⴼⵙⴻⵙ ⵏ ⵜⵓⵇⵇⵏⴰ ⵊⴰⵔ ⵓⴳⴰⴼⴰ ⴷ ⵓⵏⵥⵓⵍ ⵏ ⵜⴻⴼⵔⵉⵇⵜ, ⴰⴽⴽⴻⴷ ⴰⵙⴻⵏⴼⴰⵔ ⵏ ⵢⵉⵙⵉⵔⴻⴳ ⴰⵙⴻⴳⴷⴰⵏ ⵢⴻⵜⵜⵄⴻⴷⴷⴰⵏ ⵖⴻⴼ ⵜⵏⵉⵔⵉ, ⵢⴻⵙⵄⴰⵏ ⵉⵙⵡⵉ ⵏ ⵓⵙⴻⴳⴷⴻⵔ ⵏ ⵜⵚⴻⴽⴽⴰ ⵜⵓⵎⴹⵉⵏⵜ ⴷ ⵓⴷⵀⴰⵍ ⵏ ⵜⴷⴰⵎⵙⴰ ⵜⵓⵎⴹⵉⵏⵜ ⴷⴻⴳ ⵜⴻⵎⵏⴰⴹⵜ ⵏ ⵓⵙⴰⵃⴻⵍ ⵖⴻⴼ ⵜⵉⴽⵍⵉ ⵜⴳⴰⵔⴰ ⵏ ⵢⵉⴽⴰⵜⴻⵏ ⵉⵙⵏⴰⵜⵡⵉⵍⴰⵏⴻⵏ ⵉⵏⵎⴰⴹⴰⵍⴻⵏ.

ⴷⴻⴳ ⵡⴰⵜⵜⴰⵍ-ⴰⵢⴰ, ⵉⴱⴻⵢⵢⴻⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⵙⴻⵏⴼⴰⵔ ⵏ ⵜⴳⵓⵎⴰⵎⵜ ⵏ ⵡⵓⵔⵔⵉⴳ ⵜⴰⵏⵉⵊⵉⵔⵉⵜ – ⵜⴰⴷⵣⴰⵢⵔⵉⵜ ⵢⴻⵜⵜⵄⴻⴷⴷⴰⵏ ⵖⴻⴼ ⵏⵉⵊⴻⵔ, ⵉ ⴷ-ⵢⴻⵍⵍⴰⵏ ⴷ ⵜⴰⴳⵉⴷⵉⵜ ⵜⴰⴳⴻⵊⴷⴰⵏⵜ ⵏ ⵓⵏⵎⵉⵔⴻⴳ ⴰⵎⴻⵏⵥⴰⵡⴰⵏ ⴷⴻⴳ ⵜⴰⵖⵓⵍⵜ ⵏ ⵜⴻⵥⵡⴻⵔⵜ ⴷ ⵓⵙⴻⴳⴷⴻⵔ ⵏ ⵓⴱⵍⴰⴳ ⵏ ⴰⵏⵥⵓⵍ-ⴰⵏⵥⵓⵍ.

ⵢⴻⵔⵏⵉ ⵢⴻⵙⵙⴻⴷⴷⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴱⴻⵍⵍⵉ ⴰⵙⴼⵓⴽⵜⵉ ⴷⴻⴳ ⵜⴹⵓⵎⵚⵓⴽⵜ ⵏⴻⵜⵜⴰ ⴷ ⵜⵉⵛⵜ ⵙⴻⴳ ⵢⵉⵎⵓⵜⵓⵔⴻⵏ ⵏ ⵓⴳⴻⵎⵎⵓ ⴰⴷⴰⵎⵙⴰⵏ, ⴷ ⵢⵉⵛⵜ ⵙⴻⴳ ⵢⵉⵎⴻⵏⵜⴰⵍ ⵏ ⵓⵙⴻⵍⵀⵓ ⵏ ⵓⵏⴻⵣⵡⵉ ⵏ ⵢⵉⵓⵎⴰⵀⵉⵍⴻⵏ, ⴷ ⵓⵔⵎⴰⵙ ⵏ ⵢⵉⵙⴼⵓⴽⵜⵉⵢⴻⵏ, ⵙ ⵎⴰⵜⵜⴰ ⴰⴷ ⵢⴻⵙⵙⴳⴷⵔⴻⵏ ⵜⴰⴷⴰⵎⵙⴰ ⵜⴰⴼⵔⵉⵇⵉⵜ ⴷ ⵜⵣⴻⵎⵎⴻⵔⵜ-ⵏⵏⴻⵙ ⵖⴻⴼ ⵜⵢⴰⴽⴰ ⴷⴻⴳ ⵓⵙⵡⵉⵔ ⴰⴳⴻⵍⵍⵓⵢⴰⵏ ⴷ ⵓⴳⵔⴰⵖⵍⴰⵏ, ⵢⴻⵔⵏⵉ ⵉⵡⴻⴽⴽⴻⴷ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⵢⴰ ⵜⴻⵙⵙⴻⴹⵔⴻⵡ ⵜⵎⵓⵖⵍⵉ ⵖⴻⵔ ⵢⵉⵖⴻⵔⴼⴻⵏ ⵉⴼⵔⵉⵇⵉⵢⴻⵏ ⴱⴻⵍⵍⵉ ⵜⴹⵓⵎⵚⵓⴽⵜ ⵜⴻⵅⴹⴰ ⴷ ⵜⴰⵚⴻⴽⴽⴰ ⵜⴰⵏⴰⴳⴰⵏⵜ, ⵏⴻⵜⵜⴰⵜ ⴷ ⴰⵥⵡⴻⵔ ⵏ ⵓⵙⵏⴻⴳⵎⵓ ⴷ ⵜⴰⵙⴰⵔⵓⵜ ⵏ ⵓⵏⵓⵎⵎⴻⴷⴻ ⴰⴼⵔⵉⵇⵉ, ⴷ ⵜⴰⴳⵉⴷⵉⵜ ⵜⴰⴳⴻⵊⴷⴰⵏⵜ ⵏ ⵓⵙⴻⴹⵔⴻⵡ ⵏ ⵢⵉⵙⵡⴰⵏ ⵏ ⵜⴻⵙⵡⴰⵙⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ 2063, ⴷ ⵓⵙⵏⴻⴳⵎⵓ ⵓⵏⵣⵉⴳ ⴷⴻⴳ ⵓⵙⵡⵉⵔ ⴰⵏⵎⴰⴹⴰⵍ.

ⴷⴻⴳ ⵡⴰⵜⵜⴰⵍ-ⴰⵢⴰ, ⵢⴻⴱⴷⴻⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⴰⴹⵓⵍⵍⵉ ⵏ ⵓⵙⴻⴳⴼⴻⵔ ⵏ ⵜⵡⴻⵏⵏⴰⴹⵜ ⵉⵡⴰⵜⴰⵏ ⴰⵎⵓⵙⵙⵓ ⵓⴼⵙⵉⵙ ⵉ ⵢⵓⴷⴰⵏ ⴷ ⵢⵉⵍⵣⴰⵣ ⴷ ⵢⵉⵎⴻⵥⵍⴰ, ⴷⴻⴳ ⵓⵥⴻⵟⵟⴰ ⵢⴻⵜⵜⵡⴰⵇⵇⵏⴻⵏ ⵏ ⵢⵉⴱⵔⵉⴷⴻⵏ ⴷ ⵢⵉⵙⵓⴳⴰⵏ ⴷ ⵢⵉⴱⵔⵓⵣⵣⵍⴰⵏⴻⵏ ⴷ ⵡⴰⵙⵓⵏⴻⵏ ⵓⵎⴹⵉⵏⴻⵏ ⴷ ⵜⵉⵖⴱⵓⵍⴰ ⵏ ⵜⴻⵥⵡⴻⵔⵜ, ⵙ ⵎⴰⵜⵜⴰ ⴰⴷ ⵢⴻⵙⵙⴳⴻⴷⵔⴻⵏ ⴰⵏⵓⵎⵎⴻⴷ ⴰⴳⴻⵍⵍⵓⵢⴰⵏ, ⵡⴰ ⴰⴷ ⵢⴻⵙⵙⴷⵓⴽⴽⴻⵍ ⵉⵍⵣⴰⵣ ⵉⴼⵔⵉⵇⵉⵢⴻⵏ.

ⴷⵣⴰⵢⴻⵔ ⵜⴻⵜⵜⴻⴳ ⵖⴻⵔ 50 ⵏ ⵢⵉⵙⴻⵏⴼⴰⵔⴻⵏ ⵉⴳⴻⵊⴷⴰⵏⴻⵏ ⵏ ⵜⴹⵓⵎⵚⵓⴽⵜ ⴷⴻⴳ ⵜⴻⵙⵏⵓⴷⴷⴻⵙⵜ ⵜⴰⵎⴻⵇⵇⵔⴰⵏⵜ

ⴷⴻⴳ ⵜⴰⵎⴰ ⵜⵉⵛⵜ, ⵉⵡⴻⴽⴽⴻⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴱⴻⵍⵍⵉ ⴷⵣⴰⵢⴻⵔ ⵜⴻⵜⵜⴽⴻⵎⵎⴰⵍ ⴷⴻⴳ ⵓⵙⵏⴰⵙ ⵏ ⵓⵊⴰⵔ ⵏ 50 ⵏ ⵢⵉⵙⴻⵏⴼⴰⵔⴻⵏ ⴷⴻⴳ ⵜⴰⵖⵓⵍⵜ ⵏ ⵜⴹⵓⵎⵚⵓⴽⵜ, ⴷⴻⴳ ⵓⴽⴰⵜⴰⵔ ⵏ ⵜⴻⵙⵏⵓⴷⴷⴻⵙⵜ ⵜⴰⵖⴻⵍⵏⴰⵡⵜ ⵉⵙⵡⵉ-ⵏⵏⴻⵙ ⴷ ⴰⵙⴻⵎⵀⴻⵣ ⵏ ⵜⴰⴷⴰⵎⵙⴰ ⵜⴰⵖⴻⵍⵏⴰⵡⵜ ⴷ ⵙⴻⴳⴷⴻⵔ ⵏ ⵜⵢⴰⴽⴰ-ⵏⵏⴻⵙ, ⵢⴻⵔⵏⵉ ⵢⴻⵙⵙⴻⴳⵣⵉ-ⴷ ⴱⴻⵍⵍⵉ ⵉ ⵙⴻⵏⴼⴰⵔⴻⵏ-ⴰⵢⴰ ⵙⵄⴰⵏ ⵍⴰⴱⴰⵙ ⵏ ⵢⵉⴳⵣⵓⵎⴻⵏ ⵉⴷⴻⵜⵜⴰⵏⴻⵏ ⵢⴻⵎⴳⴻⵔⵔⴰⴷⴻⵏ, ⵙⴻⴳ-ⵙⴻⵏ ⵙⴻⵏ ⵏ ⵢⵉⵙⴻⵏⴼⴰⵔⴻⵏ ⵉⵙⵏⵓⴷⴷⵙⴰⵏⴻⵏ ⵏ ⵢⵉⴱⵔⵓⵣⵣⵍⴰⵏⴻⵏ : ⴰⵎⴻⵣⵡⴰⵔⵓ ⵢⴻⵜⵜⵄⴻⴷⴷⴰ-ⴷ ⵖⴻⴼ 950 ⴽⵎ ⵉ ⵜⵓⵇⵇⵏⴰⵏ ⵓⵏⴰⵖⴻⵣ ⵏ ⴳⴰⵔⴰ ⴷⵊⴱⵉⵍⴻⵜ ⴷⴻⴳ ⵜⴻⵎⴷⵉⵏⵜ ⵏ ⴱⴻⵛⵛⴰⵔ, ⵡⵉⵙ ⵙⴻⵏ ⵙ ⵓⵎⴻⵛⵛⴰⵇ ⵏ 420 ⴽⵎ ⵖⴻⴼ ⵜⵓⵇⵇⵏⴰ ⵏ ⵓⵙⴰⴳⴻⵏ ⵏ ⴰⵏⵏⴰⴱⴰ ⵙ ⵜⴻⵎⵏⴰⴹⵜ ⵏ ⵊⴱⴻⵍ ⴰⵍ ⵓⵏⵇ (ⵜⵉⴱⴻⵙⵜ) ⴷⴻⴳ ⵓⴽⴰⵜⴰⵔ ⵏ ⵓⵙⴻⵏⴼⴰⵔ ⴰⵖⴻⵍⵏⴰⵡ ⴰⵎⴻⵇⵇⵔⴰⵏ ⵏ ⵓⵙⴻⵎⵀⴻⵣ ⵏ ⵓⵣⴻⵟⵟⴰ ⵏ ⵓⵎⴻⵙⵏⵉ ⴷ ⵓⵙⴻⴳⴷⴻⵔ ⵏ ⵓⵏⵓⵎⵎⴻⴷ ⴰⴷⴰⵎⵙⴰⵏ.

ⵜⴻⵄⵏⴰ ⵜⵖⴰⵡⵙⴰ-ⴰⵢⴰ ⵄⴰⴷ ⴰⵙⴻⴹⵔⴻⵡ ⵏ 5 ⵏ ⵜⴻⵖⵙⴰⵔ ⵜⵉⵎⴰⵢⵏⵓⵜⵉⵏ ⵏ ⵓⵙⴻⵥⴹⵉ ⵏ ⵡⴰⵎⴰⵏ ⵏ ⵢⵉⵍⴻⵍ ⴷⴻⴳ ⵜⵡⵉⵍⴰⵢⵉⵏ ⵏ ⵡⴻⵀⵕⴰⵏ, ⵜⵉⴱⴰⵣⴰ, ⵜⴰⵔⴻⴼ, ⴱⵓⵎⴻⵔⴷⴰⵙ ⴷ ⴱⴳⴰⵢⴻⵜ, ⴰⵎⵎⴻⴽ ⵉ ⴷ-ⵢⴻⵇⵇⴰⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵢⴻⵔⵏⵉ ⵢⴻⴽⵜⵉ-ⴷ ⵖⴻⴼ ⵓⵙⴳⴻⵄⵎⴻⵔ ⵏ ⵓⵣⵔⵉⵔ ⵏ ⵓⵎⵉⵜⵔⵓ ⵏ ⴷⵣⴰⵢⴻⵔ ⴱⴰⵛ ⴰⴷ ⵉⵄⴻⴷⴷⴰ ⵖⴻⵔ ⵓⵏⴰⴼⴰⴳ ⴰⴳⵔⴰⵖⵍⴰⵏ, ⴷ ⵓⵙⴻⵍⵀⵓ ⵏ ⵓⵎⴻⵙⵏⵉ ⴰⵖⴻⵔⵎⴰⵏ.

ⴷⴻⴳ ⵜⴰⵖⵓⵍⵜ ⵏ ⵜⵏⴻⵣⴷⵓⵖⵜ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴱⴻⵍⵍⵉ ⴷⵣⴰⵢⴻⵔ ⵜⴻⵙⵏⴻⵙ ⴰⵀⵉⵍ ⴰⵖⴻⵍⵏⴰⵡ ⵖⴻⴼ ⵜⵎⴻⵚⴽⵉⵡⵜ ⵏ ⵙⴻⵏ ⵏ ⵢⵉⵎⴻⵍⵢⴰⵏ ⵏ ⵜⵏⴻⵣⴷⵓⵖⵉⵏ ⴷ ⵓⵙⴻⵎⵀⴻⵣ ⵏ ⵢⵉⵙⴼⵓⵢⵍⴰ ⵉⵖⴻⵔⵎⴰⵏⴻⵏ ⵉⵎⴻⵇⵇⵔⴰⵏⴻⵏ ⴷⴻⴳ ⵜⵡⵉⵍⴰⵢⵉⵏ ⵢⴻⵎⴳⴻⵔⵔⴰⴷⴻⵏ, ⵉ ⵜⵉⵔⵉⵔⵜ ⵖⴻⴼ ⵓⵙⵓⵜⴻⵔ ⵉⵔⴻⵏⵏⵉⵏ ⴷ ⵓⵙⴻⴳⴷⴻⵔ ⵏ ⵓⵙⴻⵎⵏⴻⴽⵏⵉ ⴰⴳⴻⵍⵍⵓⵢⴰⵏ.

ⵢⴻⵔⵏⵉ ⵉⵡⴻⴽⴽⴻⴷ ⴰⵙⵎⵓⵜⴻⴳ ⵏ ⴷⵣⴰⵢⴻⵔ ⵖⴻⴼ ⵓⴽⴻⵎⵎⴻⵍ ⵏ ⵓⵎⴰⵀⵉⵍ ⵜⴳⴰⵔⴰ ⵏ ⴰⵢⴻⵜⵎⴰⵙ ⵉⴼⵔⵉⵇⵉⵢⴻⵏ, ⴷ ⵜⵙⵓⴷⴰ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵖⴻⴼ ⵓⵙⴻⴹⵔⴻⵡ ⵏ ⵢⵉⵙⵡⴰⵏ ⵉⵎⴻⵇⵇⵔⴰⵏⴻⵏ ⵏ ⵓⵙⵏⴻⴳⵎⵓ ⴰⴼⵔⵉⵇⵉ ⴷ ⵓⵙⴻⴳⴷⴻⵔ ⵏ ⵜⵎⵓⵖⵍⵉ ⵏ ⵓⵏⵓⵎⵎⴻⴷ ⴰⴷⴰⵎⵙⴰⵏ ⵉ ⴷ-ⵢⴻⵍⵍⴰ ⴷ ⵢⵉⵛⵜ ⵙⴻⴳ ⵜⴳⵉⴷⵉⵏ ⵏ ⵜⵎⵓⵖⵍⵉ ⵜⴰⴼⵔⵉⵇⵉⵜ, ⵢⴻⵅⵙⴻⵏ ⴰⴷ ⵜⴻⵚⴽ ⵜⴰⴼⵔⵉⵇⵜ ⵉⴳⴻⴷⵔⴻⵏ ⵢⴻⵔⵏⵉ ⵢⴻⴷⴷⵓⴽⴽⵍⴻⵏ, ⵢⴻⵜⵜⵓⵜⵍⴰⵏ ⵙ ⵜⵉⵛⵜ ⵏ ⵜⴰⵖⴻⵛⵜ ⵜⴻⵔⵏⵉ ⵜⴻⴳⴳⵓⵔ ⵙ ⵜⵉⵛⵜ ⵏ ⵜⵎⴻⵖⵙⵉⵡⵜ ⵖⴻⵔ ⵢⵉⵎⴰⵍ.